Vrasja e të riut Armend Xhika në Britani, zbulohet identiteti i 29-vjeçarit shqiptar që ra në pranga

E S — Sun, 21 Aug 2022 11:12:26 +0000

Policia e South Yorkshire ka konfirmuar së fundmi se për vrasjen e të riut shqiptar Armend Xhika vitin e kaluar, është akuzuar një person.

Armend Xhika, 22 vjeç u godit me thikë për vdekje gjatë një përleshjeje të dhunshme në Earl Marshal Road, në Fir Vale dhe Kirton Road, në Pitsmoor, më 13 maj 2021.

22-vjeçari shqiptar mbeti i plagosur dhe nuk mundi t’i rezistonte plagëve të marra.

Një operacion në zemër të hapur u krye me shpresën për t’i shpëtuar jetën, por ai vdiq, duke shkaktuar një hetim për vrasje.

Sot, Mardov Dushku, 29 vjeç, nga Shirecliffe Lane, Sheffield është akuzuar për vrasje në lidhje me incidentin.

Kjo akuzë e çon numrin total të akuzave në tre, pas akuzës dhe ndalimit të Luigi Antonacci, nga Scorseby Street, Bradford dhe Mentor Selmani, 27 vjeç, pa vendbanim./albeu.com

The post Vrasja e të riut Armend Xhika në Britani, zbulohet identiteti i 29-vjeçarit shqiptar që ra në pranga appeared first on Albeu.com.

Vrasja e të riut që punonte si teknik kondicionerësh, Apeli vendos për 7 të pandehurit (FOTO LAJM)

admin — Sat, 26 Mar 2022 08:47:21 +0000

Gjykata e Apelit ka lënë në fuqi vendimin e Shkallës së Parë, në lidhje me ngjarjen e rëndë që ka të bëjë me vrasjen e të riut që punonte si teknik kondicionerësh.

Vendimi është dhënë ditën e djeshme, ndërkohë që nuk është ndryshuar asgjë nga ai vendim i një viti më parë, ku për ekzekutimin e Indrit Çelës, Gjykata dha përfundimisht dënimin me 23.4 muaj burg.

Vetëm njëri nga të zotët e vilës në të cilën punonte djali u shpall fajtor për vrasjen, duke e dënuar me 18 vite burg, por që duke aplikuar gjykimin e shkurtuar, ai do të vuajë dënimin vetëm me 12 vjet.

Pjesa tjetër e të pandehurve, përfshirë të atin e tij, vëllanë dhe katër persona të tjerë u dënuan nga një deri në 3 vite burg, pasi në të gjitha rastet u aplikua gjykimi i shkurtuar.

Të pandehurit e dënuar me vendimin e 22 prillit të vitit 2021 i çuan në Apel dënimet e tyre me qëllimin që kjo shkallë gjykimi të ndërhynte për të prishur vendimin e shkallës së parë, por Gjykata nuk e ka ndryshuar fare vendimin.

Përfundimisht është lënë e njëjta masë, për të gjithë vetëm 23.4 vite burg!

GJYKATA

Me datë 22.08.2019, në sallën operative të Drejtorisë Vendore të Policisë Tiranë është njoftuar se në Rrugën “Muhamet Gjollesha”, është qëlluar në kokë me armë zjarri shtetasi Indrit Çela, i cili ishte duke punuar për montimin e kondicionerëve, në banesën në pronësi të shtetasit Bujar Kusi.

Shtetasi Indrit Çela është dërguar në Spitalin Ushtarak Tiranë në gjendje të rëndë shëndetësore dhe si pasojë ka gjetur vdekjen. Referuar interesimit të medias për këtë rast njoftojmë se:

Në Gjykatën e Rrethit Gjyqësor Tiranë, u zhvillua gjykimi lidhur me çështjen penale që i përket të pandehurve Griseldo Kusi, Albano Kusi, Bujar Kusi, Ferdinand Bakalli, Luan Çaka, A.I dhe A.H të akuzuar për kryerjen e veprave penale të “Vrasja me dashje”, “Mbajtja pa leje të armëve luftarake”, “Veprime që pengojnë zbulimin e së vërtetës” “Moskallëzim i krimit” dhe “Përkrahja e autorit të krimit” të parashikuara nga nenet 76 ,278/1 , 300, 301 e 25, 302/1 dhe 305/b të Kodit Penal.

The post Vrasja e të riut që punonte si teknik kondicionerësh, Apeli vendos për 7 të pandehurit (FOTO LAJM) appeared first on Albeu.com.

vrasja e te riut Archives - Albeu.com

Vrasja e të riut Armend Xhika në Britani, zbulohet identiteti i 29-vjeçarit shqiptar që ra në pranga

Vrasja e të riut që punonte si teknik kondicionerësh, Apeli vendos për 7 të pandehurit (FOTO LAJM)