Motra e tij e cila ishte edhe shtetase gjermane e ndihmonte vëllain e saj duke i dërguar nga 300 euro çdo muaj për ta ndihmuar. Diana Vukaj kishte një javë që kishte ardhur me pushime në Shkodër, teksa po merrej me arredimin e shtëpisë së saj në Velipojë. 55 vjeçari ka kërkuar nga motra që ti jepte atij lekët se nuk ishte dakor me mobiljet që do blinin.

Ai dyshohej se kishte problem me bixhozin dhe motrën e tij dyshohet se e ka vrarë ditën e premte dhe e ka mbajtur të vdekur në shtëpi.

Pas vrasjes mbrëmjen e së dielës Fabian Vuka nën efektin e alkolit ka dale në lagje duke thënë se: “Kam vrarë motrën, e kam në shtëpi të vdekur”. Një shoqe e Diana Vikës ka telefonuar policinë pasi ishte e shqetësuar për të. Pas denoncimit policia ka vajtur në banesë dhe ka gjetur në dhomën e gjumit të vdekur Diana Vukaj.

The post I dërgonte para çdo muaj nga Gjermania, kjo është Diana e cila u vra nga vëllai në Shkodër appeared first on Albeu.com.

Në banesë policia vendore e Shkodrës ka gjetur 6 shishe birre 1.5 kg secila të boshatisura gjë e cila tregon se autori i dyshuar ka qenë totalisht nën efektin e alkoolit kur ka kryer krimin tragjik brenda familjes.

Sipas burimeve nga vendngjarja autori i dyshuar Fabian Vuka ishte një person i alkoolizuar gjatë gjithë kohës ndërsa thuhet se ka luajtur edhe bixhoz shpesh.

55 vjeçari jetonte i vetëm pasi nuk ishte i martuar dhe ishte edhe i papunë. Ka qenë pikërisht ai që e qëlloi për vdekje, kurse motra është nënshtetase gjermane dhe për çdo muaj i ka dërguar të vëllait 300 euro për ta ndihmuar.

Diana Vukaj kishte një javë që kishte ardhur nga Gjermania për pushime në Shkodër. Gjatë kësaj kohe 58 vjeçarja ka bërë disa porosi përmes një mike të saj për të mobiluar një shtëpi pushimi që kishte në plazhin e Velipojës.

Viktima ka bërë afro 4 mijë euro porosi orendi shtëpiake për banesën në Velipojë ndërsa ka dashur që të mobilojë me orendi të reja edhe shtëpinë ku jetonte i vëllai që e vrau. Pak ditë më parë autori i dyshuar i vrasjes ka telefonuar kompaninë ku motra e tij kishte bërë porosinë e mobiljeve duke lëshuar një lumë sharjesh ndaj tyre. Sipas dyshimeve 55 vjeçari i ka kërkuar para të motrës që t’ia jepte atij duke mos qenë dakord me blerjet e orendive. Sipas dyshimeve vëlla e motër kanë debatuar në banesë mbrëmjen e 5 qershorit gjë e cila ka përfunduar me vrasjen tragjike të 58 vjeçares. Autori i dyshuar ka telefonuar sërish kompaninë e mobiljeve dhe orendive duke i thënë atyre në telefon se:

“a doni me fol me motrën time, nuk keni ku ta merrni, s’keni shans të flisni më me të”, duke nënkuptuar se e kishte vrarë.

Pas vrasjes gjatë të shtunës por edhe të dielës sërish nën efektin e alkoolit shtetasi Fabian Vuka ka dalë në lagje duke i thënë të tjerëve se:

“kam vrarë motrën, e kam në shtëpi të vdekur”. Pavarësisht këtyre fjalëve askush nuk e ka marrë seriozisht duke ditur gjendjen e tij të dehur dhe duke e njohur si person jo shumë të qëndrueshëm për shkak të alkoolit që e konsumonte gjithë kohën. Ka qenë një mike që jeton në Shkodër e viktimës e cila e ka ndihnuar për të bërë blerjet dhe për çdo gjë tjetër që kishte nevojë kur vinte në Shqipëri e cila pasi e ka telefonuar disa herë ka ngritur dyshime dhe ka telefonuar policinë duke i thënë se kishte frikë se diçka mund të kishte ndodhur.

Diana Vuka edhe në nëntor të vitit të kaluar ka rrezikuar të vritej nga vëllai i saj dhe ka telefonuar miken duke i thënë “eja se Fabian ka bërë planin për të më vrarë”. Edhe në atë kohë ka ndërhyrë policia duke e qetësuar situatën. Ndërkohë edhe para afro 3 viteve 55 vjeçari e ka rrahur motrën e tij e cila fillimisht ka bërë denoncim në polici por më pas e ka tërhequr. Sot më 7 qershor Diana Vuka do festonte 58 vjetorin por tre ditë më parë vëllai i saj i mori jetën.

Fabian Vuka u arrestua brenda oborrit të shtëpisë ndërsa policia ka gjetur edhe armën e krimit tip pistoletë me silenciator me të cilën kreu vrasjen, gëzhoja si dhe disa prova të tjera. Fakti që e ka qëlluar me nje pistoletë me silenciator ka bërë që komshinjtë të mos dëgjojnë asgjë ndaj edhe viktima ka qëndruar dy ditë e pajetë në shtëpi. Policia vijon hetimet për zbardhjen e plotë të kësaj vrasjeje tragjike në Shkodër.

The post “E kam në shtëpi të vdekur”, çfarë tha Fabian Vuka pasi vrau të motrën në Shkodër appeared first on Albeu.com.

Vëllai ka vrarë motrën e tij, Diana Vuka, rreth të 50-ave në lagjen “3 heronjtë”, pranë shkollës “Ndoc Mazi”, ndërsa nuk dihen ende detaje mbi shkaqet e ngjarjes. Mësohet se viktima ka qenë për pushime në Shqipëri, pasi jetonte në Gjermani.

Nga informacionet e para dyshohet se vrasja ka ndodhur tre ditë më parë, por është zbuluar vetëm mbrëmjen e së dielës.

Policia ka arrestuar autorin, Fabian Vuka teksa po punon për zbardhjen e plotë të ngjarjes.

The post Detaje tronditëse nga krimi në Shkodër, vëllai mbante motrën e vdekur prej 3 ditësh në shtëpi appeared first on Albeu.com.

Burimet për albeu.com bëjnë me dije se policia ka shpallur në kërkim shtetasin Ibrahim Lici.

Lici është një emër shumë i njohur për policinë e Shtetit pasi është në kërkim për vrasjen e vëllezërve Bilali në Shkodër.

Rikujtojmë se viktima, Endri Mustafa, kishte një lidhje të ngushtë me vëllerëzit Bilali të vrarë rreth 2 vite më parë në të njëjtën zonë, Livadhe në Shkodër.

E shkuara e Endri Mustafës dhe lidhja me vëllezërit Bilali:

Ai është arrestuar në qershor të vitit 2016 pas një grabitje me dhunë dhe me armë, e cila ka përfunduar me prangosjen e katër grabitësve, ndërsa dy të plagosur të tjerë, viktima të grabitjes, kanë përfunduar në spital. Edhe më herët ka qenë i dënuar për plagosje me armë.

Policia e Shkodrës menjëherë pas ngjarjes ka zhvilluar operacionin policor të koduar “Livadhet” dhe kanë arrestuar në flagrancë 4 persona; Endri Mustafa i cili u gjet sot i vrarë, Ardit Torishta, Bekim Torishta, Astrit Bilali, Ibrahim Bilali dhe minoreni S.B.

Ndërkohë vetëm 3 vite më pas, në 30 mars 2019, dy vëllezërit Bilali, të cilët u arrestuan në atë kohë së bashku me viktimën e sotme Endri Mustafa, u ekzekutuan me armë në lagjen Kiras. Endri Mustafa është kështu personi i tretë, i cili ekzekutohet pas përfshirjes së asaj grabitje të qershorit 2016 e cila përfundoi në një luftë të vërtetë me 6 të plagosur.

Nga ana tjetër kujtojmë se miqtë e viktimës, Bilalët rezultojnë të përfshirë në një spirale gjakmarrje me fisin Liçi në Shkodër.

NJOFTIMI I POLICISE:

Shkodër

Zbardhet dhe dokumentohet ngjarja e ndodhur më datë 15.05.2021, në lagjen Guerrile, Shkodër, ku u gjet i vrarë me armë zjarri shtetasi E. M.

Shpallet në kërkim autori kryesor i dyshuar për vrasjen e 32-vjeçarit.

Arrestohet në flagrancë bashkëpunëtori i autorit kryesor të dyshuar për vrasjen, si dhe vihet në pranga edhe një shtetas tjetër që dyshohet se ka dijeni për ngjarjen.

Në vijim të veprime të kryera nga grupi i posaçëm hetimor, i përbërë nga specialistët të Hetimit të DVP Shkodër dhe të Drejtorisë Kundër Krimeve ndaj Personit dhe Pronës në Departamentin e Policisë Kriminale në Policinë e Shtetit, nën drejtimin e Prokurorisë së Rrethit Gjyqësor Shkodër, në bazë të provave të grumbulluara u bë shpallja në kërkim e shtetasit I. L., 28 vjeç banues në lagjen Guerrile, Shkodër, i dyshuar si autor i vrasjes së shtetasit E. M.

Gjithashtu, në lidhje me këtë ngjarje është arrestuar shtetasi i mitur E. M., 15 vjeç i cili dyshohet se në bashkëpunim me shtetasin e lartpërmendur kanë vrarë me armë zjarri shtetasin E. M.

Po gjatë veprimeve hetimore dhe si rezultat i kontrolleve të ushtruara për kapjen e autorit u arrestua në flagrancë edhe shtetasi E. A., 26 vjeç banues ne lagjen “Salo Halili”, Shkodër, i cili dyshohet se ka dijeni për ngjarjen. Gjatë kontrollit në banesën e tij është gjetur një sasi lënde narkotike cannabis sativa.

Materialet iu referuan Prokurorisë se Rrethit Gjyqësor Shkodër, për veprat penale “Vrasja me paramendim” kryer në bashkëpunim dhe “Armëmbajtja pa leje” në ngarkim të shtetasit I. L., në ngarkim të shtetasit E. M. për veprën penale “Vrasja me paramendim” kryer në bashkëpunim, si dhe në ngarkim të shtetasit E. A. për veprën penale “Prodhimi dhe shitja e narkotikëve”. /albeu.com/

The post E FUNDIT/ I kërkuar për vrasjen e bujshme, kush është shkodrani i “tmerrshëm” që dyshohet se vrau Mustafën appeared first on Albeu.com.

Burimet zyrtare bëjnë me dije se janë shoqëruar në polici 8 persona, 2 prej të cilëve janë ndaluar. Dyshohet se dy personat e ndaluar nga policia janë të përfshirë ose kane dijeni mbi vrasjen e të riut.

Endri Mustafa u gjet i ekzekutuar me armë zjarri, ku në trup kishte 7 plumba, 1 në gojë, 3 në gjoks e 3 në kokë si dhe në trup kishte shenja dhune.

Trupi i të riut u gjet në zonën e njohur si Livadhet në Shkodër.  /albeu.com/

The post Vrasja makabre e Endri Mustafës: Policia blindon Shkodrën, ndalohen dy të dyshuar appeared first on Albeu.com.

Hoxha tha në emisionin “Opinion” se vrasja ka qenë e mirëorganzuar duke mos i lënë mundësi 46-vjeçarit që tu shpëtonte plumbave.

Gazetari tregoi se Pllanaj ka pasur lidhje me botën e krimit, ndërsa tha se ishte person që kishte kontakte dhe me organet ligjzbatuese të cilët, sipas tij, i korruptonte për të shpëtuar nga burgu.

Artan Hoxha: Bardhok Planaj nuk hynte në ndonjë nga grupet kriminale të Shkodrës. Ka shtëpinë në Shtoj të ri dhe po shkonte nga qyteti në shtëpi të vet. Nuk është ruajtur dhe nuk mbante eskort si këta të tjerët.

Po ta shikosh atentati ka vazhduar në vijimësi, është qëlluar në ndjekje dhe ai ka humbur ekuilibrin. makina bën një rrotullim dhe autorët e kanë qëlluar përsëri.

Autorët nuk kanë dalë nga makina se ai udhëtonte. Shikoni intensitetin që është goditur dhe është qëlluar me dy armë zjarri. Një person i tretë është në timon dhe një që i ka pritur pas djegies së makinës. Është një krim i mirëorganizuar. Ai nuk i çonte gjërat tek arma, i mbyllte konfliktet, Ai ka qenë si një lloj ndërmjetësi kur kishin konflikt mes grupeve të tjera.

Aftësia e tij ka qenë krijimi i lidhjeve me agjencitë e zbatimit të ligjit, korruptimi i tyre, polici, prokurori, gjykatë prandaj ka dalë vazhdimisht. I është ngrirë një pallat në zonën e Dobraçit, paleje 11 katësh janë 20 apartamente.

Ai ka një hotel në hyrje të Shkodrës, një në dalje dhe ka binznese në zonën e Velipojës. Ai është i përfshirë në veprimtari tregtare që i ka me persona të tjera. Nuk ka Kumbar që lëviz pa blinda. Kumbarët e Shkodrës janë gjallë, i njeh Shkodra mirë dhe i di kush janë. /opinion

The post Vrasja e Bardhok Pllanajt, Artan Hoxha: Kumbarët e Shkodrës janë ende gjallë! appeared first on Albeu.com.