Ministri i Jashtëm kinez, Wang Yi, u shpreh se “Kina kundërshton çdo sulm ushtarak të kryer nga Izraeli dhe SHBA ndaj Iranit. Fuqia nuk mund të zgjidhë problemet, por vetëm krijon të reja dhe pasoja të rënda”.

Ai kritikoi gjithashtu ndërprerjen e negociatave mes SHBA dhe Iranit për shkak të bombardimeve, duke theksuar se dialogu kishte shënuar progres të dukshëm. Ndërkohë, Teherani ka intensifikuar sulmet ndaj pozicioneve të lidhura me SHBA në Gjirin Persik, si hakmarrje për fushatën ushtarake të Izraelit dhe SHBA ndaj Republikës Islamike.

The post Kina i bën thirrje Izraelit dhe SHBA të ndalojnë menjëherë sulmet ndaj Iranit appeared first on Albeu.com.

Putin thotë se  marrëdhëniet me Kinën po zhvillohen mirë, duke shtuar se të dy vendet mund të arrijnë nivele të reja të tregtisë këtë vit.

Ai i tha kryediplomatit kinez se mezi pret të flasë me të për situatën aktuale ndërkombëtare, të cilën ai e përshkruan si “të vështirë”.

Presidenti rus shtoi se bashkëpunimi me Kinën është shumë i rëndësishëm për Rusinë.

Nga ana tjetër, kryediplomati kinez u zotua se marrëdhëniet midis Kinës dhe Rusisë nuk do t’i nënshtrohen presionit nga vendet e tjera.

Ai shton se të dy vendet janë gati të thellojnë një bashkëpunim strategjik.

Me një ton të ngrohtë, Ëang Yi thotë se Pekini është i gatshëm të forcojë partneritetin e tij me Moskën në interes të dy vendeve dhe të gjithë botës.

Wang Yi e përfundoi fjalën duke i përcjellë presidentit Putin dëshirat e presidentit Xi Jinping./Albeu.com/

The post Putin takohet me kryediplomatin kinez: Vendet e tjera nuk mund të bëjnë presion ndaj Kinës dhe Rusisë appeared first on Albeu.com.