Fjalën e hapjes e mbajti Rektori i Universitetit Western Balkans, Prof. Dr. Ferdinand Gjana, i cili në fjalimin e tij theksoi rëndësinë e këtij momenti për institucionin, si dhe përkushtimin e universitetit ndaj cilësisë akademike, inovacionit dhe përgatitjes së profesionistëve të së ardhmes.

Më tej, fjalën përshëndetëse e mbajti Dr. Klodian Allajbeu, themelues i Universitetit Western Balkans dhe Spitalit Amerikan, njëkohësisht President i Dhomës së Tregtisë Britaniko-Shqiptare, i cili ndau vizionin që qëndron pas krijimit të këtij institucioni dhe rolin e tij strategjik në zhvillimin e arsimit të lartë në Shqipëri dhe më gjerë.

Ceremonia u nderua gjithashtu nga Shkëlqesia e Tij, Ambasadori i Mbretërisë së Bashkuar në Shqipëri, Z. Nicholas Abbott, i cili tha se bashkëpunimi që Universiteti Western Balkans ka me universitetet britanike, është një dëshmi e orientimit ndërkombëtar dhe standardeve të larta akademike të institucionit.

Pas fjalimeve zyrtare, u zhvillua ceremonia e ndarjes së diplomave, një moment kulmor dhe simbolik që shënoi zyrtarisht diplomimin e studentëve të parë të universitetit. Ngjarja u përmbyll me hedhjen tradicionale të kapeleve, një akt i mbushur me emocion, gëzim dhe krenari për përpjekjet, sakrificat dhe sukseset e secilit prej të diplomuarve.

The post VIDEO/ WBU diplomon brezin e parë të studentëve appeared first on Albeu.com.

Këto ishin temat në fokus të trajnimit të studentëve të Western Balkans University nga vullnetarë të Kryqit të Kuq për t’iu përgjigjur në mënyrë efektive urgjencave mjekësore.

Reanimimi kardiopulmonar (CPR) është një aspekt kryesor i trajnimit për situata kritike të arrestit kardiak, për të cilin studentët e WBU u udhëzuan përmes teknikave të duhura për kryerjen e shtypjeve në gjoks dhe frymëmarrjes shpëtimtare tek foshnjat, fëmijët dhe të rriturit.

Pas informacionit dhe demonstrimit të detajuar studentët njihen me protokollin e veprimeve në rastet e epilepsisë, një çrregullim neurologjik i karakterizuar nga kriza të përsëritura. Vullnetarët dhanë udhëzime se si të ofrojnë mbështetje për individët që përjetojnë një episod të ngjashëm.

Ajo që e veçon këtë lloj trajnimi është qasja e tij interaktive dhe praktike. Nëpërmjet demonstrimeve, ushtrimeve me role, skenarëve, studentët arrijnë të zbatojnë njohuritë teorike në situata praktike. Ky mësim nga përvoja jo vetëm që përforcon konceptet kryesore, por gjithashtu krijon një ndjenjë gatishmërie dhe besimi te pjesëmarrësit.

Ndikimi i këtij trajnimi shtrihet shumë përtej nivelit individual. Duke fuqizuar aftësitë, studentët nxiten për të shpëtuar jetë. Ata nxiten drejt një kulture jetëshpëtuese që i fal më shumë siguri komunitetin, por edhe vetë studentëve dhe stafit të Universitetit Western Balkans. Studentët bëhen më të përgatitur për t’iu përgjigjur urgjencave vetë, dhe pajisen për të mbështetur dhe ndihmuar të tjerët në rast nevoje.

Trajnimi i Ndihmës së Parë i ofruar për studentët është një hap të rëndësishëm drejt ndërtimit të një komuniteti më të sigurt. Nëpërmjet përkushtimit dhe ekspertizës së tyre, këta vullnetarë jo vetëm që po japin aftësi thelbësore për shpëtimin e jetës, por gjithashtu rrënjosin një ndjenjë përgjegjësie dhe gatishmërie tek brezi i ardhshëm i udhëheqësve dhe qytetarëve.

The post Ndihma e Parë gjatë arrestit kardiak / Studentët e WBU trajnohen për t’iu përgjigjur urgjencave mjekësore appeared first on Albeu.com.

Duke qenë pjesë në këtë qendër ndërdisiplinore, të njohur për inovacion dhe kërkim, studentja e përzgjedhur do të ketë mundësinë të thellohet në kërkimin shkencor.

Çdo vit, NCCR Bio-Inspired Materials i jep mundësinë 20 studentëve nga e gjithë bota për të marrë pjesë në kërkime inovative brenda njërit prej grupeve të kërkimit të qendrës, të vendosura në institucione të rëndësishme zviceranë. Çfarë e veçon këtë mundësi është impakti i dukshëm që praktikantët e kaluar kanë pasur në publikimet shkencore, duke nënvizuar cilësinë e jashtëzakonshme të kërkimeve dhe praktikën e ofruar për pjesëmarrësit.

Për më tepër, vlen për t’u përmendur që procesi i zgjedhjes për këtë praktikë është shumë konkurrues, duke veçuar kandidaten e zgjedhur nga një grup prej mbi 1000 aplikantëve, duke përfshirë studentë nga disa prej universiteteve më të mira botërore.

Ndërsa studentja e zgjedhur përgatitet për të filluar këtë eksperiencë të rrallë, i urojmë shumë fat, të zgjerojë horizontet e saj intelektuale dhe të luajë një rol kyç në avancimin e njohurive dhe inovacionit në fushën dinamike të bioinformatikës.

Në një njoftim emocionues, studentja Klea Sinjari shkruan:

“Jam e emocionuar të njoftoj se jam përzgjedhur për një praktikë kërkimore prestigjioze në Zvicër. Ky është një program intensiv i kërkimit shkencor të bioinformatikës, që zgjat tre-muaj, i financuar plotësisht, i cili organizohet nga Qendra Kombëtare e Materialeve Bio-Inspired të Kompetencës në Kërkim dhe nga Fondacioni Kombëtar Zviceran i Shkencës në Universitetin e Friburgut. Si pjesë e kësaj qendre ndërdisiplinore, e njohur për kërkimin shkencor dhe inovacionin e saj, unë do të kem mundësinë e artë të hulumtoj në kërkimet e kohëve të fundit. Çdo vit, NCCR Materialet Bio-Inspired u ofron deri në 20 studentë universiteti nga e gjithë bota mundësinë për të marrë pjesë në kërkime inovatore brenda një prej grupeve kërkimore të Qendrës në institucionet kryesore zvicerane. Ajo që është vërtet emocionuese është se praktikantët e verës së kaluar kanë kontribuar në mënyrë aktive në botime shkencore, duke shfaqur cilësinë e jashtëzakonshme të kërkimit dhe përvojën e vlefshme në praktikë, të ofruar për studentët. Për më tepër, është përulëse të jesh në mesin e të përzgjedhurve nga mbi 1000 konkurrentë, duke përfshirë studentë nga 20 universitetet më prestigjioze në mbarë botën”.

The post Studentja shqiptare siguron praktikën kërkimore në Bioinformatikë në Zvicër appeared first on Albeu.com.

Western Balkans University përfaqësohet në këtë event në disiplinat futsall meshkuj dhe volejboll femra me student që janë pjesë të klubit të futbollit dhe vollejbollit të universitetit.

Skuadrat e futsall dhe volejboll kanë zhvilluar stërvitje paraprake me trajnerët e tyre, dhe zhvilluan zyrtarisht ndeshjet e tyre të para më 3 Prill 2024, në ambientet e Pallatit të Sportit “Asllan Rusi”.

Në ndeshjen e zhvilluar në kategorinë futsall meshkuj, ndeshja u mbyll me rezultatin 3-2 në favor të skuadrës së “Universitetit Europian të Tiranës”. Nërsa në kategorinë volejboll femra ndeshja u mbyll me fitoren 3-2 (sete) e skuadrës së Universitetit Western Balkans, duke mundur universitetin “Epoka” dhe duke hedhur kështu një hap të rëndësishëm në “Turneun Universitar të Tiranës, 2024”.

Në javët në vazhdim, skuadrat do të ndeshen me universitetet e tjera shtetërore dhe private, deri në shpalljen e një fituesi, në përfundim të turneut.

Universiteti Western Balkans punon fort për arsimimin cilësor të studentëve të tij, por gjithashtu promovon dhe mbështet aktivitetet e ndryshme që ndihmojnë në përmirësimin e shëndetit dhe mirëqënies së tyre në tërësi.

I urojmë sa më shumë suksese skuadrave përfaqësuese në turne, GO WBU!

The post WBU, universiteti më i ri në Shqipëri, zyrtarisht pjesë e “Turneut Universitar të Tiranës, 2024” appeared first on Albeu.com.

Me anë të një postimi në twitter, Peleg thekson se është mjaft e lumtur që kompania israelite ka nënshkruar një marrëveshje me “Western Balkan University”, e cila është e para këtij lloji në Shqipëri.

Sipas saj në këtë universitet modern dhe bashkëkohor do të studiojnë të rinj vendas dhe të huaj të cilët do të mund të marrin më shumë njohur dhe zhvillim në profesionet kibernetike dhe më gjerë.

“Urime: H.A.P.I nënshkrova dje një marrëveshje me #WesternBalkanUnivetsity  në #Tiranë për të krijuar të parin e këtij lloji në #Shqipëri – qendër #teknike ekselence në të cilën do të studiojnë studentë, vendas dhe QA, AI, int’l, , në zhvillim, profesione kibernetike dhe më shumë”, shkruan Peleg.

Një ditë më parë Universiteti “Western Balkans” në bashkëpunim me kompaninë izraelite Gold N’ Links themeluan Qendrën e Ekselencës së Teknologjisë.

Presidenti i Universitetit  Prof. Dr. Ferdinand Gjana dhe përfaqësuesi i kompanisë izraelite, Noam Frank nënshkruan marrëveshjen e themelimit.

Qendra e Ekselencës së Teknologjisë synon të sjellë në Shqipëri eksperiencën më të avancuar izraelite në fushën e teknologjisë.

Ajo do të ofrojë  një sërë shërbimesh si për sektorin privat dhe për atë publik, duke filluar nga teknologjia e informacionit, siguria kibernetike, shërbime financiare dhe administrative, ekspertizë ekzekutive dhe teknike në industrinë përkatëse.

Eksperti izraelit i teknologjisë dhe sigurisë kibernetike, Roi Matis Shaposhnik në një intervistë për ABC tregon: Kombinimi i njohurive tona  me njerëzit e  mrekullueshëm, të rinjtë, është një mundësi e rrallë për të ndërtuar një ekosistem të tillë në Shqipëri dhe në rajon. ËBU është një pikë shumë e rëndësishme që na shtyn të përcjellim idetë dhe moton tonë, të mendosh shumë për të çuar Shqipërinë drejt së ardhmes. Ne jemi vendi më i madh në botë kur bëhet fjalë për teknologjinë dhe inovacionin.  Do të kontribuojmë në sigurinë dhe stabilitetin e Shqipërisë  dhe do të aftësohemi  për të krijuar një të ardhme pa frikë për të gjithë. “

Kompania izraelite Gold N’ Links ofron zgjidhje teknologjike dhe produkte të personalizuara për mbrojtjen dhe sigurinë kibernetike si për koorporatat ashtu dhe për  institucionet qeveritare në mbarë botën.

The post WBU marrëveshje me kompaninë izraelite, reagon ambasadorja: Të rinjtë shqiptarë dhe të huaj do të marrin më shumë njohuri kibernetike appeared first on Albeu.com.

Nisja e vitit të ri akademik është pranë dhe Evis Sala po ndanë detyrat e fundit me stafin e universitetit më të ri në vend.

Profesorja shqiptare me një karrierë të spikatur në Mbretërinë e Bashkuar dhe Shtetet e Bashkuara të Amerikës është Rektore themeluese e Western Balkans University.

Vjen në Atdhe ku përfundoi fakultetin e Mjekësisë dhe më pas u specializua në Institutin Onkologjik për të kontribuar në formimin e brezave të rinj.

“Karriera tamam akademike ka filluar në Angli në vitin 1996 në Universitetin e Kembrixhit në Biostatistikë dhe Epidemiologji. Pastaj vijoi me një Doktoratë dhe më vonë filloi specializimin në Radiologji për pesë vjet. Vitin e fundit siç është rregulli në Mbretërinë e Bashkuar krijohet mundësia për të bërë një trajnim në një fushë më të ngushtë dhe unë e kam bërë këtë në Shtetet e Bashkuara të Amerikës në Imazheri Pelvike Onkologjike”, tha Sala.

Prej shumë vitesh Doktoreshë Sala është Profesoreshë e Imazherisë Onkologjike në Universitetin e Kembrixhit në Mbretërinë e Bashkuar.

Ajo gjithashtu bashkë-drejton Programin e Avancuar të Imazhimit të Kancerit në Qendrën e Kembrixhit për Kërkimin e Kancerit dhe Programin e Integruar të Mjekësisë së Tumoreve.

“Jam kthyer pastaj në Kembrixh si staf, si lektore, sot pozicionet kanë ndryshuar në asistent profesor ku kam punuar deri në vitin 2012. Më pas jam kthyer në Amerikë si profesore e Radiologjisë dhe si mjeke për të drejtuar një staf kliniko- akademik prej 35 vetash dhe më pas brenda gjashtë vitesh 55 veta duke bërë një zhvillim si akademik dhe mjekësor për trajtimin e kancerit në një qendër shumë të njohur. Jam kthyer në Kembrixh si profesore e Imazherisë Onkologjike në 2012 dhe kam drejtuar një ekip si nga ana shkencore dhe ajo mjekësore duke pasur përvojë në të dy kontinentet. Ka qenë një kënaqësi e madhe t’i shpërbesh pacientit, por dhe si edukatore është kënaqesi shumë e madhe të frymëzosh dhe të rrisësh brezin e ri të kërkuesve në këtë rast në fushën e mjekësisë dhe imazherisë që ne këtë rast imazheria me inteligjencën artificiale dhe bumin e digjitalizimit është një nga degët që ndryshon, avancon në mënyrë të paparë”, tha Sala.

Profesoreshë Sala bashkë me një ekip të përzgjedhur studiuesish vendas dhe të huaj synojnë të të sjellin në Shqipëri, praktikat dhe metodat më të avancuar botërore në fushat e mjekësisë, teknologjisë dhe inovacionit në universitetin Western Balkans.

“Çdo rresht i programit do të jetë i ndërtuar në bazë të grupeve të punës së dy vendeve me ardhjen këtu dhe të ekspertëve anglezë nga Kembrixh dhe për të punuar në mënyrë të ngushtë. Jo vetëm ndërtimi i kurrikulës që është fazë e parë, por dhe aplikimi ndërthurja me praktikën në spital. Kjo do bëjë që kur ajo diplomë të merret në fund të programit mjekësor, ata studentë që mbarojnë të jenë të përgatitur të japin provimin e njohjes në Angli sepse janë mësuar me të njëjtin projekt. Nuk mbaron këtu se pas kësaj është viti intershipit. Kemi krijuar mundësira që një pjesë e studentëve, ata që dalin më mirë sigurisht, kanë një iniciativë që të bëjnë intership në Kembrixh apo universitete të tjera si ai Gracit apo të tjerë qe jemi ende në marrëveshje. Përtej kësaj është specializimi që varion nga 3 në 5 vjet. Do të nisin marrëveshjet për ta bërë në spitale në Mbretërinë e Bashkuar. Më vone është tregu i punës. Ne e duam Shqipërinë dhe të vijojmë të punojmë në Shqipëri nuk ka nevojë që truri të dalë i gjithi. Mund të dalë për një periudhë të caktuar të bëjë eksperiencën dhe të kthehet për t’i shërbyer pacientëve shqiptar”, shtoi Sala.

Dijet e marra në klasa pa u aplikuar në praktikë thotë doktoresha nuk i shërbejnë qëllimit për ti ardhur në ndihmë sa më mirë pacientit. Western Balkans University zgjidhjen e ka gjetur falë bashkëpunimit me Spitalin Amerikan dhe atë Hygeia.

” Është gjëja më e bukur që njeriu duhet të bëjë, të lësh diçka për brezat që vijnë. Kam ardhur në Shqipëri herë pas here për të dhënë leksione por tani është krijuar mundësia nëpërmjet Western Balkans University për të ndihmuar në krijimin e një strukture të mirëfilltë të një fakulteti mjekësie që të jetë i standardeve europiane botërore. Laboratorët paraklinikë deri tek pjesa e aplikuar. Mundësia është unike se jo vetëm ofrohet kualiteti akademik përmes mësimdhënies, por mos harrojmë që flasim për një degë mjekësore dhe mësimdhënia e pa lidhur me anën praktike është një mësimdhënie që nuk i shërben mirë pacientit. WBU ka bazën spitalore përmes Spitalit Amerikan dhe Hygeias për të bërë praktikën. Do të bëhet një lidhje organike siç ndodh dhe në vende të tjera të botës praktikisht dhe në universitetin e Kembrixh”, tha Sala.

Ndërsa pak ditë na ndajnë nga nisja e vitit të ri akademikë Rektorja themeluese e Western Balkans University i drejton këtë mesazh të rinjve.

“Është një moment shumë i veçantë në jetën tuaj të dashur student pasi është një moment pak i frikshëm mbase, por në të njejtën kohë shumë eksitues. Është ai moment që keni luftuar, keni punuar vite të tëra për të arritur këtu dhe ky është momenti të zgjedhësh çfarë do të bësh në etapën tjetër. Unë ju uroj të zgjidhni Western Balkans University sepse do ta ndjeni që në momentin që do të hyni në ambjenët e universitetit do që jeni në një institucion bashkëkohorë, që ka vision, që e ndjenë të ardhmen sepse pa patur një ide ku do ta shohësh veten pas 5 vjetësh është e veshtirë të jetosh të tashmen. Prandaj iu uroj të aplikoni. Nuk do ngeleni të zhgënjyer.”

Western Balkans University mirëpret këtë vit studentët e parë në fushat e mjekësisë, teknologjisë dhe inovacionit në 3 fakultete dhe 12 programe studimi, të ciklit të parë Bachelor dhe atij të dytë Master.

The post “WBU” pret studentët e parë, shkencëtarja e imazherisë mjekësore në Kembrixh: Sjellim metodat më të avancuara botërore appeared first on Albeu.com.