Wembley Archives - Albeu.com

Arsenal “fluturon” në finalen e Carabao Cup, “thyen” sërish Chelsea-n, Arteta: Është magjike, jemi në Wembley (VIDEO)

V K — Wed, 04 Feb 2026 08:26:16 +0000

Arsenal po përjeton sezonin më të mirë në vitet e fundit, me ekipin e Arteta-s që është në garë me kokë të plotë për çdo trofe.

Me të drejtë tifozët e Arsenal ëndërrojnë për një vit të suksesshëm, teksa të besuarit e tyre hodhën një tjetër hap të rëndësishëm, siguruan një biletë për në finalen e Carabao Cup.

Suksesi 3-2 ndaj Chelsea-t në transfertë në sfidën e parë, i jepte Arsenal një bonus të madh për ndeshjen e kthimit.

Të shtyrë dhe nga rezultati i derbit të parë, Chelsea ishte më superior, krijuan 14 raste, por goditën vetëm 2 herë kuadratin. “Topçinjtë” nuk qëndruan pasiv, por shfrytëzuan në maksimum detajet e këtij takimi.

Me Chelsea-n të hedhur përpara në kërkim të golit, Arsenal i kapi “mat” me një kundërsulm të shpejtë në minutën e 97-të, ku Kai Havertz finalizoi me shumë klas duke bërë që Arteta dhe pjesa tjetër e Arsenal të shpërthenin në festë për arritjen e finales së Carabao Cup, aty ku do të përballen me fituesin e çiftit Newcastle-Man.City.

Nuk e fshehu gëzimin për këtë sukses Mikel Arteta: “Jemi shumë të lumtur. Mendoj se në përgjithësi gjatë dy ndeshjeve e meritonim të kalonim më tej. Ishte një ndeshje e vështirë, ndaj një rivali të shkëlqyer, por arritëm ta mbyllnim në fund me atë gol të bukur nga Kai. Jemi në Wembley, kjo është thjesht magjike”, u shpreh Arteta.

The post Arsenal “fluturon” në finalen e Carabao Cup, “thyen” sërish Chelsea-n, Arteta: Është magjike, jemi në Wembley (VIDEO) appeared first on Albeu.com.

Dua Lipa mbush stadiumin Wembley, ndalesa e radhës edhe Prishtina

D Marku — Thu, 19 Jun 2025 15:10:52 +0000

Dua Lipa, ylli shqiptar me famë botërore, po shkëlqen në skenat më të mëdha të globit. Këtë javë, ajo do të performojë në stadiumin legjendar Wembley në Londër, dhe jo një herë, por dy net me radhë, më 20 dhe 21 qershor.

Të dy koncertet janë “sold out”, me mbi 160 mijë bileta të shitura brenda minutave, një tjetër rekord në rrugëtimin e saj triumfues.

E gjitha kjo është pjesë e turneut të saj të ri “Radical Optimism”, që po përshkruhet si një shpërthim energjie, muzike dhe bashkëpunimesh me emra të mëdhenj të industrisë, përfshirë edhe fitues të çmimeve Grammy që pritet të jenë mysafirë surprizë në skenë.

Në Londër është hapur edhe një pop-up shop ekskluziv i Dua Lipës, ku fansat mund të blejnë produkte të personalizuara, të bëjnë foto e madje të provojnë pijet e saj të preferuara.

Pas Wembley-t, Dua do të ndalet në Anfield në Liverpool më 25 dhe 27 qershor, dhe më pas në Dublin në stadiumin Aviva. Por ajo që na bën zemrën të rrahë më fort është se disa javë më vonë.
ndalesa e saj e radhës do të jetë PRISHTINA!

The post Dua Lipa mbush stadiumin Wembley, ndalesa e radhës edhe Prishtina appeared first on Albeu.com.

Ardit, ata menduan se nuk ka ZOT/ Belind Këlliçi publikon banderolën në “Wembley”: E drejta vonon, por nuk harron (VIDEO)

V K — Sat, 22 Mar 2025 09:19:41 +0000

Gati një dekadë nga fati tragjik i adoleshentit Ardit Gjoklaj në landfillin e Sharrës, shqiptarët ende nuk e kanë harruar vdekjen e tij edhe pse politika është përpjekur ndër vite, nën udhëheqjen e kryebashkiakut të arrestuar të Tiranës, Erion Veliaj ta “groposë” në vitet e harresës.

Nga ndeshja Shqipëri-Angli në stadiumin “Wembley” në Londër, tifozët kuq e zi dhe emigrantët shqiptarë kanë shpalosur mbrëmjen e djeshme banderolën me fotografinë e adoleshentit të ndjerë, Ardit Gjoklaj.

“Ardit, ata menduan se nuk ka ZOT! Ne nuk të harrojmë”, thuhet në mesazhin e tifozëve shqiptarë në stadiumin britanik, teksa valëvisin edhe banderolën me foton e tij.

Dhe pikërisht për këtë ka reaguar edhe kandidati për deputet i PD-së, Belind Këlliçi, i cili përmes rrjeteve sociale bën thirrje që dikush ta njoftojë kreun e 5D dhe pronarin faktik të inceneratorit Tiranë se e drejta vonon, por nuk harron!

“Stadiumi Wembley, Londër!!!
Dikush ta njoftojë kreun e 5D dhe pronarin faktik të inceneratorit Tiranë se e drejta vonon, por nuk harron”!

Ardit Gjoklaj, ne nuk të harrojmë”, shprehet Belind Këlliçi, në videon ku shfaqen pamjet e valëvitjes së banderolës, e cila duhet t’ia trazojë sadopak ndërgjegjen aty në qelinë e Durrësit Erion Veliajt për vdekjen e Ardit Gjoklajt në Sharrë, teksa punonte për të siguruar kafshatën e bukës për vete dhe familjen.

The post Ardit, ata menduan se nuk ka ZOT/ Belind Këlliçi publikon banderolën në “Wembley”: E drejta vonon, por nuk harron (VIDEO) appeared first on Albeu.com.

Përmbysje e çmendur në “Wembley”, Anglia shënon golin e tretë ndaj Gjermanisë (VIDEO)

E S — Mon, 26 Sep 2022 20:31:17 +0000

Spektakël në “Wembley”. Anglia ka bërë një përmbysje të çmendur përballë Gjermanisë.

Harry Kanë ka shënuar nga pika e bardhë e penalltisë në minutën e 84, për golin e tretë dhe të avantazhit./albeu.com

Kane makes it 3 #ENGGER pic.twitter.com/UKtbg7Xld0

— Rogér ? (@iam_roger6) September 26, 2022

The post Përmbysje e çmendur në “Wembley”, Anglia shënon golin e tretë ndaj Gjermanisë (VIDEO) appeared first on Albeu.com.

“Çmenduri” në Wembley, Anglia shënon 2 gola për 3 minuta dhe barazon rezultatin ndaj Gjermanisë (VIDEO)

E S — Mon, 26 Sep 2022 20:22:37 +0000

E pabesueshme ajo që është duke në “Wembley” mes Anglisë dhe Gjermanisë.

Kur u duk se Gjermania kishte gjithçka nën kontroll falë avantazhit të dyfishtë, vendasit u “ndezën” papritur duke shënuar 2 gola në 3 minuta.

Fillimisht do të ngushtonte rezultatin Shaw në minutën e 72 dhe në të 75’ do të barazon Mount./albeu.com

LUKE SHAW SCORES FOR ENGLAND!!! pic.twitter.com/li0ZLIX0xP

— ??? ???’? ???? ✍??? (@TenHagBalI) September 26, 2022

Mason Mount’s goal vs Germany… ? pic.twitter.com/tu5yB7i6fl

— LDN (@LDNFootbalI) September 26, 2022

The post “Çmenduri” në Wembley, Anglia shënon 2 gola për 3 minuta dhe barazon rezultatin ndaj Gjermanisë (VIDEO) appeared first on Albeu.com.

Heshtje në “Wembley”/ Gjermania shënon golin e dytë ndaj Anglisë, “perlë” e Kai Havertz (VIDEO)

E S — Mon, 26 Sep 2022 20:14:55 +0000

Gjermania ka shënuar edhe golin e dytë përballë Anglisë në “Wembley”.

Kai Havertz ka shënuar një super gol në minutën e 67 të takimit./albeu.com

Kai Havertz masterclass ?‍?pic.twitter.com/Gx3ZdLOjdR

— GoncaloDias17 SCCP (@goncalo_diass17) September 26, 2022

The post Heshtje në “Wembley”/ Gjermania shënon golin e dytë ndaj Anglisë, “perlë” e Kai Havertz (VIDEO) appeared first on Albeu.com.

Zhbllokohet super ndeshja Angli – Gjermani, “panzerat” në avantazh (VIDEO)

E S — Mon, 26 Sep 2022 20:02:49 +0000

Gjermania ka arritur të zhllokojë rezultatin në “Ëembley” përballë Anglisë në ndeshjen e fundit të Nations League që vlen vetëm për prestigj për të dyja skuadrat.

Për “panzerat” ka shënuar Gundogan që është treguar i saktë nga pika e bardhë e penalltisë në mintën e 52.

Penalltisë e ka shkaktuar mbrojtësi më i kritikuar anglez, Harry Maguire./albeu.com

Goaaaalll Gundogan

England 0 vs 1 Germany#ENGGER pic.twitter.com/R7iZ6Bly3g

— Siaran langsung (@SiaranLangsung8) September 26, 2022

The post Zhbllokohet super ndeshja Angli – Gjermani, “panzerat” në avantazh (VIDEO) appeared first on Albeu.com.

Mallkimi i Mason Mount quhet “Wembley”, gjashtë finale të humbura në tre vite

admin — Sat, 14 May 2022 20:34:54 +0000

Do të duhet kohë që Mason Mount të harrojë finalen e Kupës FA të së shtunës kundër Liverpoolit.

Mesfushori anglez humbi penalltinë që përfundimisht i dha skuadrës së Jurgen Klopp Kupën FA 2021/22.

Kur Konstantinos Tsimikas shënoi goditjen e fundit, Mount duhet të ketë pyetur veten se çfarë kishte bërë gabim që e bëri Wembley ta urrente aq shumë.

Kjo finale e FA Cup është e gjashta në tre vjet që Mount humbet në stadiumin ikonik. E para erdhi kur i riu ishte i huazuar nga Chelsea në Derby County në Championship. Atje, ai arriti në finalen e play-off-it të promovimit, por Aston Villa mundi Derbin 2-1 në tempullin e futbollit.

Më pas në listën e të padëshiruarve ishte finalja e FA Cup 2020, të cilën ai e humbi 2-1 ndaj Arsenalit si lojtar i Chelseat.

Në vitin 2021, Mount humbi finalen e FA Cup në Wembley kundër Leicesterit, këtë herë 1-0, si dhe finalen e Kampionatit Evropian me Anglinë, në penallti kundër Italisë.

Këtë vit, në vitin 2022, ai ka humbur në Wembley në finalet e Carabao Cup dhe FA Cup, si nga Liverpool ashtu edhe nga të dyja në penallti.

Kjo e çon totalin e tij në gjashtë finale të luajtura në Wembley dhe gjashtë humbje./ h.ll/albeu.com

The post Mallkimi i Mason Mount quhet “Wembley”, gjashtë finale të humbura në tre vite appeared first on Albeu.com.

Ndahet nga jeta në moshën 29-vjeçare portieri i Wembley FC

admin — Tue, 18 Jan 2022 18:42:06 +0000

Wembley FC ka njoftuar se portieri i tyre Raheem Belgrave ka vdekur në moshën 29-vjeçare pas një aksidenti tragjik gjatë pushimeve.

Ylli ishte kthyer në vendlindjen e tij në Trinidad dhe Tobago kur u mbyt në një lumë pasi u fut në vështirësi.

Një raport i ‘Trinidad Daily Express’ thoshte se asi i futbollit ishte duke notuar në lumin Paria në Blanchisseuse të dielën në mëngjes kur u mbyt.

Policia lokale konfirmoi se ai përfundimisht u tërhoq nga lumi nga miqtë, por se ai ishte në pa shenje jete.

Belgrave nënshkroi për Wembley FC, i cili luante në Combined Counties League Premier Division North, në 2018./ h.ll/albeu.com

The post Ndahet nga jeta në moshën 29-vjeçare portieri i Wembley FC appeared first on Albeu.com.

Florian Marku zbulon kundërshtarin radhës për ndeshjen e 20 nëntorit

E S — Sun, 31 Oct 2021 18:56:57 +0000

Boksieri shqiptar, Florian Marku vetëm disa minuta më parë kla zbuluar kundërshtatin e radhës me të cilin do të ndeshet më 20 nëntor.

Marku synon të mbrojë në “Wembley” titullin e fituar disa javë më parë përballë Maxim Prodan.

“Mbreti” shqiptar prej disa javësh kishte konfirmuar datën, e tashmë ka bërë publik kundërshtarin që do të jetë britaniku, Jorick Luisetto. /albeu.com

Postimi i Markut:

Konfirmohet kundërshtari

Jorick Luisetto, bëhu gati për luftë 20 NENTOR LONDER

Siguroni biletat tani para se Te jet von.

07446 444220 online Ubxr.co/marku

The post Florian Marku zbulon kundërshtarin radhës për ndeshjen e 20 nëntorit appeared first on Albeu.com.