Sipas mediave greke, viktima dhe autori ishin shokë me njëri-tjetrin, madje ky i fundit shkonte herë pas here në shtëpinë e 51-vjeçarit.

Një ditë para krimit në shtëpi ndodheshin dy shqiptarët dhe një shtetas grek.

Gjatë mbrëmjes shtetasi grek është larguar nga banesa dhe në shtëpi kanë qëndruar viktima dhe autori i dyshuar.

Ky i fundit do të flinte në banesën e 51-vjeçrit. Por kur shtetasi grek është kthyer të nesërmen, ai e ka gjetur viktimën të ulur në një karrige i qëlluar me plumb në pjesën e pasme të kokës.

Ndërkohë shqiptar rezulton i zhdukur dhe autoritetet jane vendosur në kërkim të tij.

Autori i dyshuar rezulton me precedent penalë për drogë dhe vjedhje. Ai është në arrati që prej ditës së shtunë, kur ndodhi edhe vrasja.

The post Vrasja e Aleksandër Zakës, publikohet fotoja e autorit: Një ditë para se ta ekzekutonte kishin qenë bashkë në shtëpi appeared first on Albeu.com.

51-vjeçari shqiptar u gjet i pajetë në oborrin e shtëpisë së tij në Salamina pasditen e së shtunës.

Sipas protothema.gr, efektivët e policisë që po merren me rastin kanë dalë në përfundimin se pas vrasjes së Zakës qëndron një person i cili ka pasur lidhje me viktimën, pasi e ka vizituar edhe në shtëpi.

Autoritetet greke nuk japin detaje në lidhje me identitetin dhe kombësinë e autorit të dyshuar.

“Hetimi është ende në vazhdim, por është identifikuar një i dyshuar kyç i cili dyshohet se ka qëndruar në shtëpinë e viktimës për periudhën e kaluar. I dyshuari është në kërkim”, shkruan protothema.

Zaka u gjet i vrarë nga shoku i tij me një plumb në pjesën e pasme të kokës./Albeu.com/

The post U qëllua me plumb pas koke, identifikohet dhe shpallet në kërkim autori i vrasjes së Aleksandër Zakës appeared first on Albeu.com.

“Athina Magazine” shkruan se Zaka nuk kishte precedentë penalë të regjistruar në Shqipëri apo Greqi.

Ai është qëlluar me plumb në kokë në banesën e tij nga një person i cili është larguar menjëherë nga vendi i ngjarjes.

Shqiptari është gjetur i pajetë nga shoku i tij, i cili ka njoftuar menjëherë autoritetet.

Autori i vrasjes dyshohet të jetë shqiptar, por ende nuk dihen arsyet e vrasjes dhe rrethanat e ngjarjes.

Mediat shkruajnë se 51-vjeçari nga Lushnja nuk kishte ardhur në Shqipëri prej 15 vitesh dhe se në lidhje me ngjarjen është shoqëruar dhe marrë në pyetje shoku i viktimës Fatjon Pjetri./Albeu.com

The post Ekzekutimi i 51-vjeçarit shqiptar në Greqi, mediet greke: Thriller, Zaka pa precedentë penalë appeared first on Albeu.com.

Pëllumb Islami, i cili punonte si hidraulik në Greqi u vra në kafenenë e rrugës Kastamonis në Nea Ioni të Greqisë.

Autorë të kësaj ngjarjeje janë 7 shqiptarë të njohur si “Grupi L”. Ata ndodhen në Greqi, nuk ka asnjë raport se kanë tentuar të kalojnë kufirin, për t’u kthyer në atdhe.

Sipas informacioneve, grupi, pas të shtënave, është arratisur me xhipin luksoz ngjyrë argjendi dhe një mjet tjetër.
Policia e Sigurisë ka identifikuar deri tani 5 persona të cilët konsiderohen si të dyshuarit kryesorë për vrasjen e 39-vjeçarit hidraulik.

Të dhënat e tyre tashmë janë të njohura për autoritetet pasi ndaj tyre ka një dosje për shumë çështje penale dhe arrestimi i autorëve është çështje ditësh.

Sakaq përveç aktiviteteve kriminale, kjo organizatë promovonte jetën e luksin edhe në rrjete sociale. Ata kanë postuar në YouTube një videoklip në vitet 2013-2014 , me shprehjet “Dikush duhet të shkojë”./albeu.com/

The post Vrasja e shqiptarit në Greqi, banda kriminale kërcënonte dhe promovonte jetën luksoze në videoklipe appeared first on Albeu.com.

Ngjarja ka ndodhur mbrëmjen e së premtes dhe dyshohet se ndaj tij është organizuar një atentat me armë zjarri.

Mediat vendase bëjnë me dije se ngjarja ka ndodhur në Glyfada, ku është plagosur me armë zjarri nga dy persona që lëviznin me motoçikletë biznesmeni që merrej me tregtim karburantesh në vendin fqinj, 43 vjeçari me iniciale E.Th, i cili dyshohet se është shqiptar.

43-vjeçari bëhet me dije se ka qenë shok me biznesmenin shqiptar Mario Diamanti, të vrarë në Atikën Perëndimore para një muaji.

Viktima në momentin e sulmit të armatosur, ndodhej në makinën e tij tip Smart në rrugën Megalou Alexandrou paralel me Vouliagmen në Glyfada .

Sipas mediave mësohet se autorët fillimisht i janë afruar 43-vjeçarit dhe më pas kanë hapur zjarr ndaj tij, i cili fatmirësisht ka marrë vetëm plagë në dorë dhe po merr mjekim në spital./albeu.com/

The post Atentat biznesmenit, çfarë i ndodhi një muaj më parë shokut të tij shqiptar appeared first on Albeu.com.

Ai u vra mbrëmjen e së martës në Greqi, në një pikë karburanti.

Kushëriri i tij, Juxhin Bajrami që u plagos punonte në karburantin që ishte në pronësi të gruas greke me të cilën ishte lidhur 37-vjeçari nga Delvina që mbeti i vdekur.

“Protothema” shkruan se 37-vjeçari ishte vënë në shënjestër të atentatorëve, të cilëve dyshohej se u kishte më shumë se 200 mijë euro borxh. Autorët ishin profesionistë. Gazeta shkruan se “pas vrasjes duket se fshihet mafia shqiptare, e cila donte të mbyllte llogaritë e hapura me plumba dhe gjithçka që ka të bëjë me trafikun e kokainës në Athinë dhe Mikonos”.

“Nga autoritetet shqiptare erdhi një informacion se 37-vjeçari ishte vënë në shënjestër të personave të panjohur, të cilëve dyshohet se u kishte më shumë se 200 mijë euro borxh” shkruan media greke.

Autorët kanë qenë profesionistë, pasi ata kanë lëvizur të qetë pa lënë hapësirë reagimi, ndërsa fakti që pas përfundimit të operacionit kanë djegur mjetin e vjedhur që përdornin tregon se kanë dashur të zhdukin çdo gjurmë për të mos lënë asnjë provë.

Autoritetet greke vazhdojnë hetimet për lidhjet që ka pasur me qarqet e kokainës dhe Mykonos. Në të kaluarën dhe konkretisht në vitin 2010, 37-vjeçari ishte akuzuar për vrasjen e një bashkatdhetari në Kypseli. Mirëpo ai kishte arritur të shpallet i pafajshëm me pretendimin se arma ishte përdorur nga një person tjetër në atë kohë./albeu.com/

The post Kush ia kishte vënë “syrin”? Grekët zbulojnë detaje nga vrasja makabre e shqiptarit (FOTO LAJM) appeared first on Albeu.com.

Mediat greke bëjnë me dije se dy autorët e vrasjes të cilët janë me origjinë shqiptare janë parë pranë pikës së karburantit me një automjet dhe pasi janë afruar pranë shënjestrës kanë shkëmbyer disa fjalë me ta.

Pastaj me gjakftohtësi ata kanë shkrepur armët duke qëlluar në drejtim të biznesmenit dhe shokut të tij. Për pasojë njëri prej tyre ka ndërruar jetë në vend, ndërsa miku i biznesmenit është dërguar në spital për të marrë ndihmën e parë mjekësore.

Menjëherë pas ngjarjes BMË-ja e autorëve është gjetur e djegur në Kifissos. Dyshimet e policisë janë se automjeti që u përdor prej tyre ishte i vjedhur. Policia ka ngritur pika të shumta kontrolli për kapjen e autorëve, ndërkohë që po punohet për zbardhjen e motiveve të kësaj ngjarje të rëndë./albeu.com/

The post DETAJET/ BMW është gjetur e djegur, biznesmeni në Greqi u vra nga dy shqiptarë me gjakftohtësi (VIDEO) appeared first on Albeu.com.

Detajet e reja të nxjerra në pah nga autoritetet greke ë kanë rikthyer edhe njëherë vëmendjen nga ai.

Shqiptari i cili nuk qendroi as 8 orë në burg u dhunua nga gardianët e burgut dhe vdiq nga torturat e shumta që i kishin shkaktuar në trup. 97 minutat në “frigoriferin” e burgjeve ishin të mjaftueshme për të torturuar për vdekje shqiptarin i cili sapo kishte mbërritur në burgun Nigrita. Pra nga koha e pranimit të tij në 15:40 deri sa u gjet i vdekur në 23:15, edhe pse nuk përjashtohet që ai të ketë vdekur më herët, pasi e çuan në qelinë e tij të rrahur në 18:38. Por të akuzuarit e kanë apeluar vendimin, me arsyen se e kryen krimin për hakmarrje ndaj kolegut të tyre, raporton JOQ Albania.

Sipas këshillit të Këshillit të Kundërvajtësve të Serresit, 13 zyrtarë të burgjeve u referuan për një krim dhe drejtori i burgjeve për kundërvajtje. Kareli u zbulua se kishte pësuar goditje të vazhdueshme në të gjithë trupin e tij, madje edhe në zonat ku ai ishte i plagosur më parë. Ai u torturua në “frigoriferin” e burgjeve dhe më pas u dërgua në qelinë e tij i plagosur rëndë, deri në atë pikë sa nuk mund të qëndronte në këmbë. Gardianët kishin përdorur një gërshet të improvizuar me një çarçaf, i cili ishte konfiskuar në të kaluarën nga kontrollet në qelitë e të ndaluarve. Me këtë, ata shkaktuan goditje të shumëfishta dhe të vazhdueshme në një zonë që nuk u filmua.

Trupi gjykues i atribuoi torturën hakmarrjes së zyrtarëve të burgut për vrasjen e kolegut të tyre, disa ditë më parë, në burgun e Malandrinos. Kareli ishte konfliktuar me një gardian të burgut, të cilin e ka qëlluar me një thikë të improvizuar, duke sjellë vdekjen e tij. Problemi i zemrës me të cilin Kareli po përballej dhe sulmi ishemik që pasoi brenda qelisë thuhet se ishin shkaku kryesor i vdekjes së tij./albeu.com

The post Dalin pamjet nga vrasja e Ilia Karelit në Greqi: U torturua për 97 minuta nga oficerët, me një çarçaf të lidhur gërshet (FOTO LAJM) appeared first on Albeu.com.