Nga 1,982 civilë të vrarë midis 24 shkurtit dhe 14 prillit, 162 ishin fëmijë, tha Zyra e Komisionerit të Lartë të OKB-së për të Drejtat e Njeriut (OHCHR).

Përveç të vrarëve, gjithashtu janë plagosur edhe 2651 civilë të tjerë, 256 prej tyre fëmijë.

Shumica e vdekjeve dhe të të plagosurve ishin shkaktuar nga bombardimet dhe sulmet ajrore, sipas OHCHR.

Komisionerja e Lartë për të Drejtat e Njeriut, Michelle Bachelet, ka shprehur më parë tmerrin ndaj raporteve për civilë të vrarë në qytetin Bucha, pranë kryeqytetit Kiev, duke thënë se ata ngritën pyetje serioze dhe shqetësuese në lidhje me krimet e mundshme të luftës dhe duke kërkuar që të ruhen provat./albeu.com

The post OKB: Më shumë se 1900 civilë të vrarë në Ukrainë, 162 fëmijë appeared first on Albeu.com.

Më 6 mars, Serhiy Perebyinis, e humbi të gjithë familjen e tij pas sulmetve ruse. Bashkëshortja dhe dy fëmijët e tij u vranë teksa po përpiqeshin të largoheshin nga periferia e Kievit.

Vdekja e tyre erdhi si pasojë e goditjes nga një predhë ruse dhe u dokumentua nga gazetarët në vendin e ngjarjes.

Pamjet e trupave të tyre të pajetë kanë bërë xhiron e botës, duke treguar hapur masakrat e pushtimit rus në Ukrainë.

Perebyinis ka biseduar me Current Time, projekt i Radios Evropa e Lirë, për tragjedinë.

The post “Kjo është çanta që im bir mbante kur u godit nga predhat, ka ende gjak”, rrëfimi i ukrainasit që humbi gruan dhe dy fëmijët (VIDEO) appeared first on Albeu.com.

“Unë njoha valixhet dhe kështu që e dija”, tha Serhiy Perebyinis.

Tetiana Perebyinis dhe dy fëmijët e tyre, Mykyta, 18 dhe Alisa, 9 vjeç, vdiqën në qytetin e Irpin teksa po arratiseshin. Në vitin 2014, ata u larguan nga Ukraina lindore për t’u vendosur në Kiev pas luftimeve mes ushtrisë ukrainase dhe separatistëve të mbështetur nga Rusia.

“E gjithë bota duhet të dijë se çfarë po ndodh këtu,” tha Serhiy, i cili kishte udhëtuar për t’u kujdesur për nënën e tij të sëmurë para se të shpërthente lufta.

Ai i tha gazetës se për t’u kthyer në Kiev, ai u detyrua të hynte në Rusi dhe më pas të fluturonte në qytetin e Kaliningradit për të kaluar në Poloni.

Perebyinis tha se iu kishte thënë trupave ruse në kufirin me Poloninë se; “E gjithë familja ime vdiq në atë që ju e quani një operacion special dhe ne e quajmë luftë. Mund të bëni çfarë të doni me mua, nuk kam asgjë për të humbur.”

Serhiy postoi një mesazh në Facebook pak orë më parë se kalvari i tij ishte “si një film horror”. “Është e vështirë të shikosh kur gruaja jote e dashur është e shtrirë në një çantë të zezë në dysheme”, ka shkruar ai. Ai u zotua gjithashtu për drejtësi për familjen e tij: “Do të luftoj për ta deri në fund. Do të sigurohem që të ketë një vendim gjykate.”/BW

The post “Njoha valixhet!” Predhat ruse i vranë gruan dhe dy fëmijët, burri tregon se si e mësoi lajmin appeared first on Albeu.com.