Giusy Di Tella ka reaguar ndaj akuzave të ngritura nga policia dhe ka sqaruar se ata nuk kishin konsumuar alkool ose drogë në momentin e aksidentit. Ajo thekson se përplasja ishte një ngjarje e pafat dhe e papritur.

Sipas Giusyt, ajo dhe Nicola po bënin një xhiro me jet-ski dhe në momentin e përplasjes, ajo ishte duke regjistruar një video me celularin e saj. Vëllai i saj, Salvatore, ka tentuar të ndihmojë Nicola-n dhe e ka nxjerrë në breg, por ai nuk ka mbijetuar.

Giusy akuzon policinë për raportimin e një versioni të pasaktë të ngjarjes dhe ka kërkuar ndihmë nga autoritetet italiane për të siguruar që e vërteta të dalë në pah. Ajo insiston se aksidenti ishte thjesht një fatkeqësi dhe se vëllai i saj nuk kishte asnjë faj.

Të rinjtë kishin ardhur në Shqipëri për një dasmë dhe kishin vendosur të kalonin disa ditë pushimi në plazhin e Velipojës.

Dëshmia e Giusyt: “Autoritetet shqiptare kanë lëshuar trupin e të dashurit tim dhe tani po përgatitemi të kthehemi në Itali. Dua të theksoj se ishte një aksident tragjik dhe se ne nuk kishim konsumuar alkool ose drogë. Ne ishim gjithmonë shumë të lidhur si një familje. Dy jet-ski-të ishin larg njëra-tjetrës dhe ne nuk ishim shumë larg bregut, ndryshe nga sa është raportuar. Ndërkohë që po regjistroja një video me celularin tim, Nicola më kërkoi ta fikja atë. Në atë moment ndodhi përplasja në anën e djathtë të jet-ski-së tonë.

Vëllai im u hodh menjëherë në det për të shpëtuar Nicola-n dhe e nxori në breg, por ai nuk mbijetoi. Është e rëndësishme të ritheksoj se ishte një aksident tragjik dhe vëllai im nuk ka asnjë faj. Këtu në Shqipëri, duket se kërkojnë gjithmonë një fajtor, dhe për këtë arsye po kërkojmë ndihmë nga autoritetet italiane.”

The post Flet e dashura e turistit italian që vdiq në Velipojë: Policia keqinformoi, nuk ishim të dehur appeared first on Albeu.com.

Gazetari Artan Hoxha tha teksa ishte i ftuar në Euronews Albania se i trembej hakmarrjes që mund të pasojë kjo ngjarje.

Kjo pasi sipas Hoxhës, rrjeti fisnor në ato zona është i madh dhe është e vështirë që të kontrollohen veprimet e tyre, prandaj ai bëri thirrje që të qetësohen sa më shumë gjërat, që të mos kalohet në veprime të tjera ekstreme.

“Janë humbur jetë njerëzisht 22-vjeç, 33-vjeç. Janë mosha të reja. Ajo që unë kam më shumë frikën aty është të mos i hidhet më shumë benzinë zjarrit dhe të qetësohen sa më shumë që të jetë e mundur, sepse rrjeti fisnor aty… kalon në një zinxhir që zgjerohet.

Dhe nëse hyjmë në atë zinxhirin e frikshëm të hakmarrjes i cili nuk godet më vetëm personat përgjegjës, por edhe personat afër tyre. Ti mund të ruash një familje, por nuk mund të ruash dot një fis të tërë. Nuk mund të çosh në ngujim një fis të tërë.

Megjithatë thashë që jemi në hapat e para të hetimit dhe zbardhjes së kësaj ngjarjeje. E para për të kuptuar qartësisht se me çfarë kishin të bënin dhe si përfunduam në këtë situatë dhe së dyti kush janë personat përgjegjës që lejuan që kjo situatë të vinte në këtë pikë që është dhe me pasoja kaq të rënda”, tha Hoxha.

The post Krimi në Velipojë/ Artan Hoxha zbulon detajet e forta: Zjarri është ndezur, s’mund të ngujosh një fis appeared first on Albeu.com.