Sipas tij trupi i djalit të tij, Aldi Ramës, është tërhequr zvarrë, pasi ishte tepër i dhunuar.

Ai gjithashtu shtoi se ambulanca është vonuar jashtëzakonisht shumë, pasi ka ardhur në vendngjarje më një orë vonesë.

“Ambulanca ka vonuar, duhej të vinte për 10 minuta dhe ka bërë 1 orë”. Kështu u shpreh sot babai i Aldi Ramës, Rufan Rama, për emisionin “Shqipëria Live”, teksa fliste për ngjarjen e rëndë të pak ditëve më parë.

Teksa u shpreh se kishte 3 vite pa e parë djalin e tij, Rufani tha se hoxha në varrim i kishte thënë që nuk ishte mirë ta shikonte.

“Kisha 3 vite pa e parë djalin, nuk donin të më linin ta shihja. Hoxha më tha nuk është mirë ta shohësh. Djali im ishte i dhunuar, zvarrë e kanë tërhequr? Ambulanca ka ecur me 10km/h, ka vonuar për t’i dhënë ndihmën e duhur”, tha Rufani.

Si ndodhi ngjarja e rëndë:

Pas një informacioni të marrë, policia e Lezhës u nis për operacion në një parcelë kanabisi. Nënkomisari Saimir Hoxha bashkë me dy pjesëtarë të patrullës kundër kultivimit të kanabisit shkoi menjëherë në vendngjarje.

Gjatë operacionit ata asgjësuan mbi 100 rrënjë kanabisi dhe më pas pikasin një automjet, brenda së cilit ndodheshin tre persona.

Pasi ndaluan mjetin, policia i kërkon dokumentet shoferit dhe më pas zbresin edhe pasagjerin. Ndërkohë, vrasësi i Hoxhës, Aldi Rama refuzon të zbresë nga automjeti.

“S’ke shance të më kontrollosh ti mua,” mësohet t’i ketë thënë Rama nënkomisarit para se të nxirrte armën dhe ta qëllonte për vdekje./albeu.com

The post “E kanë tërhequr zvarrë”, babai i Aldi Ramës i përlotur ngre akuza të rënda: Ambulanca ka ardhur me 10km/h appeared first on Albeu.com.

Në varrimin e tij në orën 14:00 do të marrë pjesë edhe i ati i tij që ka ardhur posaçërisht nga Greqia.

Mamaja e tij Valbona Kolgjini ka hapur dyert e mortit dhe familjarë të shumtë kanë shkuar për ngushëllim në shtëpinë e saj.

Ndërkohë ka mbërritur para pak çastesh edhe babai i Aldi Ramës, shtetasi Rufan Rama i cili jetonte në Greqi.

Duke folur për mediat babai i 21-vjeçarit tha se nuk kishte kontakte me djalin e tij pasi ai jetonte në Greqi ndërsa Aldi Rama kishte vendosur të jetonte me gjyshërit e tij në Lezhë.

Ndërkohë dy prindërit e 21-vjeçarit ishin divorcuar vite më parë dhe sipas miqve e familjarëve të tyre ky ishte shkaku se përse Aldi i kishte përfunduar në këtë gjendje./albeu.com

The post I biri vrau policin në krye të detyrës, babai i Aldi Ramës vjen nga Greqia për varrimin e tij (FOTO LAJM) appeared first on Albeu.com.

Komentin e parë, Rama e ka bërë nga Pallati i Kongreseve, në një komunikim të mbajtur prej tij.

Në fjalën e tij për mediat e pranishme, Rama përsëriti ndihmën financiare, me të cilët do të trajtohen dy fëmijët e mitur që la pas 44-vjeçari, ndërsa shtoi se ishte një ndihmë e konsiderueshme.

“Padyshim që është një çast i rëndë për të gjitha forcat tona të Policisë së Shtetit. Patjetër edhe për shoqërinë, i shpreha ngushëllimet vëllazërore familjes dhe të gjithë kolegëve që e kanë njohur nga afër këtë dëshmor të ri të atdheut dhe të gjithë punonjësve të Policisë. E shoh të udhës të bëj me dije se qeveria ka vendosur mbështetje financiare të konsiderueshme për të familjen.

Por njëkohësisht me të hyrë në fuqi ligji, fëmijët e të ndjerit do të marrin 170% të pagës së tij deri kur të arrijnë moshën e pjekurisë. Nuk ka fonde dhe mbështetje materiale që kompenson boshllëkun për familjen, por detyra e shtetit dhe përgjegjësia e republikës është që fëmijët e dëshmorëve që japin jetën në krye të detyrës mos të mbeten vetëm por të ndjehen deri në fund të mbështetur duke qenë krenare jo vetëm për prindin por edhe për shtetin babai i shërbeu deri në momentin e fundit”, tha Rama./albeu.com

The post Vrasja e nënkomisarit në Lezhë, Rama: Çast i rëndë për Policinë, shoqërinë e shtetin! Fëmijët do marrin 170% të pagës së babait appeared first on Albeu.com.

Veliu i ka shprehur ngushëllimet familjes dhe është shprehur se atdheu sot nuk mund të ketë mik më të mirë se Saimiri.

Shefi i bluve gjithashtu ka shtuar se policët përshëndeten çdo ditë me familjarët sikur të ishte dita e fundit e jetës së tyre.

“Ka shumë dhimbje për prindërit dhe familjarët e tij. E trishtë dhe e dhimbshme për të gjithë organizatën e policisë pasi humbëm nje koleg, mik të përkushtuar.

Atdheu sot nuk mund të ketë mik më të mirë. Për mua si drejtor i përgjithshëm nuk ka moment më të vështirë se ky për të ngushëlluar familjen e Sajmirit. Falë përkushtimit ai krijoi profilin e një punonjësi të respektuar nga qytetarët. Kjo ditë është njëkohësisht ditë reflektimi për të gjithë ata që duan rregull, që të përkrahin më shumë policinë në përmbushjen e misionit të saj.

Njëkohësisht dhe këmbanë alarmi për të ndalur përbaltjen e policisë së shtetit. Ai u vra nga një njëri i arrestuar më parë nga policia dhe e dërguar përpara drejtësisë, dhe e liroi dhe pse kishte për të vuajtur burg. Saimiri u vra dy herë, nga krimi dhe drejtësia e vjetër. Punonjësit e policisë përballen çdo ditë me krimin, pandëshkueshmërinë, prandaj dhe dalja nga shtëpia është përshëndetje me familjarët sikur të ishte hera e fundit.

Bashkërisht të krijojmë një ambient më të sigurtë. Jam i bindur që shumica e qytetarëve janë të pikëlluar për humbjen e jetës së Sajmirit. Kjo mbështetje na lehtëson sadopak dhimbjen. Të ndëruar familjarë të nënë-komisar të Sajmir Hoxhës, ju nuk do të jeni kurrë vetë. Ky moment i ndarjes fizike me Sajmirin është sdhumë e dhimbshme dhe për ne.

Memorialit të dëshmorëve të policisë iu shtua një tjetër yll, bashkë më 244 të tjerë. Përulemi përpara trupit të heroit. U prehsh në paqe miku, shoku dhe kolegu ynë, dëshmori i atdheut Saimir Hoxha”, tha Ardi Veliu./albeu.com

The post “Atdheu sot nuk mund të ketë mik më të mirë”, Ardi Veliu flet para trupit të Saimir Hoxhës appeared first on Albeu.com.

Rufat Rama ka folur në një lidhje me telefon për “Shqipëria Live” për ngjarjen e rëndë që mori jetën e policit dhe 21-vjeçarit. Babai i të riut që ekzekutoi efektivin në krye të detyrës fajëson shtetin se po vret rininë me varfëri e papunësi.

Nuk hezitoi të falënderonte RENEA-n që bëri të pamundurën të shpëtonte jetën e djalit të tij, ndërsa shpjegoi se kishte menduar të thyente ligjet e të merrte djalin në Greqi për ta larguar nga shoqëria e keqe, por nuk ia kishte dalë.

Teksa po shprehte ngushëllimet për familjen e të ndjerit Saimir Hoxha, Rufat Rama u përlot… Më e vështirë për të është t’i tregojë prindërve të tij se Aldi ka ndërruar jetë pasi e dinë se ndodhet në burg. Sipas Rufat Ramës, nuk kanë informacion për ngjarjen e rëndë sepse jetojnë në varfëri dhe nuk kanë televizor.

Fjala e plotë e Rufat Ramës:

Kohët e fundit u shkëput nga çdo familjar. Aldi jetonte me pensionin e gjyshit. Nuk i kërkoja kurrë lekë fëmijëve, më duket se i keqtrajtoj. I mësoja si ta mbajë lekun. I ka dërguar vëllai sa ka pasur mundësi, e ka dashur shumë. Vëllai është në gjendje shumë të keqe sot. Jeton në Greqi. Kishte mbi 10 ditë që nuk komunikonte me të. Ka mundësi të nisem nesër në mëngjes nga ora 8:00, por nuk e kemi vendosur. Kur më ka rënë brenda për herë të parë, thashë shyqyr zotit që nuk u bë gjë më e madhe se ishte fëmijë dhe bëra të pamundurën që të dalë djali.

Ndërsa për Aldin kur dëgjova se ka rënë për herë të dytë brenda për 5 cigare hashash, ishin fëmijë, jo grup kriminal. Ka shumë të rinj që e bëjnë këtë nga papunësia. Pse nuk përfundon në krim një bos? Po na vrasin rininë, po vrasin fëmijën tanë. Fajin e ka shteti. Nuk mundet të mbyllet një fëmijë në shtëpi pa bukë.

Nuk kam asgjë cfarë të them, jam gjysmë njeriu, nuk ngrihem dot në këmbë. Nuk di çfarë të them. Drejtësi deshëm, duhet të shiheshin këto gjëra të djalit tim. Unë falënderoj RENEA-n që ka vepruar me gjakftohtësi sepse djali vrau një efektiv. I falënderoj shumë se si u sollën. Gjyshërit e dinë që është në burg, nuk e dinë që nuk jeton më. Aldi ka qenë fëmijë shumë i mirë, vuante nga padrejtësia.

Nuk mund të flas me gjyshërit, nuk mund t’i dal para syve, do më mbysin, do më vrasin për Aldin. Nuk kanë televizor, të shkojnë këta gazetarët të shohin ku jetojnë. Jetonte në një dhomë me prindërit e mi. Nëna ime 90 vjeçe gatuante një pjatë gjellë për Aldin. Po u tregova gjyshërve, mbaruan të dy… Ata e rritën Aldin, ka qenë i dashur, nuk ka qenë kriminel. Ne jemi nga një familje e varfër, jo terroriste. Fëmija ka qenë i dashur, i vetmuar, pa prindërit afër, ka qenë me shoqëri shumë të keqe. Mamaja e Aldit është interesuar por çfarë do të bëjë…

Shikoni a ka Aldi makinë… Nuk ka pasur ndonjëherë makinë. I thashë ma merr djalin këtej, më tha nuk lejohej të largohej nga Shqipëria. Unë sot vuaj për këtë gjë. Por të dyja ngjarjet, u vra një baba e një fëmijë… E shikoni çfarë bëhet? I kam thënë djalit të vogël do të vij të të marr, por mos rri me atë shoqëri atje. Mendoja do shkel ligjin që të punonte, sot do ishte dhe polici dhe djali im gjallë. Kam 3 vjet e gjysmë që nuk shkel në Shqipëri, nuk ia njoh shokët.

Familjes së Saimir Hoxhës nuk di çfarë t’i them atyre fëmijëve, asaj nëne, prindërve, ju lutem shumë ngushëllime… Nuk di cfarë t’i them familjes që ka humbur djalin… Ngushëllime, nuk di gjë tjetër./albeu.com

The post Pas nënës flet nga burgu babai i Aldi Ramës: Nuk jemi terroristë, por të varfër! Gjithsesi falenderoj RENEA-n appeared first on Albeu.com.

Të pranishëm për përcjelljen e Saimir Hoxhës në banesën e fundit kanë qenë miq, koleg dhe figura të larta shtetërore.

Mes të pranishmëve kanë qenë edhe Basha e Meta, të cilët po ashtu kanë përcjellë mesazhet e tyre mbi ngjarjen e rëndë./albeu.com

The post Pamjet nga ceremonia mortore e policit të vrarë, të pranishëm edhe Basha me Metën (FOTO LAJM) appeared first on Albeu.com.

Ajo shprehet se nuk kishte shumë konktakte me të dhe se nuk e dinte për përfshirjen e tij në veprimtari kriminale. Ajo u shpreh se që prej divorcit me të atin e Aldi Ramës, 21 vjeçarin e kishte lënë në shtëpinë e xhaxhait.

“Me djalin kisha pak kontakte, sepse pas divorcit ai qëndroi në shtëpinë e xhaxhait në Lezhë. Unë shumë pak takohesha me djalin dhe nuk isha në dijeni të asnjë aktiviteti kriminal. Ne jemi në zi, më ka humbur djali 21 vjeç. Jemi shumë të hidhëruar”, ka thënë e ëma./albeu.com

The post “Me djalin kisha pak kontakte”, flet për herë të parë nëna e Aldi Ramës: Jemi në zi appeared first on Albeu.com.

Ai ndodhet në spitalin e Traumës në Tiranë dhe është në gjendje kritike për jetën.

Sipas policisë, efektivët i kanë bërë thirrje që të dorëzohet, por ai ka kundërshtuar dhe më pas është vetë-plagosur me armën e tij.

Saimir Hoxha, 44 vjeç ishte nisur së bashku me 4 efektivë të tjerë në një operacion antikanabis mëngjesin e sotëm, por fatkeqësisht ndërroi jetë në vend nga plagët e marra. /albeu.com/

The post Pranë tij pistoleta dhe telefoni, momenti kur Aldi Rama u gjet i vetëplagosur (FOTO LAJM) appeared first on Albeu.com.

Në një postim në “tëitter”, Kim iu shpreh ngushëllime familjarëve të efektivit dhe kolegëve të tij.

Ajo dënon me ashpërsi sulmin dhe thekson se autorët duhet të dalin para drejtësisë e të marin dënimin e merituar.

“Ngushëllimet më të thella familjes dhe kolegëve të oficerit të Policisë së Shtetit Shqiptar, i cili u vra në krye të detyrës. Policët dhe të tjerët në rradhën e parë përballen me rrezikun në emër të të gjithë qytetarëve, dhe ne jemi mirënjohës për heroizmin e tyre. Shpresojmë që autorët të dalin përpara drejtësisë”, shkruan ambasadorja Kim./albeu.com

Deepest condolences to family & colleagues of the Albanian State Police officer who was killed in the line of duty. Police & other first responders face danger on behalf of all citizens, and we are grateful for their heroism. We hope the perpetrators will be brought to justice.

— Ambassador Yuri Kim (@USAmbAlbania) September 28, 2021

The post Vrasja e efektivit në Lezhë, reagon ambasadorja Yuri Kim: Policia përballet me rrezik në emër të qytetarëve appeared first on Albeu.com.

Gjatë mbledhjes në Komisionin e Sigurisë u diskutua vrasja e oficerit të Krimeve në Kune Vain të Lezhës.

Salianji i pranishëm në mbledhje ka kërkuar ndërprerjen e saj e mbajtjen e një minut heshtje për efektivin e vrarë në Lezhë.

Ndërsa debatonte me socialistin Naço, Salianji e ka konsideruar ngjarjen një atentat ndaj shtetit.

“Sot ka ndodhur një nga ngjarjet më të renda, atentat ndaj shtetit. Humbja e jetës në krye të detyrës e një efektivi të ndershëm, nga të paktët që lufton realisht krimin dhe gjendjen e përhapur të kanabisit dhe drogës anë embanë Shqipërisë. Kushdo që bie në luftë me krimin është Dëshmor i Atdheut dhe ne që jemi të pranishëm fizikisht nuk mund të bëjmë sikur nuk ekzistojmë ashtu sic fshihen ngjarjet dhe mbulohen me propogandë. Ne ekzistojmë sic ekziston edhe kriminaliteti, vrasjet, droga, mungesa e rendit dhe sigurisë publike”,  u shpreh Salianji./albeu.com

The post Vrasja e oficerit në Lezhë, Salianji: Kushdo që bie në luftë me krimin është Dëshmor i Atdheut appeared first on Albeu.com.