Kanë dalë gjithashtu edhe pamjet e motoçikletës që braktisën autorët që ekzekutuan ditën e hënë Skaftourou-n.

Sipas “ERT”, motori ishte vjedhur nga një magazinë në vitin 2019, në zonën e Aspro Pirgou, ndërsa tashmë do t’i nënshtrohet kontrolleve me shpresë për gjetjen e gjurmëve të ADN-së, së bashku me makinën që u vodh ditën e ngjarjes.

Ndërkohë, është zbardhur edhe dëshmia e pronarit të makinës, i cili është edhe i afërm i viktimës, teksa para oficerëve të policisë ka përshkruar autorët të cilën e kanë kërcënuar me armë dhe e kanë zbritur nga mjeti duke ia marrë atë.

Ai thotë se flisnin “copë-copë” greqisht dhe se kjo e ka bërë të dyshojë se mund të jenë shqiptarë.

“Më kërcënuan me kallashnikov dhe më kërkuan të zbrisja nga makina. Flisnin ‘copë-copë’ greqisht dhe me shumë mundësi ishin shqiptarë. Kishin veshur rroba të zeza, kapuç, syze dielli dhe ishin me gjatësi mesatare”, ka dëshmuar ai.

Hetuesit tashmë janë duke gjurmuar numrat e telefonave për të rënë në gjurmët e autorëve.

Kujtojmë se 55-vjeçari grek u ekzekutua në komunën Dervenochoria, në sy të familjes së tij, ku kishte shkuar për të festuar Pashkët.

Thuhet se autorët kanë qenë 4 persona, ndërsa dy prej tyre, kanë zbritur nga motoçikleta dhe më pas kanë hyrë në oborrin e banesës ku ndodhej objektivi i tyre dhe kanë qëlluar në drejtim të tij me kallashnikov.

Nga të shtënat u plagos edhe vajza e tij 22-vjeçare dhe vjehrri i tij, të cilët u transportuan në spital.

The post “Flisnin ‘copë-copë’ greqisht, ka mundësi ishin shqiptarë”, dëshmitari përshkruan autorët e vrasjes së mafiozit Skaftourou: Si më kërcënuan me kallashnikov (VIDEO) appeared first on Albeu.com.

Dy ekzekutorët e Skaftourou, janë kapur nga kamerat e sigurisë duke u larguar me një motor pas atentatit.

Sipas burimeve nga mediat greke, këta persona kanë hapur zjarr në oborrin e shtëpisë së Skaftouros dhe për pasojë ai ka humbur jetën. Nga plumbat kanë mbetur të plagosur edhe vajza e tij me vjehrrin.

Autorët më pas e kanë braktisur motoçikletën me të cilën u arratisën, shkruan protothema,gr.

Ajo rezulton të jetë e vjedhur në vitin 2019 në zonën e Aspropirgos dhe është një motor 1200 metër kub.

Sipas një dëshmitari i cili ka parë të gjithë ngjarjen autorët e vrasjes flisnin rrjedhshëm greqisht, ishin me gjatësi mesatare, mbanin rroba të zeza dhe helmeta të zeza, ndërsa brenda helmetave mbanin të veshur kapuçë për të mos treguar tiparet e fytyrës së tyre.

Giannis Skaftourou kishte frikë për një atentat të mundshëm prandaj ai kishte punësuar truproja dhe lëvizte shumë pak.

Analistët e sigurisë po përpiqen ta deshifrojnë për të zgjidhur enigmën e vrasjes së tij.

Policia është në kërkim të të gjitha çështjeve pezull që ka pasur Giannis Skaftouros vitet e fundit pas lirimit, në mënyrë që përmes detajeve të gjejnë fundin e fillit dhe të arrijnë tek vrasësit e tij.

Hetimet

Në të njëjtën kohë, me anë të dëshmive dhe kamerave, autoritetet po përpiqen të zbulojnë rrugën që kanë ndjekur vrasësit, të cilët u punësuan për të ekzekutuar Giannis Skaftouros në ditën e dytë të Pashkëve.

Në fakt, informacione absolutisht të vlefshme thonë se autorët kanë vëzhguar nga afër për 3-4 ditë të gjitha lëvizjet e 55-vjeçarit përpara se të kalonin në fazën përfundimtare të planit të përgjakshëm./albeu.com/

The post Ekzekutimi i bosit të mafies greke, si kanë rënë autorët “pre” e kamerave të sigurisë (VIDEO) appeared first on Albeu.com.