Laert Avazaj, studenti shqiptar nga Kosova, i tha në sy Jeremiçit se propaganda e sotme serbe është e njëjtë me atë të Millosheviçit, duke i kujtuar të gjitha krimet që serbët kishin kryer mbi popullsinë shqiptare në Kosovë.

“Ju e nisët duke përmendur përvjetorin tuaj. Po i bashkohem punës së përvjetorëve dhe të them se këtë muaj shënohet 25- vjetori prej kohës kur 45 shqiptarë ishin marrë peng nga shtëpitë e tyre në fshatin e vogël të Reçakut dhe ishin vrarë nga trupat serbe. Në Serbinë e sotme, kjo konsiderohet teori konspirative, dhe ky është qëndrimi i shtetit serb, i atij shteti që ju i keni shërbyer dhe i të njëjtit shtet që ka vrarë 13 mijë civilë më 1998 e 1999 dhunoi mijëra gra më 1998/99 dhe i dëboi miliona shqiptarë jashtë shtëpive të tyre, përfshirë familjen time meqë ra fjala”, tha fillimisht studenti i matematikës.

Miku @LeartAjvazaj duke e cmontuar Jeremicin ne hollet e Cambridge-it.

Video e plote: https://t.co/nVXWrow72K pic.twitter.com/SShbslPHkF

— Arbër Kolichi (@ArberAjeti) March 5, 2024

Më tej Avazaj e pyeti se pavarësisht retorikave dhe shmangieve të vazhdueshme, Serbia në asnjë moment nuk ka kërkuar publikisht falje.

“Unë nuk kam dëgjuar ndonjë kërkim-falje nga Serbia. E di se ju nuk e keni bërë një të tillë gjatë kohës si ministër i jashtëm. Dhe ju flisni për Milosheviçin si një përjashtim të rrallë: “Oh, ai ishte…diktator i çmendur, ai ishte Sadami ynë, tashmë s’kemi diçka të tillë… Epo, kjo qartazi është e pavërtetë. Sepse nëse e shihni Serbinë para Milosheviçit, për aq sa Kosova ishte e okupuar nga Serbia, planet për shfarosjen e shqiptarëve ekzistonin me Çubriloviçin, Andriçin… dhe nëse e shihni Serbinë pas Millosheviçit prej kohës kur ai vrau veten, ju keni pasur (i ndërhyhet “ai vrau çfarë?”)”, shtoi Avazaj.

Studenti shqiptar i Kosovës ia kujtoi ish-zyrtarit të lartë të Serbisë se presidenti aktual serb Aleksandër Vuçiç, në kohën e Millosheviçit ka qenë ministër i Informacionit.

“Ju i keni pasur disa nacionalistë të preokupuar në imazh që thoshin : “Oh, ne s’e duam Millosheviçin,” por që i thonë të njëjtat budallëqe për Kosovën, dhe më pas keni dikë që po e udhëheq Serbinë prej 10 vjetësh, që është pothuajse dishepulli i Millosheviçit, ai që ishte ministër i Informacionit në Qeverinë e Millosheviçit”, pohoi Avazaj.

Ndërsa, në fund, i riu nga Kosova ka kërkuar një përgjigje nga Jeremiç për faktet që përcolli.

“Ndoshta ju mund të thoni, “Oh, këta 744 njerëz që u gjetën në Batajnicë që ishin vrarë në Kosovë dhe u çuan qindra kilometra larg në Serbi ndoshta e çuan veten në Serbi dhe u shtrinë të vdekur. Ndoshta ky është versioni juaj i të vërtetës meqë duam të relativizojmë gjithçka. Pyetja ime është: si do të pajtoheni me këto fakte?!”, përfundoi ai.

Jeremiç u duk qartë se u vu në siklet nga fjalët e djaloshit nga Kosova.

Debatin e plotë e gjeni në minutën e 57-të

The post VIDEO/ Studenti shqiptar “ia plas në fytyrë” ish-ministrit serb: Keni kryer krime të tmerrshme në Kosovë, ende nuk keni kërkuar falje appeared first on Albeu.com.

Sipas mediave serbe, bëhet fjalë për pamje që tregojnë një moment të një incidenti presidentit të Serbisë, Aleksandër Vuçiç dhe presidentit të Partisë Popullore në opozitë, Vuk Jeremiç.

“Vuçiç tha se Vuk Jeremiç, Miki Aleksiç, Vladimir Gajiç dhe Bora Novakoviç u trembën dhe ikën nga Presidenca. Por, këtu është një video ekskluzive, si ndodhi në të vërtetë”, thuhet në përshkrim.

Ndryshe, një përplasje verbale ndërmjet presidentit Vuçiç dhe presidentit të Partisë Popullore të Serbisë ishte raportuar të kishte ndodhur në hyrje të ndërtesës së Presidencës.

Një gjë e tillë, siç është thënë, ka ndodhur pasi Vuçiç ftoi liderët e Partisë Popullore në një luftë, ata u paraqitën në vendin e punës të presidentit të premten, siç thanë në atë kohë, për ta pyetur “a është normale që ai t’i ftojë në një luftë”.

Dhe pasi ata ishin larguar nga Presidenca, Jeremiç kishte përshkruar atë që kishte ndodhur në ndërtesë.

“Vuçiç zbriti, me katër ose pesë nga sigurimi, dhe filloi të dridhej, të bërtiste,… Ai bërtiti ‘Hajde më godit’. Kishte sigurim përreth tij. E pyeta ku donte. Por ai nuk u lejua të dilte jashtë. Ai shau dhe ofendoi, bërtiti dhe kërcënoi Aleksiçin. Ai më tha ‘hajdut’. Unë jam një ‘tradhtar’ për të. E pyeta nëse mund ta thoshte atë në RTS dhe para kamerës. Ai tha se nuk guxon ta bëjë”, kishte përshkruar ngjarjen Jeremiç.

The post “Hajde më godit”, momenti i përplasjes së Vuçiç me liderin e opozitës (VIDEO) appeared first on Albeu.com.

Serbia votoi pro kandidaturës se Shqipërisë në Këshillin e Sigurimit të Organizatës së Kombeve të Bashkuara dhe në lidhje me këtë gjë ngrihen pikëpyetjet nga ish-ministri i Jashtëm serb, Vuk Jeremiç.

Sipas diplomatit serb kjo zgjedhje nuk duhet nënvlerësuar, duke thënë se Shqipëria mund ta përdorë votën e saj në KS për të fituar mbështetjen e vendeve të treta për axhendën që ka në rajon.

Jeremiç solli si shembull përpjekjet e Kosovës për t’u anëtarësuar në UNESCO, që sipas tij me zgjedhjen e Shqipërisë në KS rrisin shumë shanset që të ndodhë në votimin e radhës.

“Më 11 qershor Shqipëria u zgjodh anëtare jo e përhershme e Këshillit të Sigurimit të OKB-së për vitin 2022-2023 edhe me votën e Serbisë. Anëtarësia në Këshillin e Sigurimit ofron një sërë privilegjesh. Dikush mund të pyesë po pastaj se u zgjodh Shqipëria, kur ne kemi Rusinë dhe Kinën atje që vendosin veto.

Do të ketë plotë çështje të tjera në axhendën e Këshillit të Sigurimit që do të jenë me rëndësi për vende të treta ku nuk do të ketë veto, por do të ketë rivotim dhe vota e Shqipërisë do të ketë një rëndësi ekstreme. Këtu, Shqipëria mund të shkëmbejë votën mbështetëse për një vend të tretë në këmbim të mbështetjes për axhendën e që ka në rajonin tonë.

Mbështetja e Serbisë për Shqipërinë si anëtare e Këshillit të Sigurimit, më e paktë ishte një hap pakujdesie ekstreme dhe askush nuk e ka pyetur Presidentin se përse e mbështetëm”– deklaroi Jeremiç në një intervistë televizive për mediat në Beograd.

Serbia ishte njëra nga 175 vendet anëtare të Organizatës së Kombeve të Bashkuara që votuan pro kandidaturës së Shqipërisë për një prej karrigeve jo të përhershme të rrethit të ngushtë me 15 anëtarë të Këshillit e Sigurimit të kësaj organizate.

The post Serbia votoi “PRO” Shqipërisë, politikani serb reagon ashpër appeared first on Albeu.com.