Krimi i rëndë ndodhi në Altavilla Milicia,Palermo, ndërsa sipas ANSA-s, vetëm vajza 17-vjeçare ka arritur të shpëtojë veten.

Pas krimit, 54-vjeçari ka thirrur policinë duke i treguar për ngjarjen. Ai u arrestuar, ndëra mësohet se departamenti i operacioneve po rindërtojnë atë që ka ndodhur. Paraprakisht dyshohet se masakra është kryer ditët e fundit.

Marrja në pyetje e tij ka vazhduar për orë të tëra dhe mësohet të ketë thënë se familja e tij ishte e pushtuar nga shejtani dhe se ai i kishte çliruar.

Giovanni Barreca dyshohet se ishte fanatik fetar, pasi nga hetimet paraprake rezulton se në krim janë përfshirë edhe dy të njohur.

Nga trupi i Antonella Salamone, vetëm disa pjesë u gjetën të varrosura në tokën pranë shtëpisë së çiftit në Altavilla Milicia. Sipas asaj që bëjnë të ditur mediat italiane, gruaja është djegur dhe varrosur.

Krimi ka qenë brutal dhe për fëmijët. Mësohet se një nga ata është vrarë duke u torturuar dhe mbytur me zinxhirë.

Drejtuesi i sektit është aktualisht një nga hipotezat që po shqyrtohen nga hetuesit. Ndër dyshimet që po shqyrtohen aktualisht nga hetuesit është se 54-vjeçari mund të ketë vepruar edhe jashtë anëtarësimit në ndonjë sekt apo grup të fanatizmit fetar.

Barreca, siç rezultoi, kishte probleme ekonomike. Bashkëshortja u ndoq nga punonjës socialë të bashkisë Altavilla Milicia, të cilët megjithatë sigurojnë se nuk kanë ndjerë kurrë shqetësime, përveçse financiare, në familje.

Antonella Salamone, e përshkruar si një grua “e ëmbël dhe e sjellshme”, kishte bërë disa punë pastrimi në zyrat e bashkisë në emër të administratës komunale e cila e mbështeti çiftin duke i lënë të punonin.

“Nuk mund ta kuptojmë se si ishte e mundur e gjithë kjo. Ne dinim për debate si në të gjitha familjet, por nuk mund të mendonim se mund të ndodhte ajo që ndodhi”, thonë halla dhe gjyshja e gruas, të ardhur nga qyteti i origjinës.

“Ishte shumë fetar. Punonte shumë. Ajo ishte kujdestare. Ai mundohej ta kënaqte në çdo gjë. Ende nuk e kuptojmë. Tani po mundohemi t’i rrimë pranë mbesës“, thonë ata duke iu referuar vajzës së vetme që i mbijetoi masakrës.

The post “I çlirova nga djalli”- Dëshmia e 54-vjeçarit që torturoi dhe vrau gruan bashkë me fëmijët, ja hipotezat që po shqyrtohen nga hetuesit appeared first on Albeu.com.