Tv Klan ka siguruar foton ekskluzive nga kamerat e sigurisë në afërsi të lokalit ku u vra i riu. Siç shihet në pamje autorët kanë qenë të dy me kasketa, ndërsa personi në ulësen e pasagjerit dyshohet se është Bajram Çekorja.

Ky i fundit tashmë është shpallur në kërkim dhe dyshohet se është personi që ka qëlluar ndaj 19-vjeçarit Xhenje. Ndërkohe bashkëautori i tij i cili drejton motorçikletën ende nuk është identifikuar nga policia.

Pasi u larguan nga vendngjarja të dy autorët dogjën motorçikletën dhe armën e përdorur në krim në lagjen ‘Guerrile’. Pikërisht këto prova si dhe dhjetra pamje filmike të administruara nga grupi hetimit çuan policinë në identifikimin e njërit prej autorëve.

Hakmarrja është pista kryesore e ekzekutimit dhe sipas burimeve vrasja e të riut është pjesë e një zinxhiri krimesh të ndodhura në qytetin verior. Këtë pistë e ka pohuar dhe nëna e viktimës e cila ndër të tjera ka deklaruar se fatkeqësia e djalit të saj 19-vjeçar ishte që kushërinjtë e tij janë me precedentë penal.

The post Dalin pamjet e autorëve të vrasjes së Erjon Xhenjes (VIDEO) appeared first on Albeu.com.

Burime nga grupi hetimor konfirmuan për abc se pas marrjes në pyetje për ekzekutimin e Çekores, 25 vjecari Bruçi u la i lirë.

Të njëjtat burime thanë se aktualisht nuk ka asnjë provë që lidh, Bruçin me vrasjen e 57 vjeçarit dy ditë më parë në lagjen Guerile në Shkodër.

Mësohet se hetuesit janë përqëndruar tek aktiviteti i mëparshëm i viktimës dhe i djalit të tij, Bajram Çekores që është shpallur në kërkim, si autor i dyshuar i atentatit ndaj Alban Bruçit, ngjarje e ndodhur në 25 gusht në lagjen Partizani në Shkodër.

Bajram Çekorja është emër i njohur për policinë dhe është ndaluar edhe më herët për ngjarje të tjera kriminale.

Kujtojmë se Ismet Çekorja u ekzekutua me 7 plumba pistolete pranë banesës së tij nga një person, që po lëvizte me motor, i cili mbetet ende i paidentifikuar./albeu.com/

The post Vrasja e Ismet Çekores në Shkodër, lirohet Alban Bruçi: S’ka prova! appeared first on Albeu.com.

Sipas burimeve ata janë shoqëruar që mbrëmë dhe ditën e sotme janë lënë sërish të lirë.

Mes personave të shoqëruar është edhe Alban Bruçi ndaj të cilit më 25 gusht iu bë një atentat por arriti të shpëtojë pa u plagosur.

Pas këtij atentati policia shpalli në kërkim shtetasin Bajram Çekorja si autor i dyshuar, djali i viktimës Ismet Çekorja.

Pas atentatit ndaj Alban Bruçit mësohet se viktima Ismet Çekorja pak ditë përpara se të vritej është takuar me babain e Alban Bruçit ndërsa palët janë sqaruar mes tyre dhe familja Bruçi është bindur se Bajram Çekorja nuk është autori i atentatit ndaj Albanit pasi dy baballarët kishin një lidhje shoqërore të hershme mes tyre.

Përveç familjeve tashmë edhe policia e Shkodrës ka hedhur poshtë dyshimet se vrasja e Ismet Çekores ka lidhje me atentatin ndaj Alban Bruçit dhe një gjë të tillë e vërteton edhe fakti se 25 vjeçari është lënë i lirë sëbashku me babain e tij pasi u morën në pyetje nga efektivët pas vrasjes së Ismet Çekores.

Por për vrasjen e 57-vjeçarit janë duke u hetuar pista të tjera, të cilat mund të kenë çuar në ngjarjen e rëndë.

Njëra prej pistave janë konfliktet e mëhershme të familjes Çakorja.

Kujtojmë se Ismet Çekorja doli nga shtëpia e tij për të blerë disa birra në momentin që ndodhi ngjarja e rëndë.

Gjithashtu mësohet se autorët ishin me skafandra në kokë gjatë momentit që qëlluan me breshëri plumbash, çka e vështirëson edhe më shumë punën e efektivëve të policisë për zbulimin e autorëve./albeu.com/

The post U vra ditën e djeshme në Shkodër, 15 persona në komisariat për eleminimin e Ismet Çakores: Çfarë rezultoi appeared first on Albeu.com.