Mihasi i lakuar në disa ngjarje kriminale, ishte pjesë e një grupimi djemsh që shpesh herë u kthyen protagonist të disa krimeve në Tiranë dhe jo vetëm.

Kohët e fundit ai ishte përpjekur të shkëputej nga rruga e keqe ku kishte hyrë, duke frekuentuar si besimtar mysliman xhaminë e Tiranës.

Për policinë e Tiranës, shënjestër e këtij atentati mafioz është pikërisht, Erigers Mihasi.

Ndërsa miku i tij, ka qenë rastësisht në automjet.

Burime të policisë thanë se vrasja lidhet për shkak të “luftës” së lindur mes bandave në Tiranë, ku padyshim janë krijuar disa viktima.

Fabian Gaxha, Santiago Malko dhe Erigers Mihasi, janë këto viktimat e kësaj “lufte”, që lindi fill pas ngjarjes së 4 Tetorit 2018 në ish-bllok dhe që tashmë nuk dihet se ku e ka fundin. Biznesi i kazinove, trafiku i kokainës që më pas u përzie edhe me vrasje, ka sjellë një përleshje të egër mes tre grupeve kriminale që veprojnë në Tiranës.

Policia thotë jo zyrtarisht se dy grupe kryeqytetase kanë lidhur aleancë, kundër një grupi të vetëm, ku bënte pjesë dhe Erigers Mihasi.

Anëtarë të hetimit pasditen e djeshme kanë arritur të sigurojnë pamjet e një filmuara nga një kamera sigurie, që është instaluar nga kompania “Salillari”, shkruan ora news.

Pikërisht kjo kamer besohet se ka filmuar të gjithë situatën para dhe pas kryerjes së krimit.

Në filmime duket qartë momenti kur automjeti tip “Toyota” ndjek nga afër “Audin A8”, që më pas do të qëllohej me mbi 30 plumba, duke lënë të vdekur në vend, Armando Dumanin dhe Erigers Mihasin.

Ky i fundit kishte vetëm 24 orë që ishte kthyer nga Gjermani në Shqipëri.

Autorët me sa duket e kanë survejuar përgjatë gjithë ditës së djeshme, duke bërë ekzekutimin në mbrëmje.

The post Ekzekutimi i dy të rinjve në Astir, pista kryesore: Lufta mes bandave të Tiranës, fillesa në ish-Bllok appeared first on Albeu.com.

Janë zbardhur pamje të reja nga atentai i rëndë i ndodhur mbrëmjen e sotme në Astir ku humbën jetën dy të rinj pasi u ekzekutuan me armë zjarri.

Viktimat janë shtetasit Armando Dumani dhe Erigers Mihasi, mosha 32 dhe 26 vjeç. Të dy viktimat janë shtetas të njohur për policinë e Shtetit për vepra të rënda penale.

Atentati ndodhi tek “dy urat” në Astir, dhe dyshohet se është qëlluar me breshëri nga një mjet në lëvizje, dhe plumbat kanë ardhur nga e pasagjerit, ku ndodhej Armando Dumani, 26 vjeç.

Burimet bëjnë me dije se viktima, Erigers Mihasi është baba i 3 fëmijëve të mitur, dy djem dhe një vajzë.

Mësohet se të dy viktimat jetonin në të njëjtën zonë, në Yrshek dhe kishin shtëpitë ngjitur, fqinjë.

Kush është viktima, Erigers Mihasi?

Mihasi, mosha e të cilit nuk dihet nuk është një emër I panjohur për policinë. Mësohet se ai ka një lidhje të ngushtë miqësie me shtetasin Ervis Martinaj, po aq I njohur për policinë e Shtetit.

3 vite më parë, Mihasi është shoqëruar nga policia për ngjarjen e ndodhur në lokalin Monopol, në ish-Bllok.

Më herët ai është arrestuar edhe si person i dyshuar për grabitjen, plagosjen, vjedhjen dhe torturimin e prindërve të Elton Çiços në Tepelenë, por gjykata e liroi nga qelia për mungesë provash.

Kush është Armando Dumani?

Armando Dumani, njihej si një person me precedent penal. Ai mësohet se ka kryer grabitje në një bankë të nivelit të dytë, nën kërcënimin e armës.

NJOFTIMI I POLICISË SË SHTETIT:

Tiranë/Informacion paraprak

Rreth orës 19:30, në vendin e quajtur “2 rrathët” në Unazë të Re, dyshohet se është qëlluar me armë zjarri në drejtim të mjeti tip “Audi”. Si pasojë kanë humbur jetën dy shtetas ende të paidentifikuar, të cilët ishin brenda në mjet.

Menjëherë shërbimet e Policisë kanë shkuar në vendngjarje dhe po kontrollojnë zonën me qëllim identifikimin dhe kapjen e autorit/ve.

Ndërkohë janë ngritur disa pika kontrolli në hyrje dhe dalje të qytetit të Tiranës.

Grupi hetimor nën drejtimin e Prokurorisë punon për sqarimin e plotë e rrethanave të ngjarjes dhe grumbullimin e çdo prove që do çojë në identifikimin dhe kapjen e autorit/ve. /albeu.com/

The post Makina luksoze e bërë shoshë nga plumbat, pamje të papublikuara nga atentati me dy viktima në Astir (FOTO LAJM) appeared first on Albeu.com.