Hoxha ka treguar me detaje gjithë skenën e ngjarjes ku u vra shqiptari, teksa shton se krimi ende vijon të mbetet i pazbardhur, pasi sipas tij policia atje nuk merret fare me këtë çështje.

Postimi i Hoxhës:

Ne restorant “Grilling”, ku 8 muaj me pare u vra Ergys Dashi…

Mbremjen e te shtunes se 22 janarit 2022, Ergys Dashi ishte ulur të darkonte në restorantin ‘Grilling’, në rrugën Avenue José Joaquín Orrantia përballë qendrës tregtare ‘Mall del Sol’ ne qytet-portin me te madh te Ekuadorit, Guayaquil.

Durrsaku Ergys Dashi, 34 vjeç, po darkonte ne shoqerine e nje bashkekombasit te vet nga Shijaku, kur rreth ores 19:00, u ekzekutua në një atentat mafioz nga nje vrases qe mbante një buqetë me lule në duar.

Menaxheri i lokalit e tregon me detaje ate ngjarje edhe ose kane kaluar 9 muaj.

Restoranti njihet si nje nga me te miret ne qytet per gatimet e mishit dhe ndodhet ne nje zone qe konsiderohet e sigurte.

Nje roje me uniforme kamoflazhi dhe i armatosur qendron vigjilent perballe deres kryesore.

Por kjo nuk e ndihmoi Ergys Dashin, t’u shpetonte plumbave te nje vrasesi ekuadorian, i porositur prej njerit nga grupet kriminale vendase.

Gjate te shtenave u plagos edhe 26-vjeçarja ekuadoriane Angie Romero, e cila ishte ulur në tavolinën ngjitur me Dashin, kur një plumb e kapi në këmbë, e fatmirësisht nuk i mori jeten.

Policia lokale sekuestroi ne vendin e ngjarjes, 20 gezhoja te kalibrit tip 9×19, por ato nuk kane sherbyer per te zbuluar vrasesit.

Ne Guayaquil, vrasesit i gjen me shumice ne rrethinat e qytetit ku jetohet ne varferi ekstreme, per pagesa qesharake, nga 100 deri 500 dollare.

Kur kane kaluar 8 muaj nga ky atentat, autoritetet vendase jo vetem nuk kane gjetur vrasesit, por duket se as qe kane ndermend te merren, me ate qe ka ndodhur…

Per ta, shqiptaret, vijne nga nje vend ekzotik krejt i panjohur dhe i cilesojne pergjegjes per fatin e tyre, pasi jane perfshire ne nivele te larte, ne trafikun nderkombetar te kokaines.

Ndersa organizatat kriminale ekuadoriane, kryejne aq shpesh atentate, sa e kane kthyer Guayaquilin, ne njerin nga qytetet me te rrezikshme te botes…/albeu.com/

The post “Jam në restorantin ku u vra Ergys Dashi”, Artan Hoxha nga Ekuadori “zbërthen” skenën e ngjarjes (VIDEO) appeared first on Albeu.com.

Raportohet se grupi është goditur pas hetimeve të nisur pas vrasjes së shqiptarit Ergys Dashi më 22 janar në një restorant në Guayaquil (Ekuador). Dashi besohet se ishte “koka” e këtij grupi që funksiononte në Itali, ndërsa kokaina sigurohej nga vetë Dashi në Ekuador ku më pas transportohej për në Itali.

Hetimet e karabinierëve kishin nisur që në vitin 2017, pas një sërë operacionesh në rrugët e jetës së natës së Torinos (në San Salvario dhe San Paolo).

Hetimet, të kryera në Itali, Ekuador, Slloveni, Shqipëri, Poloni, Gjermani dhe Zvicër, çuan në tridhjetë persona të shpallur në kërkim. Deri më tani janë sekuestruar 80 kg kokainë më shumë se 7 kg kanabis. Sasia e drogës kap vlerën e 4.5 milion eurove.

8 korrierë janë arrestuar në flagrancë nga polica që udhëtonin me makina të modifikuara në Slloveni. Gjithashtu, janë shkatërruar rrugët e paligjshme të drogës (rruga e Atlantikut për kokainën dhe vendet e Ballkanit për marijuanën), të destinuara për shitje në veri të Italisë, Slloveni, Holandë, Zvicër dhe Gjermani.

The post “Koka” e grupit u vra në Ekuador, karabinierët godasin grupit e Ergys Dashit në Itali (VIDEO) appeared first on Albeu.com.

Mediat ekuadoriane në qytetin Guayaquil kanë publikuar pamjet e shqiptarit Ergys Dashi nga restoranti ku u ekzekutua. Ngjarja ka ndodhur rreth orës 19:00 në veri të qytetit.

Në këto foto të rënda të publikuara nga shtypi ekuadorian, duket trupi i pajetë i shqiptarit të rrëzuar përtokë pasi është ekzekutuar me armë.

Në fotot e tjera janë momente pak çaste pak atentatit. Në kohën kur ndodhi vrasja, restoranti ka qenë me klientë të shumtë. Një vajzë 26-vjeçare që ishte ulur pranë tavolinës së 33-vjeçarit Ergys Dashi mbeti e plagosur si pasojë e të shtënave me armë.

Klientë të tjerë të cilët kanë qenë në restorant, i thanë policisë së Ekuadorit se ishin dy persona ata që mornë pjesë në vrasje dhe më pas u larguan me motor.

Njëri prej tyre, ekzekutori, hyri brenda restorantit me një buqetë me lule. Ai pretendoi se kishte për të dorëzuar porosinë. Por kur stafi i restorantit i kërkoi pasaportën e vaksinimit, autori e kërcënoi me armë njërin nga kamarierët dhe shkoi deri te tavolina e Ergys Dashit duke e qëlluar me armë. Hetuesit kanë gjetur në vendngjarje më shumë se 20 gëzhoja./albeu.com/

The post Pamjet brenda restorantit në Ekuador ku u ekzekutua 33-vjeçari shqiptar (FOTO LAJM) appeared first on Albeu.com.