Sipas hetimeve paraprake, pas krimit ai i vuri flakën banesës ku jetonin në lagjen Kodre të Ulqinit, me dyshimin për të fshehur gjurmët.

Policia malazeze bëri të ditur se trupi i pajetë i 36-vjeçares u gjet brenda banesës së përfshirë nga flakët, ndërsa autori i dyshuar u arrestua pak më vonë me lëndime të marra nga zjarri. Hetimet për zbardhjen e plotë të ngjarjes vijojnë nga autoritetet në Mal të Zi.

Lajmi ka tronditur familjarët, të afërmit dhe banorët e zonës së Balldrenit, ku Dila Ndoj jetonte. Mësohet se ceremonia mortore pritet të zhvillohet në vendlindjen e saj, në Balldren të Lezhës, ku familja do të hapë dyert e mortit për të pritur ngushëllimet.

The post Zbardhet ngjarja e rëndë në Ulqin, 46-vjeçari vrau partneren, viktimë mbeti 36-vjeçarja nga Lezha (FOTO) appeared first on Albeu.com.

Me kërkesë të Prokurorisë, Gjykata e Tiranës kishte firmosur për pushimin e akuzave për mungesë provash, ndaj Viktor Markut dhe nipit të tij, Sebastian Mali, të akuzuar për vrasjen e 40-vjecarit motive gjakmarrje.

Por, shkalla e dytë e gjyqësorit e ka prishur këtë vendim dhe urdhëron gjykatën e Tiranës ta rishqyrtojë dosjen nga e para, për shkak se ka gjetur shkelje. Gjykimi i dosjes penale sipas urdhërimit të Apelit duhet të kryhet nga një tjetër trupë gjykuese.

Hekuran Billa, u qëllua për vdekje brenda automjetit të tij luksoz mbrëmjen e 11 qershorit 2020 pranë Komunës së Parisit, pak ditë, vetëm pak ditë pasi ishte kthyer nga Belgjika. Ai ishte dënuar për vrasjen e Prelë Markut, në Britaninë e Madhe.

Pas ekstradimit në Shqipëri, Billa qëndroi në burgun e Fushë Krujës dhe fill pas lirimit me kusht u ekzekutua. Autori kryesor i dyshuar për vrasjen për motive gjakmarrja është Viktor Marku, vëllai i Prelë Marku dhe nipi i tij, Mali.

Viktor Marku, u arrestua në Malin e Zi pas ekzekutimit të Billës dhe ekstradua drejt Shqipërisë. Ai kishte rekorde kriminale jashtë vendit.

Hetimet për të hedhur dritë mbi vrasjen e ish të dënuarit Billa kishin disa anë të errëta. Emisioni në “Shënjestër” zbuloi se 8 oficerë policie dhe 2 zyrtarë të shërbimet sekret kishin ndërhyrë në sistemin TIMS për të kontrolluar hyrje-daljet e Billës jashtë vendit dhe dyshohet se e kanë tradhtuar tek autorët e dyshuar të krimit. Prokuroria nuk kishte hetuar për lidhje të mundshme të këtyre zyrtarëve dhe Viktor Markun e Sebastian Malin.

The post Vrasja e Hekuran Billës në vitin 2020, Apeli kthen dosjen për rigjykim! U konstatuan shkelje appeared first on Albeu.com.

I plagosuri, Kostandin Vogli, në dëshminë e tij ka deklaruar se sherri me Viktor Ruçi, ka nisur për shkak të mosmarrëveshjeve mbi një biznes beach bar-i.

Sipas dëshmisë, Vogli ka thënë se më herët ishte arrestuar dhe se gjatë kohës që ndodhej në burg, Ruçi kishte nxjerrë vëllain e tij nga biznesi, ç`ka kishte përshkallëzuar konfliktin mes palëve.

Ai ka shtuar se mosmarrëveshjet kishin të bënin kryesisht me ndarjen e të ardhurave nga aktiviteti.

“Pasi u burgosa, Ruçi nxori vëllain tim nga biznesi.  Konfliktet tona nisën për paratë e biznesit”, mësohet të ketë deklaruar Vogli. Ai ka rrëfyer gjithashtu se natën e ngjarjes kishte shkuar në lokal për t’u sqaruar me palën tjetër, ku dhe ndodhi përplasja.

Gjatë konfliktit në lokalin e Rexhep Ismaili, mbeti i vrarë vetë Ismaili, ndërsa Kostandin Vogli u plagos. Policia po vijon hetimet për zbardhjen e plotë të rrethanave të ngjarjes dhe rolin e secilit prej personave të përfshirë në konfliktin që çoi në përfundim tragjik.

The post Vrasja e biznesmenit Rexhep Ismaili në Sarandë/ Zbardhet dëshmia e të plagosurit: Si nisi konflikti për beach bar-in appeared first on Albeu.com.

“Ngjarja ka ndodhur në kryqëzimin e fshatit Gjashtë, në ambientet e lokalit në pronësi të shtetasit R. I., (Rexhep Ismaili) ku mbeti i vrarë me armë zjarri shtetasi R. I., 66 vjeç, si dhe u plagos shtetasi K.V. (Kostandin Vogli).

Si rezultat i veprimeve hetimore, u bë i mundur identifikimi i autorit të dyshuar të vrasjes si dhe zbardhja e dinamikës së ngjarjes.
Gjithashtu, vetëm pak momente më parë është bërë dhe shoqërimi i shtetasit të plagosur Kostandin Vogli i cili aktualisht po merr ndihmën mjekësore dhe ndodhet jashtë rrezikut për jetën. Në vijim ky shtetas do t’u nënshtrohet procedurave penale.
Nga hetimet rezultoi se mbrëmjen e djeshme, shtetasit:
L.T., Lulzim Tabaku
I.C., Idriz Çela
E.M., Eljo Muço
K.V., Kostandin Vogli
M.A Marjo Agalliu
dhe E.Sh.Ermal Shkalla

kanë shkuar në lokalin e viktimës dhe janë drejtuar te tavolina ku ndodheshin shtetasi Tori Ruçi i shoqëruar nga viktima dhe persona të tjerë të pranishëm duke filluar menjëherë konfliktin me sende të forta me këta shtetas.

Gjatë konfliktit të dhunshëm, rezulton se viktima R. I ka marrë një armë zjarri automatike dhe ka qëlluar në drejtim të shtetasve të përfshirë në konflikt,

Në vijim të ngjarjes, dyshohet se shtetasi L. T. ka qëlluar me armë zjarri pistoletë në drejtim të shtetasit R. I., i cili për pasojë ka humbur jetën në vendngjarje.
Gjithashtu gjatë shkëmbit të zjarrit ka mbetur i plagosur në këmbë edhe shtetasi K.V.

Pas ngjarjes, të gjithë shtetasit e përfshirë në konflikt janë larguar nga vendi i ngjarjes. Ndërkohë, dyshohet se vëllai i viktimës, shtetasi H. I., ka larguar nga vendngjarja dhe fshehur armën e zjarrit automatike së bashku me një krehër me 21 fishekë, të cilat më pas u gjetën dhe u sekuestruan nga Policia, në cilësinë e provës materiale.

Gjithashtu, u sekuestruan prova të tjera materiale, konkretisht një automjet tip “Audi Q8”, dhe fishekë dhe gëzhoja të kalibrave të ndryshëm dhe sende të tjera që do t’i shërbejnë vijimit të hetimeve.

Gjatë kontrolleve të mëtejshme, në fshatin Nivicë u gjet i braktisur motomjeti, me të cilin dyshohet se është larguar nga vendngjarja autori i dyshuar, shtetasi L. T. Po ashtu, në lagjen nr. 1, Sarandë, u gjet dhe u bllokua një automjet tip “Audi”, i cili dyshohet se është përdorur nga autorët e përfshirë në ngjarje.

Në përfundim të veprimeve të para hetimore, u shpallën në kërkim shtetasit:
L. T., 37 vjeç, për veprat penale “Vrasja me dashje” dhe “Armëmbajtja pa leje”;
I. C., 40 vjeç, E. M., 19 vjeç, K. V., 31 vjeç, M. A., 22 vjeç dhe E. Sh., 21 vjeç, për veprat penale “Kanosja” dhe “Shkatërrimi i pronës”.
Si dhe u proceduar penalisht shtetasi H. I. (Hajredin Ismaili) 60 vjeç, vëllai i viktimës.

Vijojnë hetimet intensive për zbardhjen e plotë të dinamikës së ngjarjes si dhe kërkimet intensive për lokalizimin dhe kapjen e të gjithë shtetasve të shpallur në kërkim.

Në këtë kuadër, ftojmë qytetarët të bashkëpunojnë me Policinë e Shtetit, duke dhënë çdo informacion të vlefshëm për kapjen e shtetasve të shpallur në kërkim dhe për parandalimin e veprimeve të paligjshme.

Policia e Qarkut Vlorë mbetet maksimalisht e angazhuar në luftën kundër kriminalitetit dhe në garantimin e rendit dhe sigurisë për qytetarët, turistët dhe vizitorët”, njoftoi drejtori i policisë.

The post Ngjarja në Sarandë, ku viktimë mbeti biznesmeni Rexhep Ismaili/ Policia deklaratë zyrtare: Gjashtë persona të përfshirë appeared first on Albeu.com.

Në një reagim për News24, Kolndreu shprehet njëra nga makinat e autorëve u gjet në garazhin e tij, por që janë futur aty pa dijeninë e prindërve të tij, pasi vetë ai bashkë me gruan dhe fëmijët jetojnë dhe punojnë në Mal të Zi.

“Për rrezikun tone shtëpia ime ndodhej ne vendin e gabuar për ne dhe ne vendin e duhur për ato dhe për fat te keq tonin kemi një garazh te madh dhe mund te kenë menduar se ishte vendi perfekt për to. Ju bej të ditur qe personat e dyshuar kane hapur vete portën kryesore portën e dytë qe na lidh me tokat garazhin si dhe portën e garazhit pa u pare nga prindërit e mi te cilët dikush po flinte dikush po shikonte televizor per fat te keq kam oborrin me ligustra te qethura te cilat jane shume te larta dhe nuk shikohet asgjë”.

Gjithashtu, ai shprehet se nuk dëshiron që të futet në gjak më asnjë familje.

“Duan te me futin ne gjak me një familje me te cilët kurrë nuk kemi patur problemin me te vogël. Prandaj i lutem shtetit qe çështjen tonë ta shikojnë me imtësi dhe profesionalitet sepse këtu nuk është vetëm shteti dhe burgu ku duan te me futin pa patur asnjë faj por dhe gjaku dhe ne nuk duam te biem ne gjak me askënd pa na pasur borxh dhe pa ju pasur borxh”, shprehet ai.

Kolndreu deklaron se është i gatshëm të bashkëpunojë me drejtësinë dhe paralajmëron se do të paraqitet vetë pranë autoriteteve për të sqaruar situatën.

“Unë kam folur me shefin e madh te policisë Lezhës direkt dhe i kam thëne qe unë do te vij ne këmbe e dore gjallë a vdekur te ti dhe gjithçka do te sqarohet qe te pastroj emrin tim thjesht po pres një Ok nga avokati im qe te me thoje hajde. Pra mua do me shikoni te vete dorëzuar dhe asnjeri mos te thajë e kapem këtu e kapet atje kriminelin sepse nuk jam nje kriminel”.

The post Atentati ndaj çiftit Mujeci, flet 40-vjeçari i shpallur në kërkim: Nuk dua të hyj në gjak, s’kemi asnjë lidhje me ngjarjen appeared first on Albeu.com.

Makina u gjet në zonën e fshatit Torovicë, në një rrugë dytësore, në tokë arë, pranë një kanali. Po në këtë zonë, u gjet ditën e djeshme edhe makina tjetër e përdorur në atentatin e të dielës, një Volkswagen Polo.

Sakaq, me qëllim kryerjen e verifikimeve më të specializuara, automjeti u sekuestrua në cilësinë e provës materiale dhe do t’i nënshtrohet ekspertizave kriminalistike.

Njoftimi i policisë:

Lezhë / Vijojnë veprimet e thelluara hetimore dhe kontrollet në terren për sigurimin e të gjitha provave që shërbejnë për dokumentimin e plotë ligjor të autorësisë së ngjarjes së ndodhur më datë 26.04.2026, në fshatin Balldren.

Si rezultat i hetimeve, informacioneve të siguruara dhe kontrolleve të imtësishme në terren, të kryera nga shërbimet, në fshatin Torovicë, në një rrugë dytësore, në tokë arë, pranë një kanali, u gjet një automjet tip “Audi A4”, i cili dyshohet se është i përfshirë në dinamikën e ngjarjes dhe se është përdorur nga bashkautorët, të cilët kanë pasur rolin e vëzhguesve të lëvizjeve të viktimave.

Gjatë këqyrjes së tij, brenda automjetit u gjetën dokumentacione që u përkisnin autorëve të shpallur në kërkim.

Me qëllim kryerjen e verifikimeve më të specializuara, automjeti u sekuestrua në cilësinë e provës materiale dhe do t’i nënshtrohet ekspertizave kriminalistike.

Ndërkohë, në mënyrë intensive dhe të pandërprerë, vijon kontrolli i zonave për lokalizimin dhe kapjen e autorëve të shpallur në kërkim.

Materialet procedurale iu referuan Prokurorisë së Lezhës për veprime të mëtejshme.

The post Vrasja e Kreshnik dhe Gentjana Mujecit në Lezhë, zbulohet e braktisur edhe makina e dytë e autorëve appeared first on Albeu.com.

Sipas të dhënave zyrtare, në fshatin Torovicë, është gjetur automjeti tip “Volkswagen Polo”, pa targa, i përdorur nga autorët për kryerjen e krimit. Nga kontrolli në brendësi të mjetit janë sekuestruar dy gëzhoja model 56, ndërsa automjeti rezulton me xham të pasmë dhe pjesë anësore të dëmtuara.

Në të njëjtin ambient është konstatuar edhe një automjet tjetër identik, por me targa të rregullta, çka dyshohet se është përdorur për të fshehur gjurmët e krimit. Ndërsa në oborrin e banesës janë gjetur dhe sekuestruar veshjet e përdorura nga autorët gjatë atentatit, si dhe një palë targa.

Njoftimi i policisë

Vijojnë hetimet për zbardhjen e atentatit të ndodhur më 26 prill 2026 në fshatin Balldren, ku mbetën të vrarë bashkëshortët Kreshnik dhe Gentjana Mujeci. Policia ka arritur të gjejë dhe të sekuestrojë prova të rëndësishme që pritet të ndihmojnë në dokumentimin e plotë ligjor të ngjarjes.

Sipas të dhënave zyrtare, në fshatin Torovicë, në banesën e shtetasit B. K., është gjetur automjeti tip “Volksëagen Polo”, pa targa, i përdorur nga autorët për kryerjen e krimit. Nga kontrolli në brendësi të mjetit janë sekuestruar dy gëzhoja model 56, ndërsa automjeti rezulton me xham të pasmë dhe pjesë anësore të dëmtuara.

Në të njëjtin ambient është konstatuar edhe një automjet tjetër identik, por me targa të rregullta, në pronësi të shtetasit B. K., çka dyshohet se është përdorur për të fshehur gjurmët e krimit. Gjithashtu, në oborrin e banesës janë gjetur dhe sekuestruar veshjet e përdorura nga autorët gjatë atentatit, si dhe një palë targa.

Nga hetimet paraprake ka rezultuar se shtetasi F. M. ka marrë automjetin, të cilin motra e tij e kishte marrë me qira në Rinas, dhe pasi i ka hequr targat, në bashkëpunim me një tjetër person të shpallur në kërkim, e ka përdorur për t’i prerë rrugën viktimave dhe për të qëlluar ndaj tyre. Pas krimit, mjeti është fshehur në banesën e B. K., i mbuluar me bar, me qëllim humbjen e gjurmëve.

Në vijim të veprimeve, Policia ka shpallur në kërkim shtetasin B. K., 22 vjeç, banues në Torovicë, për veprat penale “Vrasja në rrethana të tjera cilësuese” dhe “Mbajtja pa leje e armëve dhe municionit”. Ndërkohë, është proceduar penalisht edhe babai i tij, N. K., 79 vjeç, për të njëjtën vepër penale.

Shërbimet e Policisë vijojnë kontrollet intensive në terren për kapjen e autorëve të dyshuar dhe personave të tjerë të përfshirë në këtë ngjarje të rëndë kriminale, ndërsa materialet i janë referuar Prokurorisë së Lezhës për veprime të mëtejshme.

The post Vrasja e dyfishtë në Lezhë/ Autorët mbuluan makinën me bar, e morën me qira dhe i hoqën targat appeared first on Albeu.com.

Raportohet se mjeti i përdorur në vrasjen e Kreshnik dhe Gentjana Mujecit, u gjet në zonën e Torovicës.

Kujtjomë se në ngjarjen e rëndë kriminale u përdor edhe një automjet tjetër, tip “Audi”.

The post Vrasja e Kreshnik dhe Gentjana Mujecit në Lezhë, zbulohet i braktisur një nga automjetet e përdorura në atentat appeared first on Albeu.com.

I dyshuari i tretë është Adriano Mhillaj, të gjithë të shpallur në kërkim.

Sipas Policisë, dyshohet se vrasja ka ndodhur për motive hakmarrje, pasi në vitin 2016, viktima Kreshnik Mujeci bashkë me vëllezërit e tij ka vrarë babanë e Renato Mhillajt, Gegë Mëhillaj (i njohur edhe si Genc Mhillaj apo Gent Pjetri).

Sipas burimeve dhe pamjeve të kamerave të sigurisë, atentati i djeshëm ka zgjatur pak më shumë se një minutë.

Autorët, të cilët nuk mbanin maska, kanë vepruar me gjakftohtësi të plotë gjatë ekzekutimit. Dyshohet se kanë përdorur dy automjete në atentat, njëra prej të cilave e tipi “Audi A4”.

Sipas policisë, nga dinamika e ngjarjes rezulton se automjeti tip “Audi A4” ka mbajtur në vëzhgim lëvizjen e shtetasit Kreshnik Mujeci.

Më pas, një automjet tjetër, tip “Volkswagen”, pa targa, dyshohet se i ka prerë rrugën automjetit me të cilin udhëtonte shtetasi Kreshnik Mujeci, së bashku me bashkëshorten e tij, dhe shtetasit që ishin në automjet kanë qëlluar me breshëri armësh në drejtim të automjetit të tij.

The post Këta janë dy nga autorët e vrasjes së Kreshnik dhe Gentiana Mujecit në Lezhë, çfarë treguan kamerat e sigurisë appeared first on Albeu.com.

Në kërkim janë shpallur Adriano Mhillaj 22-vjeç; Florin Mhillaj 36-vjeç dhe Renato Mhillaj 23-vjeç. Renato është djali i Genc Mhillajt që u vra në vitin 2016, ngjarje për të cilën u akuzua Kreshnik Mujeci dhe Jozef Mujeci, por gjykata e Shkodrës i shpalli ata të pafajshëm më 27 nëntor 2018.

Më pas, Gjykata e Apelit në Shkodër më 6 nëntor 2019 ka rrëzuar ankimin e Prokurorisë, duke lënë në fuqi vendimin e shkallës së parë. Ndërsa Gjykata e Lartë më 31 tetor 2024, ka vendosur kthimin e çështjes për rigjykim.

DEKLARATA E PLOTË  E POLICISË:

Më datë 26.04.2026, rreth orës 14:50, në rrugën “Balldren-Torovicë”, nga shtetas të paidentifikuar është qëlluar me armë zjarri në drejtim të automjetit që drejtohej nga shtetasi Kreshnik Mujeci.

Me marrjen e njoftimit, në vendngjarje kanë mbërritur menjëherë shërbimet e Policisë dhe ato të emergjencës.

Për të hetuar dhe zbardhur ngjarjen, u ngrit një grup i posaçëm hetimor, me specialistë të Hetimit të Krimeve të Rënda të DVP Lezhë, Departamentit të Policisë Kriminale, si dhe ekspertët më të mirë kriminalistë, të cilët në drejtimin e Prokurorisë, kanë vijuar intensivisht veprimet hetimore në vendin e ngjarjes dhe një sërë veprimesh të tjera me metoda proaktive, në funksion të zbardhjes dhe dokumentimit të plotë ligjor të saj.

Hetimet kanë vijuar me këqyrjen dhe administrimin e të gjitha pamjeve filmike mbi intinerarin e lëvizjeve të viktimave dhe autorëve, analizimin e çdo prove materiale dhe si rezultat është identifikuar njëri prej automjeteve të përdorura nga autorët, i markës “Audi A4”.

Në vijim të hetimeve të thelluara dhe profesionale, analizimit të çdo prove që lidhej me ngjarjen, u bë i mundur identifikimi i autorëve të dyshuar, konkretisht i shtetasve:

-A. M., 22-vjeç, F. M., 36-vjeç dhe R. M., 23-vjeç, banues në Lezhë.

Nga dinamika e ngjarjes rezulton se automjeti tip “Audi A4” ka mbajtur në vëzhgim lëvizjen e shtetasit Kreshnik Mujeci. Më pas, një automjet tjetër, tip “Volksëagen”, pa targa, dyshohet se i ka prerë rrugën automjetit me të cilin udhëtonte shtetasi Kreshnik Mujeci, së bashku me bashkëshorten e tij, dhe shtetasit që ishin në automjet kanë qëlluar me breshëri armësh në drejtim të automjetit të tij.

Nga veprimet e mëtejshme hetimore, dyshohet se vrasja ka ndodhur për arsye hakmarrjeje.

Hetimet vazhdojnë në mënyre intensive, në drejtimin e Prokurorisë, për dokumentimin e plotë ligjor të ngjarjes.

Përsa u përket autorëve, pas identifikimit të tyre, nga ana e strukturave policore janë ushtruar kontrolle në disa banesa dhe ambiente të tjera, por nuk është bërë e mundur gjetja e tyre. Këta shtetas janë shpallur në kërkim.

Operacioni vijon në terren, ku janë përshirë Forcat Speciale “RENEA”, Forcat Kombëtare të Sigurisë dhe strukturat operacionale të Drejtorisë Vendore të Policisë Lezhë, me qëllim lokalizmin dhe kapjen e tyre.

Gjithashtu, vijon puna për gjetjen dhe sekuestrimin e automjeteve dhe të armëve të zjarrit që janë përdorur për të kryer vrasjen.

Drejtoria Vendore e Policisë Lezhë, është maksimalisht e angazhuar për garantimin e rendit dhe sigurisë, evidentimin dhe goditjen e paligjshmërive dhe në këtë kuadër fton qytetarët, që të besojnë dhe të mbështesin më shumë strukturat policore, duke denoncuar çdo rast të paligjshmërisë.

The post Vrasja e Kreshnik dhe Gentjana Mujecit në Lezhë, zbardhen emrat e tre autorëve të shpallur në kërkim appeared first on Albeu.com.