Bëhet me dije se motori është gjetur i shkrumbuar në zonën e Kodrës së Diellit.

Tashmë është duke iu nënshtruar një ekspertize të thelluar nga Drejtoria e Policisë së Tiranës.

Ngjarja e rëndë ndodhi mbrëmjen e djeshme në afërsi të banesës së Bujar Nasufit në vendin e quajtur “Pallati me Shigjeta” në Tiranë.

Nga verifikimi i kamerave të sigurisë, vrasësi ka dyshime se e ka pritur viktimën në afërsi të banesës së tij, në momentin që 56-vjeçari është kthyer në shtëpi së bashku me bashkëshorten e tij.

Burime bëjnë me dije se autori i është afruar viktimës sapo ai është ndarë nga gruaja e tij, e cila ka zbritur nga makina dhe i është drejtuar banesës pak metra larg vendit ku ndodhi ngjarja, në rrugën “Myrte Zeneli”.

The post Gjendet i djegur në Kodrën e Diellit motori i autorit të vrasjes së Bujar Nasufit appeared first on Albeu.com.

Gazetarja Klodiana Lala, duke folur në emisionin “Të Paekspozuarit”, zbuloi detaje të reja mbi këtë ngjarje të rëndë. Sipas saj, qitësi profesionist, dyshohet të ketë qëlluar nga distanca, duke përdorur një dhomë hoteli me pamje të përshtatshme për sulmin.

Ajo tregoi se kamerat e sigurisë nuk kanë kapur autorin, por vetëm momentin kur Reçi bie pa ndjenja. Distanca e qitjes mendohet të ketë qenë 25-30 metra, ndërsa hoteli dhe ndërtesat përreth janë kontrolluar nga policia, por pa gjetur asnjë gjurmë të autorit.

“Është ngjarje e çuditshme. Kamerat nuk kapnin asnjë moment, Eduard Reçi, 52 vjecar u plagos dhe sot ka ndërruar jetë në spitalin e Traumës. U qëllua me plumb në kokë. Mekanizmi është i çuditshëm. Ai ka qenë në sheshpushimin e pallatit ku banonte, po fliste në telefon me një person që do t’i çonte mjetin për ta rregulluar. Ka dyshime se u qëllua nga dhoma e një hoteli që kishte fushëpamje mbi këtë sheshqëndrim.

Mendohet të jetë 25-30 metra distanca. Është bërë kontroll i hotelit dhe pallateve të larta aty në zonë. Nuk janë gjetur gjurmë të autorëve. Eduard Reçi, kohët e fundit nuk kishte patur problematikë. Ka punuar dikur në SHISH, është tërhequr nga ajo punë. Bëhet fjale për 25 vite më parë. Ishte futur më pas në tokën ku ka ndërtuar pallatin me kompaninë e tij, kishte legalizuar. Bashkëshortja punon në një nga përfaqësitë diplomatike, është pedagoge e gjuhëve të huaja. Kanë dy fëmijë. Familja ka pretenduar se nuk ka konflikt dhe nuk është ruajtur në asnjë rast.

Disa kohë më parë ka bërë kallëzim penal për rast vetëgjyqësie, për një person që pranë pallatit të tij ka një pronë. Kjo çështje është pushuar më parë.

Për motivin, prokuroria dhe policia kam përshtypjen se janë shumë larg. Gjatë të gjithë javës, përpara lokalit, janë hedhur fishekzjarre dhe kapsolla. Në momentin që është qëlluar, qytetarët kanë menduar se po vijonte i njëjti ritual si ditët e tjera. Për këtë arsye nuk është menduar si vrasje në momentin e parë. Kur e kanë parë në tokë e kanë kuptuar. Kamerat shfaqin momentin kur ai bie pa ndjenja, por nuk shfaqin autorin e dyshuar askund. Janë marrë kamerat dhe po shihen me kujdes hyrjet dhe daljet për të parë se kush mund të ketë qenë.

Ndërkohë hetuesit do të kthehen edhe në vitet 97′-98′, nëse ka patur problematika në qytetin e lindjes.

Ajo që u mendua si ngjarje e thjeshtë, nga mënyra si është kryer, hetuesit besojnë se ka patur një përgatitje. Dyshohet për qitës profesionist, që ka bërë gjujtje në distancë”, tha Lala.

The post Klodiana Lala zbulon detajet e reja: Qitësi profesionist e vrau Eduart Reçin nga një dhomë hotelit appeared first on Albeu.com.