Një oficer policie është marrë në mbrojtje nga policia, pasi dyshohet se ishte shënjestra e radhës e Nuredin Dumanit për t’u eliminuar.

Sipas burimeve bëhet fjalë për shtetasin me inicialet K.G., fotoja e të cilit u gjet ne celularin e Nuredin Dumanit.

Kujtojmë se shtetasi K.G ka qenë më herët me detyrë ofivcer në Elbasan dhe ka hetuar disa nga ngjarjet kriminale atje, përfshirë dhe ngjarjet ku dyshohet se urdhërues i krimeve ka qenë Erjon Alibej.

The post Dumani kishte planifikuar ta “hiqte qafe”, oficeri i policisë merret në mbrojtje! Ku iu gjet fotografia appeared first on Albeu.com.

Berisha është shprehur se dje ka denoncuar në Parlament Taulant Bego Yaris, si drejtuesi politik i bandës së Elbasanit.

Komëntet Berisha i bëri përmes një njoftimi në Facebook.

“Dumani i qelise mbrone Dumanin e Partise!

Miq, dje denoncova ne parlament Taulant Bego Yaris si Dumani politik i Bandes se Elbasanit, i cili ka me kapot dhe anetaret e kesaj bande te qeverise qindra telefonata, te cilat faktojne se ai eshte anetar kryesor politik i saj.

Perveç kesaj akuzova Taulant Bego Yaris se ai se bashku me Gaz Bardhin jane pergjegjes kryesor politik te vrasjes se Dr Pjerin Xhuvanit dhe plagosjes te kater njerezve ne Elbasan.

Natyrisht dje une nuk thashe asgje te re por vetem ato qe dihen nga te gjithe.

Mirepo interesant eshte fakti se ne mbrojtje te Dumanit te Parlamentit brofi Skapi i partise te dale i pari duke perdorur per kete Dumanin e penduar te drejtesise. Sipas rrjedhjes selektive nga SPAKU i partise te deshmive te Dumanit te penduar, Ballen e shpetoi ai per akuzen e padrejte qe nje pjese e bandes i bente Tauland Bego Yaris sikur ky i fundit kishte ideuar vendosjen ne garazhin e Manhasve te armes me te cilen ishte vrare nje anetar i bande.

Taulant Bego Yaris e kishte bere kete per te akuzuar Manhasat sikur ata ishin vrasesit e viktimes dhe te provokonte keshtu hakmarrje ndaj tyre.

Por sipas Dumanit te qelise ai vrasesi serial i 12 njerezve kishte nderhyre dhe zbardhur faqen Dumanit te Parlamentit. Por cili ishte shperblimi qe Dumani i qelise mori nga Dumani i Partise per sherbimin qe beri ajo nuk ka rendesi!!

Ne te vertet Dumani i qelise me deshmine e tij vetem sa provoi akuzat e mia dhe fundosi perfundimisht Dumanin e Partise.

Kjo se pari sepse deshmia e Dumanit tregon qarte se deputetit Bego Yaris ishte aq i perzier me bandat sa qe ato nuk nguronin ta akuzonin per skenare e kurthe kriminale mafioze.

Sipas Dumanit, Taulant Bego Yaris ishte nje me bandat dhe operacionet e tyre kriminale. Ne kete rast Manhaset nuk akuzuan Don Lalen por Taulant Bego Yaris per vendosjen e armes se krimit ne garazhine tyre.

Se dyti une dje nuk e akuzova Bego Yarisin se ka ideuar vendosjen e armes se krimit  ne garazhin e Manhasve por e akuzova se ka qindra telefonata me anetaret dhe boset e bandave  te Elbasanit dhe se eshte direkt i  implikuar politikisht ne vrasjen e Dr Xhuvanit.

Fakti qe pohon Dumani i qelise me te cilin zgjodhi te mbrohet Dumani i Partise vetem sa provon me shume lidhjet e Bego Yarisit me banden e cila kishte ate  nje anetar te vetin. E verteta eshte se Dr Xhuvani u vra ne preplasje me arme te bandes elektorale te Taulant Bego Yaris me kundershtaret politik qe mbeshtesnin  PD.

Perveç ketyre gjuha shkon aty ku dhembe dhembi!

Dje Dumanit te parlamentit perveç Dumanit te qelise i doli zot edhe Gaz Bardhi bashkpergjegjes ne pergjakjen e Elbasanit ku mbeti i vrare Dr Xhuvani dhe te plagosur 4 te tjere.

Edhe reagimi i Bardhit ishte si klithma e atij qe bertet mos kujtoni se jemi ne pergjegjes per gjakun e derdhur ne Elbasan. Ky eshte vetem fillim me shume do te degjoni! Sb”, është shprehur Berisha./albeu.com/

The post “Godet” Sali Berisha: Dumani i qelisë mbron Dumanin e Partisë, Balla dhe Bardhi janë përgjegjës për vrasje appeared first on Albeu.com.

Alibej është i akuzuar si pjesëmarrës në grup të strukturuar kriminal dhe për dy vrasje të ndodhura në korrik të vitit 2021.

Konkretisht sipas prokuorisë Erion Alibej akuzohet për vrasje me paramendim të Emiljano Ramazanit më 20 korrik të vitit 2020 në lagjen “28 nënotri” në Elbasan. Po ashtu Alibej akuzohet edhe për vrasjen e Regis Runajt më 29 korrik 2020 në lagjen “Emin Matraxhi”.

Ndërkohë ndaj personave nën hetim Albert Manahasa dhe Seit Manahasa është kërkuar pushimi i çështjes për shkak se nuk e kanë kryer veprën penal për të cilën dyshoheshin.

Kujtojmë se Regis Runajt u gjet i masakruar me thikë pranë varrezave të Elbasanit, mbrëmjen e 29 korrikut 2020. Regis Runaj dhe Emiljano Ramazani ishin miq të ngushtë me njëri-tjetrin ndërsa u vranë njëri-pas tjetrit brenda 9 ditësh në Elbasan.

“Truri” i dy vrasjeve që tronditën qytetin e Elbasanit, më 20 dhe 29 korrik ishte 34-vjeçari Erion Alibej! 34-vjeçari ishte organizatori dhe porositësi i vrasjes së Emiljano Ramazanit dhe shokut të tij, Regis Runajt në Elbasan. Uniformat blu bënë arrestimin e tij në 18 shtator të 2020./albeu.com/

The post Vrau Regis Runajn dhe Emiljano Ramazanin në Elbasan, SPAK çon për gjykim Erion Alibejn appeared first on Albeu.com.

Hoxha nga ABC Live është shprehur se pas 5 muajsh heshtje në Elbasan po kthehet sërish ditët e trazirave mes grupeve rivale që tashmë nga dy janë shndërruar në katër grupe.

Sipas tij policia nuk mund të justifikohet me faktin se viktimat kishin të kaluar kriminale.

“Elbasani po thyente rekord pozitiv, pasi po kalonin 5 muaj nga ngjarja e fundit. Atentati i fundit më 11 maj ku u ekzekutua Everst Çaka, një atentat i ngjashëm me këtë ishte një person i ardhur nga jashtë dhe atentatorët e vranë në sy të bashkëshortes. Një atentat që lidhet me konfliktet mes dy grupeve që kanë shënuar shumë viktima. U duk se ishte një qetësi, por që ngjarja e mbrëmshme tronditi sërish Elbasanin.

Kemi pasur dy grupe që janë goditur dhe nga rivalet dhe nga institucionet ligjzbatuese, duke pasur viktima dhe drejtues në burg, ku u duk sikur ishte një balancë por atentati i djeshëm na ktheu në ditët e trazuara.

Nuk ka më dy grupe në Elbasan por janë bërë katër grupe, po i referohem Xhafajt kur ka përmenduar grupin Çapaj dhe Çela por ngjarja e djeshme nuk ka lidhje me këtë gjë. KÇK dhe OFL nisën nga Elbasani sepse ishte një fushatë pastrimi para zgjedhjeve. Në rastin konkret nuk ka justifikim për policinë që viktimat kanë viktima ,me të kaluar kriminale”, ka thënë ai.

Ndër të tjera gazetari është shprehur se është e vështirë që të flasim për shenjestrën e atentatit, pasi të dy ishin persona që kishin probleme me drejtësinë dhe ishin të përfshirë në ngjarje kriminale.

Gazetari Hoxha thekson se të dy viktimat mund të kenë pasur lidhje dhe njohje me grupet e famshme në Elbasan, por nuk mund të japim me siguri emrin se cili nga personazhet ka qenë shenjestër, pasi mund të ketë qene Bitri për ngjarjen e Tetovë, ose Çollaku për atë të majit.

“Është shumë shpejt për të folur, janë disa pista hetimi. Nga mënyra që u krye është përsëritje skene në zonën e Elbasanit. Varianti tjetër është se makina dhe armët nuk gjenden fare, kjo do të thotë se nuk kanë siguri të largohen pasi kanë frikë të largohen. Djegia e makinës bëhet për të mos lënë gjurmë, zjarri fshin gjurmët e gishtërinjve në makinë. Kur gjendet makina përmes numrit të serisë kërkohet që të gjenden dhe autorët pasi është një gjurmë.

Një pistolet dhe një kallashnikov silenciator të dy viktimat kanë qenë në survejim, autorët kanë qenë minimalisht tre veta dhe mund të kenë përdorur 2 automjete. Lulzim Bitri është një personazh i arrestuar para tre vitesh për një vrasje, është akuzuar dhe liruar për atë vrasje, nuk mund të them se ai mund të ketë qenë ai shënjestra. Vëllai i Lulzim Bitrit dyshohet se ka qenë i përfshirë në ngjarjen e 2016 ku u vranë tre anëtarë nga fisi Capja por akoma s’ka konfirmim. Ardian Çollaku ka qenë i dënuar për trafik narkotikësh në Itali dhe i dënuar me 23 vite burg. Është dyshuar për aktivitet narkotikësh nga Turqia në Elbasan, nga Afganistani në drejtim të BE, por që i kanë shpëtuar drejtësisë dhe ndodheshin të lirë

Kemi dy të vrarë në Elbasan dhe kemi një makinë të djegur, dy armë të gjetura dhe nëse zinxhiri nuk ndërpritet do të kemi sërish vrasje dhe viktimë.

Këto persona kanë pasur njohje me grupet e njohura në Elbasan, por nuk mund ta përcaktojmë nëse këto janë apo jo me një palë. Talo Çelën e njohin shumë njohje, atëherë a do të ketë gisht Nuredin Dumani në ngjarje por kjo është e pasigurtë. Nuk i dihet nëse është Bitri dhe janë ato të Tetovës apo është Çollaku dhe a ka lidhje me ngjarjen e majit. E kaluara e tyre e ndihmon hetimin për të pasur një portret të saktë të viktimave dhe për të kuptuar cili është i interesuar që ti godiste”, është shprehur Hoxha./abcnews.al

The post Vrasja e dyfishtë, Hoxha: Viktimat probleme me drejtësinë, në Elbasan veprojnë katër grupe appeared first on Albeu.com.