Burimet bëjnë me dije se makina e krimit e cila u gjet më vonë e djegur në Thumanë, është vjedhur në Greqi. Gjithashtu janë vjedhur edhe targat e makinës në fjalë, në Tiranë.

Dyshohet se krimi i mirëorgazuar kishte të paktën 5 ose 6 autorë, pasi viktimat janë ndjekur fillimisht nëpër Tiranë, janë ekzektuar në Astir, nga dy vrasës dhe shoferi dhe makina është djegur në Thumanë, ku janë ndihmuar për t’u larguar nga vendngjarja.

Deri më tani janë shoqëruar në polici 15 persona, me të cilët kishte konflikte Mihasi dhe Dumani pasi të dy viktimat janë pjesë e botës së krimit me vepra të rënda penale.

NJOFTIMI I POLICISË:

Tiranë/ Informacion shtesë

Në lidhje me informacionin paraprak të dhënë pak më parë, për ngjarjen e ndodhur  te “2 rrathët” në Unazë të Re, ju bëjmë me dije se :

Grupi hetimor ka bërë  identifikimin e dy personave që kanë humbur jetën si pasojë e të shtënave me armë zjarri:

Drejtuesi i mjetit shtetasi E. M., 32 vjeç dhe pasagjeri shtetasi A. D., 26 vjeç.

Ndërkohë  në Thumanë është gjetur një  automjeti tip “Toyota” duke u djegur dhe dyshohet se është automjeti që kanë përdorur autorët e ngjarjes.

Targat e mjetit të djegur rezultojnë të  vjedhura në Tiranë.

Grupi hetimor nën drejtimin e Prokurorisë po punon për dokumentimin e ngjarjes si dhe grumbullimin e provave që çojnë në identifikimin e autorëve të ngjarjes. /albeu.com/

The post U ekzekutuan mes trafikut nga vrasës me pagesë, makina e krimit e vjedhur në Greqi (VIDEO) appeared first on Albeu.com.