Për këtë ngjarje ka reaguar edhe Wesley Clark, gjenerali në pension i ushtrisë amerikane, ish-komandant suprem i aleatëve në Evropë. Ai shkroi në rrjetin social X, ish-Twitter, se Amerika duhet t’i përgjigjet sulmit në Jordani duke goditur objektivat iraniane.

“Amerika duhet të ndalojë duke thënë ‘ne nuk duam përshkallëzim’. Për ta është një ftesë për të na sulmuar. Mos i quani sulmet tona ‘përgjigje’. Është reaguese. Ne duhet të shkatërrojmë aftësitë e tyre ushtarake dhe të godasim burimin: Iranin”.

Pas ngjarjes reagoi edhe Biden, i cili u zotua se do të gjithë përgjegjësit do të japin llogari për ngjarjen e rëndë, teksa e drejtoi gishtin nga grupet militante të mbështetura nga Irani.

“Natën e kaluar, tre ushtarë amerikanë u vranë dhe shumë të tjerë u plagosën gjatë një sulmi me dron ndaj forcave tona të vendosura në Jordaninë verilindore pranë kufirit me Sirinë. Ndërsa jemi ende duke mbledhur fakte për këtë sulm, ne e dimë që ai është kryer nga grupe militante radikale të mbështetura nga Irani që veprojnë në Siri dhe Irak. Të gjithë përgjegjësit do të japin llogari për këtë ngjarje. Tre patriotët do të nderohen për trimërinë e tyre, ndërsa ne do të vazhdojmë angazhimin tonë për të luftuar terrorizmin”, tha presidenti amerikan.

Sulmi ka ndodhur në një zonë pranë kufirit me Sirinë, duke përshkallëzuar edhe më tej pasigurinë në Lindje të Mesme. Që nga e premtja, më shumë se 158 sulme janë shënuar ndaj forcave amerikane dhe atyre partnere vendase në Irak dhe në Siri. Megjithatë, zyrtarët amerikanë e kishin përshkruar breshërinë e raketave e sulmeve të dronëve si të pasuksesshme, teksa shumë ishin eliminuar që në ajër duke mos shkaktuar të lënduar dhe dëme në infrastrukturë.

The post Vrasja e ushtarëve amerikanë, reagon Wesley Clark: Të godasim burimin e sulmeve, Iranin! appeared first on Albeu.com.

Një veturë ka humbur kontrollin dhe ka përfunduar brenda një xhamie.

Policia ka konfirmuar se si pasojë e vetaksidentit lëndime trupore kanë pësuar tre persona, të cilët janë dërguar për trajtim mjekësor në emergjencën e Spitalit Rajonal të Pejës dhe më pas janë liruar për në shtëpi.

Pamje nga vendi i ngjarjes kanë publikuar mediat lokale./Gazeta Express/

The post E rëndë në Kosovë, makina hyn brenda xhamisë në Pejë! Raportohet për të lënduar (FOTO LAJM) appeared first on Albeu.com.

Prezenca e tyre i kapi në befasi trupat e NATO-s, të cilët kishin në plan të zbarkonin në Aeroportin e Prishtinës pas 78 ditësh fushatë të bombardimeve.

Një konfrontim i mundshëm mes forcave aleate të NATO-s dhe atyre ruse kishte rritur shqetësimet deri në atë masë sa që pati të tilla deklarata se aty mund të niste edhe Lufta e Tretë Botërore.

Gjenerali amerikan në pension, Wesley Clark, komandant i forcave të NATO-së në atë kohë, kishte urdhëruar ndaljen e trupave ruse, largimin e tyre nga aeroporti dhe bllokimin e furnizimit.

23-vjet më pas kur Clark kujton këtë ngjarje, me qetësi thotë se s’do të mund të ndodhte diçka e tillë. Clark për Express ka thënë se frika se mund të shpërthente një Luftë e Tretë aty ishte më shumë një shqetësim i ekzagjeruar i gjeneralit britanik që ishte në stres.

“Nuk kishte një rrezik të tillë. Ai ishte thjesht një shqetësim i ekzagjeruar që e shprehu një gjeneral britanik duke qenë nën stres të madh”, ka qenë përgjigjja e Clarkut./GazetaExpress/

The post Lufta e Tretë Botërore në Kosovë? Clark jep përgjigjen interesante appeared first on Albeu.com.

Në një video-incizim drejtuar qytetarëve të Kosovës dhe Kuvendit të Kosovës, Clark tha se me këtë intervenim botës i është dhënë dritë dhe shpresë.

Ish-gjenerali Clark tha se është krenar me të arriturat e Kosovës përgjatë këtyre viteve.

“Të gjithë miqve në Kosovë, Qeverisë, popullit të Kosovës, dua të ju uroj në këtë ditë shumë të rëndësishme të 24 marsit. Në këtë ditë, në vitin 1999 misionet e para ajrore të NATO-s hynë në Kosovë dhe kjo ka ndryshuar historinë e Kosovës,. Ka ndryshuar historinë e Evropës”, tha ai.

Clark shtoi se i është dhënë dritë dhe shpresë botës.

“Por jam posaçërisht shumë krenar për të gjithë ju në Kosovë. Për demokratizimin që keni bërë, për zhvillimin ekonomik sfidues që kemi ndërmarrë dhe jam veçanërisht mirënjohës për miqësinë e jashtëzakonshme që keni treguar ndaj ShBA-së”, deklaroi ai në një video-mesazh.

Ish-komandanti i NATO-s, Wesley Clark tha gjithashtu se për të është nder i jetës që pati mundësinë të ndihmojë në ndalimin e spatrimit etnike të Serbisë në Kosovë.

“Për mua, ishte nder i jetës që isha komandant i NATO-s dhe që pata mundësinë të ndihmoj në ndalimin e spastrimit etnik. Jam i mërzitur kur kuptova që e madhja, ish-sekretarja jonë e Shtetit, Madeleine Albright vdiq sot. Unë takona presidentin Clinton dhe par tre-katër ditësh isha me Tony Blair. Ne ishim bashkë dhe të gjithë ishim të mendimit që 23 vite më parë kishim bërë gjënë e duhur. Për Kosovën dhe bëmë gjënë e duhura për NATO-n, bëmë gjënë e duhur për botën”, tha Clark.

Wesley Clark përmendi njashtu edhe situatën në Ukrainë, ku shtoi se fokusi nga Kosova nuk është larguar.

“Sot jemi në një krizë tjetër. Kur isha në Kosovë, verën e kaluar bisedova me shumë anëtarë të Qeverisë për Ukrainën dhe se cilat janë ngjashmëritë. Sot e gjithë vëmendja është e fokusuar drejt Ukrainës por unë jam duke punuar shumë për t’u siguruar që të mbajmë fokusin tonë në Kosovë. Ju ende keni nevojë për ndihmën tonë, ne e dimë këtë, e vlerësojmë atë”, tha Clark.

Përpos kësaj, ish-komandanti i NATO-s shtoi se gjithmonë do të duan që Kosova të ketë më të mirën për demokracinë.
Ai uroi për 23 vjetorin e intervenimit të NATO-s në Kosovë dhe tha se ShBA-të do të vazhdojë që tra përcjellin Kosovën dhe ta mbështesë atë.

“Prandaj, të gjitha urimet tona, të gjitha bekimet nga Shtetet e Bashkuara të Amerikës në këtë ditë të rëndësishme. Suksese ne të ardhmen. Ne do të ju përcjellim dhe do të bëjmë gjithçka që mundemi për të ju mbështetur. Faleminderit”, shtoi ai./Lajmi.net/

The post Wesley Clark: Ishte nder i jetës që pata mundësinë të ndihmoj në ndalimin e spastrimit etnik të Kosovës appeared first on Albeu.com.