vritet gazetari Archives - Albeu.com

I kishte mbijetuar dy atentateve, ekzekutohet gazetari

Xh — Sun, 16 Jul 2023 05:46:00 +0000

Gazetari meksikan Nelson Matus Peña ishte viktimë e një sulmi vrasës në Acapulco.

Persona të armatosur iu afruan makinës së gazetarit në një parking dyqani dhe ekzekutuan gjakftohtësisht drejtorin e faqes së lajmeve “Lo Real de Guerrero”, siç raporton gazeta El Universal.

Sulmi ndodhi pak pas orës 15:00 të së shtunës (me orën locale) në lagjen Emiliano Zapata, në veri të Acapulco.

Nelson Matus Peña u kishte mbijetuar dy atentateve , e para në 2017 dhe e dyta në 2019, sipas raporteve të mediave meksikane.

Një javë më parë, Luis Martín Sánchez Iñez, një gazetar i gazetës meksikane La Jornada, u gjet i vdekur në shtetin e Nayarit, disa ditë pas zhdukjes së tij.

Hetimet gazetareske në Meksikë të rasteve të korrupsionit, organizatave kriminale apo karteleve të drogës janë të rrezikshme për ata që guxojnë.

Që nga viti 2000, më shumë se 150 gazetarë janë vrarë në vend, sipas shifrave të organizatës joqeveritare Reporterët pa Kufi (RSF)./Albeu.com.

The post I kishte mbijetuar dy atentateve, ekzekutohet gazetari appeared first on Albeu.com.

Vritet nga snajperët rusë gazetari i “La Repubblica”

Xh — Wed, 26 Apr 2023 19:46:57 +0000

Një gazetar ukrainas, Bogdan Bitik, që punon me gazetën italiane La Repubblica është vrarë nga një snajper në jug të Ukrainës, ndërsa një koleg i tij italian është plagosur.

Dy gazetarët, të cilët mbulonin luftën që nga fillimi i pushtimit rus, kishin veshur jelek antiplumb me shënimin “Press”. Ata ishin pranë urës kryesore të Khersonit kur u sulmuan.

“Ne u qëlluam. E pashë Bogdanin në tokë, ai nuk lëvizte. Unë u përpoqa ta telefonoja, ai nuk po përgjigjej. Pastaj u ngrita në këmbë për të dalë nga vija e zjarrit dhe vrapova derisa pashë një makinë civile. Më rridhte gjak dhe më çuan në spital”, tha gazetari italian.

Sipas gazetës, trupi i gazetarit ukrainas nuk është gjetur ende, për shkak të pranisë së snajperëve në zonë./Albeu.com/

The post Vritet nga snajperët rusë gazetari i “La Repubblica” appeared first on Albeu.com.