Kurti tha se nuk ka pse t’i dijë detajet dhe se e dënon një krim që po përsëritet. Ai ka kërkuar që drejtësia të veprojë pa vonesa.

“Nuk kemi pse presim që t’i dimë detajet: e dënojmë ashpër këtë krim që po përsëritet. Edhe një grua e vrarë mizorisht nga tyta e armës që ekzekuton nga afërsia. Një grua e Kosovës e vrarë nga një vrasës burrë. Zemërimi dhe neveria bëjnë garë përbrenda secilit qytetar të Kosovës sot. Qytetarja e shtetit tonë të pavarur në Qendrën për Punë Sociale në Ferizaj u qëllua për vdekje. Ngushëllime familjes, të afërmve dhe miqve të saj. Drejtësia të veprojë pa vonesa duke e pranuar që efekti i deritanishëm i ka ngelur i mangët e përgjegjësia i mbetet përherë e lartë”

The post Një grua mbeti e vrarë në ambientet e Qendrës për Punë Sociale, Kurti: E dënojmë ashpër këtë krim që po përsëritet appeared first on Albeu.com.

Në një përgjigje me shkrim dhënë Gazetës Express, Inspektorati Policor i Kosovës thekson se në bashkëpunim me prokurorin kompetent do të ndërmerren edhe veprime tjera hetimore të cilat pritet të vërtetojnë se a janë plotësuar kushtet ligjore për përdorimin e armës zyrtare.

IPK thotë se me t’u informuar për rastin e vrasjes dhe plagosjes të shtunën në Ferizaj, hetuesit e IPK-së janë dalë në vendin e ngjarjes, nga aty është bërë identifikimi i disa kamerave të sigurisë të cilat kanë mundur të mbulojnë me pamje vendin ku ka ndodhur incidenti.

“Më 28 maj 2022 pas mesnatës, hetuesit e IPK-së janë njoftuar për rastin në fjalë ku  sipas informatave fillestare në Ferizaj një zyrtar policor kishte përdor armën e tij zyrtare duke gjuajtur në drejtim të një personi që dyshohet të ketë qenë i armatosur dhe  i cili dyshohet për vrasje që kishte ndodhur pak më herët në lokacionin e njëjtë. Me të pranuar informacionin hetuesit e IPK-së janë dalë në vendin e ngjarjes ku në koordinim me ekipet tjera reaguese policore dhe Kryeprokurorin e Prokurorisë në Ferizaj kanë ndërmarrë disa veprime hetimore duke përfshirë këtu përveç tjerave edhe identifikimin e disa kamerave të sigurisë të cilat kanë mundur të mbulojnë me pamje vendin ku ka ndodhur incidenti. Hetuesit e IPK-së pritet të ndërmarrin edhe veprime tjera hetimore në koordinim me prokurorin komptetent duke përshirë edhe rezultatet e ekzaminimeve të ndryshme forensike, mjeko ligjore, ballistike etj. Për të vërtetuar se a janë plotësuar kushtet ligjore për përdorimin e armës zyrtare dhe për të ndriçuar të gjitha rrethanat lidhur me rastin”, thuhet në përgjigjen e IPK-së dhënë Gazetës Express.

Gjykata Themelore në Ferizaj ia ka caktuar 30 ditë paraburgim Qëndrim Januzit, si i dyshuar kryesor për vrasjen e 30-vjeçarit Gazmend Hyseni. Sipas mbrojtjes së Januzit, avokatit Kastriot Zenuni seanca për caktimin e paraburgimit ndaj tij është mbajtur në Qendrën Klinike Universitare të Kosovës (QKUK), aty ku po trajtohet i dyshuari.

Avokati Zenuni tha se i dyshuari ka qenë në gjendje të përgjigjej vetëm me “po” ose “jo”.

“Sipas mjekut ka qenë në gjendje me u përgjigj vetëm me po ose jo. Nuk e kanë marrë në pytje edhe gjatë. Seanca u mbajt brenda objektit të QKUK-së”, tha avokati Zenuni të dielën për Gazetën Express.

Ai shtoi se Qëndrim Januzi ka lëndime kryesisht në nofull.

Qëndrim Januzi, që në publik njihet si vëllai i reperit Buta, po mbahet në paraburgim nën dyshimet për kryerjen e veprës penale “vrasje e rëndë”.

Në njoftimin e Gjykatës Themelore të Ferizajt për caktimin e paraburgimit ndaj Januzit,  gjyqtari i procedurës paraprake ka vlerësuar se “ekziston dyshimi i bazuar mirë, se i pandehuri më 28 maj 2022, në Ferizaj, me dashje dhe përgatitje paraprake, ka privuar nga jeta tani të ndjerin”. Gjithashtu gjyqtari ka vlerësuar se në atë mënyrë që ka vë në rrezik edhe jetën e personave të tjerë.

Qëndrim Januzi dyshohet se shtiu me armë zjarri shtatë herë në drejtim të Gazmend Hysenit.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se i pandehuri më 28 maj 2022, në Ferizaj, me dashje dhe përgatitje paraprake, ka privuar nga jeta tani të ndjerin G.H., në atë mënyrë që ka vë në rrezik edhe jetën e personave të tjerë, me ç ‘rast që pas një mosmarrëveshje të mëhershme me të takuar tani të ndjerin, ka shtënë në drejtim të tij me armë zjarri shtatë herë, ku si pasoj e të shtënave nga plagët e marra ndërron jetë”, thuhet në njoftimin e Gjykatës, transmeton Gazeta Express.

The post Çfarë ndodhi me policin që plagosi vëllain e Butës, IPK jep detaje appeared first on Albeu.com.

Buta shprehet se ka marrë shumë mesazhe mbështetëse nga miq dhe të afërm, të cilët sipas tij e kanë kuptuar mirë situatën.

Ai shton se mediat shpifin për disa klikime më shumë, duke hedhur baltë mbi të dhe familjen e tij, por sipas tij, njerëzit janë të zgjuar dhe i kuptojnë mirë gjërat.

Komentet Buta i bëri përmes një postimi në rrjetet sociale, në reagimin e tij të parë që pas ngjarjes së rëndë.

“I falënderoj krejt për mesazhet mbështetëse për Qëndrimin se nuk po muj me jau kthy krejtve. E mediave, portaleve edhe “gazetarve” duhet me ju ardh marre për krejt kto rrena, shpifje njollosje që menxi presin me i shpik për dy klikime ma shumë. Shyqyrnjerzt janë t’meçem e shohin përtej rrenave t’juja e nuk ndikohen qaq sa doni ju”, ka shkruar Buta.

Kujtojmë se ngjarja në Ferizaj dyshohet se ndodhi si pasojë e përplasjeve të vazhdueshme të grupeve të reperëve, ku sipas burimeve, viktima kishte kishte djegur makinën me vlerë 70 mijë euro të reperit Buta, vëllait të autorit të krimit./albeu.com/

The post I vëllai vrau shokun në Ferizaj, reagon për herë të parë reperi Buta dhe ka “dy fjalë” për mediat (FOTO LAJM) appeared first on Albeu.com.

Kjo pasi ka qenë vëllai i tij autori i kësaj vrasjeje.

Në një video që po qarkullon në rrjetet sociale, mund të shihet Buta duke udhëtuar me aeroplan drejt Anglisë.

Kujtojmë se vëllai i reperit, Qëndrim Januzi, në orët e para të mëngjesit të së shtunës dyshohet se vrau me armë zjarri të ndjerin Gazmend Hysenin.

Theksojmë se për Qëndrim Januzin, Policia ka caktuar 30 ditë paraburgim.

Miq të ndryshëm të viktimës kanë kërcënuar me hakmarrje, dhe kjo me shumë gjasa ka shkaktuar edhe largimin e reperit nga Kosova./albeu.com/

The post Vëllai i tij vrau shokun, pas kërcënimeve reperi Buta “ia mbath” për Angli appeared first on Albeu.com.

Për ata që nuk dëgjojnë muzikën e tij, këngëtari në këtë free style, po kërcënon dikë.

Me mburrje ky reper me emrin Betim Jonuzaj, përmend armët dhe dëshirën e tij për bela.  Çuditërisht ka edhe një vetëbesim që duket se e bazon te veprimet që bien ndesh me ligjin dhe që i bën pjesë të këngëve të tij.

Armët dhe droga janë pjesë e po thuaj çdo vargu të këngëve të reperit problematik që fatkeqësisht nisi të merrej me muzikë ne vitin 2010

Këto nuk janë thjeshtë vetëm tekste këngësh, por janë pasqyrim i jetës që bën reperi i rritur pa baba dhe me një vëlla problematik si edhe ai vet.

Telashet për vëllezërit Jonuzaj që më shumë se realitet janë imponim i një jete gangsterësh të vegjës, nisen qysh në lagjen e tyre në Ferizaj.

“Kemi pasë probleme të mahallës, deri para 2014-2015 janë kry krejt. Nuk kanë qenë probleme me u rre por kanë qenë më serioze, kemi qenë në bela, jo me gjak por me shoqëri. Kam shokë që kanë vdekë, kam shokë që kanë qenë në burg, vëllai im ka qenë në burg”.

Por Buta nuk ka qenë kurrë në burg për një therje për të cilën flitej mes reperëve.

Edhe haptas, Betimi që mburret se kurrë në jetën e tij nuk ka punuar asgjë, tregonte me arrogancë për veprimet që kishte bërë.

Dhe përballë një gruaje në studio televizive, që çuditërisht nuk i bënte përshtypje asaj, Buta tregonte se si keqpërdor seksualisht vajzat për vetëm një natë.

Nuk dihej nëse gjatë kësaj interviste ishte nën ndikimin e drogës, por substancat narkotike ishin pjesë e pandashme e tij.

Por për këto veprime duket se vëllezërit Jonuzaj janë toleruar nga autoritetet. Pak a shumë këtë e thotë edhe teksti i një kënge.

Por tash Qëndrimi, nuk do të dal në burg pas një dite. I akuzuar për vrasjen e 30 vjeçarit ai do të qëndrojë gjatë në burg.

Dhe kënga e Butës do të jetë vetëm një rimë por jo edhe realitet./Express/

The post Tekstet e Butës një realitet! Jeta mes drogës, armëve dhe vëllezërve problematikë appeared first on Albeu.com.

Ngjarje e rëndë ka ndodhur të premten në rrugën ‘Rexhep Bislimi’ në qytetin e Ferizajt.

30-vjeçari Gazmend Hyseni ka mbetur i vrarë, ndërsa është plagosur personi i dyshuar për vrasjen, Qëndrim Januzi.

Gazeta Sinjali ka siguruar pamje nga momenti kur Januzi ka shtënë me armë zjarri në drejtim të 30-vjeçarit.

Sipas pamjeve, aty shihet se e gjithë ngjarja ka ndodhur në prani të Policisë, të cilët ishin rastësisht në vendngjarje, e ku më pas pjesëtari i Policisë, Njësiti Antidrogë në Ferizaj, ka qëlluar në drejtim të Januzit.

Ata ishin ndaluar për të marrë ujë në market, kur vërejnë të dyshuarin me pistoletë në dorë duke ikur, pasi kishte shtënë shtatë herë në drejtim të viktimës Gazmend Hysenit.

Në tentativë për ta ndaluar, i dyshuari nuk përfilli urdhërin e zyrtarit policor dhe për një moment ishte kthyer me pistoletë në dorë, duke e drejtuar kah zyrtari policor .

Për të zmbrapsur rrezikun dhe kap personin e dyshuar për vrasje të rëndë, zyrtari policor ka shtënë në drejtim të tij një herë, duke e goditur në nofull, goditje kjo që e pasivizoi menjëherë të dyshuarin.

The post E RËNDË/ Momenti i ekzekutimit të 30-vjeçarit shqiptar në sy të policëve (VIDEO) appeared first on Albeu.com.

Një 30-vjeçar, me inicialet G.H, ka mbetur i vrarë pas gjuajtjes me armë zjarri nga i dyshuari Q.J, po ashtu 30 vjeçar.

Detaje të reja janë zbuluar nga publikimi i dosjes së Prokurorisë.

E gjitha ka ndodhur për shkak se i dyshuari e fajësonte viktimën për djegien e veturës së vëllait të tij, thuhet në dosjen e publikuar nga kallxo.com – dhe me të takuar të ndjerin, ai ka shtënë shtatë herë me armë në drejtim të tij.

“Pas një mosmarrëveshje të mëhershme lidhur me një veturë të vëllait të tij për të cilën i pandehuri ka pretenduar se i është djegur nga ana e tani të ndjerit, me ta takuar të ndjerin shtënë në drejtim të tij me armë zjarri shtatë herë, me ç’rast si pasojë e të shtënave, nga plagët e marra ndërron jetë”, thuhet në dosjen e publikuar nga kallxo.com.

Sipas mediumit, në dosje përshkruhet se i dyshuari me parapërgatitje dhe me dashje e ka kryer vrasjen. Prokuroria ka në dispozicion edhe pamjet nga kamerat e sigurisë në zonë, ndërkohë që dosja zbulon se i dyshuari Q.J dyshohet se me disa persona të tjerë kanë përcjell viktimën me një veturë “AUDI A7” dhe pas ndaljes, para një marketi e ka gjuajtur me armë për vdekje.

Në dosjen e publikuar, thuhet se viktimën e kanë dërguar në Qendrën Emergjente me një taksi shokët e tij, ku është konstatuar edhe vdekja e tij./GazetaExpress/

The post E ndoqi me Audi A7, “zbardhet” dosja e prokurorisë për vrasjen e bujshme në Ferizaj të kryer nga vëllai i reperit appeared first on Albeu.com.

Në orët e para të mëngjesit, Ferizaj u trondit nga një vrasje e rëndë që u krye në rrugën “Rexhep Bislimi. Atje u vra 30-vjeçari, Gazmend Hyseni. Për vrasjen e tij po dyshohet ish-shoku i tij, Qëndrim Januzi, po ashtu 30-vjeçar.

I dyshuari për vrasjen është kapur me armë në dorë në vendin e ngjarjes, nga policë civilë e me rroba zyrtare.

Sipas komunikatës së Policisë, i dyshuari ka refuzuar urdhrat verbal të Policisë, derisa me pistoletë në dorë iu kthehet zyrtarëve policor. Një prej policëve, më pas e ka përdorur armën zyrtare me një shkrepje në drejtim të të dyshuarit.

“Afër vendit të ngjarjes, një njësi e policisë me automjet zyrtar civil dhe pjesëtarë të policisë me rroba civile, në detyrë zyrtare,  kanë vërejtur të dyshuarin me armë zjarri në dorë dhe kanë filluar fillimisht me urdhër verbal ” ndal policia”  që të ndalet, por i dyshuari nuk ka përfillur urdhrat e policisë. I dyshuari me pistoletë në dorë, dyshohet që, në një moment i kthehet zyrtarëve policor dhe njeri zyrtar policor, për ta shmangur rrezikun  e drejtpërdrejt ndaj tij, kolegut të tij dhe të tjerëve përreth, e përdor armën e zjarrit zyrtare , me një shkrepje në drejtim të të dyshuarit”, ka njoftuar Policia pas vrasjes.

Qëndrim Januzi është dërguar fillimisht për trajtim në Emergjencën e Ferizajt, për t’u dërguar më pas në QKUK.

“I dyshuari, menjëherë dërgohet për ndihmë mjekësore në Qendrën Emegjente në Ferizaj, e më pas për tretman të mëtutjeshëm mjekësor dërgohet në në QKUK – Prishtinë dhe sipas mjekëve,  gjendja shëndetësore e tij është stabile dhe jashtë rrezikut për jetën, ndërsa policia i ka marrë masat për sigurinë e tij”, ka njoftuar Policia.

Policia tha se nga vendi i ngjarjes janë konfiskuar dy armë zjarri ( pistoleta) dhe shtatë ( 7) gëzhoja.

Për rastin janë deklaruar edhe nga Prokuroria Themelore e Ferizajt.

Kryeprokurori i kësaj prokurorie, Shukri Jashari, i cili ka thënë se motivi i vrasjes s’dihet ende, meqenëse s’është intervistuar dëshmitari që ishte bashkë me viktimën kur ndodhi vrasja.

Kryeprokurori ka bërë me dije se tashmë kanë nisur hetimet edhe për zyrtarin policor, që e plagosi të dyshuarin për vrasje.

“Jo, ende nuk dihet motivi i vrasjes, për shkak se dëshmitarët që kanë qenë me viktimën ende nuk janë intervistuar. Një ka qenë, në bazë të video-incizimeve shihet vetëm një person. Edhe ndaj zyrtarit policor kanë filluar hetimet në bashkëpunim me Inspektoratin Policor të Kosovës”, ka thënë Jashari për Express.

I dyshuari është ndaluar për 48 orë, derisa Prokuroria ka thënë se për të njëjtin do të kërkojë caktimin e masës së paraburgimit.

“Motivet lidhur me këtë ngjarje ende nuk dihen, ndërsa, i dyshuari  “Q.J “ me vendim të Prokurorit të Shtetit, është ndaluar në kohëzgjatje prej 48 orësh, nën dyshimin për veprën penale “Vrasja e rëndë” nga neni 173 të Kodit Penal të Republikës së Kosovës.

“Prokuroria Themelore në Ferizaj, ndaj të njëjtit, brenda afatit ligjor, do të paraqesë edhe kërkesën për caktimin e masës së paraburgimit në Gjykatën Themelore në Ferizaj”, thuhet në njoftimin e Prokurorisë.

Qëndrim Januzi, që është edhe vëllai i reperit kosovar, Betim Januzi, që njihet me emrin artistik Buta, s’është i panjohur për organet e drejtësisë.

Vetë reperi kishte treguar në një intervistë për T7 në vitin 2018, se vëllai i tij për një tentim-vrasje dhe kishte mbajtur 3 vjet burg.

“Vëllai ka qenë në burg për tentim-vrasje, është dënuar edhe për tentim-vrasje edhe për armëmbajtje pa leje se e ka gjujt me allti, ka mbajt tre vjet burg edhe ka dalë në vitin 2016”, kishte thënë ai.

Reperi poashtu kishte thënë se kanë pasur vazhdimisht probleme dhe zënka me njerëz të ndryshëm.

“Kemi pasë probleme të mahallës, deri para 2014-2015 janë kry krejt. Nuk kanë qenë probleme me u rre por kanë qenë më serioze, kemi qenë në bela, jo me gjak por me shoqëri. Kam shokë që kanë vdekë, kam shokë që kanë qenë në burg, vëllai im ka qenë në burg”, kishte thënë Buta në T7.

Për vrasjen e të riut, kanë reaguar dy reperët kosovarë, Fero dhe Fuego, të cilët kanë pasur shoqëri me të./Gazeta Express

The post Viktima shoku i Feros, autori vëllai i Butës: Si ndodhi vrasja e 30-vjeçarit në Ferizaj appeared first on Albeu.com.

Kurti, përmes një statusi në Facebook, u ka kërkuar organeve të rendit dhe hetuesisë të vrasësin e dyshuar të Marigonë Osmanit,  sa më shpejtë para drejtësisë.

Postimi i Kurtit:

Një 18 vjeçareje dje iu ndalën përgjithmonë dëshirat dhe ëndrrat. Ajo nuk e humbi jetën në aksident trafiku apo konflikt lufte. Jeta e saj u shua dhunshëm në mjedisin ku çdo njëri nga ne duhet të ndihet i dashur, i respektuar e mbi të gjitha i mbrojtur.

Kosova nuk ka jetë grash dhe vajzash për të humbur. Na duhet angazhim maksimal i institucioneve dhe çdo njërit nga ne për të respektuar te drejtën për të gëzuar jetën, për ta jetuar atë dinjitetshëm dhe për të realizuar aspiratat legjitime.

Nëna dhe baballarë, vëllezër dhe motra, mësues dhe mësuese, zyrtarë të rendit dhe të mbrojtjes së ligjit, qytetarë dhe qytetare të Kosovës,

Ta ndalim dhunën ndaj grave, t’i edukojmë bijtë e vëllezërit tanë se dhuna nuk është gjuhë e pranueshme komunikimi, se dhuna është turp që sjellë tragjedi dhe se është e dënueshme me ligj.

Kërkoj nga organet e rendit dhe të hetuesisë që ta vënë vrasësin e dyshuar të Marigonës sa më shpejtë para drejtësisë.

U bëj thirrje të gjitha nënave, bashkëshorteve, motrave e vajzave, që të lajmërojnë në polici rastet e dhunës, si edhe mosveprimin institucional për rastet e lajmëruara. Mos heshtni!

Ne nuk mund të jemi spektatorë ndaj të ardhmes sonë. Kemi obligim moral, kushtetues, institucional që të mbrojmë jetën dhe dinjitetin e secilës viktimë të dhunës në familje.

The post Kurti reagon për vrasjen e 18-vjeçares nga bashkëshorti: Vrasësi të vihet sa më shpejt para drejtësisë! appeared first on Albeu.com.