vrasje me pagese Archives - Albeu.com

Ekzekutimet në Shqipëri, kush i porosite vrasjet me pagesë nga Belgjika? Rrëfimi i të penduarit

E S — Mon, 10 Oct 2022 20:42:16 +0000

Arrestimi i dy vëllezërve Indrit dhe Gentjan Beqiraj çoi në zbulimin e një grupit vrasësish me pagesë dhe zbardhjen e disa krimeve që dolën në dritë nga dëshmia e tyre.

Dy vëllezërit Beqiraj u përfshinë në një incident të dielën e 2 Tetorit 2022 në autostradën Durrës-Tiranë në vendin e quajtur “Koxhas”.

Në komunikatën e Policisë së Durrësit, një ditë më pas, pra të hënën, thuhet se Indrit dhe Gentjan Beqiraj “duke udhëtuar me motor, dyshohet se janë përfshirë në një incident rrugor, pasi një automjet ka goditur motorin e tyre, i cili për pasojë ka dalë nga rruga. Për këtë shkak, dy vëllezërit janë konfliktuar fizikisht me personat që ishin në automjet.

Në konflikt e sipër, personat që ishin në automjet kanë marrë njërin prej vëllezërve, Indrit Beqirajn, të cilin e kanë lënë në rrugë, larg nga vendi i konfliktit, dhe më pas janë larguar”. Më pas Indrit Beqiraj ka bërë kallëzim për këtë ngjarje, duke përmendur emrin e Pëllumb Muharremit, pasi sipas tij, ai dyshonte se u mor peng pikërisht nga njerëzit e Rrumit, pasi këta të fundit mendonin se Indriti po i vëzhgonte. Por çfarë ka thënë Indrit Beqiraj në polici për këtë incident, e që më pas hapi “Kutinë e Pandorës” duke zbuluar një grup vrasësish me pagesë dhe porosi të dhëna për të kryer eliminime fizike./ Tv Klan/

The post Ekzekutimet në Shqipëri, kush i porosite vrasjet me pagesë nga Belgjika? Rrëfimi i të penduarit appeared first on Albeu.com.

“Matrix” fundos 26-vjeçarin e “sapodalë” nga burgu në Korçë, dyshohet se do kryente vrasje me pagesë (VIDEO)

admin — Sat, 30 Jul 2022 10:02:46 +0000

Një 26-vjeçar ka rënë në prangat e policisë së Korçës, pasi dyshohet se do të kryente një vrasje me pagesë.

Bëhet e ditur se Strukturat e Sektorit për Hetimin e Krimit në Drejtorinë Vendore të Policisë Korçë organizuan operacionin e koduar policor “Matrix” pas informacioneve se një 26-vjeçar, që muaj e fundit kishte dalë nga burgu, mund të kryente një vrasje me pagesë.

Në pranga u vu K. A., 26 vjeç, banues në Korçë, për veprën penale “Mbajtja pa leje dhe prodhimi i armëve, armëve shpërthyese dhe i municionit”. I riu u lokalizua nga policia në lagjen nr. 14, Korçë.

26-vjeçari, sapo ka kuptuar se ishte nën ndjekjen e Policisë, është përpjekur të largohet me shpejtësi dhe ka nxjerrë nga brezi, armën e mbushur, të cilën e ka hedhur në një kosh, në anë të rrugës. Arma u sekuestrua nga shërbimet e Policisë, në cilësinë e provës materiale.

Gjithashtu hetimet kanë nisur për veprën penale “Moskallëzimi i krimit”, për një 17-vjeçar, që, në momentin e kapjes, ka qenë i shoqëruar me 26-vjeçarin. Dyshohet se adoleshenti ka qenë në dijeni që personi me të cilin shoqërohej ishte i armatosur./albeu.com/

The post “Matrix” fundos 26-vjeçarin e “sapodalë” nga burgu në Korçë, dyshohet se do kryente vrasje me pagesë (VIDEO) appeared first on Albeu.com.

Dëshmia e Dumanit çon në pranga grabitësin, bashkëshortja e tij kontratë të majme me Spitalin Psikiatrik

E S — Mon, 23 May 2022 13:43:02 +0000

Dy të penduar të drejtësisë, Nuredin Dumani dhe Henrik Hoxha nga qelia, kanë zbërthyer vrasjet nga grupet e organizuara kriminale të një dekade nga viti 2011 deri në 2022-shin. Me vendim nga Gjykata Kundër Krimit të Organizuar dhe Korrupsionit u lëshuan 32 urdhër arreste, nga të cilat 18 u ekzekutuan nga policia (prej të cilave 9 masa iu komunikuan persona të arrestuar për vepra të tjera penale), ndërsa 14 janë ende në kërkim. Operacioni i koduar “Golden bullet”, që është në vijim, ka nisur menjëherë pas arrestimit të shumë të kërkuarit Nuredin Dumani, i cili u arrestua gjatë operacionit policor të koduar “Arratia”. Mes të arrestuarve ishte edhe emri i Gentian Sharrës, pas të cilit lidhen një seri grabitjesh që nga viti 2011 e deri tek grabitja e milionave në Rinas.

Ndërkohë bashkëshortja e tij, O.Sharra rezulton pronare e kompanisë që ka fituar një kontratë të majme me Spitalin Psikiatrik “Sadik Dinçi” në Elbasan.

Bëhet fjalë për një kontratë 11 217 107 lekëshe, për “Shërbim gatimi dhe shpërndarje ushqimi për Spitalin Psikiatrik. Burimi i financimit është direkt nga Buxheti i Shtetit, ndërsa procedura e prokurimit është zhvilluar më 27 mars të vitit 2020.

Emri i Gentian Sharrës u bë i njohur për drejtësinë dhe mediat në hetimet e grabitjes së Rinasit. Ai mori me qira asokohe servisin ku u modifikua furgoni që u përdor më pas për grabitjen në aeroport. Servis “Genti”, i cili ndodhet në rrugën e vjetër Elbasan-Rrethrrotulimi i Bradasheshit, aty ku dyshohet se u modifikua enkas për grabitjen furgoni me mbishkrimin “Hetimi Tatimor” është bllokuar asokohe nga policia si provë metariale. Mësohet se oficerët e policisë kanë sekuestruar prej andej kamerat e sigurisë, ndërkohë që pronari i servilit, Gentian Sharra, ka konfirmuar se servisin ia kishte dhënë me qira shtetasit Eldi Çala.

Nga dosja e SPAK mësohet se Gentian Sharra është akuzuar si organizator dhë bashkëpunëtor i disa grabitjeve. Gentian Sharra cilësohet edhe si mik i ngushtë me Talo Çelën të cilët sëbashku akuzohen si autorë të disa ngjarjeve kriminale. Në vitin 2013 ai ka qenë pjesë e grabitjes së ndodhur të Hamit Haxhias. Sharra bashkë me Talo Çelën pretendonin se do grabisnin një shumë prej 200 mijë eurosh, ndërsa në këtë grabitje pjesëmarrës ishte edhe Nuredin Dumani.

Në një tjetër episod ai del në vitin 2011, ku janë grabitur rreth 20 mijë euro. Sipas dëshmisë së Dumanit, Gentian Sharra bashkë me anëtarët e tjerë kanë marrë nga rreth 4-5 mijë euro për person.

Konkretisht, Gentian Sharra, akuzohet për:

– Vjedhje me dhunë”, në dëm të shtetasit Lirak Bajraktari ndodhur në Elbasan në datën 22.02.2011, kryer në bashkëpunim në formën e posaçme të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

– “Vjedhje me dhunë”, në dëm të shtetasit Shyqyri Shala, e kryer në datën 13.02.2012 në qytetin e Kavajës, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

– “Vjedhje me dhunë”, në dëm të shtetasit Hamit Haxhia, e kryer në datën 11.02.2013 në qytetin e Durrësit, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

– “Vjedhje me armë në bashkëpunim”, në dëm të shtetasit Xhemali Liçi (ngjarje e ndodhur në datën 19.12.2012 në qytetin e Elbasanit), “Prodhimi dhe mbajtja pa leje e armëve dhe municioneve luftarake”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe ‘’Kryerja e veprave penale nga grupi i strukturuar kriminal dhe organizata kriminale”

– “Vjedhje me dhunë”, në dëm të shtetasit Hamdi Sharka (ndodhur në fshatin Polizhan–Berat), kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

14 të akuzuarit që janë në arrati

Ervis Martinaj
Florenc Çapja
Talo Çela
Eljo (Ervis) Bitri
Festim Qoli
Alban Bengasi
Elvin Merlika
Alket Xhixha
Marjus (Suel) Lulaj (Çela)
Agron (Kamber) Mehja
Aleks Çela alias (Tom Qorri)
Agim Gjini
Mikael Qosja (Kamami) (Stefo)
Abedin Mama (Dine Çami)

9 masa sigurimi janë ekzekutuar në disa IEVP
1.   Nuredin Dumani, 35 vjeç
2.   Henrik Hoxhaj, 40 vjeç
3.   Altin Ndoci, 35 vjeç
4.   Erion (Andrea) Alibej, 36 vjeç
5.   Skerdi Tasi, 31 vjeç
6.   Elvis Koçi (Çaushllari), 30 vjeç
7.   Ilirian Feci, 47 vjeç
8.   Enver Diva, 43 vjeç
9.   Besjan Xhixha, 31 vjeç

9 masa sigurimi “Arrest në burg” në ngarkim të shtetasve, të cilët u arrestuan gjatë operacionit
1.   Ardjan Uzuni, 56 vjeç
2.   Leonard Palushi, 41 vjeç
3.   Gentian Sharra, 48 vjeç
4.   Fatos Gosa, 54 vjeç
5.   Florenc Çekrezi, 35 vjeç
6.   Petrit Qoli, 51 vjeç
7.   Agron Qoli, 52 vjeç
8.   Agron Qafa, 48 vjeç
9.   Asllan Plaku, 30 vjeç./abcnews.al

The post Dëshmia e Dumanit çon në pranga grabitësin, bashkëshortja e tij kontratë të majme me Spitalin Psikiatrik appeared first on Albeu.com.

“Kush më pagoi 50 mijë euro për ta hequr“, Henrik Hoxhaj del pas atentatit ndaj “të fortit” të Tropojës: E kishte sharë në telefon

E B — Mon, 23 May 2022 11:31:55 +0000

Henrik Hoxhaj “killeri” i arrestuar bashkë me Nuredin Dumanin, ka rrëfyer një tjetër krim të ndodhur vite më parë.

Ai është shprehur para hetuesve se në shkurt të viti 2011, ka marrë porosi nga Ardian Ozuni i cili aktualisht ndodhet në burg për ngjarje të tjera kriminale. Ky person mësohet se i ka ofruar 50 mijë euro Henrik Hoxhajt për të eliminuar fizikisht Filip Gjeloshin.

“Më ka dhënë 10 milion paradhënie për shpenzimet” është shprehur Henrik Hoxhaj para hetuesve.

Arsyeja se pse donte ta vriste Filip Gjeloshin kishte qenë një kërcënim që ky i fundit kishte bërë ndaj Ardian Ozunit. Sherri mes tyre ka ndodhur pasi Ozuni kishte rrahur nipin një person të afërt të Filipit.

“E kam mbikëqyrur disa herë shënjestrën tek lokali i tij “Lekbibaj”, derisa vendos momentin e duhur për ta kryer punën. Unë kam pasur një Fiat Punto të bardhë pa dokumente me targa italiane dhe brenda makinës kam pasur kallashnikovin me silenciator. Kallashin ma ka gjetur Ardiani i cili njihej edhe si “Cufi” dhe përveç armës ai më bleu edhe një silenciator që e provuam nëse punon tek karburanti i tij në Allias.”

“Ditën e ngjarjes mbaj mend që ka qenë errësirë dhe unë isha parkuar afër lokalit që ky person kishte tek rruga “Siri Kodra” në Tiranë dhe po e prisja Filipin të vinte. Ai ka ardhur me një Mitsubishi me targa angleze. Ai ndaloi në kthesë dhe kam dalë nga makina ime dhe kam qëlluar me breshëri ndaj tij. Kam parë një femër në makinë dhe duke qenë se nuk doja ta dëmtoja atë kam ndaluar zjarrin dhe nuk kam qëlluar më. Jam futur në makinë dhe jam larguar nga drejtimi i sipërm pasi i trembesha postblloqeve në Paskuqan. Më pas pashë në televizor se ai ishte plagosur nga atentati por nuk u mora më me atë punë.” mësohet të jetë shprehur Henrik Hoxhaj.

Filip Gjeloshaj është një emër i përmendur gjatë në kronikat e zeza të medias. Që në moshën 20-vjeçare është akuzuar për një vrasje në qytetin e tij të Tropojës, akuzë për të cilën u arrestua por nuk u provua asnjëherë. Në vitin 2003 ishte në burg kur i ka dalë në krah të dënuarit përjetë Zani Caushi, në hasmërinë që vijon edhe në burg mes tij dhe Gaxhait. Për këtë shkak në burg u plagos me thikë. Gjeloshi ishte në burg i arrestuar për plagosjen e elektricistit Shpëtim Beqiri fare pranë banesës së tij në rrugën “Siri Kodra”. Pas lirimit edhe nga arrestimi i vitit 2006, kur akuzohej për tentativën e vrasjes së një personi në Allias, Gjeloshaj në vitin 2011 do t’i shpëtonte mrekullisht një atentati me armë ku mbeti i plagosur.

The post “Kush më pagoi 50 mijë euro për ta hequr“, Henrik Hoxhaj del pas atentatit ndaj “të fortit” të Tropojës: E kishte sharë në telefon appeared first on Albeu.com.

Të tjera detaje nga vrasja e Bandulës, 20 persona të shoqëruar, dyshohet për vrasës me pagesë

E S — Wed, 13 Apr 2022 08:17:04 +0000

Të tjera detaje kanë dalë nga vrasja e Nazmi Bandulës në Shkodër. Mësohet se policia ka shoqëruar 20 persona për të dhënë dëshminë e tyre në lidhje me vrasjen. 5 prej personave të shoqëruar raportohet se janë dëshmitarë okularë të ngjarjes dhe shpresohet të ndihmojnë në zbardhjen e saj. Dyshohet se vrasja mund të jetë [...]

Amerikani pagoi dikë për ta vrarë, arsyeja do t’ju çudisë

admin — Wed, 15 Sep 2021 12:02:18 +0000

Një amerikan nga Karolina Jugore, Alex Murdaugh e organizoi vrasjen e tij me qëllim që i biri të përfitonte 10 milionë dollarë nga sigurimi jetësor, thonë hetuesit.

Divizioni për Sundimin e Ligjit në Karolinën Jugore konfirmoi të martën se një bashkëpunëtor i dyshuar në këtë skemë është arrestuar, pasi Murdaugh pranoi se ka bërë përpjekje që të bëjë vetëvrasje me ndihmën e një vrasësi, shkruan Daily Mail, transmeton Gazeta Express.

Curtis Edward Smith, 61 vjeç, u arrestua nën akuzën për asistim në vetëvrasje, sulm, posedim të armës, mashtrim me kompani të sigurimeve dhe komplot për të kryer mashtrim me kompani sigurimesh.

“Z. Murdaugh ofroi një deklaratë në Divizion duke e pranuar skemën, sipas së cilës Smith do ta vriste atë me qëllim që i biri të përfitonte nga sigurimi jetësor me vlerë përafërsisht dhjetë milionë dollarë”, thuhet në deklaratën e organeve të sundimit të ligjit./albeu.com

The post Amerikani pagoi dikë për ta vrarë, arsyeja do t’ju çudisë appeared first on Albeu.com.

Ishin nisur për të kryer vrasje me pagesë, arrestohen 3 shtetasit me rrezikshmëri të lartë në Durrës (VIDEO)

E S — Mon, 30 Aug 2021 07:39:05 +0000

Policia e Shtetit ka arritur të parandalojë një ngjarje të mundshme kriminale, teksa ka arrestuar në flagrancë 3 shtetas në Durrës, 2 prej tyre me precedentë të theksuar kriminalë.

Bëhet me dije se janë sekuestruar 3 pistoleta me fishekë fole, 1 mitraloz, municion luftarak, vlera monetare dhe sende të tjera.

Të arrestuarit janë:

Aldi Mustafa, 35 vjeç, banues në Durrës

Uran Zyka, 40 vjeç, banues në Durrës

Tahir Gjinika, 33 vjeç, banues në Durrës

Durrës

Parandalohet një ngjarje e mundshme kriminale.

Finalizohet nga shërbimet e Komisariatit të Policisë Durrës, në bashkëpunim me strukturat hetimore të DVP Durrës, operacioni policor i koduar “Misioni”.

Arrestohen në flagrancë 3 shtetas, 2 prej tyre me precedent të theksuar kriminal në fushën e krimeve ndaj personit dhe pronës, shpërndarjes së lëndëve narkotike dhe armëmbajtjes pa leje.

Tre të ndaluarit dyshohet se do kryenin një vrasje, kundrejt pagesës.

Sekuestrohen 3 pistoleta me fishekë në fole dhe 1 mitraloz me fishekë në fole, gati për qitje, municion luftarak, vlera monetare dhe sende të tjera.

Shërbimet e Komisariatit të Policisë Durrës, në bashkëpunim me strukturat hetimore të DVP Durrës, në vijim të punës për rritjen e parametrave të sigurisë në qytet, kapjen e personave në kërkim ose atyre që disponojnë armë zjarri me vete, në bazë të informacioneve të siguruara nga strukturat e Komisariatit të Policisë Durrës, organizuan punën dhe finalizuan me sukses operacionin policor të koduar “Misioni”, në kuadër të të cilit u arrestuan në flagrancë shtetasit:

Aldi Mustafa, 35 vjeç, banues në Durrës, i dënuar më parë për veprat penale “Kanosja” dhe “Prodhimi dhe shitja e narkotikëve”, i dënuar më parë me 10 vite burg, në Gjermani;

Uran Zyka, 40 vjeç, banues në Durrës, i dënuar më parë për veprën penale “Kanosja”. Të dy këta shtetas janë me precedent të theksuar kriminal në fushën e krimeve ndaj personit.

Tahir Gjinika, 33 vjeç, banues në Durrës.

Këta shtetas qarkullonin në lagjen nr.15, Durrës, me mjetin tip “BMW”, me drejtues shtetasin Aldi Mustafa. Në momentin e ndërhyrjes nga shërbimet e Policisë, të tre shtetasit kanë tentuar të largohen duke goditur mjetin e shërbimit të Policisë dhe duke rrezikuar jetën e punonjësve të Policisë që ishin në operacion, por nuk kanë mundur dot pasi janë bllokuar nga mjete dhe shërbime të tjera të Policisë.

Gjatë kontrollit të ushtruar në mjet u gjetën: 3 armë zjarri pistoletë me fishekë në fole, 1 armë zjarri mitraloz me fishekë në fole gati për qitje, municion luftarak, 2 laptopë, 9 telefona celularë dhe 1600 euro, të cilat u sekuestruan në cilësinë e provës materiale së bashku me automjetin.

Strukturat hetimore të Policisë, nën drejtimin e Prokurorisë, po vijojnë intensivisht punën hetimore për zbardhjen e plotë të këtij rasti.

Materialet i kaluan Prokurorisë së Rrethit Gjyqësor Durrës, për veprat penale “Armëmbajtje pa leje”.

The post Ishin nisur për të kryer vrasje me pagesë, arrestohen 3 shtetasit me rrezikshmëri të lartë në Durrës (VIDEO) appeared first on Albeu.com.

Zbardhen pamjet para ekzekutimit të Sofisë në Tiranë, autori e ndoqi hap pas hapi duke çaluar (VIDEO)

admin — Mon, 15 Mar 2021 15:10:27 +0000

Janë bërë publike pamjet e autorit të vrasjes së Behar Sofisë pak ditë më parë në Tiranë. Sic mund t’a shihni në videon e bashkëngjitur lajmit, i riu shihet duke ecur me duar në xhepa dhe duke çaluar për disa minuta përpara se ta vrasë!

Ernejt Shyti, i cili mban në kokë një kapuç dhe një xhup dimëror me bindjen se nuk do të zbulohej. Ai kapërcen trotuarin midis makinave dhe në të njëjtin cast shënjestra e tij Behar Sofia kalon me vrap vijat e bardha.

Ky veprim shtyn vrasësin të kthehet pas, e shikon përballë për t’u bindur që ai është personi që i kanë treguar në fotografi dhe më pas i vihet pas për ta qëlluar pas shpine.

Ky maskim nuk e shpëtoi dot Ernejt Shytin që mos të zbulohej nga autoritetet të cilat kryen ekspertizë në Britaninë e Madhe për të konfirmuar që ky është një improvizim.

Të arrestuar për këtë vrasje janë: Ernejt Shyti, Xhuliano Visha, Leonor Xhixha dhe Skender Vathi dhe u lanë në arrest me burg nga gjykata, për akuzën e vrasjes me pagesë. /albeu.com/

The post Zbardhen pamjet para ekzekutimit të Sofisë në Tiranë, autori e ndoqi hap pas hapi duke çaluar (VIDEO) appeared first on Albeu.com.