Sipas informacioneve paraprake, viktimë ka mbetur pronari i një karburanti i identifikuar si Rexhep Ismaili 66 vjeç, i cili ka marrë një plumb në kokë.

Ngjarja ka ndodhur brenda në lokal në karburantin në pronësi të 66-vjeçarit. Pas një konflikti të ndodhur disa ditë më parë, autori dyshohet se ka shkuar i armatosur në ambientet e karburantit dhe ka qëlluar me pistoletë ndaj viktimës, i cili ndodhej në lokalin e biznesit të tij, në tavolinë me persona të tjerë.

Pas të shtënave, persona që ndodheshin brenda banakut kanë nxjerrë një armë automatike dhe kanë qëlluar në drejtim të autorit, por ky i fundit ka arritur të largohet nga vendngjarja.

Rezulton se Rexhep Ismaili është dhe kryetar i Shoqatës Çamëria, dega Sarandë.

Burime për gazetaren e Top Channel Entjola Budo bëjnë me dije se viktima ishte njeri korrekt dhe pa ndonjë konflikt të mëparshëm.

Në vendin e ngjarjes kanë mbërritur forca të shumta policie ndërsa rrethanat e vrasjes vijojnë të jenë të paqarta ndërsa autor ësshtë larguar pa lënë gjurmë dhe se po punohet gjithashtu për identifikimin e tyre.

The post Detaje nga vrasja në Sarandë/ Zbardhet dinamika e ngjarjes! Viktima u konfliktua me disa persona, njëri e qëlloi në kokë appeared first on Albeu.com.

Sipas informacioneve paraprake, Rexhep Ismaili ishte pronar i një karburanti në zonë dhe dyshohet se është qëlluar me plumb në kokë, duke ndërruar jetë në vend.

Ndërkohë, forca të shumta policie ndodhen në vendngjarje dhe kanë nisur hetimet për zbardhjen e plotë të rrethanave të krimit dhe identifikimin e autorëve.

Zona është rrethuar plotësisht, ndërsa grupi hetimor po mbledh prova që mund të ndihmojnë në zbardhjen e atentatit.

The post U vra me armë zjarr, ky është pronari i karburantit që humbi jetën në Sarandë appeared first on Albeu.com.

Sipas të dhënave paraprake, viktimë ka mbetur Rexhep Ismaili, pronar i një karburanti në zonë.

Ismaili raportohet se është qëlluar me armë zjarri dhe marrë një plumb në kokë, i cili i ka shkaktuar vdekjen.

Në vendngjarje kanë mbërritur menjëherë forca të shumta policie, të cilat nisur hetimet për zbardhjen e rrethanave të atentatit, si dhe identifikimin dhe kapjen e autorit/ëve.

The post EMRI/ Atentat me armë zjarri në Sarandë, vritet me plumb në kokë pronari i një karburanti appeared first on Albeu.com.

Mësohet se, 30-vjeçari, Endri Goxhaj dhe Donald Nela u përfshinë në një konflikt ku shkak dyshohet kanë qenë hasmëritë e vjetra.

Gjatë konfliktit mbeti i vdekur Endri Goxhaj dhe u plagos Dario Nelaj, vëllai i autorit Donald Nelaj.

Donald Nelaj, i njohur me pseudonimin “Tupja” është person me precedentë penalë, i cili mësohet se është kontakti i fundit që pati Erald Muço, shoku i Aleksandër Sadikajt.

Gazetarja Klodiana Lala, gjatë emisionit “Në Shënjestër”, në korrik të vitit të kaluar, publikoi detaje mbi autorin e dyshuar të vrasjes, Donald Nelaj.

Nelaj rezulton të jetë personi i fundit që ka pasur kontakt me Eraldo Muçin, mik i Aleksandër Sadikaj, i njohur ndryshe me nofkën “Sanco”, që u ekzekutua më 11 Qershor 2022, me anë të shpërthimit të një sasie tritoli të vendosur poshtë makinës me të cilën lëvizte në afërsi të rrethrrotullimit të TEG-ut.

Kujtojmë se 30-vjeçari Eraldo Muçi, ka humbur çdo gjurmë prej datës 15 Qershor 2025.

Nëna e Eraldos, e cila ka dëshmuar para grupit hetimor, ka pohuar edhe për emisionin “Në Shënjestër” se biseda e fundit telefonike me të birin, ishte në orët e para të mëngjesit të 15 qershorit.

The post Ky është viktima që mbeti i vrarë gjatë përplasjes me armë në Memaliaj, autori me precedentë penalë appeared first on Albeu.com.

policia naten (1)

Sipas informacioneve paraprake, ngjarja ka ndodhur rreth orës 20:50, ku pas një konflikti, shtetasi Donald Nelaj, 29 vjeç, ka qëlluar me armë zjarri shtetasin Endri Goxhaj, 30 vjeç, i cili ka humbur jetën rrugës për në spital.

I plagosur, në rrethana ende të paqarta, ka mbetur edhe vëllai i autorit të dyshuar, shtetasi me iniciale D. N., 25 vjeç, jashtë rrezikut për jetën.

Autori i dyshuar, pas ngjarjes, është larguar me automjet, ndërsa shërbimet e Policisë janë vënë në ndjekje të tij.

Burime bëjnë me dije se dy grupet kanë pasur më herët konflikte të vazhdueshme mes tyre, ndërsa mbrëmjen e sotme një sherr i momentit ka rindezur hasmëritë e vjetra, duke degjeneruar në dhunë të armatosur.

Gazetarja Klodiana Lala bën me dije se autori i vrasjes së sotme, Donald Nelaj, është personi i fundit që ka patur kontakt me Eraldo Mucin, shokun e Aleksandër Sadikaj i njohur si “Sanco”, që u vra me eksploziv afër Teg-ut.

Ngjarja ka ndodhur para një lokali në pronësi të shtetasit me iniciale S.K., pranë qendrës së Memaliajt.

Memaliaj/Informacion paraprak

Rreth orës 20:50, në Memaliaj, dyshohet se pas një konflikti, shtetasi D. N., 29 vjeç, ka qëlluar me armë zjarri shtetasin E. G., 30 vjeç, i cili ka humbur jetën rrugës për në spital.

I plagosur, në rrethana ende të paqarta, ka mbetur edhe vëllai i autorit të dyshuar, shtetasi D. N., 25 vjeç, jashtë rrezikut për jetën.

Autori i dyshuar, pas ngjarjes, është larguar me automjet.
Shërbimet e Policisë janë vënë në ndjekje të tij.

Ndërkohë, është ngritur një grup i posaçëm hetimor, në drejtimin e Prokurorisë, për sqarimin e rrethanave dhe dokumentimin ligjor të ngjarjes.

The post Vrasja me armë zjarri në Memaliaj, policia jep detaje: Viktima humbi jetën rrugës për në spital, i plagosur edhe vëllai i autorit appeared first on Albeu.com.

Sipas informacioneve paraprake dyshohet se i vdekur ka mbetur shtetasi 33-vjeçar Endri Goxhaj dhe i plagosur një person tjetër i paidentifikuar. Konflikti ka ndodhur në qendër të qytetit mes 30-vjeçarit D. N., dhe viktima Endri Goxhaj.

Krimi është regjistruar para një lokali, teksa policia ka shkuar menjëherë në vendngjarje dhe është vënë në ndjekje të autorit i cili është larguar në drejtim të paditur.

Grupi hetimor ndodhet në vendngjarje dhe po punon për zbardhjen e plotë të rrethanave të rastit.

The post Të shtëna në Memaliaj, një i plagosur dhe një i vr*rë nga konflikti mes dy të rinjve, zbulohet emri i viktimës appeared first on Albeu.com.

Njoftimi:

Ekzekutohet nga Sektori për Hetimin e Krimeve të Rënda urdhri i ndalimit për një 38-vjeçar, i akuzuar për vrasje.

Specialistët e Sektorit për Hetimin e Krimeve të Rënda në DVP Fier ekzekutuan urdhrin e Prokurorisë Fier për ndalimin e shtetasit A. G., 38 vjeç, banues në Fier.

Gjykata e Fierit ka caktuar ndaj këtij shtetasi masën e sigurisë “Arrest me burg”, për veprat penale “Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.

38-vjeçari dyshohet se, në bashkëpunim me vëllain e tij, shtetasin K. G. (aktualisht në paraburgim në ambientet e IEVP Fier), më datë 07.12.2023, në lagjen “16 Prilli”, Fier, pas një konflikti për motive të dobëta, kanë qëlluar me armë zjarri në drejtim të një automjeti që drejtohej nga shtetasi E. J., 41 vjeç.

Si pasojë e të shtënave, 41-vjeçari ka humbur jetën në vendngjarje.

The post Merr fund arratia/ Vrau 38-vjeçarin tre vite më parë, arrestohet autori në Fier appeared first on Albeu.com.

Burime bëjnë me dije se Eduart Afmataj deklaroi se, fillimisht mes tyre ka pasur një konflikt verbal, ku më pas, sipas autorit, Artur Cangu, e ka goditur me një kosë të vogël në krah.

Pas kësaj, Eduard Afmataj ka deklaruar se, ka marrë çiften dhe e ka qëlluar 48-vjeçarin duke e lënë të vdekur. Menjëherë pas krimit të kryer, ky i fundit ka lajmëruar Policinë duke i treguar për krimin e kryer dhe më pas është larguar.

Afmataj u arrestua pa u mbushur 24 orë nga ngjarja në vendin e quajtur Bruz Mal në Malësi Krujë ndërsa ishte fshehur në këtë zonë të thellë. Sipas burimeve, në momentin e arrestimit Afmataj nuk ka bërë rezistencë ndaj forcave të Policisë ndërsa arma e krimit ende nuk është gjetur.

The post Vrasja në Nikël! Zbardhet dëshmia e autorit Eduart Afmataj: Patëm një konflikt! Më goditi në krah, më pas mora çiften dhe e qëllova appeared first on Albeu.com.

Mësohet se shkaku i vrasjes është parkimi i gabuar i automjetit nga viktima, ndërsa bëhet me dije se mes tij dhe autorit ka pasur një konflikt të vazhdueshëm në lidhje me çështje pronësie.

Raportohet se 41-vjeçari Çangu kishte shkuar në banesën e prindërve të tij dhe kishte parkuar makinën e tij pranë saj.

Autori, Afmataj, ka reaguar menjëherë dhe më pas ka dalë nga banesa e tij dhe ka debatuar me 41-vjeçarin, pasi ka pretenduar se automjeti i parkuar i kishte bllokuar rrugën.

Ky debat ka degjeneruar në një konflikt fizik, duke bërë që 33-vjeçari të marrë një armë gjahu tip “çifte” dhe të qëllojë ndaj 41-vjeçarit, duke e lënë të vdekur në vend. Viktima është gjetur nga policia e kthyer përmbys dhe me shenja plumbash.

Po ashtu, bëhet me dije se Eduart Afmataj rezulton të ketë lidhje familjare me viktimën, pasi është dhëndër te kushërinjtë e Çangut.

Pas vrasjes, 33-vjeçari ka njoftuar policinë dhe më pas është larguar nga vendngjarja, duke humbur gjurmët. Ndërsa sot është bërë i mundur arrestimi i tij.

The post Vrasja në Nikël, merr fund arratia e autorit/ Arrestohet Eduart Afmataj, ekzekutoi 41-vjeçarin pas sherrit për parkimin e makinës appeared first on Albeu.com.

Gazeta EL TIEMPO mësoi se arrestimi ishte rezultat i një ndjekjeje që zgjati rreth 30 ditë. Një ekip i bllokut të kërkimit të Policisë Metropolitane të Pereira-s dokumentoi lëvizjet e tij në zona si Cerritos, Pinares dhe Álamos, ku ai ndryshonte vazhdimisht automjetet dhe rutinat. Ky model sjelljeje ngriti dyshimet e analistëve të inteligjencës.

Kur u ndalua, ai tentoi të identifikohej si shtetas gjerman, por hetuesit kishin tashmë informacion për origjinën e tij shqiptare dhe të kaluarën kriminale në Evropë. U zbulua gjithashtu se përdorte të paktën dy pasaporta për të lëvizur në vende si Mbretëria e Bashkuar, Mali i Zi, Serbia, Kroacia, Gjermania dhe Spanja.

Autoritetet e lidhin atë me struktura kriminale që operojnë në Costa del Sol, një zonë e njohur për praninë e organizatave evropiane të trafikut të drogës. Emri i tij shfaqet në rrjete kriminale që operojnë në disa vende të kontinentit.

Rasti për të cilin kërkohej daton më 30 qershor 2022, në lagjen Golden Beach në Marbela, ku u gjet trupi i Aleksandar K., një shtetas serb me shenja torture dhe plagë nga arma e zjarrit. Hetimi i gjykatës çoi në urdhër-arreste të lëshuara në korrik 2022 dhe nëntor 2023.

Sipas dosjeve gjyqësore në Evropë, viktima kishte lidhje me rrjete të trafikut të drogës dhe kishte bashkëpunuar si informator me autoritetet gjermane. Njohuritë e tij mbi rrjetet kriminale në Evropë dhe lidhjet me organizata në Amerikën Latine e bënin një figurë kyçe në këto struktura.

Në këtë rrjet, Florind Rama lidhet me organizata kriminale me origjinë ballkanike, përfshirë klane që veprojnë në Mal të Zi, Serbi dhe Kroaci, si dhe kontakte në Gjermani. Autoritetet po hetojnë edhe lidhje të mundshme me rrjete të trafikut të drogës në Amerikë.

Gjatë hetimeve u konstatua se autorët e vrasjes lëviznin me automjete specifike, përfshirë një Porsche Cayenne dhe një Volkswagen, si dhe u gjetën përputhje balistike që lidhin armën e përdorur me krime të tjera në territorin gjerman.

Prania e tij në Pereira, ku përpiqej të fshihej, hapi linja të reja hetimi. Autoritetet po analizojnë lidhjet e mundshme me rrjete lokale të narko-trafikut, përfshirë struktura në Eje Cafetero, si dhe kontakte me organizata ndërkombëtare.

Operacioni u realizua në bashkëpunim mes autoriteteve kolumbiane, Europol-it dhe agjencive të sigurisë të Shteteve të Bashkuara. Në të njëjtën linjë, blloku i kërkimit në Pereira ka arrestuar edhe aktorë të tjerë të ekonomive ilegale, përfshirë alias Cakin.

Florind Rama pritet të përballet me procesin e ekstradimit drejt Evropës, ku kërkohet për vepra si vrasje, ndalim i paligjshëm, armëmbajtje dhe pjesëmarrje në organizatë kriminale. Ndërkohë, autoritetet po vazhdojnë hetimet për aktivitetin e tij në Kolumbi dhe lidhjet e mundshme me rrjete të mëdha narko-trafiku, përfshirë “La Cordillera”, kartelin e Sinaloas dhe Jalisco.

https://rumble.com/v78bupy-arrestimi-i-florind-rames-ne-kolumbi.html

The post VIDEO/ I kërkuar nga Interpol për vrasje dhe dyshime për torturë e rrëmbim, arrestohet shqiptari në Kolumbi (EMRI) appeared first on Albeu.com.