Një numër i vogël qytetarësh besonin se do të kemi rrogë mesatare prej 500 eurove. Ky premtim ishte objektiv kritikash dhe talljesh, megjithatë me politikat  e qëndrueshme arritëm që ta realizojmë. Në kohë të krizës së madhe ekonomike kuptojmë se sa është i rëndësishëm investimi për të ardhurat e qytetarëve dhe punëtorëve. Me rritjen e rrogave po mbrohemi nga rritja e madhe e çmimeve ndërsa buxhetin e drejtojmë atje ku është më e nevojshme. Na pret një dimër i vështirë ku do të përpiqemi me të gjitha forcat tona që t’i ulemi tronditjet e çmimeve, tha Kryeministri Dimitar Kovaçevski.

Por nga opozita pohojnë se rroga mesatare prej 500 eurove nuk është reale dhe e vetmja gjë që sipas tyre është reale, është standardi i shkatërruar i qytetarëve.

E gjithë kjo është artificiale, duhet të theksojmë se shumë pak njerëzish në Republikën e Maqedonisë besuan se LSDM-ja do ta sjellë shtetin në këtë gjendje dhe se inflacioni do të jetë dyshifror dhe është më i lartë në rajon. Shumë pak njerëzish besonin se çmimet për nevojat themelore të qytetarëve do të rriten prej 30 deri në 100%. Të ndalemi t’i mashtrojmë qytetarët, standardi i tyre është i shkatërruar, gjë që edhe ata e shikojnë çdo ditë, tha Dimçe Arsovski, zëdhënës i VMRO-DPMNE-së.

TV21 i pyeti qytetarët nëse rroga e tyre është në rangun e rrogës mestarë, përkatësisht nëse e njëjta arrin 500 euro.

Jo, jo…

Po, nuk është mesatare, megjithatë diku afër mesatares.

Përafërsisht…por mendoj se duhet të rritet që të jetë e njëjtë për të gjithë, edhe për ata që marrin rrogë minimale për shkak se ata punojnë më shumë dhe mendoj se janë të nënçmuar, ndërsa janë në numër më të madh. Për dallim nga ata, nëpunësit në administratë në fakt nuk punojnë asgjë dhe marrin rrogë, dhe kjo duhet të ndryshohet.

Rritjen e rrogës mesatare dje e publikoi Enti shtetëror i statistikës ku thuhet se rroga mesatare e marsit ka arritur 31.080 denarë, që paraqet rritje vjetore për 10,1%./tv21

The post Кovaçevski thotë se rroga mesatare është rritur në 500 euro, VMRO-DPMNE: Rritje artificiale appeared first on Albeu.com.

Nga VMRO-DPMNE thonë se Xhaferi i ka njoftuar se do t’i refuzojë të gjitha sepse nuk kanë respektuar procedurën gjatë dorëzimit, por opozita pret shkresë nga kryetari me arsyetim pse janë refuzuar.

“Xhaferi gojarisht na njoftoi se amendimet nuk janë dorëzuar siç duhet. Presim arsyetim me shkrim pse do i refuzojë, e pastaj do t’i përgjigjemi. Do të shohim si do të veprojmë, pushteti e polarizon Kuvendin dhe me forcë po tenton të vazhdojë punën me shkarkimin e Zendelit. VMRO-DPMNE nuk do të lëshojë Kuvendin, nuk do ti lejojmë pushtetit hapësirë për sjelljen e ligjeve, por në koordinimet me Xhaferin më nuk shkoj. Nuk ka nevojë të mar pjesë në koordinime që të legjitimoj ahengun privat të pushtetit”, thotë Micevski nga VMRO-DPMNE.

Zendeli është shprehur se Besa ka dorëzuar dhjetëra amendime. Ai thotë se nëse Kuvendi e shkarkon atë, Besa më nuk do të jetë një opozitë konstruktive, gjegjësisht pushteti nuk do të ketë mbështetje për ligjet për të cilat ka nevojë edhe për votat e opozitës.//Zhurnal.mk

The post VMRO-DPMNE dorëzon mbi 400 amendime kundër shkarkimit të Fadil Zendelit appeared first on Albeu.com.

“Në fakt nuk është se ka ndonjë surprizë të madhe. Pavarësisht se unë, mbroj idenë që “BDI” është partia kryesore që ka nevojë për një reformim, rezultatet tregojnë të kundërtën. Ne kemi një fitore dhe rritje të votave të “BDI”-së dhe rritje të opozitës maqedonase dhe rënie të “LSDM”-së dhe opozita shqiptare një rënie, kanë 23-24 mijë vota më pak. “BDI” ka një rritje të lehtë të votave” tha ai.

Balotazhi pritet që të sjellë një përballje të fortë në raundin tjetër. Pedagogu Idaver Sherifi u shpreh se beteja kryesore do të bëhet për Tetovën, të cilën e shikon kombinim me Gostivarin duke folur për një “pazar” të madh që mund të bëhet për të mos prishur qeverinë.

 

View this post on Instagram

 

A post shared by ABC News Albania (@abcnewsal)

“Beteja kryesore kam përshtypjen se do të bëhet për Tetovën, unë e shikoj si kombinim të rezultatit për Gostivarin. Do të ketë një “pazar” të madh. Dy kandidatët që janë në balotazh në Tetovë, “BDI” dhe “BESA” janë pjesë e koalicionit qeverisës me “LSDM”. “BESA” ka 4 deputetë, “LSDM” duhet të mbështesë njërin prej tyre, që janë në garë. “LSDM” është element përcaktues. Kemi Gostivarin ku zoti Taravari prin nga “Aleanca për Shqiptarët” me një diferenca nga “BDI” dhe kam përshtypjen që “BDI” do të përdorë të gjitha mekanizmat ndoshta duke rrezikuar edhe Tetovën me synimin për të marrë Gostivarin.

Nëse teorikisht në aspektin matematik i del llogaria për të marrë Gostivarin unë mendoj se “BDI” do të sakrifikojë Tetovën nëse i nevojitet. Për të mos prishur edhe qeverinë, pasi në rast prishjes së këtyre balancave mes “BESES”, “LSDM”-së dhe “BDI”-së mund të çojë në zgjedhje. Mendoj se gjithë lufta do të bëhet rreth Tetovës dhe kombinimet dhe “pazaret” do të bëhen rreth kësaj komune” tha ai.

Rënien e “LSDM”-së, Sherifi ia faturon politikës qendrore, pasi sipas tij pasi populli nuk është i kënaqur. “Në Kumanovë kemi një situatë tjetër, “LSDM” është në balotazh si e dyta, por i pari është ish-kryetari që ka qenë nga “LSDM”. Kemi në balotazh dy persona me vota të majta dhe përcaktuese ndoshta do të jetë “VRMO” dhe shqiptarët nuk e di sa të fuqishëm që do të jenë. Por rënia e “LSDM”-së është e ndjeshme. Do të mundohet të fitojë Shkupin me votat e shqiptarëve” tha ai. / abcneës.al

The post Zgjedhjet në Maqedoninë e Veriut, Sherifi: “Pazari” për Tetovën, për të shpëtuar qeverinë (VIDEO) appeared first on Albeu.com.