Burnley siguroi një barazim në ndeshjen hapëse të Championship kundër West Hamit, me Armando Brojën që pati ndikim në rikthimin e skuadrës së tij.

Sulmuesi shqiptar e nisi takimin në stol dhe u aktivizua në minutën e 76-të, kur West Hami kryesonte 2-0. Pasimi i Brojës solli penalltinë për Burnleyn, ndërsa Fleming u tregua i saktë nga pika e bardhë dhe ngushtoi diferencën në 2-1.

Goli i dytë i Burnleyt erdhi në minutat shtesë, duke vendosur rezultatin përfundimtar 2-2. Për skuadrën e Brojës, kjo ishte një pikë e rëndësishme, ndërsa paraqitja e tij lë të kuptohet se sulmuesi mund të ketë minuta edhe gjatë sezonit të ri.

Pasimi i Armando Brojës

The post VIDEO/ Burnley përmbys disavantazhin ndaj West Hamit, Broja asiston në aksionin e penalltisë appeared first on Albeu.com.

Ditët e Armando Brojës te Burnley duket se po shkojnë drejt fundit, pasi largimi i sulmuesit nga skuadra konsiderohet praktikisht i vendosur.

Interesimi për shkodranin ka qenë konkret, me Lazion e Serie A që u përmend fillimisht si një prej destinacioneve të mundshme. Megjithatë, klubi italian mund të mos jetë i vetmi që ka nisur të shqyrtojë mundësinë e transferimit të 24-vjeçarit.

Korrespondenti i “The Athletic”, Roshane Thomas, raporton se West Ham ka nisur bisedimet me Burnleyn për të mësuar hollësitë e operacionit. Drejtuesit e klubit po vlerësojnë gjithashtu mundësinë e përfshirjes së Oliver Scarles, i cili është ofruar për ta bërë më të lehtë realizimin e lëvizjes.

Tashmë pritet të mësohet se cili do të jetë destinacioni i ardhshëm i Armando Brojës. Sulmuesi synon një kthesë të rëndësishme në karrierë, pasi transferimi i tij aktual ka rezultuar deri tani nën pritshmëri dhe e ka nxjerrë jashtë vëmendjes.

The post Lazio në garë, Armando Broja përfundon edhe në radarët e gjigantëve të Premier League appeared first on Albeu.com.