Feronikeli regjistroi fitore 3-1 ndaj Vushtrrisë në ndeshjen e javës së 7-të të Superligës së Kosovës. Luetic shënoi dy herë, ndërsa Dobratiqi realizoi golin tjetër për vendasit. Vushtrria gjeti rrugën e rrjetës përmes autogolit të Bahtirit, por ky gol nuk ndikoi në rezultatin përfundimtar.

Një fitore 2-1 mori edhe Malisheva në përballjen me Ballkanin. Miqtë kaluan të parët në avantazh me Berishën, ndërsa skuadra vendase përmbysi gjithçka falë golave të Ibishit nga pika e penalltisë dhe Bushajt.

Pas këtyre rezultateve, Malisheva ngjitet në vendin e dytë me 16 pikë. Feronikeli, ndërkohë, renditet në pozitën e 8-të me 6 pikë dhe krijon shkëputje nga vendi i 9-të.

The post Malisheva përmbys Ballkanin, Feronikeli triumfon ndaj Vushtrrisë – 7 gola në dy sfida (REZULTATET) appeared first on Albeu.com.

Vushtrria po përjeton një start tejet të vështirë pas rikthimit në Superligën e Kosovës. Skuadra ka regjistruar 6 humbje në 6 javët e para, ndërsa ka pësuar 17 gola dhe renditet në vendin e fundit të tabelës.

Rezultatet kanë shtyrë drejtuesit e klubit të shqyrtojnë mundësinë e ndryshimeve në pankinë. Në këtë kuadër, emri i Ditmar Bicajt po përmendet si një alternativë për të marrë drejtimin e ekipit.

Bicaj ishte i ftuar mbrëmë në emisionin “Mega Sport” në A2CNN, ku konfirmoi se ka pasur kontakte me drejtuesit e Vushtrrisë. Megjithatë, mbetet për t’u parë nëse palët do të arrijnë marrëveshje.

The post Vushtrria në krizë pas gjashtë humbjesh, Ditmar Bicaj kandidati për stolin appeared first on Albeu.com.