34-vjeçari Vuk Boriloviç morri 11 jetë në pak minuta në Cetinje, mes tyre dhe fëmijë.

Më pas autori i ngjarjes së rëndë u vra nga një bashkëqytetar.

Fillimisht, Boriloviç vrau dy fëmijë të mitur dhe nënën e tyre që jetonte në në banesë të dhënë prej tij me qera.

“Për momentin nuk është e qartë se çfarë e shtyu Boriloviçin të kryente një akt të tillë të urryer. Theksoj se rrethanat e gjithë ngjarjes, përfshirë edhe marrjen e jetës së Boriloviçit, janë ende duke u hetuar. Shpresoj që kurrë më nuk do të jemi dëshmitarë të një tragjedie të tillë në Mal të Zi”, tha drejtori i policisë malazeze, Zoran Brđanin.

Ende ka spekulime se përse Boriloviç e kreu masakrën e përgjakshme. Mediat malazeze raportojnë dëshmitë e banorëve të vendbanimit ku ai jetonte se kohët e fundit ka qenë dukshëm i tërhequr dhe dyshues ndaj fqinjëve të tij. Gjithashtu ka dhe informacione të pakonfirmuara se kishte probleme mendore dhe se për këtë është dashur të shkojë për vizitë në spitalin psikiatrik në Kotorr.

Gjithsesi, profili i vrasësit ishte ai i një njeriu problematik dhe i prirur për sherre. Për këtë ai ishte “person me precedentë”.

Deri më tani, vrasja më masive në Mal të Zi ka ndodhur 30 vjet më parë, në vitin 1992, në një fshat, kur një i ri 22-vjeçar vrau 9 dhe plagosi disa fshatarë të tjerë para se një nga fqinjët e tij ta ndalonte dhe ta vriste.

“Mali i Zi ka humbur shumë, do të jetë e vështirë të kthehet në normalitetin social pas gjithçkaje, por besoj se me njëfarë solidariteti do të duhet ta tejkalojmë këtë disi”, tha kryeministri Dritan Abazoviç, i cili vizitoi të plagosurit në spitalin e Cetinjës.

The post Tragjedia e Cetinjës, “pse” ende pa përgjigje për vrasësin appeared first on Albeu.com.

Përkundrazi, sipas informacioneve të Pobjedës, Boriloviq ka pasur katër-pesë raportime për sjellje të dhunshme në rininë e tij, dhe gjashtë apo shtatë muaj më parë fillimisht verbalisht e më pas e ka sulmuar fizikisht kolegun e tij Marko Lagator, raporton media malazeze CDM.

Pas një konflikti në punë, Boriloviç shkoi në shtëpinë e tij në Humce, e plagosi, i dëmtoi makinën dhe e gjuajti me gurë shtëpinë.

Lagator ka raportuar, dhe Boriloviç u shoqërua në polici dhe në korrik të këtij viti, për shkak të sjelljes së dhunshme, u vendos në arrest shtëpie.

Ai apeloi vendimin, i cili nuk ishte i formës së prerë. Por akoma nga Departamenti i Sigurisë në Cetinje, si dhe Drejtorinë e Policisë nuk ka informacione të sakta për të kaluarën e vrasësit të 10 personave./albeu.com

The post Vrau 10 persona, e shkuara e errët e autorit të masakrës në Mal të Zi, si i shkoi kolegut në shtëpi dhe e bëri për spital appeared first on Albeu.com.

Sipas burimeve, Vuk Boriloviç, agresori që i mori jetën 10 personave në vendin fqinj, priste t’i nënshtrohej një ekzaminimi në psikiatri.

Bëhet me dije se ai do të shkonte në Spitalin Psikiatrik në Dobrotë për shkak të problemeve mendore që kishte shfaqur së fundmi.

Sipas banorëve kohët e fundit kishte filluar të sillej në mënyrë të çuditshme dhe kishte shfaqur shenja të sjelljes paranojake.

34-vjeçari kishte dërguar bashkëshorten dhe tre fëmijët e tij në Herceg Novi. Banorët thonë se ai ishte bërë antisocial dhe mendoi se fqinjët e përndiqnin, po i bënin magji dhe po e vidhnin, ndaj kishte vendosur edhe kamera sigurie.

Boriloviç vetëm 15 ditë më parë kishte hyrë në shtëpinë e fqinjëve të tij dhe ua theu sendet në banesë.

Viktimat e para të krimit ishin dy djem të mitur, 8 dhe 11 vjeç. Ai ka hyrë në banesën e familjes së Millosh Martinoviç duke i qëlluar për vdekje fëmijët e mitur, të cilët tentuan më kot të fshiheshin pas derës së dhomës, dhe më pas bashkëshorten e tij, Natasha.

Më pas, 34-vjeçari telefonoi Martinoviç për t’i treguar se i kishte masakruar familjen.

Ai hyri në banesën e fqinjëve të tjerë ku vrau edhe dy persona. Mes viktimave të masakrës ishte edhe daja i sulmuesit, i cili kur dëgjoi për ngjarjen, u nis për ta penguar 34-vjeçarin por i riu e vrau me plumb në gjoks.

Kumbari i familjes Martinoviç, Mitari Mitroviç u telefonua nga Millosh i cili i kërkoi të shihte se çfarë po ndodhte me familjen e tij. Por autori e vrau në rrugë dhe më pas hyri edhe në tre shtëpi të tjera ku vrau banorët që gjeti.

Përveç Martinoviç dhe Mitroviç, në shënjestër të Boriloviç ishin edhe fqinjët Drecun, Zvicer dhe Radunoviç.

Njëri nga fqinjët që doli për të parë se çfarë po ndodhte, për fat të mirë nuk u dëmtua edhe pse ishte në trotuar, sepse arma ngeci, gjë që i dha kohë të ikte dhe të fshihej.

Boriloviç qëlloi mbi këdo që donte ta pengonte, përfshirë policinë, duke plagosur edhe një efektiv.

The post Mendonte se fqinjët i bënin magji, detaje të reja nga masakra me 10 të vdekur që tronditi Malin e Zi appeared first on Albeu.com.