Presidentja e Kosovës, Vjosa Osmani, mori pjesë në gala mbrëmjen e zhvilluar nga Albanian-American Relations Council në Shtetet e Bashkuara të Amerikës, ku u takua edhe me ish-gjeneralin amerikan Wesley Clark.

Pas aktivitetit, përmes një postimi, Osmani shprehu kënaqësinë për praninë e saj në këtë organizim dhe vlerësoi kontributin e mërgatës shqiptare në Amerikë për lirinë dhe pavarësinë e Kosovës.

“Ishte kënaqësi të flasë në gala mbrëmjen e organizuar nga Albanian-American Relations Council dhe t’i falënderoj mërgatën tonë në Amerikë për kontributin e jashtëzakonshëm për lirinë dhe pavarësinë e Kosovës”, ka shkruar Osmani, transmeton “Bota sot”.

Ajo nënvizoi gjithashtu rëndësinë që ka luajtur diaspora shqiptare në Shtetet e Bashkuara gjatë rrugëtimit historik të Kosovës.

The post Osmani në SHBA, merr pjesë në gala mbrëmjen e Albanian-American Relations Council dhe takohet me Wesley Clark appeared first on Albeu.com.