Bëhet fjalë për një të ri grek, 22-vjeç i lindur në Selanik që natën e sulmit ishte drejtuesi i automjetit Volsvagen Polo ku po udhëtonin disa nga bashkëpunëtorët në këtë krim.

Ndërkohë po sot përfundon marrja në pyetje për 11 të arrestuarit e deritanishëm. Hetuesit do të përpiqen të zbërthejnë 20-vjeçarin shqiptar Rogers Demirazi i cili u vetëdorëzua në Korçë pak ditë më parë dhe më pas shkoi me vullnetin e tij në duart e autoriteteve greke.

I akuzuari me origjinë shqiptare do të dalë para hetuesve në orën 13:00. Përmes avokatit ai e ka mohuar përfshirjen e tij në krim duke deklaruar se i vjen keq për vdekjen e Alkis.

I dyshuari ishte arratisur në Shqipëri menjëherë pas vrasjes. Pasi u vetë-dorëzua në Policinë e Korçës ai u dërgua në stacionin kufitar të Krystallopigisë, ku u prit nga policia greke, i shoqëruar nga inspektori i përgjithshëm i policisë greke të Greqisë, gjenerallejtënant Konstantinos Skoumas./albeu.com

The post Arrestohet bashkëpunëtori i 12-të i vrasjes së 19-vjeçarit grek, sot para drejtësisë i riu shqiptar appeared first on Albeu.com.

Avokatja e tij Paraskeva Spyratos, tha për Mega se klienti i saj e ka parë kush e ka përdorur thikën dhe do ta thotë emrin e tij.

“Kam tre orë që jam në komisariat dhe kam folur në detaje me klientin tim. Unë jam në gjendje të them disa gjëra për pozicionin e tij real. Ai është nuk ka marrë pjesë në sulm”, tha avokatja.

“Ai a parë kush e solli thikën dhe kur filluan rrahjet. Ai do ta thotë emrin e tij. Kemi një rast tragjik dhe një rezultat tragjik. Vepra që janë të pajustifikuara. Mënyra se si ka ndodhur ngjarja është e pajustifikuar. Ai është i dëshpëruar dhe më pyeti nëse ua kam përcjellë ngushëllimet prindërve të Alkisit”, shtoi avokatja.

20-vjeçari ka dalë sot në prokurori ku ka deklaruar se nuk mbante asnjë send dhe nuk ka goditur askënd natën e sulmit tragjik ku vdiq 19-vjeçari grek, vetëm ka ndjekur disa persona. “Isha në makinë, në sediljen e pasme të pasagjerit. Nuk kam marrë asnjë send me vete, nuk kam goditur askënd. Unë thjesht ndoqa disa njerëz,” ka thënë i riu shqiptar.

The post Vrasja e të riut grek, flet avokatja e 20-vjeçarit shqiptar: Klienti im e ka parë kush e kishte thikën dhe do ta tregojë emrin appeared first on Albeu.com.

Sipas asaj që dyshohet se i ka thënë avokatit të tij, ai është penduar për faktin që ka ikur në Shqipëri pas krimit dhe kërkon të gjykohet për të treguar, siç thekson ai, të gjithë të vërtetën për atë që ndodhi natën e vrasjes.

“Më vjen keq që u largova. Dua të kthehem dhe të gjykohem për të thënë të gjithë të vërtetën për atë që ndodhi në të vërtetë atë natë. Më vjen shumë keq për fëmijën”, i ka thënë avokatit të tij. “Jam penduar”.

Deklaratat e 20-vjeçarit shqiptar që iu dorëzua më herët autoriteteve shqiptare u transmetuan nga Alpha dhe emisioni “ΤLive”.

“E pashë incidentin në lajme dhe u tremba. Babai do të ikte me gjyshen, u tremba dhe i kërkova të shkoja me ta. Askush nuk më ndihmoi të ikja. Vendimin e mora vetë. Babai im nuk dinte për mua dhe ngjarjen kur u largova. E ka mësuar në Shqipëri. Unë do t’i tregoj hetuesit gjithçka. Dua të dorëzohem në Greqi për t’u marrë me rastin. Më vjen keq për gjithçka. Më vjen keq për atë që ndodhi. Nëse do të kthehesha pas, nuk do të shkoja kurrë në stadium sepse dhuna e tifozëve ka arritur kufijtë e saj”, ka thënë ai më tej.

Autori i dyshuar Roxhers Demirazi  kishte mundur të largohej nga Greqia pas ngjarjes së rëndë, duke shmangur në këtë mënyrë dhe arrestimin e tij. Ndërkohë, avokatët grekë kanë thënë në median greke se pas lëshimit të urdhrit ndërkombëtar për arrest është e pamundur që i riu të kthehet vetë në Greqi, të kalojë kufirin si çdo qytetar. Ndaj, edhe autoritetet greke i kanë sugjeruar të dorëzohet në autoritetet shqiptare, për të kryer procedurën në prokurorinë e zonës e në vijim të kryhet dhe ekstradimi në Greqi./abcnews.al

The post Vrasja e 19 vjeçarit grek, i riu shqiptar i vetëdorëzuar në Korçë: Do them të vërtetën appeared first on Albeu.com.