Për atë rast Klodian Çalamani u dënua për veprën penale heqje e paligjshme e lirisë, edhe pse vajza 16-vjeçare në atë kohë kallëzoi në Policinë e Fierit se Çalamani dhe Florian Vasiu tentuan të abuzonin seksualisht me të

Motra e Klodian Çalamanit, Elsa e cila ka dhënë dëshminë për ngjarjen e vitit 2006, ka thënë se të miturën e ftoi ajo në banesën e saj ku qëndronte me vëllain Klodin. Ajo thotë se ishte kërcënuar pikërisht nga vëllai i saj Klodian Çalamani dhe komshiu Florian Vasiu që t’iu sillte në shtëpi vajzën 16-vjeçare.

DËSHMIA E ELSA ÇALAMANIT PËR NGJARJEN E 9 MAJIT 2006:

Unë quhem Elsa Çalamani prej rreth 15 vitesh jam larguar nga Shqipëria së bashku me nënën e cila nuk është kthyer më asnjëherë. Kam ardhur para pak ditësh dhe për shkak të mungesës së kushteve tek shtëpia e babait kam qëndruar tek xhaxhai. Vëllai im Klodian Calamani dhe shoku tij komshiu Florian Vasiu më kanë kërcënuar dhe më kanë detyruar që t`iu sjellë në shtëpi vajzën 16-vjeçare. Ata më kërcënuan se nëse nuk e sillja do më vrisnin mua së bashku me vajzën me pistoletë.

I kam vajtur vazjës dhe i kam kërkuar që të vinte me mua deri tek marketi për të blerë ca gjëra për fëmijën tim. Vajza ka kundërshtuar pasi ishte me shapka të papërshtatshme. Unë i kam thënë hajde tek shtëpia e Klodit të jap unë shapka të tjera. Sapo është futur në oborr i kam thënë  duke e mashtruar hajde lexo letrat që vëllai im tjetri Alberti ka shkruar dhe të ka dedikuar ty.

Vajza ka patur frikë se mos ishte Klodi brenda por unë e kam qetësuar që mos të kishte frikë. Sapo vajza është futur brenda, Klodiani dhe Floriani që ishte fshehur pas dere e kanë dhunuar. Unë kam filluar të qaj dhe në këtë moment kam marrë fëmijën e mitur dhe jam larguar. I pranishëm në banesë ka qenë dhe babai im rreth 70 vjeç i cili ishte në gjendje të dehur. Më vonë mësova nga nëna e 16-vjeçares se vajzën e kishte shpëtuar Ligori, vëllai i Florianit. /albeu.com/

The post Flet motra e Çalamanit dhe zbulon si e detyroi t’i çonte shoqen për ta përdhunuar: Ose ma sill ose të vrava! appeared first on Albeu.com.

Burimet bëjnë me dije se në policinë e Fierit është depozituar një padi ndaj një gruaje, e afërme e familjes, e cila mund të ketë dijeni mbi vrasjen e 9-vjeçarit.

Shkak për këto dyshime që tashmë janë depozituar në polici janë disa dëshmia dhe akuza të saj gjatë këtyre ditëve.

Gruaja në fjalë e cila banon afër shtëpisë së viktimës dhe autorit ka dhënë të njëjtat deklarata me Çalamanin para se të gjendej trupi i 9 vjeçarit.

Ka qenë pikërisht i njëjti person ai që i ka thanë familjarëve të Mateos se një makinë kishte kaluar në rrugën pranë shtëpisë, e ndoshta mund të kishte lidhje me humbjen e Mateos.

E njëjta deklaratë është dhënë edhe nga autori gjë e cila ka nxitur më shumë dyshimet e policëve rreth tij.

Gruaja për të cilën familjarët kanë dyshime pritet të merret në pyetje nga grupi i hetuesve për të hedhur dritë jo vetëm mbi ngjarjen, por edhe nëse ka pika kontakti me autorin e saj që mund ta përfshijnë. /albeu.com/

The post Çalamani nuk ishte vetëm? Kush është gruaja që dyshohet se ka gisht në vrasjen e Mateos appeared first on Albeu.com.

Sot para burgut të Vlorës po mbahet një protestë e familjarëve të Mateos, të cilët kërkojnë dënimin me vdekje për autorin.

Çalamani gjendet në këtë paraburgim ku dhe është izoluar për të mos rrezikuar sigurinë e tij. Nëna e Mateos është ngjitur mbi kangjella duke tentuar të futet brenda ambientëve të burgut.

”Na e nxirrni, pse mbahet aty. Na e nxirrni të flasi, duam të dimë pse e vrau’-thonë familjarët dhe nëna e Mateos. /albeu.com/

The post Nëna e Mateos ngjiten në kangjellat e burgut të Vlorës: Nxirreni jashtë, dua ta di pse ma vrau djalin! (FOTO LAJM) appeared first on Albeu.com.

Nëna e Mateo ka kërkuar varje mes qytetit të Fierit, të autorit duke shtuar se vetëm atëherë do të qetësohet për vdekjen e djalit të saj.

Rikujtojmë se sot gjykata mori vendim në mungesë të Çalamanit duke vendosur “arrest me burg”.

Nëna e Mateo Vasiut: Do qetësohem kur të varet në mes të fierit. Duan ta varin ta djegin, më mori një foshnjë, një 8-vjeçar. ma ndahu nga shokët e shoqet. Na hoqi nga shkolla.

Ma gënjeu ma mashtroi…I tha; ‘Mateo më bli një bukë’. Ia çoi. I tha ‘do iki te shpia se kam vëllain sëmur’, por si i kërkoi të futej brenda. Ja futi me lopatë dhe e la të vdekur.

Ma groposi i hodhi dhe nga lart dhe sikur nuk ndodhi gjë. Kur shkoi në polici tha se; do e gjeni më duket copa-copa. Unë dua ta ndjekin tani në mes të Fierit të jem e ngopur dhe t’i them çunit që; ‘e mora hakun’. Unë do rri këtu, nuk iki unë si nënë.”, tha ajo. /albeu.com/

The post U la në burg, nëna e Mateos shpërthen në lot: E dua të varur, këtu do të jem çdo ditë! appeared first on Albeu.com.

Për këtë ngjarje ka reaguar edhe xhaxhai i autorit i cili ka deklaruar dje para krimit, nipi I tij po kërkonte të miturin në lagje.

Gjithashtu ai tha se do të shkojë në varrimin e të miturit duke shtuar se edhe vetë ka fëmijë.

Xhaxhai i autorit: Të varet me litar. Nuk kam pasur muhabet me të, po behet shumë vite. Si hyri në burg ashtu doli.

Pyetja: Ju ruheshit nga nipi juaj?

Xhaxhai: Une, pse nuk e kisha frikë, nuk më kishte bërë gjë

Pyetja: Do shkoni pranë familjes së viktimës

Xhaxhai: Po do shkoj, kam dhe vetë fëmijë dhe nipër.

Pyetja: A ka vëlla?

Xhaxhai: Po, ka është në burg ai në Greqi, për drogë. Dje e pashë që po lëvizte, po kërkonte Mateon, po fliste në telefon. /albeu.com/

The post Vrasja e 8-vjeçarit e planifikuar? Xhaxhia i autorit: Po e kërkonte Mateon nëpër lagje (FOTO LAJM) appeared first on Albeu.com.

Policia bën me dije se i mituri, ëshë qëlluar me kazmë në kokë duke i marrë jetën, dhe pastaj e ka mbuluar me baltë në oborrin e banesës së Çalamanit.

Nga këqyrja e vendit të ngjarjes u gjetën dhe u sekuestruan në cilësinë e provës materiale: një lopatë, një kazmë, një biçikletë, rroba të autorit dhe njolla gjaku, të cilat u dërguan për ekzaminime të mëtejshme në Institutin e Policisë Shkencore Tiranë.

Njoftimi i plotë i policisë: 

Ditën e djeshme, rreth orës 14:40, jemi njoftuar me telefonatë në Sallën Operative, nga shtetasja F. V., se djali i saj i mitur i vitlindjes 2013, kishte dalë që në orën 08:00 nga shtëpia dhe nuk ishte kthyer më në banesë. Më pas, rreth orës 15:30, kjo shtetase është paraqitur për të bërë kallëzim për humbjen e djalit të saj.

Menjëherë pas marrjes së njoftimit nëpërmjet telefonatës që ka bërë kjo shtetase janë organizuar shërbimet e Komisariatit të Policisë Fier, për kërkimin dhe gjetjen e djalit të mitur. Duke vlerësuar maksimalisht situatën dhe rëndësinë e saj, shërbimet kanë marrë informacion, kanë punuar për grumbullimin dhe administrimin e provave dhe si rezultat kanë bërë të mundur gjetjen e vendit të dyshuar ku mund të ndodhej fëmija i humbur.

Mbi bazën e vlerësimit të provave, pas kontrollit në ambientet e banesës së shtetasit Klodian Çalamani, është bërë e mundur gjetja e trupit të pajetë të fëmijës së dyshuar i humbur, i mbuluar me baltë në oborrin e banesës së këtij shtetasi.

Shërbimet e Policisë menjëherë kanë bërë kapjen dhe shoqërimin e autorit të dyshuar, në Komisariatin e Policisë Fier dhe nën drejtimin e Prokurorisë u kryen veprimet procedurale për zbardhjen e rrethanave të ngjarjes dhe motiveve të saj.

Shtetasi Klodian Çalamani dyshohet se e ka goditur me send të fortë (kazmë) në kokë, fëmijën e mitur dhe më pas e ka groposur atë në oborrin e banesës së tij.

Nga këqyrja e vendit të ngjarjes u gjetën dhe u sekuestruan në cilësinë e provës materiale: një lopatë, një kazmë, një biçikletë, rroba të autorit dhe njolla gjaku, të cilat u dërguan për ekzaminime të mëtejshme në Institutin e Policisë Shkencore Tiranë.

Në vijim të veprimeve hetimore, specialistët për Hetimin e Krimeve të Rënda në DVP Fier kanë bërë arrestimin në flagrancë të shtetasit Klodian Çalamani, 38 vjeç, për veprën penale “Vrasja në rrethana cilësuese, ndaj të miturit”. Materialet i kaluan Prokurorisë pranë Gjykatës së Shkallës së Parë Fier. Nga ana e grupit hetimor, nën drejtimin e Prokurorisë, po punohet për të sqaruar me detaje motivet e kësaj ngjarjeje.

The post E goditi më kazmë në kokë, policia jep detajet për vrasjen e 8-vjeçarit dhe zbulon çfarë u gjet në shtëpi appeared first on Albeu.com.

Në një prononcim për mediat  daja i viktimës, ka kërkuar publikisht varjen e tij në mes të Fierit të autorit që kreu krimin e rëndë.

Deklararata:

Nga shteti kërkojmë vetëm varje. S’ka ligje. Apeli im më i madh është ma nxirr aty në mes të Fierit ma var, asgjë tjetër. Ky është apeli i fundit.

Shteti do ta marrë, do ta nxjerrë prapë. Unë nuk di gjë për motivin”, thotë Nikolin Braja me lot në sy e mjekrën që i dridhet.

Vogëlushi do të përcillet sot në banesën e fundit, teksa pranë shtëpisë së tij edhe sot janë vendosur forca të shumta policie. /albeu.com/

The post 38-vjeçari i vrau nipin 8-vjeçar, daja thirrje shtetit shqiptar: Duam varja! appeared first on Albeu.com.

Një banor ka deklaruar se Çalemani, ka tentuar të përdhunojë gruan e tij duke shtuar se e ka denoncuar edhe në polici.

Dëshmia e një banori për Klodian Çalamanin:

Nuk ka diskutim tjetër, ai vetëm varje ka me atë gjest që bëri. Ai i ka të tëra të këqijat, ka qenë problematik, të tëra i ka, se janë dhe këto vajzat këtu. Kurvar, hajdut, siç ka qenë i ati ka qenë dhe i biri, e kam përzënë nga shtëpia, bile e kam çuar dhe në polici, ashtu më ka bërë dhe mua një gjest te shtëpia.

Donte të përdhunonte gruan time, ai të tëra të këqijat, çupën e …. kapi mezor. Më përdhunoi gruan, çfarë doni që të bënte më, ai është kriminel i paparë, duhet varur.

Ka qenë shumë i poshtër, shumë i keq, bën vaki që i ka marrë dhe lekë dhe e ka vrarë në bahçe, se aq gjykon, aq mendon truri i tij.

Nuk u dënua, se sa kishte dalë nga burgu. Edhe frikë kemi pasur nga ai lloj njeri, se ai është njeri i paparë, dhe duhet varur me sesbën. I gjithë fshati do të japi këtë mendim, mbante thikë, hanxhar, sëpatë me vete.

Si ndodhi ngjarja?

Ka qenë nëna e të miturit, Florida e cila në orën 15:30 të së martës ka bërë denoncimin në polici, pasi djali i saj ishte zhdukur dhe për të nuk kishte asnjë gjurmë. Pas denoncimit, efektivët e policisë kanë nisur hetimet dhe nga kamerat e sigurisë u zbulua se komunikimi i fundit i të miturit ka qenë me Çalamanin, fqinji i tij. Nisur nga kjo, efektivët i kanë shkuar në banesë, ku i riu është parë i shqetësuar, ç’ka ka ngritur dyshimet e Policisë, e për pasojë është shoqëruar në Komisariat. Gjatë marrjes në pyetje, ai është dorëzuar dhe ka pranuar krimin monstruoz, ku përveç se e kishte vrarë, edhe e kishte groposur në oborrin e shtëpisë. Efektivët janë rikthyer edhe një herë në banesën e të riut dhe aty kanë gjetur trupin e pajetë të 8-vjeçarit të mbuluar me baltë. I mituri është goditur barbarisht 2 herë me lopatë pas koke, goditje këto që kanë rezultuar fatale duke i marrë jetën 8-vjeçarit. Motivet e këtij krimi mbeten ende mister, se çfarë mund ta kenë shtyrë 38-vjeçarin të vrasë një fëmijë vetëm 8-vjeç.

Kush është Klodian Çalamani?

Klodian Çalamani në 2006 është autor i një tjetër pengmarrjeje. Ai së bashku me shokun e tij, Florian Vasiu, 25 vjeç, nga fshati Grecalli kanë marrë peng një vajzë, atëherë 16-vjeçare. Shoku Florian Vasiu pëlqente vajzën, por ajo nuk i përgjigjej kësaj ndenje, pasi ishte e lidhur me dikë tjetër. Pikërisht i dashuri i saj ka ndaluar të rinjtë dhe i kanë thënë që të mos e bezdisnin më vajzën. Ky veprim i të dashurit të vajzës ka acaruar të Çalamanin dhe Vasiun, të cilët e kanë marrë peng dhe e kanë torturuar për 20 minuta, duke e kërcënuar se do i shëmtonin pjesë të ndryshme të trupit, më konkretisht gjoksin duke ia prerë me biçak. Nga hetimet e Prokurorisë së Fierit ka rezultuar se për të arritur qëllimin e tyre, Klodiani ka kërcënuar edhe motrën e tij, E. Çalamani, e cila është përdorur për të futur në kurth adoleshenten. Aso kohe, dy të rinjtë u dënuan nga Gjykata e Fierit, me nga katër vjet burgim për veprën penale të heqjes së lirisë të kryer në bashkëpunim, bazuar në nenin 110/2 të Kodit Penal. Ai u lirua nga burgu i Rrogozhinës me datë 06.08.2009. /albeu.com/

The post Vrau 8-vjeçarin dhe e groposi në oborr, banori: Më përdhunoi gruan, e di policia! appeared first on Albeu.com.

Sipas News24, nga pamjet e sekuestruara nga policia, 57-vjeçari është vrarë nga dy persona. Policia ka sekuestruar 16 gëzhoja kallashnikovi në vendngjarje. Nga hetimet e deritanishme dyshohet se atentati mafioz është kryer për hakmarrje. Policia është përqendruar në të shkuarën e Demir Backës dhe rezulton se disa muaj me parë ai ka prishur ekuilibrat dhe ka pasur një konflikt me një person me influence në Fier, i cili ishte subjekt i OFL.

Backa u ekzekutua një natë më parë (23 tetor) me breshëri kallashnikovi në rrethorrotullimin e ish-QTU në Fier. Ngjarja e rëndë ndodhi rreth orës 20:40. Viktima ishte brenda makinës së tij tip “Audi” ku një automjet tjetër u afrua dhe shkrehu breshëri automatiku drejt Backës.

57-vjeçari mbeti i plagosur rëndë dhe fillimisht u dërgua në spitalin rajonal të Fierit, por fatkeqësisht nuk arriti t’i mbijetonte plagëve të marra. Ai ndërroi jetë disa minuta pas ngjarjes.

Vrasja mobilizoi policinë e cila ngriti pika kontrolli në të gjithë territorin ku pas ngjarjes, gjetën një automjet të  djegur në afërsi të fshatit Daullas në zonën e Bypassit të Fierit.

Dyshohet se automjeti i përket autorit ose autorëve të ngjarjes, ku brenda tyre janë gjetur dy armë zjarri, një kallashnikov dhe një pistoletë.

The post Zbulohen pistat e hetimit për vrasjen e Demir Backës në Fier, sekuestrohen dy armë zjarri appeared first on Albeu.com.

Kush është Demir Backa?

Backa me origjinë nga Kosova e banim të hershëm në Fier janë mjaft të fuqishëm ekonomikisht në këtë qytet, të konsideruara ndër tre familjet më të pasura. Një vit më parë ka ndodhur një sherr me pasoja mes anëtarëve të këtij fisi dhe disa personave nga Tirana, për shkak se njëri nga këta të fundit kishte ngacmuar një mbesë të Backajve.

Familjarë shumë të afërt të 57 vjeçarit janë njohur si anëtar të bandave të 1997 në Fier ku ka pasur edhe viktima në radhët e tyre, përfshirë vëllain e Demirit. Demir Baçka njihej në Fier gjerësisht për shkak të historive nga e kaluara por edhe bizneseve të tij të cilat shtriheshin deri në zonat bregdetare në jug të vendit.

Demir Baçka është vëllai i një prej 24 viktimave të masakrës së njohur të Levanit ndodhur në vitin 1997. Medi Aziz Backa njohur nga rrethi i tij si Buç Backa humbi jetën në përballje të armatosur për disa orë me radhë me bandën e romëve.

Demiri rezulton të paktën ligjërisht në QKB si pronar i një lokali në qendër të Fierit me emrin “PIAZZA” në rrugën “Jakov Xoxa” të lagjes “Apollinia” pranë të cilit edhe u vra 57 vjeçari.

Menjëherë pas vrasjes që ndodhi në qendër të Fierit, një mjet që dyshohet se u përdor nga autorët u gjet i djegur në fshatin Daullas, duke vështirësuar më tej punën për kapjen e autorëve. Vrasja duket se ka qenë e mirëmenduar, pasi edhe pse u krye në një zonë mjaft të populluar, fatmirësisht rezultoi pa pasoja për kalimtarët e rastit.

Backa u vra brenda në mjetin e tij, ndërsa kanë qenë disa plumba në trup ata që i kanë marrë jetën.

The post Nga vrasja e vëllait tek përplasja me grupin kriminal, kush është biznesmeni me 3 emra që u vra në Fier appeared first on Albeu.com.