Ditën e sotme kanë dalë detaje nga ngjarja e rëndë, ku Prokuroria thotë se ka dyshime që vrasja ka ndodhur për borxh.

Njoftimi i Prokurorisë:

Prokuroria Themelore në Gjilan, ka paraqitur kërkesën për caktimin e masës së paraburgimit, në afat prej 30 ditësh, kundër të pandehurve V.H., E.N., R.I., A.S. dhe B.K., për shkak të dyshimit të bazuar se në bashkëpunim kanë kryer vrasje të rëndë.

Ekziston dyshimi i bazuar se më 08 Nëntor 2021, rreth orës 20:40 minuta, në lagjen “Arbëria’’, në Gjilan, afër shtëpisë së të ndjerit E.R., pas një mosmarrëveshje rreth një borxhi në të holla në mes të pandehurve, të pandehurit me dashje kanë privuar nga jeta tani të ndjerin E.R., në atë mënyrë që të pajisur me dy lloje të armëve të zjarrit, kanë gjuajtur shtatë (7) herë në drejtim të njërit tjetrit, ku nga shkëmbimi me armë zjarri ka mbetur i vdekur i ndjeri E.R., ndërsa plagë të rënda trupore ka pësuar edhe i pandehuri V.H., i cili ka kërkuar ndihmë mjekësore në QKUK, në Prishtinë.

Të pandehurit e sipërshënuar me urdhër të prokurorit të shtetit gjenden nën masën e ndalimit 48 orësh.

Kryetari i Komunës së Gjilanit, Lutfi Haziri, ka thënë se është tronditur pas ak​tit të vrasjes së një personi dhe të plagosjes së një tjetri në Gjilan, gjatë ditës së hënë.

Përmes një reagimi, Haziri ka kërkuar nga organet e drejtësisë që ta zbardhin këtë rast deri në fund./albeu.com/

The post DETAJET/ “U vranë për një borxh”, zbardhen prova për vrasjen në Gjilan appeared first on Albeu.com.

“Gjilan, 08.11.2021-20:40. Pas një mosmarrëveshje, gjashtë ( 6) të dyshuar meshkuj kosovarë, janë përleshur në mes veti duke shtënë me armë zjarri në drejtim të njëri tjetrit. Si pasoj e plagëve të marra nga shkëmbimi i zjarrit, një mashkull kosovar ka ndërruar jetë, kurse një tjetër mashkull kosovar është plagosur. I plagosuri është dërguar në tretman mjekësorë në QKUK. Në vendin e ngjarjes në cilësi të provave materiale janë gjetur dhe konfiskuar një pistoletë dhe 7 copë gëzhoja të kalibrave 7.65 dhe 9 mm. Me urdhër të prokurorit trupi i pa jetë është dërguar në IML për autopsi kurse tre të dyshuar meshkuj kosovarë janë dërguar në mbajtje”, thuhet në raportin e policisë.

Ndërkohë, sa i takon gjendjes së të plagosurit Valdrin Halimi, mësohet se ka dy plagë me armë zjarri në zonën e veshkave, por gjendja e tij paraqitet e stabilizuar./albeu.com

The post Policia zbardh vrasjen e 21-vjeçarit në Gjilan, si është gjendja e të plagosurit appeared first on Albeu.com.

Sipas informacioneve, i plagosuri është Valdrin Halimi nga fshati Pogragj i Gjilanit, kurse viktima është Egzon Rafuna.

Ndërkohë ende po punohet për zbardhjen e plotë të rrethanave të ngjarjes.

“E konfirmojmë që ka ndodhur një incident, ku dyshohet që është përdorur arma e zjarrit. Si rezultat i përdorimit të armës së zjarrit, një person ka ndërruar jetë, ndërsa një tjetër është i plagosur. Gjendja e të plagosurit është e rëndë por nuk kemi informacione më të detajuar nga stafi mjekësor. Ngjarja ka ndodhur në Gjilan rreth një ore më parë (21:00)”, thuhet në njoftimin e Policisë./albeu.com/

The post Vrasja dhe plagosja në Gjilan, identifikohen viktima dhe i plagosuri appeared first on Albeu.com.