Afati kalimtar i verës 2026 ka sjellë rekorde të reja në shpenzimet për transferime, me Ligën Premier që vijon të jetë kampionati më investues në këtë drejtim.

Përveçse shpenzojnë shuma të mëdha, klubet angleze kanë përfituar ndjeshëm edhe nga shitja e futbollistëve. Veçanërisht të kushtueshme kanë qenë marrëveshjet mes skuadrave të Ligës Premier, ku vlerat e disa transferimeve kanë ngritur pikëpyetje.

Në listën e klubeve që kanë arkëtuar më shumë nga shitjet këtë verë, Chelsea renditet në vendin e parë. Skuadra londineze drejtohet nga Xabi Alonso.

Prania e klubeve angleze është dominuese në këtë klasifikim: gjashtë prej dhjetë ekipeve me të ardhurat më të larta vijnë nga Liga Premier.

Katër klubet e tjera janë PSG, RB Leipzig, Sportingu i Portugalisë dhe Strasbourg.

Renditja e plotë e skuadrave që kanë gjeneruar më shumë të ardhura nga transferimet gjatë kësaj vere është si më poshtë:

10 klubet që arkëtuan më shumë

Chelsea – 447.8 milionë euro

Aston Villa – 365.25 milionë euro

Manchester City – 337.02 milionë euro

PSG – 334.03 milionë euro

Newcastle United – 279.1 milionë euro

West Ham – 217.15 milionë euro

Strasbourg – 200.85 milionë euro

Sporting CP – 200.85 milionë euro

Brighton – 192.15 milionë euro

RB Leipzig – 175.75 milionë euro

Me 447.8 milionë euro të arkëtuara, Chelsea kryeson dukshëm, ndërsa Aston Villa dhe Manchester City zënë përkatësisht vendin e dytë dhe të tretë.

Të dhënat e këtij afati kalimtar konfirmojnë sërish kapacitetin financiar të klubeve të Ligës Premier, të cilat krahas investimeve rekord në blerje, sigurojnë edhe të ardhura të konsiderueshme nga shitja e lojtarëve.

The post Dhjetë klubet që siguruan të ardhurat më të mëdha nga transferimet e verës appeared first on Albeu.com.

Kalimi i De Jong nga Ajaxi te Barcelona, me vlerë 86 milionë euro, e vendos mesfushorin në krye të listës historike.

Vetëm 500 mijë euro më pak kushtoi transferimi i Matthijs de Ligt nga Ajaxi te Juventusi, që e pozicionon atë të dytin me 85.5 milionë euro. Në vendin e tretë është Virgil van Dijk, për të cilin Liverpooli i pagoi Southamptonit 84.7 milionë euro.

Renditja vijon me një tjetër lëvizje të De Ligt, këtë herë nga Juventusi te Bayern Munich. Mbrojtësi kaloi te klubi gjerman për 67 milionë euro dhe zë vendin e katërt.

Xavi Simons është i pesti, pas transferimit nga RB Leipzig te Tottenham Hotspur për 65 milionë euro. Në gjashtëshen e parë përfshihet edhe Crysencio Summerville, i cili u largua nga Ëest Ham drejt Al Hilal për 64.5 milionë euro.

Tijjani Reijnders renditet i shtati falë kalimit nga Milan te Manchester City, një marrëveshje e vlerësuar në 61 milionë euro.

Tre pozicionet e fundit plotësohen nga Jan Paul van Hecke me 60 milionë euro, Teun Koopmeiners me 58.4 milionë euro dhe sërish Tijjani Reijnders, transferimi i mëparshëm i të cilit nga AZ te Milani kushtoi 54.9 milionë euro.

Në total, katër prej dhjetë transferimeve kryesore lidhen me futbollistë që u larguan nga klubet holandeze. Megjithatë, rekordi vazhdon t’i përkasë Frenkie de Jong.

The post De Jong në krye: Dhjetë transferimet rekord të futbollistëve holandezë appeared first on Albeu.com.

Pas barazimit 2-2 me Burnleyt në sfidën e parë të sezonit në Kampionat, West Ham United ka reaguar ndaj thirrjeve të tifozëve kundër Manor Solomonit.

Klubi londinez u ka kërkuar mbështetësve të heqin dorë nga një këngë që e përshkroi si “ofenduese dhe përçarëse”, pasi sipas tij ajo përmban një “mesazh anti-palestinez”.

West Hami rikujtoi në deklaratën e publikuar zyrtarisht se barazia, diversiteti dhe përfshirja janë vlera themelore të klubit. Sipas drejtuesve, përkrahja për skuadrën nuk duhet të shoqërohet me fyerje apo diskriminim ndaj personave të tjerë.

“Ne i inkurajojmë tifozët tanë të këndojnë me zë të lartë dhe me krenari për klubin dhe lojtarët që veshin fanellën kuq e kaltër, por asnjëherë në një mënyrë që krijon përçarje apo ofendon tifozët e tjerë”, thuhet në deklaratën e West Hamit.

Kjo nuk është hera e parë që Solomon përballet me kore të këtij lloji. Të njëjtat incidente u raportuan edhe gjatë vitit 2025, kur sulmuesi luante i huazuar te Leeds United.

Edhe në atë rast, West Hami e dënoi sjelljen e tifozëve dhe theksoi se klubi ndjek një politikë tolerance zero ndaj diskriminimit.

Klubi londinez pranon se mbështetja nga tribunat është jetike për atmosferën në stadium, por nënvizon se ajo duhet të shprehet pa cenuar dhe pa fyer persona apo komunitete të tjera.

The post West Ham dënon koret ndaj Manor Solomonit dhe vendos kufij të qartë kundër diskriminimit appeared first on Albeu.com.

West Ham ka vendosur një rekord të ri për klubet e kategorisë së dytë angleze, duke siguruar shumën më të madhe nga shitjet e lojtarëve gjatë një afati kalimtar.

Ndonëse sezonin e ardhshëm do të luajë në Championship, skuadra londineze ka arkëtuar plot 179 milionë euro vetëm nga largimi i dy futbollistëve.

Marrëveshja më e kushtueshme ishte transferimi i Mateus Fernandes te Tottenham Hotspur për 99 milionë euro. Ky operacion u bë shitja më e shtrenjtë në historinë e West Hamit, si dhe një prej blerjeve me vlerën më të lartë të realizuara ndonjëherë nga Spurs.

Vetëm pak javë më pas, Crysencio Summerville kaloi tek Al Hilali në Arabinë Saudite për 80 milionë euro. Holandezi u rendit kështu mes përforcimeve më të shtrenjta në historinë e klubit saudit.

Dy shitjet i japin frymëmarrje financave të klubit

The Telegraph raporton se, pas rënies nga Liga Premier, West Ham duhej të mblidhte rreth 150 milionë funte përmes shitjes së futbollistëve, në mënyrë që të rivendoste ekuilibrin financiar. Zbritja nga elita i shkaktoi klubit rreth 100 milionë euro humbje në të ardhura.

Përmes këtyre dy transferimeve, West Ham jo vetëm arriti të stabilizonte gjendjen financiare, por regjistroi gjithashtu një rekord të ri për një ekip të Championship.

Mateus Fernandes kishte tërhequr interesimin e disa prej klubeve më të mëdha të Evropës, mes tyre Real Madridi dhe Manchester Unitedi, përpara se të zgjidhte Tottenhamin. Në fund, ishte pikërisht klubi londinez që investoi 99 milionë euro për mesfushorin portugez.

Në anën tjetër, Summerville ishte fare pranë transferimit te Roma, por propozimi përfundimtar i Al Hilalit e bindi të kalonte në Arabinë Saudite. Klubi saudit pagoi rreth 70 milionë euro, duke e kthyer holandezin në blerjen e dytë më të shtrenjtë të historisë së tij, pas Neymarit.

Këto shuma tregojnë se Championship mbetet një burim i rëndësishëm financiar. Në të njëjtën kohë, rasti i West Hamit dëshmon se marrëveshje rekord në tregun e transferimeve mund të realizohen edhe pas rënies nga kategoria elitare.

Shitjet më të shtrenjta të klubeve të divizionit të dytë në pesë ligat kryesore

1. Mateus Fernandes (West Ham → Tottenham) – 99 milionë euro

2. Crysencio Summerville (West Ham → Al Hilal) – 70 milionë euro

3. Roméo Lavia (Southampton → Chelsea) – 62.1 milionë euro

4. Mateus Fernandes (Southampton → West Ham) – 52.25 milionë euro

5. Georginio Rutter (Leeds United → Brighton) – 46.7 milionë euro

6. James Maddison (Leicester → Tottenham) – 46.3 milionë euro

7. Nathan Aké (Bournemouth → Manchester City) – 45.3 milionë euro

8. Harvey Barnes (Leicester → Newcastle) – 44 milionë euro

9. Omari Hutchinson (Ipswich → Nottingham Forest) – 43.4 milionë euro

10. Archie Gray (Leeds United → Tottenham) – 41.25 milionë euro

The post Rekord në Angli: West Ham arkëton 179 milionë euro nga shitja e vetëm dy futbollistëve appeared first on Albeu.com.

Al-Hilal ka arritur një marrëveshje marramendëse me West Ham United për transferimin e anësorit holandez Crysencio Summerville, duke paguar një shifër prej 80 milionë eurosh për një lojtar që aktualisht aktivizohet në Championship.

Është një lëvizje që tregon se klubet saudite nuk kanë ndërmend të kursejnë shpenzimet në merkato, edhe kur bëhet fjalë për futbollistë që nuk luajnë në elitë.

I dalë me emër pas paraqitjeve pozitive me Holandën në Kupën e Botës së fundmi, 24-vjeçari ka firmosur tashmë kontratën e re dhe do të vijojë rrugëtimin e tij profesional në Arabinë Saudite.

Që prej mbërritjes në Londër dy sezone më parë, Summerville ka grumbulluar 56 paraqitje dhe ka shënuar vetëm tetë herë për West Hamin. Shifrat modeste nuk e penguan aspak përfundimin e kësaj marrëveshjeje kolosale.

Për holandezin kishte shfaqur interesim edhe Roma në Serie A, por tarifa e lartë e kërkuar e bëri të pamundur transferimin e tij në kampionatin italian.

Gjatë aventurës botërore, ai gjeti rrugën e rrjetës në dy raste, përkatësisht ndaj Japonisë dhe Suedisë, përpara se Holanda të eleminohej në raundin e 16-shes nga Maroku.

Kjo lëvizje e bujshme vjen pas një tjetër shitjeje madhore për West Hamin, i cili pavarësisht rënies nga Premier League, arriti të cedonte këtë verë Matheus Fernandez te Tottenhami për shumën e 100 milionë eurove.

The post Edhe kjo ndodh në futboll: Nga kategoria e dytë angleze te skuadra arabe për 80 milionë euro appeared first on Albeu.com.

Tottenham Hotspur ka bërë zyrtare afrimin e mesfushorit Mateus Fernandes nga West Ham United, në një operacion që kap vlerën e 85 milionë funtesh, ose 100 milionë euro, duke vendosur një rekord të ri për klubin.

21-vjeçari portugez ishte edhe në radarët e Manchester United, por në fund Spurs fituan garën për shërbimet e tij. Ai ka firmosur një kontratë afatgjatë me skuadrën nga veriu i Londrës.

Kjo marrëveshje kalon shifrën e mëparshme më të lartë të paguar nga klubi londinez, që ishte 65 milionë funte për Dominic Solanke, i ardhur nga Bournemouth.

“Jemi të kënaqur të njoftojmë nënshkrimin e Mateus Fernandes. Mesfushori 21-vjeçar i kombëtares portugeze vjen nga West Ham United”, thuhet në njoftim.

Në nisje të afatit kalimtar veror, Tottenhami ka qenë mjaft aktiv. Fernandes është përforcimi i dytë me kosto të lartë, pas mbrojtësit Jan Paul van Hecke, i cili iu bashkua ekipit nga Brighton për 60 milionë eurosh.

Klubi ka afruar gjithashtu si lojtarë të lirë mbrojtësit Andy Robertson dhe Marcos Senesi, si edhe portierin Martin Dubravka.

Lëvizjet në merkato mund të mos ndalen këtu, pasi Spurs po afrohen me mesfushorin e Newcastle United, Sandro Tonali. Për italianin raportohet një ofertë rreth 120 milionë euro, e cila mund të thyejë sërish rekordin e blerjeve të klubit.

Fernandes kaloi te West Ham verën e kaluar nga Southampton, në një transferim me vlerë afërsisht 45 milionë eurosh, pas rënies së “Saints” nga kategoria.

Me fanellën e “Çekanëve”, ai luajti në të 38 ndeshjet e Ligës Premier dhe realizoi katër gola, në një tjetër sezon që u mbyll me rënie nga kategoria.

Mesfushori debutoi me kombëtaren e Portugalisë në prill, por Roberto Martinez nuk e përfshiu në listën për Kupën e Botës këtë verë.

The post Tottenham konfirmon blerjen më të shtrenjtë në historinë e klubit appeared first on Albeu.com.

Sipas ESPN, Real Madridi synon që gjatë kësaj vere të firmosë me një mesfushor qendror elitar, ndërsa në listën e objektivave kryesorë janë Enzo Fernandez, Mateus Fernandes dhe Ayyoub Bouaadi.

Pas marrjes së kontrollit të plotë mbi lëvizjet në merkato te madrilenët, Mourinho ka nisur të përcaktojë vetë emrat që dëshiron të sjellë në ekip.

Enzo Fernandez e ka pasur ëndërr të luajë për Los Blancos, megjithatë pengesa më e madhe mbetet vlera prej 130 milionë eurosh që Chelsea kërkon për të.

Një tjetër alternativë është Fernandes i West Hamit, një profil që Mourinho e vlerëson shumë dhe që ua ka propozuar drejtuesve të Real Madridit, ndërsa “Hammers” e çmojnë kartonin e tij në 80 milionë euro.

Po ashtu, vëmendjen e Real Madridit e ka tërhequr edhe talenti i Lille, Bouaddi, i cili aktualisht po spikat fuqishëm me Marokun në Kupën e Botës 2026.

Los Merengues e dinë se, përpara se të realizojnë nënshkrime të tjera, duhet të kryejnë shitje të rëndësishme, duke qenë se këtë verë kanë afruar tashmë disa lojtarë të rinj.

The post Mourinho synon një tjetër mesfushor te Real Madridi, tre emra në krye të listës appeared first on Albeu.com.