Ai ka thënë se shkak për këtë akt ka qenë se ata nuk i lëshonin shtëpinë, ndërkohë që kur është pyetur se pse nuk u dëgjuan fare zhurma jashtë shtëpie, ai i ka thënë prokurorit se i kishte kryer vrasjet thuajse me armë të puthitura në trupat e viktimave.

Ndërkohë, bëhet me dije se ai nuk ka folur fare në lidhje me vrasjen e dy të miturve, por i ka thënë prokurorit: “Për ata s’dua të flas, e di që për ta nuk ka falje!”.

Për dy fëmijët ka treguar se ua ka zënë frymën me anë të një qese plastmase, ndërkohë djalin e madh, Arlindin, ai e kishte ngarkuar në karrocën e njërit prej mjeteve të tij në momentin kur ka parë që dikush ka hyrë në oborr.

The post Vrasësi mizor grek ka rrëfyer mbi krimin makabër: “Për ata s’dua të flas, e di që për ta nuk ka falje!” appeared first on Albeu.com.

Por si ndodhi ngjarja?

4 anëtarët e familjes shqiptare janë gjetur të vdekur nga fëmija i madh i familjes. Ai ka dalë në rrugë me vëllain e vogël të vrarë në krahë duke kërkuar ndihmë. Nga hetimet e para, dyshimet ishin se babai kishte “shuar” familjen  e tij dhe më pas veten, por më vonë, ky skenar u rrëzua pasi  trupat e dy bashkëshortëve janë gjetur në oborr dhe pranë tyre nuk është gjetur asnjë armë. Kjo tregoi se katër anëtarët e familjes, ishin viktima të një vrasjeje nga një person tjetër dhe dyshime ishin se autor mund të kishte ish-bashkëshorti i 28-vjeçares Maria. Edhe ky skenar ra poshtë pasi nga hetimet rezultoi se ata i kishte masakruar pronari i shtëpisë ku banonin.

Motivi i vrasjes dhe tentativa e zhdukjes së kufomave

Policia greke ka nisur hetimit për motivet dhe rrethanat për krimin e rëndë të ndodhur në Andravidë.

Krimi duket se është i paramenduar pasi autori 61 vjeçar kishte menduar të zhdukte gjurmët e familjes së vrarë, ndaj kishte nisur të ngarkonte kufomat në rimorkio për t’i transportuar. Por duket se nuk ka arritur që ta kryejë planin e tij të sëmurë, pasi diçka e ka trembur. Foshnja u gjet e pajetë në krevat fëmijësh.

Sipas informacioneve, familja shqiptare nuk i kishte paguar qiranë 61 vjeçarit grek. Gjurmët e 61 vjeçarit  kishin humbur në mënyrë misterioze që prej pasdites së mërkurës, kur u zbulua tragjedia. Pas një aksioni të koordinuar të policisë greke, autori i shpallur në kërkim është arrestuar në Patra.

Sipas medias greke patraneës policia me anë të një aksioni jashtë banesës së 61-vjeçarit në Andravidë kishte vënë re qarkullimin e tij pranë kësaj zone. Siç rezultoi më vonë 61-vjeçari kishte kaluar pranë shtëpisë së tij dhe më pas ishte larguar. Pak pas mesnatës së premtes, ai u gjet duke ecur në rrugën Perimetrike të Patrës në lartësinë e stadiumit Pampeloponnisia ku ishte vendosur një bllokadë, ku policia e ndaloi dhe më pas e arrestoi pa asnjë rezistencë.

Dëshmia e autorit

Autori i krimit makabër ka rrëfyer se si masakroi familjen shqiptare për qiranë e banesës. Ai ka thënë se si vrau fillimisht Klodianin dhe bashkëshorten e tij dhe më pas dy fëmijët e çiftit.

Ai i tha policisë se familja shqiptare nuk i kishte dhënë qiranë, por mediat greke raportojnë se ai donte ta nxirrte familjen shqiptare nga shtëpia e tij pasi kishte gjetur qiraxhinj të tjerë me një çmim më të lartë.

Vrau prindërit, mbyti dy fëmijët

Mjekësia ligjore ka zbuluar edhe shkakun e vdekjes së katër pjesëtareve të familjes shqiptare.  Shefja e shërbimit mjeko-ligjor të Patrës, Angeliki Tsiola, “ trupi i babait 32-vjeçar dhe trupi i nënës 37-vjeçare kishin lëndime në kokë nga një goditje nga afër me armë zjarri”

Lidhur me dy fëmijët, përkatësisht tre dhe dy vjeç, Tsiola tha se “shkaku i vdekjes së të dyve është asfiksia nga bllokimi i rrugëve të frymëmarrjes”./albeu.com

The post DINAMIKA/ Vrau 4 anëtarë të familjes shqiptare, dëshmia e autorit, motivi i ngjarjes dhe tentativa e fshehjes së kufomave appeared first on Albeu.com.