Po ashtu, kanë vëzhguar edhe lëvizjet e biznesmenit ku ka edhe banesën. Hetuesit kanë dyshime se 52-vjeçari, është qëlluar nga distanca me pushkë gjysmë automatike e pajisur me dylbi.

Nga ekspertiza paraprake, dyshohet se është qëlluar nga lart poshtë.

Policia po heton si pistë që mund të jetë qëlluar në distancë, ku autori mund të ketë qenë vendosur në taracë për të qëndruar në mënyrë statike, po ashtu qëndrimi në tarracë e bën të vështirë fiksimin nga kamerat e sigurisë.

The post Zbardhen detaje nga vrasja e biznesmenit Eduart Reçi/ Policia në “skaner” kamerat e sigurisë, dyshohet se autorët… appeared first on Albeu.com.

Ruben Saraiva me kombësi portugeze dyshohet se është ekzekutori, ndërsa vrasja është urdhëruar dhe planifikuar nga Edmon Haxhia, me kombësi shqiptare.

Ishin pamjet e kamerave të sigurisë ato që bindën hetuesit për lidhjen mes 6 personave të shpallur në kërkim dhe përfshirjen e tyre në vrasjen e biznesmenit.

Albeu.com ka siguruar një video të administruar nga grupi hetimor ku janë fiksuar lëvizjet e autorëve para ekzekutimit të biznesmenit më 19 Prill.

Aty shfaqen 4 shtetasit britanikë, që në këtë ngjarje kishin rolin e vëzhguesit mes të cilëve dhe një vajza që shihni në foto.

Personat shfaqen duke hyrë në hotel ‘Coral’, në pronësi të viktimës nën shoqërinë e shtetases angleze, Harriet Bridgeman.

Duke u prezantuar si turistë, lokalin e viktimës e frekuentonin shpeshherë edhe britanikët e tjerë, të cilëve u ishte ngarkuar detyra për të vëzhguar lëvizjet e biznesmenit 51-vjeçar.

Ndërsa këto janë pamjet kur britaniku Harry Simson, hyn në restorant Coral. Fillimisht ai komunikon me një nga personat e punësuar dhe më pas ulet në një prej tavolinave. Siç shihet në këtë video, në dorë ai ka telefonin me të cilin komunikon dhe që sipas grupit hetimor raporton për lëvizjet në brendësi të lokal.

Çdo informacion i përftuar nga 4 vëzhguesit britanikë, hetuesit dyshojnë se i përcillej vrasësit portugez, Ruben Saraiva. Ky i fundit ndonëse është kujdesur për të mos u ekspozuar në kamerat e sigurisë i pamaskuar, policia dhe prokuroria ka përftuar pamje të tij vizive para vrasjes.

Tv Klan ka siguruar edhe këto foto të marra nga disa kamera sigurie ku shihet vrasësi portugez teksa lëviz me një makinë tip ‘Golf’ së bashku me Edmond Haxhian.

Ky automjet rezultoi i marrë me qira disa javë para ekzekutimit të Ardian Nikulajt nga Edmond Haxhia, i cili rezulton djali i dajës së personave me të cilët viktima ishte në hasmëri prej më shumë se 20 vitesh (fisi Lekstakaj).

Pamjet e përftuara, makinat e sekuestruara, motori dhe veshjet e përdorura nga autori sipas policisë dhe prokurorisë kanë provuar dhe dokumentuar se të gjithë mekanizmin e vrasjes së biznesmenit 51 vjeçar, në lokalin e tij në Shëngjin mesditën e 19 Prillit./Albeu.com/

The post Pamjet që “fundosën” vrasësit e Nikulajt, lëvizjet e informatorëve brenda hotelit të biznesmenit (VIDEO) appeared first on Albeu.com.

Ky i fundit ishte kthyer tre muaj më parë nga Anglia dhe kishte porositurë të gjithë planin. Mësohet se Haxhia është kushëri i Lekstakajve, konkretisht djali i dajës së Elton Lekstakaj, fisi në konflikt me Nikulajt që prej 1996.

Policia e Shtetit përmes një deklarate për media pasditen e sotme bëri me dije se ka identifikuar 6 personat e përfshirë në ngjarje dhe i ka shpallur në kërkim.

Bëhet fjalë për shtetasit  Edmond Haxhia, Ruben Saraiva, Harry Simson, Thomas Mithan, Steven Hunt dhe Harriet Bridgeman.

Ndërkohe autori i vrasjes dyshohet se është portugezi Ruben Saraiva.

Katër personat e tjerë të shpallur në kërkim janë me kombësi britanike.

Grupi hetimor po bashkëpunon me partnerët dhe strukturat ligjzbatuese ndërkombëtare, për kapjen e autorëve të kësaj ngjarjeje të rëndë kriminale, të cilët janë larguar nga territori i Republikës së Shqipërisë, pas kryerjes së krimit./Albeu.com/

The post FOTO/ Ishte kthyer nga Anglia, Edmond Haxhia porositi dhe financoi vrasjen e biznesmenit Nikulaj appeared first on Albeu.com.

Policia e Shtetit doli në një deklaratë zyrtare për mediet lidhur me ngjarjen e rëndë të ndodhur më 19 prill në Shëngjin.

Rrumbullaku bëri me dije se kanë qenë 6 persona të përfshirë në këtë ngjarje, 5 të huaj dhe një shqiptar.

Sipas policisë bëhet fjalë për shtetasit Edmond Haxhia, Ruben Saraiva, Harry Simson, Thomas Mithan, Steven Hunt dhe Harriet Bridgeman.

Ndërkohe autori i vrasjes dyshohet se është portugezi Ruben Saraiva.

Dyshohet se shtetasi shqiptar, Edmond Haxhia, është edhe porositësi i vrasjes. Ai po hetohet si organizator, porositës dhe financues i krimit.

Edmond Haxhia është djali i dajës së Elton Lekstakajt. Fisi Lekstakajt kishte një konflikt me Nikulajn që prej 97-ës.

Deklarata e plotë e Muhamet Rrumbullakut, Drejtori i Përgjithshëm i Policisë së Shtetit:

Jemi sot këtu, për të komunikuar veprimet hetimore për zbardhjen e ngjarjes së rëndë kriminale, të ndodhur në qarkun e Lezhës.

Ashtu siç ju kemi bërë me dije, në Shëngjin, më datë 19.04.2023, rreth orës 13:25, në ambientet e lokal “Coral”, është vrarë me armë zjarri, shtetasi Ardian Nikulaj, 51 vjeç, banues në Shëngjin, Lezhë.

Mënjëherë pas ngjarjes së ndodhur, u ngrit një grup i posaçëm hetimor, i përbërë nga strukturat vendore dhe qendrore të Policisë së Shtetit, në drejtimin e Prokurorisë pranë Gjykatës së Rrethit Gjyqësor Lezhë, me qëllim dokumentimin dhe zbardhjen e autorësisë dhe kryerjen së veprimeve procedurale për dokumentimin e plotë ligjor të kësaj ngjarjeje.

Policia e Shtetit e vlerësoi maksimalisht këtë ngjarje, për zbardhjen e së cilës grupi hetimor ka këqyrur, vlerësuar dhe sekuestruar në cilësinë e provës materiale, një sërë provash të vlefshme që shërbyen për dokumentimin e ngjarjes.

Gjatë këqyrjes së vendit të ngjarjes u gjetën dhe u sekuestruan në cilësinë e provës materiale:

• Gëzhoja arme zjarri model 54, kalibër 7.62 mm;
• Një predhë model 54, kalibër 7.62 mm;
• Letërnjoftim;
• Celular i markës “iPhone”, dhe disa prova të tjera biologjike dhe filmike

Njëkohësisht, grupi hetimor ka vijuar me veprime të shpejta procedurale si: marrje të deklarimeve, këqyrje dhe sekuestrim pamjesh filmike në vendin e ngjarjes, këqyrje të itinerarit të përshkruar nga autorët e dyshuar që lidhen me kohën dhe vendin para dhe pas kryerjes së ngjarjes së rëndë kriminale.

Si rezultat i hetimeve janë dokumentuar veprimet e autorëve të dyshuar, nga momenti i organizimit, deri në momentin e vrasjes së 51-vjeçarit Ardian Nikulaj si dhe e gjithë dinamika dhe itineraret e përshkruara nga ekzekutori dhe të gjithë shtetasit e tjerë të përfshirë si organizatorë dhe bashkëpunëtorë në kryerjen e kësaj ngjarjeje.

Nga veprimet procedurale të kryera për këtë ngjarje janë siguruar prova shkencore biologjike të pakundërshtueshme që i përkasin autorëve të kësaj ngjarjeje të rëndë kriminale.

Përsa i përket automjeteve të përdorura për kryerjen e krimit nga autorët e dyshuar është dokumentuar përdorimi i tyre nga personat e dyshuar për një periudhë kohore për realizimin e vrasjes.

Në përfundim të këtyre veprimeve paraprake, nga provat shkencore të siguruara, deklarimet dhe sekuestrimet në cilësinë e provës materiale të sipërpërmendura, nga Prokuroia pranë Gjykatës së Shkallës së Parë Lezhë dhe Gjykata e Shkallës së Parë Lezhë janë caktuar masat e sigurisë për 6 shtetas, si autorë të dyshuar të vrasjes së 51-vjeçarit, dhe konkretisht:

1.E. H., shtetas me shtetësi shqiptare dhe britanike,
2. R. R. S., shtetas portugez,
3. H. J. S., shtetas britanik,
4. H. B., shtetase britanike,
5. TH. M., shtetas britanik,
6. S. P. H, shtetas britanik,

Grupi hetimor vijon punën hetimore dhe procedurale për dokumentimin e plotë të organizimit dhe financimit, për ekzekutimin kriminal të shtetasit Ardian Nikulaj.

Gjithashtu grupi hetimor po bashkëpunon me partnerët dhe strukturat ligjzbatuese ndërkombëtare, për kapjen e autorëve të kësaj ngjarjeje të rëndë kriminale, të cilët janë larguar nga territori i Republikës së Shqipërisë, pas kryerjes së krimit.

Mbi bazën e materialeve të referuara nga shërbimet e Policisë Gjyqësore të Drejtorisë Vendore të Policisë Lezhë, Prokuroria pranë Gjykatës së Shkallës së Parë Lezhë ka regjistruar procedimin penal nr. 205, viti 2023 për veprën penale “Vrasja me paramendim”, kryer në formën e grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal” dhe “Mbajtja pa leje dhe prodhimi i armëve, armëve shpërthyese dhe municionit luftarak”.

Më lejoni që në cilësinë e Drejtorit të Përgjithshëm të Policisë së Shtetit, e ndiej detyrim dhe nevojë të sqaroj opinonin publik dhe juve të nderuar gazetarë, në lidhje me reagimin dhe angazhimin e strukturave të Policisë së Shtetit, jo vetëm në rastet e ngjarjeve kriminale, por në tërësinë e punës së tyre, sepse pavarësisht opinioneve, deklaratave mediatike, ju siguroj juve dhe qytetarët, se Policia e Shtetit ka reaguar dhe është angazhuar maksimalisht, dhe vijon me angazhimin maksimal për parandalimin e ngjarjeve kriminale, ndjekjen me grupe të posaçme hetimore, me qëllim zbardhjen e ngjarjeve të ndodhura, për krijimin e një ambienti sa më të sigurtë për qytetarët vendas dhe ata të huaj që vizitojnë vendin tonë.

Policia e Shtetit flet me prova për ngjarje të caktuara dhe me rezultatet që strukturat e saj arrijnë në punën e përditshme, jo me opinione. Në këtë kuadër kërkohet rritja e ndërgjegjësimit dhe e bashkëpunimit të qytetarëve, rritja edhe më shumë e besimit të tyre te Policia e Shtetit, me qëllim që të raportojnë në kohë për çdo paligjshmëri me të cilën përballen, pasi denoncimi në kohë, i jep mundësi Policisë të veprojë menjëherë dhe drejt objektivit.

Njëkohësisht, dua të siguroj qytetarët, se asnjë nga drejtuesit e Policisë së Shtetit nuk është i implikuar në veprimtari që bien ndesh me ligjin dhe me detyrën.

Punonjësit e Policisë janë në krye të detyrës, me përgjegjësi ligjore dhe morale përballë qytetarëve, për të përmbushur sa më mirë këtë mision të shenjtë në shërbim të tyre.

Të nderuar qytetarë, na besoni dhe bashkëpunoni edhe më shumë me ne, dhe pa diskutim që do kemi parametra më të mirë të rendit dhe sigurisë, si dhe një shërbim edhe më cilësor ndaj jush.

The post Vrasësi portugez, zbulohen emrat e personave të përfshirë në ekzekutimin e biznesmenit Nikulaj appeared first on Albeu.com.

Policia e Lezhës, pas gjetjes së makinës “Land Rover” shoqëroi në polici dy shtetas të huaj, një burrë dhe një grua.

Pas marrjes në pyetje, policia ka përjashtuar mundësinë që ata mund të jenë bashkëpunëtorë.

“Kemi ardhur në Shqipëri për turizëm. Kemi marrë një shtëpi me qira në fshatin Kukël. Nuk kemi lidhje me ngjarjen”, kanë thënë ata.

Pas marrjes në pyetje, dy të huajt janë lënë të lirë.

Sipas policisë, makina “Land Rover” transportoi motorin e vrasësit, pasi ky i fundit u largua nga vend ii ngjarjes.

Ndërkohë, pamjet e kamerave të sigurisë tregojnë se vrasësi i biznesmenit Ardian Nikulaj në Shëngjin ka qenë i vendosur për të kryer ekzekutimin në momentin më të përshtatshëm të cilin e ka pritur disa ditë.

Pamjet e marra në pedonalen e Shëngjinit kanë fiksuar autorin me të njëjtin mjet dhe me të njëjtën veshje edhe në datat 17 dhe 18 prill. Ai ka qëndruar pa lëvizur për orë të tëra para lokalit “Coral” në pritje të momentit kur objektivi i tij do të ishte vetëm. Momenti i përshtatshëm u krijua rreth orës 13.30 të datës 19 prill kur Ardian Nikulaj u ul në një tavolinë vetëm.

Burri i veshur me një jelek fosforishent si të policisë, apo si një “postier i vdekjes” me kasketë në kokë hyri në lokal. Brenda pak sekondash, nxori armën dhe qëlloi pa mëshirë, fillimisht pak hapa larg shenjestrës dhe më pas afrohet për t’u siguruar që e kreu porosinë./Albeu.com/

The post Hetimet për vrasjen e Nikulajt kthehen në pikën zero, lirohen turistët, “postieri i vdekjes” ende mister appeared first on Albeu.com.

Për vrasjen e tij akuzohen babë e bir.

Të akuzuarit, që tashmë qëndrojnë pas hekurave, hotelieri 53-vjeçar dhe djali i tij 20-vjeçar kanë pranuar krimin dhe kanë rrëfyer krimin e rëndë. Ata deklaruan para togave të zeza se vrasja ishte aksidentale.

53-vjeçari pohoi se kishte punuar disa herë me shqiptarin, që merrej me ndërtim. Ndër të tjera ai tha se njëra nga vajzat e tij është shoqe klase me vajzën e 46-vjeçarit dhe ai e kishte marrë disa herë nga shkolla. Ndërsa siç deklaroi ai, janë ulur disa herë për të ngrënë së bashku.

Greku pohoi se në vitin 2019, Xhani Topalli kishte riparuar dhomat e hotelit të tij për të cilat duhej të merrte 100 mijë euro, ndërsa i kishte dhënë paradhënie vetëm 25 mijë euro. Për shkak të pandemisë që preku edhe industrinë e turizmit, në vitet 2020 dhe 2021, autori tha se puna nuk eci mirë dhe nuk mundi ta shlyente plotësisht.

Ai pretendoi se përveç shumës që i kishte borxh, kishte paguar edhe interesin. Autori i dyshuar tha se ditën e 28 gushtit të këtij viti viktima e ka telefonuar me qëllim që të firmosin deklaratat për projektin dhe të marrte para si paradhënie pasi ta nënshkruanin. Shqiptari i kërkoi të takoheshin, por për shkak se e kuptoi se ishte i dehur e shmangu dhe i kërkoi që të takoheshin të nesërmen.

I pandehuri ka pohuar se kur 46-vjeçari konsumonte alkool, bëhej nervoz, agresiv, shante dhe kërcënonte.

Sipas tij, viktima ka vazhduar t’i telefonojë dhe në një moment teksa ka qenë në panair i është përgjigjur telefonatës dhe për shkak se ishte nën efektin e alkoolit është treguar agresiv duke e sharë dhe kërcënuar.

Sipas tij shqiptari ishte i tërbuar, shumë i dehur, fikte e ndizte dritat e makinës, i binte borisë, bërtiste dhe shante. Ai la gruan dhe vajzat e tij në panair dhe nxitoi drejt biznesit. Me të mbërritur, ai është nisur drejt lokalit ku po priste 46-vjeçari dhe, siç e ka përshkruar ai, ka nisur ta shajë dhe kërcënojë. Autori pretendoi se tentoi ta qetësojë, por viktima u bë edhe më agresiv.

“Kapi djalin nga fyti. Im bir u përpoq t’ia largonte duart, por ai e goditi në fytyrë dhe më pas e goditi me grusht në brinjë”, deklaroi ai. 53-vjeçari pohon se kanë dalë në parking për t’u sqaruar dhe mes tyre ka pasur një sherr jashtë recepsionit përballë dhomave dhe kanë përfunduar në koshat e plehrave. Ndonëse i biri ka tentuar t’i ndajë, siç tregon autori, ky i fundit ka nisur të përleshet me shqiptarin, duke e goditur me grusht në kokë. Makina e tij ishte parkuar aty dhe në karrocë kishte një litar. Ai tregon se instinktivisht e mori, e kapi dhe ndërsa shqiptari ishte i trullosur, ia vendosi në qafë për ta neutralizuar.

Duke vijuar rrëfimin, në një moment ka ndjerë se viktima nuk po bënte më rezistencë, ndaj ka liruar litarin dhe 46-vjeçari ka rënë përtokë, me sa duket i ka rënë të fikët. Ai pretendoi se viktima ishte goditur me gurë në kokë gjatë rënies dhe pasi kishte parë se ai nuk kishte puls, kishte njoftuar të birin për vdekjen e shqiptarit.

Mes të tjerash ai tha se trupin e shqiptarit e kishte tërhequr zvarrë mes koshave të mbeturinave.

The post Vrasja e shqiptarit në Rodos, “zbërthehet” autori: Trupin e fsheha te koshat e plehrave, pse ia vura litarin në fyt appeared first on Albeu.com.

Sipas “Dimokratiki.gr”, hotelieri 53-vjeçar që i mori jetën duke mbytur me litar dhe më pas u ndihmua nga i biri për të fshehur trupin ka rrëfyer përplasjet që ka patur me babain e 3 fëmijëve, i cili ishte i angazhuar në sektorin e ndërtimit.

Kështu, rezulton se 53-vjeçari është takuar me kontraktorin për herë të parë në vitin 2014, kur ata nisën një partneritet.

Në vitin 2019, 46-vjeçari ka marrë përsipër rinovimin e hotelit të vrasësit të tij, por pas punimeve pronari i hotelit që i mori jetën, i ngeli biznesmenit shqiptar një borxh prej rreth 75 mijë euro.

Mbrëmjen e së dielës, viktima ka shkuar në hotelin e 53-vjeçarit, i cili dyshohet se ka qenë i dehur dhe agresiv. Më tej, autori pretendon se 46-vjeçari po i bënte presion për paratë që ai ia ka patur borxh dhe se kishte shkuar shumë herë të tjera në hotel nën efektin e alkoolit, duke i shkaktuar shqetësim.

Të dielën mbrëma, kontraktori, siç pretendon autori, ka shkuar në hotel nën efektin e alkoolit dhe ka filluar të abuzojë me të dhe më pas ka sulmuar djalin e tij. Më pas, sipas gjithçkaje që pretendon autori, ka dalë përpara, për të mbrojtur djalin e tij nga goditjet e kontraktorit dhe ka nisur sherri mes tyre.

Më pas, i shtyrë nga instinktet e tij siç pretendon ai ka kapur një litar të cilin ia ka mbledhur dhe më pas shtrënguar viktimës rreth qafës për ta ndaluar dhe e ka hedhur poshtë, ndërsa në këtë moment duket se ka ndodhur edhe vdekja e Topallit.

Më pas së bashku me të birin e kanë zhveshur, i kanë hedhur rrobat dhe trupin e kanë çuar në rrugën e shkretë ku është gjetur nga policia.

The post Vrasja e biznesmenit shqiptar në Greqi, “zbërthehet” autori: E mbyta me litar, e zhveshëm dhe… ja pse e “hoqa qafe” appeared first on Albeu.com.

Ngjarja ndodhi në Athinë, ku mbeti i pajetë Marius Dhiamandi dhe u plagos kushëriri i tij, Juxhin Bajrami.

Në pamje duket momenti kur Dhiamandit i afrohet një automjet te këmbët.

Nga xhami i pasëm një person i paidentifikuar qëllon me armë zjarri silenciator. Shqiptari bie në tokë dhe humb jetën në vend nga plumbat e marra. Viktima është djali i një ish-oficeri nga Delvina dhe është larguar nga vendlindja që në moshën 7-vjeçare. Sipas policisë greke, Dhiamandi ishte arrestuar në 2013 për një vrasje që kishte ndodhur tre vite më herët, por kishte marrë pafajësi. Konkretisht ai u arrestua për vrasjen e një shqiptari në 14 shkurt të 2010. Vrasja e 30-vjeçarit shqiptar asokohe ndodhi rrugën “Fokionos Negri” në Kipseli.

Kujtojmë se ngjarja ndodhi mbrëmjen e djeshme dhe dyshohet se vrasësit janë dy shtetas shqiptarë./albeu.com/

The post U vra mbrëmë në Athinë, dalin pamjet e rënda të ekzekutimit të shqiptarit (VIDEO) appeared first on Albeu.com.