Ai u qëllua nga 7 plumba pasditen e 19 prillit teksa pinte kafe në lokalin e tij në Shëngjin.

Mësohet se Nikulajt i janë bërë disa herë tentativa për ta eliminuar, dy nga të cilat gjatë viteve të fundit.

Në vitin 2019, në Shëngjin do të përhapeshin zëra se në zonë kishte mbërritur një vrasës me pagesë, i cili ishte paguar për të ekzekutuar Nikulajn.

Alarmi i ngritur bëri që atentati të mos finalizohej, pasi në atë kohë organet ligjzbatuese do të merrnin informacionet në kohë dhe autorët do të tërhiqeshin.

Së fundmi, sipas BW, dyshohet se disa persona të kenë paguar një grup që operon në jug të vendit, që të organizonin vrasjen e Nikulajt. Ky grup, pasi merr përsipër organizimin, tenton të rekrutojë një vrasës me pagesë.

Tentativë, e cila sërish do të dështonte, pasi atentati dekonspirohet dhe nga ai moment, Ardjan Nikulaj shtoi sigurinë dhe lëvizte me makinë të blinduar. Por, kjo situatë nuk zgjati shumë. Nuk dihet ende nëse dora që e vrau është ajo e porositësve të dy tentativave të mëparshme për eliminimin e Nikulajt.

 /Albeu.com/

The post I druhej atentatit? Ardian Nikulaj shtoi sigurinë dhe lëvizte me makinë të blinduar, si dështuan dy tentativat për ta eleminuar appeared first on Albeu.com.

Nikulaj ka qenë kandidat për deputet nën siglën e PSD në 2021 dhe kandidat për këshill bashkiak në zgjedhjet vendore të 14 majit.

Lidhur me këtë fakt nuk kanë munguar as akuzat nga opozita se vrasja ka prapavijë politike.

Ishte deputet idemokrat Edi Paloka, i cili tha ditën e djeshme se Nikulaj mbështeste kandidatin për bashki të koalicionit “Bashkë Fitojmë”, Pashk Gjoni.

Akuzave të Palokës, i është përgjigjur ditën e sotme ministri i Drejtësisë, Ulsi Manja.

Ky i fundit bëri thirrje që ngjarja të zbardhet sa më parë dhe autorët të shkojnë para drejtësisë.

Manja: E para, dua të shpreh ngushëllimet për familjarët dhe të afërmit e viktimës dhe të shpreh gjithë solidaritetin tim. Në rastin konkret duhet të bashkohemi në një kërkesë, në zbardhjen e shkaqeve dhe zbulimin e autorit të ngjarjes. Lidhur me akuzat, kam neveri dhe përcmim. Janë të njëjtët njerëz që vëlla vrasjen, nxitjen e përcarjes dhe përdorimin e viktimave për qëllime politike e kanë pasur pjesë të ADN-së së tyre këtu e 30 vjet. Ftoj organet ligjzbatuese të zbardhin këtë ngjarje dhe autorët të shkojnë para drejtësië.

Çfarë deklaroi dje Paloka

Paloka: Kam përshtypjen, pa pasur më tepër të dhëna, se do të ketë background politik, për fat të keq. Nuk mund të flas më tepër, se nuk kam informacion, por fakti është që Ardian Nikulaj këtë herë ka qenë i angazhuar, me sa di unë, në mbështetje të kandidatit të Partisë Demokratike, të koalicionit “Bashkë Fitojmë” në zonë. Por nuk dua të flas më tepër, pasi dua të kem informacion.

Ngjarja ndodhi pas pak mesdite më 19 prill 2023. Biznesmeni u ekzekutua në lokalin e tij “Coral’ në mes të pedonales.

The post “Vrasja e Nikulajt ka prapavijë politikë”, Manja i përgjigjet akuzave të opozitës: Kam neveri dhe përçmim appeared first on Albeu.com.

Gazetarja tregoi se i pranishëm në momentin e vrasjes ka qenë edhe vjehrri i gruas së parë të viktimës, duke qenë se Nikulaj jetonte me dy gra. Gjithashtu në lokal, por në pjesën e kuzhinës ka qenë dhe gruaja e tij e parë dhe disa punonjës.

“Ka qëlluar në kokë, në trup dhe katër plumbat e tjerë i ka qitur tek xhami”, u shpreh Lala duke e cilësuar Ardian Nikulajn një person kontravers që lidhte krimin dhe politikën.

“Ka qenë i dënuar për disa vepra të lehta penale. Problemi është që ka patur akuza ndaj tij. Pista e parë kryesore është ajo e një gjakmarrjeje, një prej tyre është fisi Lekstakaj, por familja e tyre ka 10 vite në Angli.

Njihej si person që balanconte grupet kriminale. Me Aleksandër Dedaj ka qenë mik i ngushtë dhe në njërin nga atentatet ndaj Aleksandër Dedaj ka qenë dhe Nikulaj. Ka sheshuar konfliktet mes Ndokës dhe Leksit të druve. Kishte lidhje të forta në Nikël dhe në këto zgjedhje ishte pozicionuar si mbështetës në koalicionin “Bashkë fitojmë”, u shpreh gazetarja./Opinion

The post Vrasja e biznesmenit në Shëngjin, Klodiana Lala: E hapur edhe pista politike appeared first on Albeu.com.

Hoxha u shpreh në emisionin “Top Story” se, Nikulaj ishte shumë i kujdesshëm në lëvizjet e tij dhe se nuk qarkullonte i pashoqëruar nga truprojat.

Gjithashtun tha se viktimën e kishte takuar vetëm dy javë më parë dhe se ai i kishte treguar në në zgjedhjet lokale do të mbështeste kandidatin e PD.

“I ndjeri a lënë katër fëmijë, ishte një faktor i rëndësishëm sidomos në fushatat elektorale, nuk është bere i dukshëm në zgjedhjet i fundit por ishte një aktor i rëndësishëm ën Lezhë. Lezha është një qark i djathë dhe herë pas here e majta tentonte ta përmbushte. Çuditërisht sot në këtë fushatë ai është i regjistruar si kandidat i këshillave bashkiak për PSD-në dhe ka qenë një mbështetës i hapur i kandidatit për kryetar bashkie në Lezhë. Logjikisht ky duhet të ishte mbështetës i kandidatit të mazhorancës, unë e kam takuar jo më larg se dy javë, ngjarja është shumë e rëndë, Ardjan Nikulaj nuk është njeri lehtësisht i arritshëm, mund ta gjeje në Tiranë pasi ka biznese në Tiranë, sigurisht që gatë kësaj kohe kam vënë re që ishte i kujdesshëm në lëvizjet që bënte, ishte i përfshirë në procese hetimore për një konflikt të filluar mbi 20 vite më parë. Lëvizte me shoqërues. Fillimisht kam njohur palën tjetër që ka qenë në konflikt me Nikulajn ndërsa ai u bë i rëndësishëm kur mori pjesë në politikë. Në fushata të mëparshme ka mbështetur forcat e mata ndërsa në rastin konkret ishte mbështetës i PSD-së. Nikulaj do të mbështeste kandidatin e opozitës sepse është një kandidat shumë i mirë dhe unë isha kurioz për këtë. Nga informacioni që kam mendoj e anëtarë të familjes së tij do të mbështesnin Pjerin Ndreun. Në zona të tilla emri i kandidatit bën diferencën. Edhe në atentatin e 6 marsit të vitit të kaluar Ardjan Nikulaj ka qenë i pranishëm në një lokal në qendër të Lezhës ku u bë një atentat. Unë atë natë i kam thënë kush e merr guximin t’i qëllojë kur ti ishe mbrapa. Atentati ishte ndaj Aleks Dedës, i cili mori tetë plumba por fatmirësisht i shpëtoi. Personat e dyshuar për këtë atentat dyshohet të kenë pasur lidhje me Martinajn. Unë jam interesuar për të parë nëse ky kishte lidhje direkte me Martinajn. Eliminimi në këtë moment, nuk po hyj te motivet, eliminimi në atë pikë, me aq sa e njihja pika më e dobët që mund të goditej ishte te lokali vet por për të ishte e sigurt se nuk mund të afrohej njeri. Ai është në listën e këshilltarëve bashkiakë dhe pretendonte të merrte 7-10 anëtarëve. E veçanta ishte pozicioni që kishte zgjedhur se në vitet e tjera mbështeste mazhorancën ndërsa në rastin konkret mbështeste kandidatin e opozitës. Nëse nuk do të kishte ndodhur kjo sot ai do të kishte një rol të rëndësishëm. Kjo ngjarje do të jetë në çdo raport ndërkombëtar për zgjedhjet”, tha Artan Hoxha.

The post “Ardian Nikulaj lëvizte me makina të blinduara dhe truproja”, Artan Hoxha: Më tha se do mbështeste kandidatin e PD appeared first on Albeu.com.