“E di që ju (vip-at) keni bo shumë pare edhe tash jeni nalt po shumë nalt. Qaq nalt se i mut t’madh jeni se veç në Shqipëri e Kosovë ju njohin. Mos kujtoni se keni kap qiellin me dorë!!! Rasti që ndodhi në Kosovë që u vra një nënë shtatzënë a ju duket pak???? Asnjë reagim s’kemi pa nga ju? A s’ju vjen turp?”, shkruan ai.

The post “Jeni një m*t i madh”, Stresi reagon i revoltuar me VIP-at që nuk thanë asnjë fjalë për vrasjen e gruas shtatzënë: A s’ju vjen turp? appeared first on Albeu.com.

Një familjare e gruas që kishte shoqëruar Hamide Magashin për të dalë dhe për të blerë bukë ka rrëfyer për T7 momentet para se të ndodhte vrasja.

Siç ka thënë ajo për T7, pasi kishin dalë jashtë për t’u nisur drejt vendit ku kishin planifikuar që të blenin bukë, në oborrin e Klinikës së Gjinekologjisë e kanë takuar Sokol Halilin.

Familjarja e gruas qe po e shoqëronte Hamide Magashin ka zbuluar edhe bisedën që kanë pasur mes vete në momentin kur Hamide Magashi e ka vërejtur në oborr ish-burrin e saj.

“Janë dalë të dyja me ble bukë, kanë thanë hajt se po shkojna bashkë deri në Interex. Ai koka ardhë me bisedu me këtë gruan. I ka thanë ajo qe burri jem, ish-burri jem. Ja ka bo po ani fol edhe largohet si në distancë. Si ma knej largohet. Qysh tha kjo ai u përkulë në dy gjunjët edhe kumedit çka i ka thanë edhe i ka mshu” , ka thënë ajo për T7.

The post “Iu ul në gjunjë”, flasin familjarët e gruas që ishte me 35-vjeçaren në momentin kur u përball në oborrin e spitalit me ish-burrin appeared first on Albeu.com.

Hamidja kishte qenë e martuar për rreth tre muaj. Por, 35-vjeçares jeta nuk i ofroi “muaj të mjaltit”, përkundrazi ajo ndryshoi totalisht pas martesës. Ish-burri dyshohet se e ndali nga puna ku punoi rreth 15 vite dhe e izoloi aq shumë saqë e ndjera kishte tentuar edhe vetëvrasjen.

Familja kërkon arrestimin e dorasit dhe burgim të përjetshëm për të.

Gruaja 35-vjeçare kishte për të sjellur në jetë sot fëmijën e saj të parë. Por, pak orë para se të bëhej nënë, ajo u vra nga ish-burri i saj i cili dyshohet se vazhdimisht kishte maltretuar. I dyshuari ndodhet në arrati dhe motrat e viktimës kanë frikë se ai do ta vras edhe motrën e vogël të tyre.

“Ishalla pshtojmë me mend. Motra me hangër dhe 35 vjet shumë e vështirë. Po kqyrim shteti çka bën tash. Mbrëmë s’kena guxu me flejt, policia janë kanë te dera, por nashta na vranë ai edhe motrën e vogël se u mbush në motrën e vogël, se motra e vogël e ka ndalë motrën Hamide në shtëpi. Se ai ka pas qef me mbajtë me dhunë motrën në shtëpi. Motra ka ndejt e martuar 3 muaj”, tha motra e së ndjerës për Gazetën Express.

Burbuqe Magashi deklaron se ish-burri i motrës së saj që u vra mbrëmë, i ka kërcënuar se do t’i gjuajë tri bomba në shtëpinë e tyre në Llugaxhi të Lipjanit.

“Ai u sillë nëpër sokak, edhe ne u frikësojshim se thojke ka me jua gjuajt 3 bomba dhe kom me ja çu shtëpinë nockout. Thojke Shukrinë me burrë kam me mbytë edhe djalin tem”.

“Ish-burri e ndali nga puna Hamide Magashin”

Burbuqe Magashi rrëfeu se motra e saj tashmë e ndjerë Hamidja ka qenë gjithmonë e mavijosur për shkak se ish-burri ka ushtruar dhunë të vazhdueshme ndaj saj. Madje thotë se i njëjti e ka ndalur edhe nga puna dhe të njëjtën e ka mbajtur të izoluar.

“Motra ka punu në komunën e Ferizajt, kur ka qenë e martuar e ka lënë me punu vetëm 1 muaj dhe ka shku u rrokë me ata të komunës dhe e ka ndalë prej punës. Maltretim të madh ka pas. Burri i saj u rrokë me zyrtarë të komunës dhe ja ka ndalë punën….Ka ardhe përmes me qykë të alltisë krejt pleh, këmbët i ka pas krejt vreda. Me krah, me krejt ka qenë pleh….Ajo qaq stres që ka pas 1 muaj s’ka mujt me marrë në kontroll vetën, rrike veç në heshtje. Por e kemi marrë i kemi folë, u përmirësu motra….I ka thanë kur të lindi, fëmijën ta dha. Ai e mbyti motrën dhe evladin e vetë”, rrëfehet Burbuqja për Gazetën Express.

Për shkak të maltretimit, Hamidja kishte tentuar ta mbyste vetën

Burbuqe Magashi rrëfeu se motra e saj e ndjerë kishte tentuar të kërcentë nga kati i dytë i shtëpisë së ish-burrit për shkak të dhunës dhe maltretimeve.

“Kjo u detyru me ra prej katit të dytë me mbytë vetën. Qaq që ka pas maltretim prej krejt familjes së tyre, e izoluar ka qenë, s’e kanë lanë me dalë në oborr. I kanë thënë derisa të lind 1 vit e gjysmë s’ki nevojë me shku te motrat në Llugaxhi… Ka nis me ra nga kati i dytë, qaq maltretim që i kanë bë sepse e kanë izolu. Në banjo kur ka shku, i ka shku prapa vjehrra e saj, e ka kqyrë mos e ka telefonin, mos po fol me neve në telefon”, u shpreh ajo.

Hamidën e vrau ish-burri teksa kishte dalë me një shoqe për të blerë bukë

Motra e Hamidës gjatë bisedës për Gazetën Express tha se 35-vjeçarja u vra kur kishte dalë nga dhoma e spitalit për të blerë bukë.

“Dje në mëngjes më ka thirrë më ka thënë motër nesër hy në operacion, i kam thënë ishalla veç me sukses. Ne kemi folë me të, edhe motra ka folë me të në orën 16:00, i ka thënë mirë jam mos hajdeni sonte por nesër. Na i kemi thanë ani. Kur i kam pa lajmet, kur e kanë qit lajmin që u mbyt 35-vjeçarja nga ish-bashkëshorti. Më ka shku mendja te motra jem dhe e kam ditë që motra jem është ajo. Ajo u shku me ble diçka, ai e ka ruajt dhe e ka zënë. I ka ardhë vjehrra e vetë, motra e vet në spital, pa dijeninë e policisë ja kanë pru teshat e fëmijës aty. Ata s’kanë pas të drejtë hiç me pa atë. E ka ruajt, kjo u kanë brenda më një shoqe kanë dalë me ble bukë, ajo shoqja u kanë e para tu ecë, kjo përmas, atë përmas e ka rrokë me 4-5 plumba mas kokës dhe e ka mbytë me armë shurdhuese”, rrëfehet ajo.

Hamidja i kishte thënë burrit se do t’ia dorëzonte porsa ta sillte në jetë

Tutje, Burbuqja thotë se Hamidja ka qajtë vazhdimisht se e ka ditë që fëmijën ka për t’ia dorëzuar ish-burrit.

“Motrën time Hamide Magashi e ka mbytë bashkëshorti i vet dje në spital. Ka qenë e martuar 3 muaj, ka pas dhunë në familje, jemi shku e kemi marrë krejt motrat. Ka thanë oj motër hajde merrnëm se pom rreh, me revolë po më mëshon në kokë. Ka thanë bëma zgjidhjen, thirrje një djalë të axhës të ma bën zgjidhjen. E kemi thirrë, na ka ba zgjidhjen, u shku e ka marrë e ka pru këtu, u kanë në mes të policisë dhe Entit Social, krejt këto sene i kanë pas policia. E ka mbajtë shtatzaninë te baba, ne kemi 7 motra nuk kemi prindër hiç, axha na ka vdekë. E kemi vetëm një djalë të axhës…Ka shku në spital, jemi shku e kemi kqyrë, pardje e kemi vizitu kemi nejt deri në orën katër, veç ka qajtë, u mërzitke. Thojke po e lindi fëmijën por nuk e shoh më, nuk e qes ne prehër. Na i thojshim hajt motra jonë se s’je vetëm ti, krejtve ju ndodhin këto sende.Kemi nejt me to, e kemi hyp në katin e dytë”, u shpreh ajo.

35-vjeçaren e larguan motrat nga ish-shtëpia e burrit, atë ditë policia ia kishte gjetur një revole atij

Burbuqja, motra e Hamides tha se motrën e larguan nga shtëpia e burrit sepse maltretohej vazhdimisht nga ai.

“E kanë marrë policia prej shtëpisë së babës kur e kemi ndalë motrën sepse është maltretu shumë, ka nejt burri në burg vetëm 24 orë. Jemi detyru me ndalë motrën.Ata janë dalë në serra në rastin e fundit, motra e ka thirrë motrën e vogël i ka thënë hajde merrnëm se se unë du me vdekë, bëma zgjidhjen. Krejt motrat e kemi marrë me djalin e axhës së babës, e kemi sjellë në shtëpi. Atë ditë kur e kanë arrestu policia, ja kanë gjetë revolën në veturë. Motra ka thënë se i kanë thënë vazhdimisht unë të vraj, ka thënë unë i kam pesë veta që Llugaxhinë e rrotullojë. Motra ka thënë nëna e tij e ka shti me ushtru dhunë ndaj saj”, u shpreh ajo.

Motra e Hamides tha se në momentin kur Hamidja ka pranu me u martu me Sokol Halilin “Zoti ia ka marrë mendët”.

“Një shoqe e saj e ka njoftu me këtë djalin. Por ne e kemi pa në fillim, por motrës ja mori Zoti mendët, nuk e di si e mori atë burrin”.

Për dorasin ajo kërkoi burgim të përjetshëm.

Vrasja e gruas 35-vjeçe shtatzënë, dyshohet se ndodhi dje pranë klinikës së Gjinkelogjisë në Prishtinë rreth orës 18:00.

Dorasi ndodhet ende në arrati, ndërsa i njëjti është emër i njohur për organet e rendit.

E ndjera kishte urdhër-mbrojtjeje për 6 muaj, ndërsa i dyshuari kishte aktakuzë për kanosje.

Policia kërkon ndihmë për arrestimin e Sokol Halilit.

The post “S’kemi fjetur gjithë natën”, trondit motra e Hamidesë së ndjerë: Kemi frikë se do na vrasë edhe motrën tjetër appeared first on Albeu.com.

Janë bërë më shumë se 14 orë nga vrasja makabre e Hamide Magashit nga ish-burri i saj, Sokol Halili.

Vrasësi i gruas nga Lipjani vazhdon të jetë ende në arrati pas vrasjes së 35 vjeçares në oborrin e QKUK-së. Indeksonline ka kontaktuar me njërën nga gratë shtatzënë që kishte kontakt me të ndjerën ditëve të fundit.

Ajo në kushte anonimiteti ka thënë se ish-burri i saj, Sokol Halili edhe një natë më parë ka qenë te QKUK-ja dhe e ka ftuar disa herë që të del në oborrin e gjinekologjisë për të kontaktuar me të.

“Më ka treguar që ka qenë e ndarë me burrë dhe ka patur probleme të vazhdueshme edhe gjatë shtatzënisë ngase ai e ka kontaktuar vazhdimisht. Një natë para vrasjes e ka thirr tërë kohën që të dal jashtë në oborr, por që nuk pranonte të dilte. Më tregoi shkurt edhe se çfarë i tha ish-burrit. Më thonte se i shkroi se nuk ka çfarë kërkon nga ajo dhe se fëmija është i saj” ka thënë njëra nga shoqet e repartit të gjinekologjisë në kushte anonimiteti.

“As fjalosje, as piskama” – Dëshmitari rrëfen se si vrasësi gjakftohtë ia mori jetën gruas shtatzëne

Një dëshmitar tjetrër i rastit ka treguar se si ndodhi vrasja e gruas shtatzëne në oborrin e Gjinekologjisë, në QKUK.

Ai tregon se dorasi ka ardhur krejtësisht i qetë dhe ka kryer vrasjes, shkruan Insajderi.

Para se të shkrepte tre plumba mbi viktimë, dëshmitari tregon se mes çiftit nuk u dëgjua asnjë fjalosje apo pikskam.

“Unë prej trafikes e kom pa tu ec në sekondë është afruar ky zotina, qaty ka kërsit alltia, ajo ka ra në tokë ai zotnia ka ikë anë tjetër. Fjalosje nuk ka pas as piskama, shumë thjesht e ka ba”, thotë dëshmitari i rastit.

35 vjeçarja (Hamide Magashi) që u vra sot nga ish-bashkëshorti i saj (Sokol Halili) kishte qenë në muajin e nëntë të shtatzënisë.

Ajo iu kishte thënë infermierëve se po dilte deri te kioskat në oborrin e QKUK’së për të blerë gjëra ushqimore.

Pasi kishte kryer blerjet, ajo ishte ulur për të pushuar pak tek ulëset në oborrin e Gjinekologjisë.

Aty ishte shfaqur ish-bashkëshorti i saj, i cili e vrau me armë zjarri.

Lajmin e ka konfirmuar Policia e Kosovës. Në përgjigjen e tyre nuk bëhet e ditur nëse vrasësi është arrestuar.

“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen  e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht policia në koordinim me prokurorin e  shtetit ka nisur një hetim  dhe  po vijon ndërmarrjen e të gjitha veprimeve hetimore dhe të ekzaminimit, me qëllim  sqarimin e plotë të ngjarjes”, thuhet ne njoftimin e PK-së./Express

The post Një natë para ish-bashkëshorti e thërriste të dilte në oborr, detaje të reja nga vrasja e gruas shtatzënë në Kosovë appeared first on Albeu.com.

Lidhur me këtë rast ka reaguar edhe avokati nga Kosova Besnik Berisha.

Në llogarinë e tij në Facebook, Berisha ka thënë se kjo ditë do të shënojë dënimin e parë në Kosovë me burgim të përjetshëm.

Sipas Berishës, ky dënim mund të mos ekzekutohet vetëm nëse dorasi i jep aktgjykimin vetes akoma pa u dënuar nga gjykata.

“Kjo që ndodhi sonte në oborrin e SHSKUK , ku në rrethana akoma të panjohura ish bashkëshorti privoi nga jeta gruan shtatzënë dhe u zhduk akoma pa gjurme, do shënoi dënimin e parë në Kosovë me burgim të përjetshëm (të konfirmuar në secilën instancë). Ky dënim mund të mos ekzekutohet vetëm nëse dorasi i jep aktgjykimin vetes akoma pa u dënu nga gjykata. Kështu mendoj unë”, shkroi Berisha.

Rastet e dhunës në familje në Kosovë janë rritur në vitet e fundit.

Sipas të dhënave të Policisë së Kosovës, gjatë vitit 2020 në Kosovë janë evidentuar 2.069 raste të dhunës në familje; në vitin 2021 janë evidentuar 2.456 raste.

Kurse, gjatë periudhës janar-shtator 2022, janë regjistruar 2.067 raste të dhunës në familje.

The post Vrasja e gruas shtatzënë në Prishtinë, avokati: Ky do të jetë dënimi i parë i përjetshëm në Kosovë appeared first on Albeu.com.

Këtë e bëri të ditur këshilltarja e Albulena Haxhiut në Ministrinë e Drejtësisë, Nazlie Bala.

E pyetur se a është dashur që e ndjera të ketë qenë e mbrojtur në kohën sa ishte në hapësirat e QKUK-së, Bala tha se nuk i di të gjitha detajet e procedurave të mbrojtjes.

“Sipas informacioneve që i kemi e ndjera ka pasur urdhër-mbrojtje nga Gjykata Themelore në Ferizaj”, ka thënë ajo për Rtv Dukagjini.

Gazeta Express e ka konfirmuar nëpërmjet kryetarit të Lipjanit, Imri Ahmeti se e ndjera ishte Hamide Magashi nga fshati Llugagji i Lipjanit.

Ndërkaq, zëdhënësja e Policisë së Kosovës për rajonin e Prishtinës, Flora Ahmeti për Gazetën Express ka thënë se dyshimet e para sugjerojnë së bëhet fjalë për vrasje.

Familjarët e gruas së ndjerë, kanë thënë se ajo kishte pasur në vazhdimësi probleme me bashkëshortin e saj, i cili dyshohet të jetë ai që i dha fund jetës së saj.

Magashi priste që të lindte nesër në Klinikën e Gjinekologjisë në QKUK.

The post Gruaja shtatzëna që u vra sot, ishte me urdhër mbrojtjeje nga Gjykata e Ferizajt appeared first on Albeu.com.

Viktima

Autori

“Në një vend ku rruga e Zotit lëshohet, askush të mos çuditet më vonë se çka bohet. O Zoti im, kënaqe atë nënë me fëmijën e saj në Xhenet”, ka shkruar këngëtari për ngjarjen e rëndë që ndodhi në oborrin e maternitetit dhe që tronditi gjithë vendin.

Kujtojmë se gruaja shtatzënë pritej të lindte sonte ose nesër, sipas familjarëve të saj. Ajo kishte pak kohë që ishte ndarë nga bashkëshorti, të cilin familjarët e viktimës e përshkruanin si një njeri që jetonte mbante armë në banesë./albeu.com

The post Vrasja e gruas shtatzënë në Prishtinë, reagon Gold AG: Kur dilet nga rruga e Zotit, askush të mos çuditet me çfarë ndodh appeared first on Albeu.com.

Përmes një komunikate për media, RrGK-ja i ka ftuar të gjitha qytetarët që t’i bashkohen nesër kësaj proteste që fillon prej orës 16:00 tek Sheshi Zahir Pajaziti.

Gra dhe vajza, jemi të rrezikuara!

Në gjumë, në përditshmëri, në institucione shëndetësore edhe edukative, hapësira publike  edhe hapësira private, në parqe, rrugë, brenda mureve të shtëpive tona…

Asnjë hapësirë nuk është më e sigurtë për ne!

Në nevojë emergjente për solidarizim me njëra-tjetren dhe njëri-tjetrin, për ngushëllim e

manifestim të dhimbjes sonë kolektive, dhe në nevojë për të shprehur mllefin tonë ndaj

kësaj dhune sistematike, ku gratë vriten nga burrat, vetëm për shkak që janë gra, ju ftojmë të na bashkangjiteni nesër, në protestë, prej orës 16:00 tek Sheshi Zahir Pajaziti,

Prishtinë.

Brenda një jave, dy burra vranë dy gra. Nuk u vranë gratë! Burrat i vranë gratë! I vranë

sepse institucionet i inkurajuan, me dënime të ulëta. I vranë sepse kultura e

pandëshkueshmërisë, e forcon mendësinë patriarkale!

Prandaj, ftojmë të gjithë ata që bashkëndjejnë të na bashkohen nesër në revoltë!

Ja ka me nenshkru Zajednicën/express

The post Vrasja e gruas shtatzënë para derës së spitalit, nesër protestë në Prishtinë appeared first on Albeu.com.