Vetëm dy javë përpara se të arrestohej, Tina Pajollari ishte fejuar me një djalë nga Vlora. Ai është Artion Ferraj, i cili ka folur në një intervistë ekskluzive për emisionin Uniko nga Spartak Koka në Klan Plus.

Artioni tregon nëse do të vazhdojë ta mbështesë Tinën edhe tashmë që ajo është arrestuar si e dyshuar.

Ai këmbëngul se Tina është e pafajshme në këtë histori dhe nuk ka patur asnjë kontakt me Martin Çeçon.

Artion shprehet se do t’i qëndrojë në krah të fejuarës së tij dhe familjes së saj përsa kohë të besojë se Tina Pajollari është e pafajshme.

Artion Ferraj gjithashtu pohon me bindje se mes Tina Pajollarit dhe Valter Mollajt nuk ka patur një lidhje dashurie, sikurse po thuhet deri më tani nga hetimet e policisë dhe prokurorisë. Ai pranon se Valter Mollajn e njeh edhe vetë.

Valter Mollaj, Edlir Mollaj dhe Bledi Angjo janë 3 të arrestuarit e tjerë si të dyshuar në vrasjen me mbytje të Martin Çeços dhe që trupin ia hodhën më pas në rezervuar.

Spartak Koka: Prej sa kohësh jetoni në Marjan?

Artion Ferraj: Po bëj rreth 2 vjet që vij me bagëti këtu në Marjan dhe jemi njohur me Tina Pajollarin. Vinte mblidhte çaj, ishim takuar andej lart, vazhdoi muhabeti, këmbyem numrat e telefonit.

Spartak Koka: Kur? Prej sa kohësh?

Artion Ferraj: Po bën rreth 3 muaj që kemi folur. Jemi lidhur. Ka zgjatur rreth 15 ditë që ne kemi folur në telefon, pastaj jemi takuar.

Spartak Koka: Këtu në Marjan.

Artion Ferraj:Po, jemi takuar këtu në Marjan. Kemi ndenjur bashkë.

Spartak Koka: Jeni lidhur?

Artion Ferraj: Po, jemi lidhur. Kemi ndenjur pothuajse rreth 15 ditë këtu në fshat, pastaj kam ikur unë e kam marrë në shtëpi.

Spartak Koka: Ju zyrtarisht me Tina Pajollarin jeni të fejuar, të martuar, çfarë statusi keni?

Artion Ferraj: Të martuar me letra nuk kemi bërë gjë, por që kemi folur me familje, kam ardhur këtu te familja e saj. Çupën do ta marr unë, kaq u kam thënë këtyre dhe pastaj kam marrë çupën e kam çuar në shtëpi.

Spartak Koka: Keni ndërruar shenjë?

Artion Ferraj: Shenjë jo.

Spartak Koka: Pra, për ty Tina Pajollari është nusja jote?

Artion Ferraj: Po.

Spartak Koka: E do?

Artion Ferraj: Po. E kam marrë unë çupën nga këtu edhe kemi vajtur në Vlorë. Atje kemi bërë, siç e kemi ne zakonin, që vemi për darkë në shtëpi. Unë e kam pyetur dhe për këtë çështje se unë e dija pak a shumë, e kam dëgjuar në media. Edhe e kam pyetur pothuajse herë pas herë që është e vërtetë apo jo. Më ka thënë jo, s’është e vërtetë se mua më kanë bërë presion atje tha dhe nuk është e vërtetë kjo gjë. Bile ka qarë kur e kam pyetur unë. Nuk është e vërtetë më thoshte, këmbëngulte, për kokë të babit thoshte nuk është e vërtetë. Për kokë të vëllait, kështu thoshte.

Spartak Koka: Në bindjen tënde?

Artion Ferraj: Nuk është e vërtetë se përderisa unë i kam hyrë kësaj gjëje, unë e kam marrë për nuse, nuk është e vërtetë kjo gjë. Është bërë një e padrejtë, kjo gjë nuk është e vërtetë.

Spartak Koka: Tina Pajollari është e arrestuar sot. Pak më parë ju më rrëfyet se keni qenë vetë që e keni sjellë nga Vlora. A mund të më përshkruash nga momenti i parë që e ka kontaktuar policia deri te momenti që e mësuat që nusja juaj Martina Pajollari tashmë është e arrestuar.

Artion Ferraj: Kishte ardhur policia këtu edhe e telefonuan në telefon nga telefoni i mamasë së kësaj, edhe i thanë ka ardhur një urdhër-arrest për paraqitje. Duhet të paraqitesh për atë çështjen dhe të ikësh prapë, kaq i ka thënë.

Spartak Koka: Ju ishit në Vlorë atëherë?

Artion Ferraj: Jo, unë kisha ardhur lart.

Spartak Koka: Kur ju morën në telefon?

Artion Ferraj: Nusja ishte poshtë, unë isha këtu.

Spartak Koka: Nusja ishte në Vlorë me familjen tënde. Ti ishe në Marjan?

Artion Ferraj: Po. Isha këtu. Mori në telefon më tha mua më kanë kërkuar nesër andej. I thashë unë nesër nuk vete dot, pasnesër hajde lart ti i thashë, unë do dal në Korçë. Në rregull. Dola unë e prita te terminali dhe e kam çuar te prokuroria, atje e çova. Prit këtu më tha mua se pak punë kemi dhe do dal tha. Mirë i thashë unë. Pritëm deri në orën 16:30. Doli ajo, doli Tina, e futën në makinë, do e çojmë në policia më thanë mua. Edhe pastaj më tha kjo ka bërë një vrasje me paramendim. Duhet të zësh avokat më tha, ta zëjë shteti apo do ta zësh ti, më tha mua? I thashë unë do llafosem me familjarët dhe pastaj do të them. Jo, merëm në telefon më tha mua, edhe kaq.

Spartak Koka: Keni marrë sot avokat për Tinën?

Artion Ferraj: Po. E kanë marrë.

Spartak Koka: Pate mundësi të flisje me Tinën?

Artion Ferraj: Jo, fare.

Spartak Koka: I njeh Valter Mollaj dhe Edlir Mollaj?

Artion Ferraj: Unë Valter Mollajn e njoh. E njoh nga mënyra që ne biem qumësht në baxho edhe mblidhemi të tërë. Nga kjo kemi krijuar një muhabet, edhe nga kjo e njohim njëri-tjetrin. Kemi vajtur te shtëpia e atij, kam ngrënë bukë. Këta dy të tjerët nuk i njoh.

Spartak Koka: Si e përshkruan Valter Mollajn? Si është për ty?

Artion Ferraj: Njeri i urtë, është njeri i mirë.
Spartak Koka: Kishe dëgjuar më parë në fshat para se të lidheshe me Tinën që ai kishte pasur një lidhje me Tinën?

Artion Ferraj: Jo.

Spartak Koka: E beson që Tina dhe Valter Mollaj kanë pasur një lidhje me njëri-tjetrin?

Artion Ferraj: Jo nuk kanë pasur, se po të kishin pasur lidhje unë nuk i hyja kësaj pune që deri sa unë jam lidhur me atë vajzë. Nuk i hyja fare. Po unë i kam besuar edhe asaj, i kam besuar edhe këtyre, familjes, që nuk është e vërtetë.

Spartak Koka: Ka folur ndonjëherë në telefon me Martinin?

Artion Ferraj: Jo më ka thënë. E kam pyetur, jo më ka thënë.

Spartak Koka: A i ka kthyer përgjigje Martin Çeços kur i ka shkruar?

Artion Ferraj: Jo, unë e kam pyetur dhe më ka thënë mua nuk është e vërtetë.

Spartak Koka: Po çfarë mendon Tina se ka ndodhur?

Artion Ferraj: Nuk e di tha se nga erdhi nga u bë kjo…

Spartak Koka: Po Tina ka pranuar dy herë në polici se ka dijeni për këtë vrasje.

Artion Ferraj: Më kanë trembur, tha, që unë e kam bërë këtë gjë.

Spartak Koka: Si e kanë trembur dhe kush e ka trembur?

Artion Ferraj: Më kanë bërtitur tha, ajo policja që më ka marrë. Më ka bërtitur kështu, thuaji që do pranosh këtë që kjo gjë është bërë, tha. Unë i kam thënë në qoftë se nuk është e vërtetë ti mos e prano. Në qoftë se është e vërtetë ti pranoje.

Spartak Koka: Ja ke thënë këtë?

Artion Ferraj: Po. Unë nuk pranoj tha, por kur vete atje ata bërtasin dhe unë kam frikë.

Spartak Koka: Ti sot çfarë mesazhi ke për Tinën që është në burg? Do e mbështesësh? Nuk do e mbështesësh? Cili është mesazhi jot si burri tashmë?

Artion Ferraj: Unë do ta mbështes se deri sa unë e kam marrë për grua unë do ta mbështes se kjo gjë nuk është e vërtetë. Se mua ma ka thënë dhe ma ka sqaruar që nuk është e vërtetë.

Spartak Koka: Do t’i qëndrosh këtij besimi deri në fund?

Artion Ferraj: Po.
Spartak Koka: Me Tinën, pasi të sqarohet situata dhe kur të dalë nga burgu, pretendoni të bëheni me fëmijë?

Artion Ferraj: Po.

Spartak Koka: Pra, në çdo lloj rrethana ti do ta mbështesësh Tinën?

Artion Ferraj: Unë do ta mbështes për të drejtën që ajo thotë mesa të kem mundësi.

Spartak Koka: Ka dalë që Tina thotë se ka qenë në Kolanec me ata të tre. Ka një audio deklaratë të policisë që thotë se ne e kemi të regjistruar dhe thotë që Tina pranon që ka qenë në Kolanec me këta të tre?

Artion Ferraj: Atë e ka thënë, unë e kam parë dhe në media, por nuk ka qenë në Kolanec.

Spartak Koka: Nuk ka qenë me këta?

Artion Ferraj: Jo.

Spartak Koka: Po që Martini i kishte shkruar Tinës ta ka thënë?

Artion Ferraj: Një herë e di, që i ka shkruar një herë dhe nuk i kam kthyer përgjigje fare tha i kam bërë bllok. Nuk i kam shkruar më, tha.

Spartak Koka: Çfarë mesazhi ke për familjen e Martin Çeços që të ndjek sot nga kjo intervistë. Është një histori që është shumë e ngatërruar.

Artion Ferraj:Unë them që të dalë e drejta dhe ai të marrë drejtësinë e tij dhe ne të na vijnë njerëzit tanë në shtëpi.

Spartak Koka: Po ju mendoni se Valter Mollaj dhe Edlir Mollaj nuk janë të përfshirë në këtë histori?

Artion Ferraj: Jo.

Spartak Koka: Por policia i ka arrestuar bashkë me Bledi Angjon.

Artion Ferraj: I kanë arrestuar për arsye vetëm për këto që kanë ndodhur, për deklarimet që kanë dhënë këta, vetëm nga këta, edhe ata djemtë janë brenda, janë gjynah.

Spartak Koka: Pra, ti beson apo nuk beson se Valter Mollaj dhe Tina Pajollari të kenë pasur një lidhje jashtëmartesore apo një lidhje dashurie mes tyre?

Artion Ferraj: Jo se kanë kushërinj në radhë të parë edhe nuk ndodh. Valter Mollaj ka çupën sa Tina dhe nuk është e vërtetë. Këta hanë e pinë me njëri-tjetrin. S’ka mundësi që të ndodhi vërtetë se janë kushërinj.

Spartak Koka: Ti do të vazhdosh të rrish në Marjan?

Artion Ferraj: Unë dhe pak ditë jam në Marjan se kam bagëtitë se pastaj do iki në Vlorë.
Spartak Koka: Është e sigurt që ti do vijosh mbështetjen e familjes, pra ta ketë garancinë familja e Tinës apo jo?

Artion Ferraj: Po.

Spartak Koka: Çfarë premtimi do i japësh nënës së Tinës tani?

Artion Ferraj: Në qoftë se kjo gjë është kështu unë do vazhdoj ta mbështes.

Spartak Koka: Po në të kundërt?

Artion Ferraj: Në të kundërt unë nuk e mbështes dot, nëse e kanë bërë këtë gjë, unë nuk e mbështes dot se është gjë e madhe. Ndërsa në qoftë se është e drejtë, unë deri sa të kem mundësi unë do ta ndihmoj.

The post I fejuari i Tina Pajollarit: Me Valter Mollajn s’ka patur lidhje, unë do ta mbështes appeared first on Albeu.com.

Si fillim vrasja e 26-vjeçarit u lidh me një intrigë dashurie , ndërsa policia ka arrestuar 3 persona që akuzohet se e kanë mbytur me litar të riun dhe e hodhën trupin e tij në rezervuar.

Por banorët e fshatit Kolanec ku jetonte 26-vjeçari shprehen se vrasja e Martin Çeços nuk ka lidhje me një vajzë, por me një parcelë kanabisi që ai kishte zbuluar rreth një muaj më parë.

Një bari i zonës rrëfeu për emisionin “Uniko” se viktima kishte shkuar për të prerë dru në fshatin Bickë dhe atje kishte zbuluar një parcelë me drogë që donte ta denonconte në polici. Por sipas tij, “grupi i fuqishëm që kishte mbjellë lëndën narkotike, që përbëhej nga rreth 90 persona” e kishin kërcënuar se do e vrisnin, madje i kishin kërkuar të zhdukej nga Shqipëria.

Bariu tregoi se 26-vjeçari i frikësuar për jetën ishte larguar drejt Gjermanisë por e kishin kthyer sërish mbrapsht, ndërsa mbrëmjen e vrasjes së tij kishin parë një makinë të zezë pa targa.

Bariu: “Kishte shkuar të bënte dru, e kërcënonin ata të drogës. S’ka lidhje femër me vrasjen e tij, janë të gjitha fjalë. Zbuluan padashje parcelën e drogës, nuk e prishën. Por këta nuk donin që ta zbulonin, ishin shumë grup i madh, shumë. Rreth 90 veta, mbjellin vetëm zonën atje. Drutë e morën në qafë atë, kishte gati 1 muaj që e kishte zbuluar parcelën. Ata e kërcënonin, i thoshin do të vrasim. Çfarë nuk i thoshin, mos hajde më këtej, zhduku fare, i kishin thënë. Zhduku nga Shqipëria, që të mos rrinte këtu. Ishin të fuqishëm. Banorët kanë parë një makinë të zezë pa targë atë natë. Më pas targën e kishin vendosur kur u larguan. Nuk ka qenë i martuar, u tha për të humbur gjurmët. Nuk jemi ndjerë më parë të kërcënuar. Se lidhte asgjë Martinin me kultivimin e lëndës narkotike, vetëm e zbuloi. Donte ti denonconte, por hoqi dorë, kishte frikë. E kërcënuan keq, nuk shkoi në polici. Iku në Gjermani, por e kthyen ata.”

“Nuk më besohet se vrasja e tij ka lidhje me një femër, për aq sa e njihnim neve. Ndoshta ndonjë arsye tjetër”, tha një grua për “Uniko”.

“S’ma merr mendja për Martinin që kishte punë vajze”, tha një banore tjetër.

The post “Zbuloi parcelën”, vrasja e Martin Çeços ndryshon “360 gradë” appeared first on Albeu.com.

Emisioni “Uniko” publikon për herë të parë një bisedë të zhvilluar mes Martin Çeços dhe shokut të tij të ngushtë, Rezart Dokolli, duke zbuluar edhe të vërtetën e ndjenjave të 26-vjeçarit për vajzën që punonte në byrektore, në Korçë, dhe që njihej me emrin Bora.

Teksa Dokolli tha se Martin Çeço kishte ndjenja për këtë vajzë dhe se kishin shkuar bashkë në fshatin e saj, ku kishin takuar babanë e vajzës, biseda mes dy shokëve zbulon të vërtetën dramatike.

Nga biseda kuptohet që Rezart Dokolli gënjen, pasi vetë ai ka pasur ndjenja për vajzën, dhe se Martin Çeço e ka ndihmuar që ata të jenë bashkë.

Biseda e regjistruar nga Martin Çeço:
Martini: Dëgjo tani, tashi do më thuash drejt si të tha tashi? Jam shumë kurioz…
Rezarti: Unë të thashë bre tani…
Martini: Epo fol…
Rezarti: Unë… e pashë atje më tha s’kam nge të llafosem se kam këtë mbesën.
Martini: E pashë tha ë?
Rezarti: Siç të thashë unë kshu kshu… beqare jam.
Mratini: Tha vetë ajo jam beqare?
Rezarti: Ke ti? Jo.
Martini: Si the ti i ke ëë?
Rezarti: Ke ndonjë? Jo.
Martini: Ti e pe atë çupën që të thashë unë që ishte me atë mbesën. Po kur vajte… si i the o Zarti?
Rezarti: Po kshu i thashë unë kshu kshu kshu…
Martini: Ai djali të pëlqevi…
Rezarti: Çfarë do më thoje më tha mua, më tha.
Martini: Për këtë i thoshe? I the?
Rezarti: I thashë.
Martini: E çfarë të tha pastaj? S’të tha që më pëlqeu?
Rezarti: Mirë tha po sot kam punë… nesër nuk dua të të them…
Martini: Mbaje mend që do bëhet kjo Zarti. Po për Zotin unë jam i gëzuar shumë. Po për Zotin se di ti sa i gëzuar jam. U bë kjo nuk të lë unë o shoku ç’ke tashi. I the ti që unë s’ja thoja dot atij se kishte njerëz.
Rezarti: I thashë unë. E mirë e bëre.
Martini: I thanë që është djali shumë i mirë tha apo jo?
Rezarti: Tha juve bashkë erdhët pak a shumë.
Martini: Tha që po më shikonte? Tha kështu? Çfarë thoshte?
Rezarti: Nuk thoshte ajo nuk thoshte.
Martini: E si tha kur ta lëmë tashi këtë?/bw

The post “Do bëhet Zarti, mbaje mend”! Zbulohet biseda mes Martin Çeços dhe shokut të tij të ngushtë, kush e dashuronte vajzën e byrektores? appeared first on Albeu.com.

Shoku i ngushtë i të ndjerit Çeço, Rezart Dokolli, zbulon detaje tronditëse, duke treguar ndjenjat e Martinit për vajzën nga fshati Goskovë, e cila punonte te byrektorja në Korçë.

Emisioni “Uniko” e përball shokun e Martinit me vajzën, që siç pretendon ai, 26-vjeçari kishte ndjenja për të dhe kishte shkuar edhe në fshat, ku ishte takuar me babanë e saj. Por, përballja me babanë dhe vajzën zbulon të tjera detaje, pasi vajza rrëfen një tjetër të vërtetë, në sytë e Rezart Dokollit.

Por, ajo që mbetet ende mister është, nëse vajza që Martini dashuronte quhej Tina Pajollari apo Bora, pasi është zbuluar se vajza që punonte në byrektore thirrej me emrin Bora.

Rezarti: Kjo vajza e Goskovës punonte aty, ishte tek akulloret.
Gazetari: Këtë vajzën e ke parë ndonjëherë?

Rezarti: Po, kjo ishte aty tek akulloret. Këtë vajzë erdhëm për të takuar, por unë nuk kam folur ndonjëherë me të. E sigurt që s’kam folur me të.

Ndërhyn vajza: E sigurt që s’ke folur me mua? Ka folur me mua, unë e njoh, ai vinte te puna ime. S’më ke thënë ti mua që të më bëje një pyetje? Nuk i ke thënë ti pronarit tim për mua? Unë ty të njoh, edhe pronari im të njeh. Unë kam qenë duke pastruar tavolinën, kur më the “të të bëj një pyetje”. “Po”, të thashë, dhe më the “lëre, lëre”. Pastaj ka nxjerrë pronarin tim jashtë dhe i ka thënë “ajo vajza më pëlqen mua”.

Babai i vajzës: Unë as nuk e njoh fare këtë djalë, ma hiq që këtu.

Rezarti: Një sekondë, se unë kam një audio.

The post Zbulohet e vërteta dramatike, shoku i ngushtë përballet me vajzën që dashuronte Martin Çeço dhe babain e saj appeared first on Albeu.com.

Emisioni “Uniko” sjell dëshminë e një personi shumë të rëndësishëm në këtë histori. Bëhet fjalë për shokun e ngushtë të Martin Çeços, Rezart Dokolli, i cili ishte në dijeni të ndjenjave të Martinit për vajzën.

Ai zbulon për herë të parë detaje të reja mbi ndjenjat e të riut, madje tregon edhe momentin kur të dy bashkë kanë qenë në fshatin e vajzës, Goskovë të Korçës, ku kanë takuar babanë e saj.

“Martin Çoçajn e kam njohur nga fshati, në rrethana të mira. Nuk rrinim shumë bashkë, se ai nuk para dilte. Edhe në Korçë, u takuam me Martinin, pimë një kafe, por ka që në janar. Aty ishte një vajzë, që ishte nga Goskova. Ajo ishte te byrektorja, aty janë dy, tek e para në fillim ishte. Aty unë piva një kafe me Martinin dhe ai më tha “Rezart, kjo vajza më pëlqen”. Po mirë, i thashë, ja ku e ke. U ngritëm dhe ikëm pastaj, ai në punën e tij, unë në punën time. Vij në shtëpi, pas një javë më merr Martini në telefon dhe më tha “Rezart të shkojmë njëherë në Goskovë, se më pëlqen kjo vajza”, sepse unë kam mamanë nga Goskova. Unë i thashë të shkonte me babanë e tij. Edhe Martini, edhe babai i tij, më kërkonin që të shkoja dhe unë. Unë nuk e njoh atë çupën, as familjen e saj. Kjo çupa punonte aty, rrinte tek akulloret. Unë e njoh si fytyrë. Unë nuk doja të shkoja me Marinin, por më lutën dhe vajta se më erdhi keq.

Vajtëm në Korçë, u takuam me njëri-tjetrin, hipëm me një taksi të çastit dhe kemi vajtur në Goskovë, kemi pyetur njerëz rastësisht aty. Shtëpinë e kishte lart në Goskovë. Ja morëm emrin babait të saj, se pyetën ca njerëz. Ishin ca njerëz aty dhe i pyetëm për babanë e vajzës dhe ai më tha “e njeh filanin ti”, “jo”, i thashë. “Ja ku e ke”, më tha. E morëm mënjanë babanë e çupës dhe i thamë që Martini e pëlqen çupën. Ai na tha “rrofshi, por unë çupën nuk e kam për t’u martuar, do ta dërgoj në shkollë”. U mbyll muhabeti, ikëm ne, vajtëm në Korçë. Martini e fiku mendjen, që në atë moment hoqi dorë. Pastaj në Korçë u ndamë, ika unë, se ika në Greqi pastaj. Që atëherë nuk e kam takuar më, në janar-shkurt, kur ika në Greqi. Më 12 kur ka ndodhur ngjarja nuk dija gjë fare, unë isha në Greqi”, rrëfeu shoku i ngushtë i Martinit.

The post Vrasja e Martin Çeços, flet shoku i ngushtë: Me tha se i pëlqente vajza te byrektorja, takoi babain e saj appeared first on Albeu.com.

Emisioni Uniko nga Spartak Koka në Klan Plus ka udhëtuar drejt fshatit Marjan të Korçës, ku dhe jeton vajza së bashku me familjen.

Gjatë bisedës me gazetarin Spartak Koka, Tina Pajollari pranon se Martin Çeço i kishte shkruar në rrjetet sociale.

Ajo thotë se nuk e njihte të ndjerin Martin Çeço dhe se celularin ia ka sekuestruar policia për llogari të hetimeve ku dhe është bërë kqyrja e bisedave me mesazhe.

Por policia ka deklaruar se shkaku i ngjarjes dyshohet të jetë pikërisht xhelozia për Tinën e njërit prej personave të arrestuar si të dyshuar, Valter Mollajt.

Ky i fundit është nga fshati Marjan, ku jeton me bashkëshorten dhe fëmijët e tij të mitur. Vetëm pak metra larg shtëpisë së tij është banesa e familjes së Tinës. Dhe nga hetimet e policisë është thënë se Valter Molla ka qenë në një lidhje me Tina Pajollarin, dhe kur ka parë Martin Çeçon të fliste më të në celular është bërë xheloz.

Mirëpo vetë Tina, por edhe nëna e saj, mohuan për një lidhje me komshiun e tyre Valter Mollaj. Ato pranuan vetëm se Valter Mollaj dhe familja e tij i kanë ndihmuar dhe se Tina punonte në stallën e tyre dhe ndihmonte me lopët.

Një javë më parë, për emisionin Uniko, babai i të ndjerit Martin Çeço deklaroi se ai dhe djali i tij ishin kërcënuar nga një person në celular sapo Martini mbylli telefonin me Tinën.

Martin Çeço u gjet i vrarë me 16 Qershor. Ai ishte mbytur me litar dhe më pas trupi i tij ishte hedhur në rezervuarin e fshatit Kolanec. Për këtë ngjarje policia ka arrestuar si të dyshuar 3 persona; Valter Mollaj, djali i xhaxhait Edlir Mollaj dhe bariu i tyre Bleti Angjo. /tvklan.al

The post Martinin e vranë dhe e hodhën në rezervuar, flet vajza e konsideruar si “molla e sherrit” appeared first on Albeu.com.

18-vjeçarja M.P, akuzoher se është bërë shkak i sherrit dhe vrasjes së 26-vjeçarit Martin Çeço në Maliq.

“Është në një presion të madh psikologjik 18-vjeçarja tregon nëna për shkak të presionit që policia po ushtron në ambientet e komisariatit”, tha Ahmeti e cila tregoi më pas se redaksia e emisionit ka një video që e ka filmuar Martin Çeço.

“Vetë viktima familjarët e tij na kanë vënë në dispozicion një video që gjendet në telefonin celular të viktimës, por nuk e jap dot pa më konfirmuar dhe 18 vjeçarja a është protagoniste ajo apo jo.

Këtë video e ka kryer viktima duke treguar një vajzë që punon në byrektore.

Ne kemi pyetur vajzën a ke qenë në këtë byrektore dhe a ka punuar ndonjëherë aty dhe e mohon. Por ajo s’ka mohuar atë marrëdhënie që ajo ka pasur me Bledi Angjos, me një prej të dyshuarve”, tha Ahmeti.

The post Vrasja e të riut në Maliq, flet nëna e 18-vjeçares: Vajza është në presion të madh, ja video që u gjet në celularin e viktimës appeared first on Albeu.com.

Blutë arrestuan të shtunën tre personat që dyshohet se janë autorët e krimit, shtetasit Bleti Angjo, Valter Mollaj dhe Edlir Mollaj.

Mes tyre dhe viktimës dyshohet të ketë pasur grindje dhe “molla e sherrit” ka qenë një vajzë. Dyshohet se vajza për të cilën është vrarë 26-vjeçari ka qenë në lidhje paralele me një nga autorët.

Autorët mësohet se e kanë mbytur të riun dhe kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit.

Autorët kishin lënë buze rezervuarit shapkat e të riut, por shenjat e litarit që ai ka pasur në fyt kanë bërë hetuesit të besojnë se ai nuk ishte vetëmbytur, por ishte vrarë./albeu.com

The post Vranë dhe hodhën në rezervuar 26-vjeçarin, gjykata lë në burg tre autorët appeared first on Albeu.com.

Tre autorët e dyshuar të vrasjes pritet të njihen me masën e sigurisë dhe vleftësimin e arrestit.

Blutë arrestuan të shtunën tre personat që dyshohet se janë autorët e krimit, shtetasit Bleti Angjo, Valter Mollaj dhe Edlir Mollaj.

Mes tyre dhe viktimës dyshohet të ketë pasur grindje dhe “molla e sherrit” ka qenë një vajzë. Dyshohet se vajza për të cilën është vrarë 26-vjeçari ka qenë në lidhje paralele me një nga autorët.

Autorët mësohet se e kanë mbytur të riun dhe kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit.

Autorët kishin lënë buze rezervuarit shapkat e të riut, por shenjat e litarit që ai ka pasur në fyt kanë bërë hetuesit të besojnë se ai nuk ishte vetëmbytur, por ishte vrarë.

“Shërbimet e Policisë, pasi kanë nxjerrë nga rezervuari trupin e pajetë të 26-vjeçarit Martin Çeço, kanë krijuar dyshime se bëhej fjalë për një ngjarje kriminale, duke qenë se gjatë këqyrjes, në trupin e 26-vjeçarit, janë konstatuar shenja në pjesën e fytit.

Falë punës profesionale hetimore, provave dhe informacioneve të grumbulluara nga grupi hetimor, u dokumentua se tre shtetasit e arrestuar, në bashkëpunim me njëri-tjetrin, më datë 12.06.2022, kanë marrë viktimën Martin Çeço, në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit”, tha policia.

The post Me kokat ulur dhe duke i përplasur për muri, dalin para gjykatës 3 autorët që vranë 26-vjeçarin për një vajzë dhe e hodhën në rezervuar (VIDEO) appeared first on Albeu.com.

Më konkretisht motra e Bledi Angjos, lidhja e dashurisë së të cilit me vajzën që frekuentohej kohëve të fundit viktima 26-vjeçar, është bërë motiv i krimit, ka thënë për News24 se i vëllai nuk ka pasur asnjëherë konflikte.

“Me vëllain kam dy ditë që kam kontaktuar. Dje i bija telefonit por nuk e hapte. E dëgjova në tv për arrestimin. Vëllai punonte në Marjanë, çoban. Vëllai nuk ka pasur konflikte asnjëherë, asnjëherë po të të gënjej të hapet e të futem unë. Nuk e di për vrasjen, nuk i njoh nuk i di”, tha ajo.

Në vijim ajo ka konfirmuar një arrestim të mëparshëm të Bledi Angjos, ndërsa ka sqaruar se nuk është në dijeni të faktit që vëllai ka qenë në një lidhje me një vajzë.

“Vëllain e kanë shoqëruar edhe njëherë me pa të drejtë në polici se ky thotë nga frika unë, unë, unë. Pronari i vëllait e ka emrin Vali, ka 2 muaj që ka shkuar aty si coban. Marrëdhëniet me pronarin i kishte shumë të mira, ka ardhur dhe në shtëpinë time, më ka thënë vëllai është shumë i mirë. Me aq sa di unë vëllai nuk ka pasur lidhje. Në fund të Qershorit ka emrin babi dhe i thashë pronarit të ma sillte këtu vëllain se jetonte andej. Unë nuk e di se nga bije fshati Kolanec, as vëllai nuk e di”, është shprehur motra e Angjos.

The post Vrau 26-vjeçarin në Maliq, flet motra e autorit: Nuk ka pasur konflikte, nuk di gjë për ngjarjen appeared first on Albeu.com.