Kujtojmë Xhuljano Bullari, 25 vjeç, u gjet i vrarë të shtunën në mëngjes në qytetin e Vlorës. Trupi i pajetë u pikas nga qytetarë të rastit disa kilometra larg fshatit Babicë, brenda një mjeti tip Fiat Punto.

25-vjeçari është qëlluar me tre plumba, njëri prej të cilëve në kokë që i ka shkaktuar edhe vdekjen.

Informacionet tregojnë se referuar të dhënave nga grupi hetimor, Xhuljano nuk e ka pritur se do të qëllohet, kjo sipas ekspertizës, gjykuar nga pozicioni i kokës.

Nisur nga fakti, hetuesit mendojnë se 25-vjeçari ka arritur aty i shoqëruar nga persona të njohur.

Po ashtu, ekspertiza mjeko-ligjore dyshon se 25-vjeçari ka ndërruar jetë rreth orës 21:00 të darkës.

Shkaqet e vrasjes mbeten mister, ndërsa i riu kishte pak kohë që kishte dalë nga burgu, ku kishte vuajtur një dënim për transport të paligjshëm të disa sirianëve.

Mësohet se grupi hetimor po pret dëshminë e babait, me arsyen se mund të ndihmoj në hetimin e vrasjes.

Babai i 25-vjeçarit është shprehur se i biri është larguar nga shtëpia në Babrru të Tiranës rreth orës 18:00-19:00 të pasdites, si zakonisht për të pirë kafe.

“Nuk dinim të kishte konflikte, priste të ikte në Gjermani te i vëllai, pasi donte të largohej nga Shqipëria. Më herët ka bërë 2.5 vite burg për dhënie ndihme në kalim të paligshëm të kufirit. Pasi ishte arrestuar në Fier. Nuk kishte asgjë që ta lidhte me Vlorën”, është shprehur ai.

Viktima është identifikuar nga nëna e tij në morgun e qytetit./albeu.com

The post DETAJET/ Vrasja e Xhuljano Bullarit në Vlorë, 25-vjeçari nuk e ka pritur se do qëllohej appeared first on Albeu.com.

4 të vdekur dhe dy të plagosur është bilanci nga kjo përplasje mes familjes Ferracaku dhe Gocaj në Velipojë, për shkak të disa shezlongëve, duke tronditur turistët dhe ngjallur frikë dhe pasiguri për jetën.

Pas një mbledhje me kryeministrin Rama dhe drejtorët e Policisë, Ministri i Brendshëm, Bledi Çuçi ka njoftuar për një konferencë të jashtëzakonshme për mediat.

Kryeministri Rama deklaroi ditën e djeshme se ka ardhur koha të bëhen ndryshime në strukturën e policisë se Shtetit si një masë e ndërrmarrë pas përplasjes së rëndë në Velipojë, si dhe aksidentëve të përditshme me të vdekur e të plagosur.

NJOFTIMI:

Në orën 11:00 ministri i Brendshëm, Bledi Çuçi, do të zhvillojë një konferencë për media në sallën brenda ministrisë. Ju ftojmë të jeni të pranishëm për të adresuar pyetjet që keni. /albeu.com/

The post Krimi pushton vendin, aksidente e vrasje kudo: Çuçi në konferencë të jashtëzakonshme appeared first on Albeu.com.