Burimet bëjnë me dije se para se të ndërronte jetë nga breshëria e plumbave që u derdhën mbi të nga persona ende të paidentifikuar, Can Kariçi lëvizi i plagosur me makinë për gati 100 metra.

Grupi hetimor ka rindërtuar edhe një herë dinamikën se si u ekzekutua 30 vjeçari me origjinë nga Dibra e banues në Kamëz.

Sapo doli nga lokali ku kishte konsumuar kafe me dy shokë e një shoqe të tijën, 30 vjeçari hipi në makinën Golf me targa gjermane dhe menjëherë sapo ndezi makinën u qëllua me breshëri kallashnikovi.

Nga vendi ku autorët hapën zjarr, kamerat kanë fiksuar se për gati 100 metra, Kariçi ka lëvizur me makinë i plagosur. Ai ndërroi jetë në makinë, trupi i të cilit u diktua nga kalimtarët e zonës. Hetimet kanë zbuluar se 30 vjeçari i ishte drejtuar zonës së Institutit, aty ku e priste një tjetër vajzë për takim.

Kjo e fundit kishte shkuar në këtë zonë me taksi dhe me mesazhe i kishte treguar Kariçit vendin se ku e priste. Në sajë të tabulateve telefonike, policia mundi të identifikojë vajzën. Ajo u mor në pyetje duke deklaruar se nuk ka pasur dijeni për problemet e të riut.

Hetuesit janë në pritje të zbardhjes së plotë të tabulateve telefonike për të parë bisedat e fundit që ka bërë viktima dhe kush janë personat që kanë komunikuar me të, shkruan Abc.

Policia është në pritje të përgjigjes nga laboratori shkencor për pistoletën që viktima kishte me vete, për të verifikuar nëse është përdorur ose jo në ndonjë ngjarje kriminale. Si pistë kryesore është duke u hetuar përplasja mes grupeve kriminale. Ndërsa në makinën Audi me targa të huaja që autorët dogjën në Institut bashkë me kallashnikovin brenda, nuk është mundur të përfitohet asnjë provë e rëndësishme për hetimin. /albeu.com/

The post DETAJET/ Do të takonte dy vajza, Can Kariçi eci i plagosur nga plumbat 100 m e vdiq appeared first on Albeu.com.

Pas një sherri banal dhe në gjendje të dehur, mbeti I vdekur shtetasi Jurgen Duka, 29 vjeç.

Burimet bëjnë me dije se viktima ishte me precedentë penale të mëpërshëm në fushën e narkotikëve.

Si ndodhi sherri:

Mësohet se Duka dhe shoku i tij O.D., kanë hyrë në market dhe pas një debati, ka filluar një konflikt me një person tjetër të paidentifikuar ende.

Sherri ka agravuar dhe ky i fundit ka qëlluar Dukën me armë zjarri duke e lënë fillimisht të plagosur, ndërsa më pas 29-vjeçari ka ndërruar jetë në Spitalin e Traumës.

Njoftimi i Policisë:

Me datë 14.12.2021, rreth orës 00:20, në rrugën “Irfan Tomini”, shtetasi J.D. (M)., është konfliktuar me një person ende të paidentifikuar. Personi ende i paidentifikuar ka qëlluar me armë zjarri ku ka mbetur i plagosur shtetasi J. D. (M)., rreth 29 vjeç. Si pasojë e plagëve të marra, shtetasi J. D. (M)., ka ndërruar jetë në Spitalin Universitar të Traumës.

Shërbimet e Policisë kanë kaluar menjëherë në vendngjarje, dhe Grupi hetimor, nën drejtimin e Prokurorisë ka sekuestruar prova  materiale që shërbejnë për të identifikuar autorin e ngjarjes. Janë marrë në pyetje shoku i shtetasit J. D. (M)., dhe persona të tjerë në vendngjarje. Vijon puna për identifikimin e kapjen e autorit./albeu.com/

The post DETAJET/ Vritet me armë zjarri 29-vjeçari në Tiranë, të rinjtë dyshohen se ishin të dehur appeared first on Albeu.com.

Ngjarja ka ndodhur në rrugën “Irfan Tomini”, ndërsa dyshohet se dy të përfshirët në konflikt kanë qenë në gjendje të dehur. Mësohet po ashtu se autori është larguar nga vendi i ngjarjes.

vijon… /albeu.com/

The post Vrasje në Tiranë appeared first on Albeu.com.

Burimet bëjnë me dije se brenda makinës së autorëve të cilës i vendosën zjarrin në Thumanë pas krimit, janë gjetur dy armë zjarri të llojit kallashnikov.

Armët pa silenciator janë gjetur në mjetin “Toyota” në Thumanë, me targa  “AA 532 ON” e cila rezulton e vjedhur pak muaj më parë në Tiranë.

Policia bën me dije se brenda makinës nuk është gjetur asnjë njeri ndërkohë shkrumbimi nga zjarri ka bërë të pamundur identifikimin e autorëve nga shenjat e lëna në makinë dhe në armët e krimit.

Njoftimi i policisë mbi gjetjen e makinës së krimit:

Tiranë/ Informacion shtesë

Në lidhje me informacionin paraprak të dhënë pak më parë, për ngjarjen e ndodhur  te “2 rrathët” në Unazë të Re, ju bëjmë me dije se :

Grupi hetimor ka bërë  identifikimin e dy personave që kanë humbur jetën si pasojë e të shtënave me armë zjarri:

Drejtuesi i mjetit shtetasi E. M., 32 vjeç dhe pasagjeri shtetasi A. D., 26 vjeç.

Ndërkohë  në Thumanë është gjetur një  automjeti tip “Toyota” duke u djegur dhe dyshohet se është automjeti që kanë përdorur autorët e ngjarjes.

Targat e mjetit të djegur rezultojnë të  vjedhura në Tiranë.

Grupi hetimor nën drejtimin e Prokurorisë po punon për dokumentimin e ngjarjes si dhe grumbullimin e provave që çojnë në identifikimin e autorëve të ngjarjes.

The post Bënë shoshë makinën, autorët qëlluan me dy kallashnikov pa silenciator mbi dy të rinjtë (VIDEO) appeared first on Albeu.com.

Viktimat janë Erigers Mihasi, 32 vjeç dhe Armando Dumani, 26 vjeç, të dy personazhë të njohur për botën e krimit në Shqipëri.

Burimet bëjnë me dije se Erigers Mihasi e Armando Dumani të cilët u vranë sot në atentat janë kontrolluar nga efektivët e policisë vetëm 30 minuta para se të ekzekutoheshin me breshëri plumbash.

Mësohet se policët janë tërhequr nga xhirot e shumta që po bënin të rinjtë.

Erigers Mihasit, 32-vjeç që po drejtonte mjetin e llojit “Audi” dhe me pasagjer Armando Dumani, është ndaluar nga një Efektiv I Policisë Rrugorë dhe u ka kontrolluar dokumentacionin e nevojshëm.

Por sipas policisë nuk u është gjetur asgjë e paligjshme dhe janë lënë të vazhdojnë rrugën.

Vetëm pak minuta më vonë, në rrugë u zunë pritë atentatorët dhe i ekzekutuan në semafor. Gjithashtu mësohet se Mihasi gjendej nën përgjim nga prokuroria.

Njoftimi i policisë:

Në lidhje me informacionin paraprak të dhënë pak më parë, për ngjarjen e ndodhur  te “2 rrathët” në Unazë të Re, ju bëjmë me dije se :

Grupi hetimor ka bërë  identifikimin e dy personave që kanë humbur jetën si pasojë e të shtënave me armë zjarri:

Drejtuesi i mjetit shtetasi E. M., 32 vjeç dhe pasagjeri shtetasi A. D., 26 vjeç.

Ndërkohë  në Thumanë është gjetur një  automjeti tip “Toyota” duke u djegur dhe dyshohet se është automjeti që kanë përdorur autorët e ngjarjes.

Targat e mjetit të djegur rezultojnë të  vjedhura në Tiranë. Grupi hetimor nën drejtimin e Prokurorisë po punon për dokumentimin e ngjarjes si dhe grumbullimin e provave që çojnë në identifikimin e autorëve të ngjarjes. /albeu.com/

The post Kontrolli i fundit! U qëlluan në semafor, 30 minuta para ekzekutimit 2 të rinjtë u ndaluan nga policia (VIDEO) appeared first on Albeu.com.

Burimet  tregojnë se ndërmjetësuesit përdorën një Fiat Punto për të mbërritur në vendin e takimit që është sekuestruar si provë materiale për të mbështetur dëshminë e 24-vjeçarit, një punonjës sezonal në Malin e Zi. Të dhënat e deritanishme tregojnë se ai u nënkontraktua dhe u përdor si ekzekutor.

Në kërkim të indicieve që do të hedhin dritë mbi identitetin e personave që urdhëruan vrasjen e Sofisë, prokuroria i bëri ftesë Skënder Vathit për të bashkëpunuar me drejtësinë.

Por ai refuzon të ketë dijeni, e vetmja fjali që ai këmbëngul është telefoni me të cilin u njoftua Ernejt Shyti, për të cilin thotë se nuk është i tij.

Sakaq, shoku i fëmijërisë së Ernejtit, Xhuliano Visha që ishte kontaktuar i pari për ta vrarë biznesmenin ende nuk është marrë në pyetje. I treti, Leonard Xhixha që e prezantoi Skënder Vathin si daja rezulton me një të kaluar problematike, më e rënda ajo e përfshirjes për të vrarë Fotion Alimanin me porosi të Mirdash Osmanit.

Si ndodhi ekzekutimi?

Burimet, tregojnë se viktima ka qenë duke pirë kafe poshtë banesës së tij, në katin e dytë të një qendre tregtare pranë rrugës së Elbasanit, një lokal të cilin ai e frekuentonte shpesh dhe që gjithnjë ishte nën prani të personave të tjerë, Të njëjtin itinerar, Sofia e ndoqi edhe të enjten. Ai piu kafe herët në mëngjes dhe doli për të bërë një shëtitje, dy ditë pasi kishte kaluar Covid-19.

Sipas informacioneve, autori e kishte pritur në urën midis zonës se Piramidës dhe katedrales katolike të Shën Palit. Më pas, ai e ndjek për rreth 30 metra dhe e qëllon shumë pranë, një plumb e kap në trup dhe një në kokë. Kamerat e sigurisë tregojnë se autori ka qenë i veshur me një kostum sportiv ngjyrë të errët, me kapuç dhe me maskë mbrojtëse anticovid. Ai është larguar qetësisht pas atentatit, drejt bulevardit Dëshmorët e Kombit. Më pas ka marrë një biçikletë dhe është drejtuar në zonën e Liqenit Artificial të Tiranës.

Pista kryesore e hetimit është ajo e vrasjes për larje hesapesh për shkak të prishjes së pazareve të drogës, por një mundësi e vogël është që vrasja mund të jetë bërë edhe për shkaqe banale.

Kush është Behar Sofia?

Behar Sofia, rezulton të jetë një përkrahës i njërës prej partive politike në vend dhe me njohje të shumta në policinë e shtetit, duke qenë edhe një biznesmen i suksesshëm në Tiranë. Viktima rezulton me disa biznese në zonën pranë stadiumit Dinamo, por shpesh ka pasur konflikte dhe në biznese i kanë vendosur edhe eksploziv.

Sofia, në vitin 1998 u arrestua në Turqi së bashku me trafikantin Abdulselam Turgut, pasi u kapën me rreth 30 kg heroinë. Mes te arrestuarve ishte edhe Hekuran Hoxha, i cili u arrestua përsëri në 2019, për llogari të operacionit Volvo 4 dhe i dyshuar se është kreu i grupit të laboratorit të kokainës në Has. Turgut, tashmë është shpallur në kërkim, pasi donte të kryente një atentat terrorist në Kryegjyshatën Botërore Bektashiane në vendin tonë. /tch

The post Në kërkim të personit që kërkoi “kokën” e Behar Sofisë, zbulohet vendi ku u bë pazari i vrasjes appeared first on Albeu.com.