Ndërkohë është zbuluar emri i punonjësit të policisë së Lezhës, i cili rezulton të jetë marrë i pandehur nga prokurori Françesk Ganaj, për shkak se akuzohet ka dhunuar Aldi Ramën, i cili pas daljes nga burgu vrau me armë zjarri punonjësin e policisë, Saimir Hoxha.

Sipas dosjes hetimore, për Myrteza Mehmetaj aktualisht prokuroria e Lezhës ka ngritur akuzën e “Kryerjes së veprimeve arbitrare”, edhe pse i pandehuri është larguar nga shërbimi në komisariatin e Lezhës dhe tashmë punon si specialist në policinë e Burgjeve, pranë burgut të Fushë-Krujës.

“Gjatë kohës kur Mehmetaj ka qënë me detyrë oficer policie në komisariatin e Lezhës dhe gjatë kohës së procedurave të arrestimit të Aldi Ramës, ka ushtruar dhunë fizike ndaj këtij të fundit. Rasti është ndjekur nga Shërbimi i Kontrollit të Brendshëm, të cilët në atë periudhë kërkuan kryerjen e një ekspertimi mjeko-ligjor ndaj 21-vjeçarit Aldi Rama. Në raportin e ekspertimit, mjekët konstatuan se dëmtimet në trup Rama, i ka pasur si pasojë e dhunës së ushtruar në ambjentet e brendshme të komisariatit Lezhë”, shkruhet në dosje.

Kujtojmë se vetë Aldi Rama në atë kohë akuzonte tre punonjës policie për dhunë në komisariat, megjithëse nuk dinte emrat e tyre.

Nga ana tjetër sjellim në kujtesë se Rama ekzekutoi efektivin Saimir Hoxha gjatë një operacioni anti-kanabis që po zhvillonte ky i fundit në Lezhë, më 29 shtator 2021.

Ai u largua me shpejtësi nga vendi i ngjarjes, por forcat RENEA ju vunë pas dhe pas më shumë se 5 orë kërkimesh, ai u gjet i vrarë me një plumb në kokë, duke ndërruar jetë në Spitalin e Traumës.

The post Specialist tek burgjet, zbulohet polici që dhunoi në Komisariat Aldi Ramën appeared first on Albeu.com.

SHÇBA po kryen hetim administrativ dhe penal. Në drejtimin administrativ po verifikohen të gjitha procedurat që janë ndjekur dhe manualet që duhet të ndjek Policia kur ndërmerr një aksion anti-kanabis, planin operacional për asgjesimin e lëndës narkotike. A ka pasur urdhër shërbimi, urdhër pune e më gjerë.

Ndërkohë, në lidhje me hetimin penal, SHÇBA po heton në lidhje me mundësinë e një përplasjeje të mundshme të efektivëve të policisë pranë makinës ku ngjarja ndodhi. A ka pasur tejkalim kompetencash në përdorimin e armës, lëvizjet, paralajmërimet.

Në fokus të hetimit është edhe negocimi i RENEA-s me Aldi Ramën dhe nëse ka pasur thirrje me megafon për t’i kërkuar të dorëzohet. Po ashtu, në fokus të hetimit është edhe pajisja ose jo e jelekë antiplumb të efektivëve dhe verifikim i efektivit Saimit Hoxha nëse ishte ose jo në orar zyrtar të punës./albeu.com

The post Vrasja e nënkomisarit Saimir Hoxha, dy pistat ku po heton SHÇBA appeared first on Albeu.com.

Nga pamjet e kapura nga një kamera sigurie pranë vendit të ngjarjes duke momenti kur makina e policisë ndalon dhe efektivët i bëjnë me shenjë makinës tip “Golf” të ndalojë.

Nga pamjet e kapura nga një kamera sigurie pranë vendit të ngjarjes duke momenti kur makina e policisë ndalon dhe efektivët i bëjnë me shenjë makinës tip “Golf” të ndalojë.

Ajo vjen me shpejtësi dhe frenon fort. Pastaj duken policët që flasin me të rinjtë në makinën ku ndodhej Aldi Rama, i cili nuk doli nga makina por qëlloi në drejtim të nënkomisarit Saimir Hoxha.

Më pas ai mori makinën tip “Golf”, ngjyrë blu e errët dhe u largua me shpejtësi nga vendi i ngjarjes. Ndërkohë, policët e tjerë qëlluan disa herë në drejtim të makinës së Ramës dhe më pas vijnë në ndihmë të kolegut të tyre që gjendet i shtrirë në tokë pranë makinës së bardhë, me të cilin udhëtonin.

https://youtu.be/oJ18Tuj7EUI

The post E FUNDIT/ Momenti i vrasjes së nënkomisarit, Aldi Rama qëlloi dhe iku me shpejtësi me makinë (VIDEO) appeared first on Albeu.com.