Alibeaj shprehet se vendimi është individual dhe se kur ai kishte depozituar rekursin, ndodhej në një pozicion tjetër si kryetar i komanduar i PD.

“Kemi krijuar një subjekt të ri politik, jemi regjistruar dhe jemi në koalicion”, thekson ai.

Ai argumenton se, duke u angazhuar në një parti tjetër, nuk ka më interes të ligjshëm për të ndjekur procesin për logon dhe vulën e PD. “Dikur kam qenë në një pozitë tjetër dhe sot nuk jam më”, thekson Alibeaj.

Ai thekson gjithashtu, se kërkesa e tij është ligjore dhe se nuk ka asnjë qëllim për të marrë drejtimin e PD, logon apo vulën përmes gjykatës.

“Vendimi im është individual dhe nuk ndikon në synimet e personave të tjerë që mund të synojnë një gjë të tillë”, përfundon ai.

Enkelejd Alibeaj: Vendimi është individual. Në kohën që unë kam bërë rekursin kam qenë në një tjetër pozicion, si kryetar i komanduar i PD. Kemi krijuar nje subjekt të ri politik, jemi regjisrruar dhe jemi në koalicon.

Duke qenë se jemi një parti tjetër, s’kam më interes të ligjshëm të ndjek një proces për logon dhe vulën e PD
Sepse dikur kam qenë në pozitë tjetër dhe sot s’jam në atë pozitë.

Kjo është kërkesë ligjore. Nuk kam asnjë synim të marr drejtimin e PD, logon apo vulën përmes gjykatës.

Vendimi im është individual dhe nuk prek synimet e personave të tjerë që mund ta synojmë një gjë të tillë.

The post Enkelejd Alibeaj tërhiqet nga rekursi për vulën e PD appeared first on Albeu.com.

Kolegji Civil, i përbërë nga gjyqtarët Enton Dhimitri, Margarita Buhali dhe Valbona Cekrezi, do të marrë vendim mbi bazën e dokumenteve.

The post Kujt i takon vula e PD? Gjykata e Lartë shqyrton sot kërkesën e Enkelejd Alibeajt appeared first on Albeu.com.

Siç shihet nga pamjet, militantët kanë ‘pushtuar’ selinë e e PD-së së Rithemelimit, ndërsa kanë nisur me vallë dhe këngë.

Deputetët e opozitës kanë “shpërthyer” në festë, pasi Gjykata e Apelit i ka dhënë vulën dhe logon e PD-së liderit demokrat, Sali Berisha.

Në foto shihet momenti teksa ata dalin nga dyert e Apelit pas dhënies së vendimit nga trupa e gjykuese, e cila i dha fund zvarritjes nëpër gjykata të çështjes së vulës së Partisë Demokratike.

Flamur Noka, Gazment Bardhi dhe Agron Gjekmarkaj, të cilët ishin të pranishëm në seancë, shihet të buzëqeshur dhe me dy gishtat lart, teksa gëzojnë për vendimin e togave të zeza.

The post Gjykata i dha vulën Berishës, këngë e valle tek selia e Partisë Demokratike: O Sali, o hero, gjithë Shqipëria ty të do… (VIDEO) appeared first on Albeu.com.

Togat e zeza kanë vendosur të rezervojnë të drejtën për t’u shprehur në fund të gjykimit, në lidhje me kërkesat paraprake të palëve.

Apeli bashkë me çështjen përfundimtare, do t’i japë zgjidhje edhe kërkesës paraprake të palëve.

Në kërkesën paraprake, përfaqësuesi ligjor i PD-së së Rithemelit, Ivi Kaso, kërkoi rrëzimin e ankimimit të Enkelejd Alibeajt, pra lënien në fuqi të vendimit të gjyqtarit Agron Zhukri dhe njohjen e vendimeve të Kuvendit Kombëtar të PD-së të datës 11 Dhjetor 2021.

Ndërkohë, përfaqësuesi ligjor i Partisë Demokratike zyrtare, Rezart Kthupi, ka pretenduar se kërkesa e palës tjetër nuk është e mbeshtetur në ligj dhe kërkoi rrëzimin e saj.

The post Vendimi për vulën e PD, trupa gjykuese tërhiqet në Dhomën e Këshillimit appeared first on Albeu.com.

Avokati ka kërkuar lënin në fuqi të vendimit të gjyqtarit Agron Zhukri dhe njohjen e vendimeve të Kuvendit Kombëtar të PD-së të datës 11 Dhjetor 2021.

Kujtojmë që më 18 dhjetor 2021, Berisha mblodhi Kuvendin e PD dhe aty u miratua një statut i ri, i cili i hapi rrugë Komisionit të Rithemelimit.

Statuti i dalë nga Kuvendi i 18 dhjetorit u dërgua në Gjykatën e Tiranës dhe kjo e fundit e aprovoi.

Por Enkelejd Alibeaj e dërgoi në Apel, duke kundërshtuar vendimin e gjyqtarit Agron Zhukri, pasi e cilëson atë si të paligjshëm.

The post “Vula e PD”, Ivi Kaso kërkesë gjykatës: Të mos pranohet ankimimi i Alibeajt appeared first on Albeu.com.

Ndërkohë Lulzim Basha, referuar regjistrimit të Partive politike njihet si kryetari legjitim i PD-së, duke bërë kështu që vulën dhe logon e kësaj partie, ta kontrollojë ai dhe mbështetësit e tij, në atë që njihet si PD zyrtare.

Çështja në Apel do të shqyrtohet nga një treshe gjyqtarësh me relatore Alma Ahmeti, ndërsa dy anëtarët janë Iliba Bezati dhe Elona Toro.

Vendimi që do të marrë kjo treshe gjyqësore, do të jetë një vendim i formës së prerë.

Rithemelimi i drejtuar nga Sali Berisha, ka arritur që të ketë nën kontroll numrin më të madh të deputetëve të dalë në zgjedhjet e fundit parlamentare (2021) nën siglën e PD-së.

Gjithashtu, Berisha pavarësisht se nuk u përfaqësua me logon e PD në zgjedhjet e fundit lokale, arriti të marrë rreth 500 mijë vota, nën siglën e një koalicioni që u mbështet nga LSI (PL e sotme), PBDNJ dhe parti të tjera opozitare.

Pikërisht kjo është teza në që përplasjet që Berisha apo mbështetës të tij, kanë pasur me Lulzim Bashën apo grupimin e tij, kanë përdorur në debatin se kujt i përket vula zyrtare e PD-së.

Berisha dhe mbështetësit e tij, pretendojnë se kanë shumicën e demokratëve dhe në kushte të tilla vula i përket pikërisht atyre. Në anën tjetër, Basha u rikthye në krye të PD-së pas një tërheqjeje pothuajse 1 vjeçare, duke ia deleguar drejtimin e partisë, Enkelejd Alibeajt.

Përplasjet në PD nga shtatori i 2021 deri në ditët e sotme, kanë prodhuar lëvizje nga njëri krah në tjetrin të disa prej emrave dhe figurave të kësaj partie.

Kështu Gazment Bardhi, i cili në kohën kur Lulzim Basha vendosi përjashtimin e Berishës nga grupi parlamentar ishte Sekretar i Përgjithshëm i PD-së. Bardhi u rreshtua ndër kundërshtarët më të ashpër të Berishës.

Me kalimin e kohës ai iu bashkua grupimit të drejtuar nga ish-kryeministri bashkë me shumë emra të tjerë ligjvënësish, në atë që u konsiderua si “bashkimi në diversitet mendimesh”.

Dhe ofrimi me krahun e Berishës nartyrisht që krijoi përplasjen mes Bardhit dhe mbështetësve të Bashës, por ai vijoi të mbante pozicionin e Kryetarit të Grupit Parlamentar të PD-së.

Dhe si për ironi, nëse në kohën kur ishte në krah të Bashës firmoste largimin nga Grupi i PD-së të deputetëve që ishin në krah të Berishës, sot është i njëjti që kërkon përjashtimin e deputetëve nga grupi, sepse janë në krah të Bashës.

Gjykimi për vulën

Çështja për vulën e PD u gjykua në dhjetor të 2023-it në Gjykatën e Lartë, e cila vendosi ta rikthejë çështjen në Apel. Në vendimin e marsit 2024, Gjykata e Lartë kërkon një gjykim themeli, me një tjetër trupë gjykuese, nga ajo që kishte shqyrtuar njëherë këtë çështjes.

Në vendim, Kolegji i Gjykatës së Lartë vlerëson se Apeli nuk ka kryer një hetim të plotë të çështjes, nuk ka kuptuar natyrën e mosmarrëveshjes dhe ka interpretuar gabim normat dhe ligjin procedural.

“Në vendimin e zbardhur të Gjykatës së Lartë rreth vulës së Partisë Demokratike, Kolegji thekson se Gjykata e Apelit, përpara se të kalonte në fazën e shqyrtimit të çështjes dhe të merrte në shqyrtim vendimin e dhënë nga Gjykata e Rrethit Gjyqësor, duhet t’i kishte dhënë përgjigje faktit nëse, vendimi i marrë sipas një gjykimi gracioz, a mund të ankimohet në një shkallë më të lartë gjykimi nga një palë, e cila nuk ka qenë e legjitimuar as nga pikëpamja formale dhe as nga pikëpamja procedurale si palë ndërgjyqëse në procesin gjyqësor të zhvilluar në Shkallë të Parë”, – thuhet në vendim.

Gjithashtu, gjykata thekson se rezulton i provuar fakti se, Komisioni i Rithemelimit është krijuar dhe miratuar nga mbledhja e Kuvendit të Partisë Demokratike të datës 11.12.2021, i thirrur sipas parashikimeve statutore nga ¼ e anëtarëve/delegatëve të Kuvendit Kombëtar.

“Në këtë kuvend është pretenduar se një nga vendimet e marra prej tij është edhe vendimi për shkarkimin nga detyra të kryetarit të PDSH, z.Lulzim Basha, i cili ka si funksion përfaqësimin e subjektit PDSH te të tretët.

Megjithatë, pavarësisht se kërkesa është paraqitur nga Komisioni i Rithemelimit dhe gjykata është investuar në një gjykim gracioz, ankimi ndaj vendimit të dhënë nga Gjykata e Rrethit Gjyqësor Tiranë, është ankimuar në shkallë të dytë gjykimi nga kryetari i PDSH Lulzim Basha, përfaqësuar me autorizim nga deputeti Enkelejd Alibeaj.

“Në arsyetimin e vendimit të saj, Gjykata e Apelit ka arritur në konkluzionin se z.Lulzim Basha vijon të jetë kryetar i PDSH, duke e kufizuar arsyetimin e saj ligjor në faktin se kërkesa për heqje dorë nga funksioni i kryetarit të PDSH nga ana e z.Lulzim Basha nuk është formalizuar me shkrim, si dhe nuk është depozituar në regjistrin e partive politike”, – citohet vendimi i Gjykatës së Lartë.

Ish-Kryeministri Sali Berisha, ka në favorin e tij një vendim të dhënë nga gjyqtari i Gjykatës së Tiranës, Agron Zhukri, i cili njohu Rithemelimin dhe Kuvendin e zhvilluar më 11 dhjetor 2021, në kulmin e përplasjeve mes Berishës, të cilin Lulzim Basha me një vendim të 9 shtatorit të të njëjtit vit e përjashtoi nga grupi parlamentar pas shpalljes ‘non grata’ nga Shtetet e Bashkuara të Amerikës.

Vendimi i Zhukrit, u apelua në atë kohë nga grupimi i Lulzim Bashës, ndërsa çështja për vite mbeti sirtarëve të gjykatave.

Nuk dihet se çfarë vendimi mund të marrë nesër Apeli, apo edhe sa kohë duhet që kjo çështjes të marrë një zgjidhje ligjore, por nga grupimi i Berishës janë dhënë sinjalet që çështjen do e dërgojnë në Strasburg.

Prej kohësh grupimi i Berishës, akuzon se drejtësinë e kontrollon Kryeministri. Dhe në vijim të akuzave, aludohet se Kryeministri me ndikimin e tij në drejtësi, do të favorizojë Lulzim Bashën, duke i dhënë vulën.

Në kushte të tilla duket se është përgatitur terreni edhe nëse vendimi shkon në favor të Bashës dhe grupimit të tij, ndërsa është paralajmëruar se beteja do të vijojë në Gjykatat Ndërkombëtare.

The post “Vula e PD”/ Gjykata e Apelit vendos sot nëse i takon Bashës apo Berishës appeared first on Albeu.com.

Mësohet se relator është caktuar Alma Ahmeti, teksa dy anëtarët janë Iliba Bezati dhe Elona Toro.

Vendimi që do të marrë kjo treshe gjyqtarësh do të jetë final.

The post Vula e PD, caktohen 3 gjyqtarët që do të shqyrtojnë çështjen në Apel appeared first on Albeu.com.

Bardhi thotë se pas  zbardhjes së vendimit të Gjykatës së Lartë  për konfliktin e brendshëm ligjor në PD, është e domosdoshme që Gjykata e Lartë menjëherë dhe pa asnjë vonesë të mëtejshme t’i jap fund tejzgjatjes së këtij absurdi që vijon prej 2 vitesh dhe që duhet të ishte zgjidhur me vullnet e përgjegjshmëri politike.

Çdo zvarritje do të ishte e papranueshme, sepse dëmton opozitën dhe përmes saj dëmton Shqipërinë, thotë Badhi.

 “Pas zbardhjes së vendimit të GjL për konfliktin e brendshëm ligjor në PD, është e domosdoshme që GjL menjëherë dhe pa asnjë vonesë të mëtejshme t’i jap fund tejzgjatjes së këtij absurdi që vijon prej 2 vitesh dhe që duhet të ishte zgjidhur me vullnet e përgjegjshmëri politike.

Partia Demokratike e Shqipërisë është pronë e anëtarëve të saj, aset kombëtar, dhe çështje e interesit publik, që ndikon në mënyrë të drejtëpërdrejtë në jetën publike, shtetërore, institucionale të vendit. Çdo zvarritje do të ishte e papranueshme, sepse dëmton opozitën dhe përmes saj dëmton Shqipërinë!”, shkruan Bardhi.

Një ditq më parë Gjykata e Lartë urdhëroi Gjykatën e Apelit të shqyrtojë në themel vlefshmërinë e Kuvendit të 11 dhjetorit të vitit 2021 dhe t’i japë përgjigje dilemës se cilat janë organet drejtuese të partisë më të madhe të opozitës, Partisë Demokratike.

Në vendimin e arsyetuar bie në sy se Gjykata e Lartë rrëzon vendimin e shkallës së dytë duke theksuar se Apeli nuk ka kryer një hetim të plotë të çështjes, nuk ka kuptuar natyrën e mosmarrëveshjes dhe ka interpretuar gabim normat dhe ligjin procedurial.

Gjykata e Lartë ka vënë në dukje se në procesin e regjistrimit të statutit dhe vendimeve të një partie politike, gjyqtarët kanë të drejtë të kontrollojnë vetëm vlefshmerinë e procedurave të ndjekura, duke nisur nga njoftimet për mbledhjen e forumeve, tek kuorumi dhe zbatimi i statutit. Por sipas gjykatës në këtë proces nuk mund të ketë palë, duke rrëzuar kështu ankimimin e  Enkelejd Alibeajt në Apel.

“Gjykata zhvillon një gjykim në të cilin, nuk ekziston konflikti mes palëve kundërshtare, por për shkak të natyrës së çështjes apo cilësive të kërkuesit të parashikuara nga ligji, gjykata vlerëson thjesht përputhshmërinë e akteve, veprimeve juridike apo fakteve me qëllim që tu japi atyre efekte juridike.”

Sipas kolegjit të Gjykaës së Lartë  kur ka mosmarrëveshje brenda një partie politike duhet hapur një gjyq i ri.

“Në rast se ndonjë subjekt i tretë pretendon se cenohet nga regjistrimi i këtyre akteve për ndryshimet statutore, ka detyrimin që të paraqesë padi themeli, në mënyrë që gjykata të vlerësojë themelin e mosmarrëveshjes dhe të përcaktojë në mënyrë përfundimtare se kush është subjekti që mbart të drejtën dhe kush ka tagrat e përfaqësimit ligjor të personit juridik ndaj të tretëve.”

Gjykata e Lartë urdhëron Apelin që pasi të analizojë çështjen të vendosë nëse Komisioni i Rithemelimit është apo jo organi që drejton Partinë Demokratike.

“Gjykata e Apelit duhet të merrte në shqyrtim dhe të analizonte nga pikëpamja e ligjit dhe e faktit se, çfarë vlere provueshmërie dhe juridike kanë:  aktet e miratuara në Kuvendin Kombëtar në datën 11.12.2021 në lidhje me organet drejtuese të PDSH, për të cilat kërkohet regjistrimi në regjistrin e partive politike.”

Nga ana tjetër Gjykata e Lartë rrëzon arsyetimin e Apelit se Gjyqtari Agron Zhukri nuk mund të shqyrtonte çështjen organeve drejtuese të Partisë Demokratike.

Tani qe argumentat e gjykatës së lartë janë publikuar, apeli duhet të marrë edhe njëherë në shqyrtim kërkesën e komisionit të Rithemelimit për kuvendin e 11 dhjetorit të vitit 2021. Nëse apeli njeh Kuvendin e 11 dhjetorit atëhere Sali Berisha i cili është zgjedhur nga shumica e demokratëve si kryetar i PD, do të jetë edhe ligjërisht kryetari i partisë më të madhe të opozitës.

Vendimi i Apelit merr një rëndësi të veçantë pasi vitin e ardhshëm mbahen zgjedhjet parlamentare dhe nga ky vendim varet kush do të garojë me logon e PD, Sali Berisha apo Lulzim Basha.

The post Përplasja për vulën e PD-së, Bardhi: Çdo zvarritje do të ishte e papranueshme, dëmton opozitën appeared first on Albeu.com.

Me vendimin e sotëm, Gjykata e Lartë, prishi vendimin e Apelit që rrëzoi vendimin e Agron Zhukrit që i dha vulën Berishës dhe ktheu çështjen në Gjykatë e Shkallës së Parë për t’u rishqyrtuar.

Apeli detyron Gjykatën e Apelit, që të marrë vendim për vulën e PD me një tjetër trupë gjykuese.

“Në këto kushte, Kolegji Civil i Gjykatës së Lartë, mbështetur në nenin 480 dhe nenin 485, pika 1, shkronja “c” të Kodit të Procedurës Civile, vendosi:

“Prishjen e vendimit nr. 44, datë 03.03.2023 të Gjykatës së Apelit të Juridiksionit të Përgjithshëm Tiranë dhe kthimin e çështjes për rishqyrtim në po atë gjykate, me një trupë tjetër gjykuese”, thuhet në vendim.

Tashmë, Gjykata e Apelit, duhet të dalë me një vendim nëse vula e PD i takon Sali berishës apo Lulzim Bashës.

The post Vula e PD, Gjykata e Lartë urdhëron Apelin të marrë vendim me trupë të re gjykuese appeared first on Albeu.com.

Ai gjithashtu shtoi se sot “vula” e PD-së është më e gjallë se kurrë më parë, pasi sipas tij, “vula” është vetë Sali Berisha.

“Nuk besoj se ekziston ndonjë qytetar që vë në dyshim suportin e Partisë së Lirisë. Nuk besoj se ka qytetar që vë në dyshim suportin për PD-në. Nëse nuk do të ekzistonte, atëherë pse Rama do të urdhëronte kancelaren e gjykatës që të pengonte regjistrimin e vendimit. Përse kur ai e di që kandidatët e tij janë më të mirë e më të dashur.

Nuk do të hyjë aspak në teknikalitete. Kam qenë i bindur që Rama do të bëjë gjithçka për të provokuar opozitën për të mos hyrë në zgjedhje. Këtë gjë ja kam bërë të qartë Berishës dhe Nokës prej muajsh. Kjo sepse zbatueshmëria Reformës në Drejtësi është antikushtetuese dhe antiligjore. Janë ca marrëzira që vështirë se do të na prodhonin një vendim që bazohet në kushtetutë dhe në ligj. Është njësoj sikur nxjerr urdhër një ministër dhe nuk e regjistron punonjësja e protokollit. Këto çmenduri vetëm në Shqipëri mund të ndodhin, i cili është i pari shtet për qytetarët që kërkojnë azil në vendet e Europës.

Ne jemi vazhdimisht në punë. Asgjë nuk e ndal opozitën drejt 14 majit, për të regjistruar kandidatët e saj kudo. Vula e PD-së është më e gjallë dhe më frymëzuese se asnjëherë tjetër, sepse është vetë Berisha, përmes asaj mbështetjeje që ai e ka marrë përmes foltoreve, përmes 11 dhjetorit dhe 6 marsit. Asgjë nuk i pengon gjithë opozitën dhe gjithë forcat opozitare për të bërë ndryshimin e tradhëtuar nga forcat opozitare të kaluara”, është shprehur Meta.

The post “Asgjë nuk e ndal opozitën për të regjistruar kandidatët për 14 majin”, Meta: Vula e PD-së është vetë Sali Berisha appeared first on Albeu.com.