Aty kanë mbetur vetëm gjurmët dhe pak mbetjet, pasi makinat e shkrumbuara janë marrë për ekspertizë mjeko ligjore! Të dy mjetet rezultojnë të vjedhura.

Vendi ku u dogjën makinat
Burime thanë se ekspertët gjetën aty edhe 4 armë zjarri që dyshohet se janë përdorur për atentatin e së shtunës në Gurëz te Kurbinit.

Ekspertët do të tentojnë të nxjerrin gjurmë nga armët dhe mjetet, ndërsa djegia nga autorët ka pasur si qëllim pikërisht eliminimin e çdo materiali që ata mund të kenë lënë.

Autorët ishin të paktën 8 persona dhe sipas dëshmive ishin të maskuar me veshje të ngjashme me ato të policisë së shtetit. Pasi dogjën mjetet ata kanë humbur çdo gjurmë!

Në polici janë shoqëruar disa persona që mund të kenë dijeni për ngjarjen, por ekzekutorët zyrtarisht mbeten të lirë!

Biznesmeni Ardian Gjeloshi mësohet se është marrë në pyetje në Spital dhe ka mohuar të ketë konflikte!

Por kjo dëshmi është marrë me rezerva edhe për shkak të fakteve në dosjen e policisë për një ngjarje në vitin 2002.

Hetuesit kanë dyshime të forta se atentati ka prapavijë hakmarrjen ose konfliktet për biznesin e inerteve.

The post Hetimet për atentatin ndaj Ardian Gjeloshit, në makinat e vjedhura dhe që u shkrumbuan u gjetën 4 armë zjarri appeared first on Albeu.com.

Më pas kanë qëlluar drejt Gjeloshit dhe Selman Mihanes, i cili mbeti dhe viktimë e këtij atentati. Dyshohet se kanë qenë dy makina që janë përdorur në këtë atentat dhe dyshohet gjithashtu se njëra makinë ‘Range Rover’ është vjedhur disa kohë më parë në një karburant në autostradën Lezhë-Laç.

Ndërkohë raportohet se tre janë pistat ku po heton prokuroria për zbardhjen e atentatit që kishte në shënjestër Ardian Gjeloshin. Pista e parë ka të bëjë me konfliktet në lidhje me biznesin me pjesëtarë të një fisi nga Pllane. Si pistë e dytë po heton atë të hakmarrjes, pasi në 2002 është shënuar një ngjarje e rëndë ku autorë të dyshuar ishin Ardian Gjeloshi dhe vëllai i tij, Dritan Gjeloshi. Asokohe autorët qëlluan mbi një kamionçinë dhe lanë të vrarë Marie Prengen, infermiere, nënë e 4 fëmijëve, ndërsa u plagos oficeri i FNSh Kastriot Prenga, Gjergj e Vitore Prenga. Pista e tretë lidhet me plagosjen e djalit të Ardian Gjeloshaj.

The post Detaje të reja nga atentati në Kurbin, autorët u prezantuan si policë, pistat ku po hetohet ngjarja appeared first on Albeu.com.