vrasja ne lushnje Archives - Albeu.com

“Pse bredh?! Je pa burrë”, zbardhen detaje të reja për krimin në Lushnje

Gj Z — Sun, 19 May 2024 17:09:36 +0000

Detaje të reja kanë dalë në dritë nga ngjarja e rëndë që ndodhi në Lushnje, ku Behar Musaku plagosi me armë gjahu vajzën e tij Rudina Musaku dhe më pas vrau veten. Mësohet se shkak për krimin e rëndë është bërë divorci i 40-vjeçares. Kjo e fundit raportohet se ishte ndarë me burrin e saj me të cilin kishte dy fëmijë dhe jetonte në Tiranë ku dhe punonte si kamariere. Rudina kishte vetëm një javë që kishte shkuar në shtëpinë e babit të saj dhe ditën e sotme babë e bijë janë përfshirë në një debat çfarë ka sjellë dhe aktin ekstrem të 82-vjeçarit.

Mësohet se Behar Musaku, para se ta qëllonte me armë gjahu të bijën, i ishte drejtuar me fjalët: “Pse bredh?! Je pa burrë, mos ik lart e poshtë!” dhe më pas e ka qëlluar me armë dhe ka vrarë vetën.

Ngjarja e rëndë u regjistrua pasditen e sotme në lagjen “18 Tetori”. I moshuari pas debatit që kishte me të bijën e ka qëlluar me armë duke e lënë të plagosur rëndë dhe më pas ka vrarë veten. 40-vjeçarja është dërguar në spital ku raportohet se është në gjendje kritike për jetën. Ajo është nënë e divorcuar dhe nga martesa ka dy fëmijë të cilët jetojnë me babanë e tyre.

The post “Pse bredh?! Je pa burrë”, zbardhen detaje të reja për krimin në Lushnje appeared first on Albeu.com.

EMRAT/ Vrasja e biznesmenit në Lushnjë, kush janë tre të plagosurit (VIDEO)

E B — Mon, 23 Aug 2021 21:10:09 +0000

Një ngjarje e rëndë ka tronditur Lushnjën mbrëmjen e sotme. Disa persona me një mjet tip Golf kanë qëlluar me beshëri në drejtim të një lokali në qendër të qytetit.

Nga të shtënat kanë mbetur të plagosur Judin Velo, Ervis Tafa dhe Sara Liçi, ndërsa i vrarë ka mbetur Bledar Muça.

Policia bën me dije se, janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve.

Vijon puna për zbardhjen e rrethanave dhe dokumentimin e plotë të ngjarjes./albeu.com

The post EMRAT/ Vrasja e biznesmenit në Lushnjë, kush janë tre të plagosurit (VIDEO) appeared first on Albeu.com.

Një i vrarë dhe tre të plagosur, policia jep detaje për ngjarjen në Lushnjë

E B — Mon, 23 Aug 2021 21:01:59 +0000

Policia ka dhënë detaje në lidhje me ngjarjen e ndodhur sonte në Lushnjë. Mësohet se ka mbetur i vrarë pronari i lokalit Bledar Muça dhe tre persona të tjerë.

Njoftimi i policisë:

Lushnjë

Informacion paraprak

Sot rreth orës 22:00, në një lokal në pedonalen e qytetit, është qëlluar me armë zjarri dhe për pasojë ka ndërruar jetë shtetasi B. M dhe kanë mbetur të plagosur shtetasit J. V., 32 vjeç, E. T dhe S. L., 24 vjeçe të cilët ndodhen në spital nën kujdesin e mjekëve.

Janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve.

Vijon puna për zbardhjen e rrethanave dhe dokumentimin e plotë të ngjarjes./albeu.com

The post Një i vrarë dhe tre të plagosur, policia jep detaje për ngjarjen në Lushnjë appeared first on Albeu.com.

Vrasja për pronën në Lushnjë, arrestohet 49-vjeçari i shpallur në kërkim

E B — Sat, 31 Jul 2021 12:27:07 +0000

Policia ka vënë në pranga 49-vjeçarin Kastriot Hasalla i cili ishte shpallur në kërkim për vrasjen e ndodhur disa ditë më parë në Lushnjë, ku u vra Romeo Hasalla 30 vjeç dhe mbetën të plagosur tre të tjerë.

“Arrestohet autori i tretë i ngjarjes së ndodhur në fshatin Garunjas, Lushnjë. Në vijim të punës intensive dhe kontrolleve të pandërprera që prej mëngjesit të datës 29.07.2021 deri ditën e sotme, në banesa dhe në zona ku dyshohej se mund të ishte fshehur autori i tretë i ngjarjes së ndodhur në fshatin Garunjas, u bë arrestimi i shtetasit të shpallur në kërkim, K. H., 49 vjeç, banues në Garunjas, për veprat penale “Vrasje në rrethana cilësuese” e kryer në bashkëpunim dhe “Vrasje në rrethana cilësuese” e kryer në bashkëpunim, e mbetur në tentativë. Materialet do i kalojnë Prokurorisë pranë Gjykatës së Shkallës së Parë Lushnjë, për veprime të mëtejshme”, thuhet në njoftimin e policisë.

Kutojmë se ngjarja e rëndë ndodhi disa me 29 korrik rreth orës 06:30. Konfikti për pronën ka bërë vëllezërit Kastriot Hasalla dhe Afrim Hasalla të qëllojnë me armë gjahu mbi Shuaip Hasallën dhe tre djemtë e tij, Romeos, Emiljanos dhe Laertit.

Romeo ka gjetur menjëherë vdekjen, ndërsa tre të plagosurit janë në spital, jashtë rrezikut për jetën.

Dy familjet mësohet se kishin konflikt prej vitesh për pronën e një toke. Ata janë konfliktuar verbalisht edhe disa ditë më parë, por mëngjesin e sotëm sherri degradoi në tragjedi.

Si ndodhi ngjarja:

Shuaip Hasalla dhe tre djemtë e tij kanë shkuar sot në mëngjes të punojnë tokën. Më pas aty kanë mbërritur me çifte Kastrioti dhe Afrimi, të cilët kanë hapur zjarr.

Viktima, baba i dy fëmijëve të mitur, kishte dy ditë që ishte kthyer nga Greqia./albeu.com

The post Vrasja për pronën në Lushnjë, arrestohet 49-vjeçari i shpallur në kërkim appeared first on Albeu.com.

Si ndodhi vrasja në Lushnjë: Kishin dalë herët të punonin tokën, viktima kishte 2 ditë që ishte kthyer nga Greqia

E B — Thu, 29 Jul 2021 08:04:20 +0000

Pamjet që shihni më poshtë janë nga vendngjarja në fshatin Garunjas, në Lushnjë, ku pas një sherri për pronën mes kushërinjve të parë, u vra 30-vjeçari Romeo Hasalla dhe mbetën të plagosur tre të tjetër, Shuaip Hasalla, 65 vjeç, (babai) Laert Hasalla dhe Emiljano Hasalla, 31 vjeç (vëllezër).

Kutojmë se ngjarja e rëndë ndodhi sot rreth orës 06:30, konfikti për pronën ka bërë vëllezërit Kastriot Hasalla 31-vjeç dhe Afrim Hasalla 33-vjeç të qëllojnë me armë gjahu mbi Shuaip Hasallën dhe tre djemtë e tij, Romeos, Emiljanos dhe Laertit.

Romeo ka gjetur menjëherë vdekjen, ndërsa tre të plagosurit janë në spital, jashtë rrezikut për jetën.

Dy familjet mësohet se kishin konflikt prej vitesh për pronën e një toke. Ata janë konfliktuar verbalisht edhe disa ditë më parë, por mëngjesin e sotëm sherri degradoi në tragjedi.

Si ndodhi ngjarja:

Shuaip Hasalla dhe tre djemtë e tij kanë shkuar sot në mëngjes të punojnë tokën. Më pas aty kanë mbërritur me çifte Kastrioti dhe Afrimi, të cilët kanë hapur zjarr.

Viktima, baba i dy fëmijëve të mitur, kishte dy ditë që ishte kthyer nga Greqia.

Pas ngjarjes, forcat e policisë po krehin zonën për të bërë të mundur kapjen e autorëve, ndërsa ka pasur negociata me familjarët për dorëzimin e tyre. Policia gjithashtu ka shpallur në kërkim një person të tretë, me iniciale M.H, djali i një prej autorëve të dyshuar./albeu.com

The post Si ndodhi vrasja në Lushnjë: Kishin dalë herët të punonin tokën, viktima kishte 2 ditë që ishte kthyer nga Greqia appeared first on Albeu.com.

Gjendet arma e krimit në Lushnjë, policia shpall në kërkim edhe një tjetër

E B — Thu, 29 Jul 2021 07:31:57 +0000

Policia ka dhënë detaje të tjera në lidhje me konfliktin që çoi në një të vrarë dhe tret ë plagosur në Lushnjë. Në një njoftim, blutë njoftojnë se është shpallur në kërkim një person tjetër dhe se është gjetur arma e dyshuar me të cilën mund të jetë kryer krimi.

Njoftimi i policisë:

Lushnjë

Në vijim të informacionit paraprak të dhënë në lidhje me ngjarjen e ndodhur në fshatin Garunjas, si rezultat i veprimeve të para hetimore është shpallur në kërkim edhe shtetasi Marjus Hasalla, 20 vjeç, djali i shtetasit K. H.

Njëkohësisht, gjatë kontrollit të ushtruar është gjetur dhe sekuestruar 1 armë gjahu që dyshohet se mund të jetë arma me të cilën autori ka kryer krimin./albeu.com

The post Gjendet arma e krimit në Lushnjë, policia shpall në kërkim edhe një tjetër appeared first on Albeu.com.

Konflikti në Lushnjë, flet nëna e 30-vjeçarit të vrarë: I raftë zjarri tokës!

E B — Thu, 29 Jul 2021 07:23:23 +0000

Një ngjarje e rëndë ka ndodhur sot në Lushnjë. Rreth orës 06:30 në fshatin Garunjas, njësia administrative Bllagat, si pasojë e një konflikti për motive pronësie mes kushërinjve të parë, kanë mbetur të plagosur me armë gjahy dy persona, ndërsa një tjetër është vrarë.

Në një prononcim për KlanNeës, ka folur nëna e viktimës e cila vajton ndërsa tregon pse ndodhi konflikti.

“Ajo është tokë-shtet. Çunat e patën mbjellë, është toka ime, vajtën atje dhe nuk di nëna më gjë. Për punë toke. I raftë zjarri tokës. Do ketë prishur ullinjtë që ka mbjellë çuni, vajtën me zetor për të prishur ullinjtë andej”, thotë mes lotësh nëna e viktimës.

Kujtojmë se nga ngjarja plagosur mbetën Shuaip Hasalla, 65 vjeç, (babai) Laert Hasalla dhe Emiljano Hasalla, 31 vjeç (vëllezër), ndërsa viktimë Romeo Hasalla 30 vjeç (vëllai tjetër).

Menjëherë në vendngjarje kanë shkuar forcat e Policisë dhe kanë shpallur në kërkim autorët e dyshuar, shtetasit Afrim Hasalla dhe Kastriot Hasalla, 33 vjeç (vëllezër), ku vijon puna intensive për kapjen e tyre.

Grupi hetimor nën drejtimin e Prokurorisë po punon për zbardhjen e rrethanave të ngjarjes dhe dokumentimin e plotë të saj./albeu.com

The post Konflikti në Lushnjë, flet nëna e 30-vjeçarit të vrarë: I raftë zjarri tokës! appeared first on Albeu.com.

EMRAT/ Vrasja në Lushnjë, të plagosur babai i viktimës dhe dy vëllezërit e tij

E B — Thu, 29 Jul 2021 06:07:16 +0000

Lushnja është zgjuar mëngjesin e sotëm me një lajm të rëndë. Rreth orës 06:30 në fshatin Garunjas, njësia administrative Bllagat, si pasojë e një konflikti për motive pronësie mes kushërinjve të parë, kanë mbetur të plagosur me armë gjahy dy persona, ndërsa një tjetër është vrarë.

Të plagosurit janë Shuaip Hasalla, 65 vjeç, (babai) Laert Hasalla dhe Emiljano Hasalla, 31 vjeç (vëllezër) si edhe ka ndërruar jetë shtetasi Romeo Hasalla 30 vjeç (vëllai tjetër).

Grupi hetimor nën drejtimin e Prokurorisë po punon për zbardhjen e rrethanave të ngjarjes dhe dokumentimin e plotë të saj./albeu.com

The post EMRAT/ Vrasja në Lushnjë, të plagosur babai i viktimës dhe dy vëllezërit e tij appeared first on Albeu.com.