Sipas këtyre burimeve, mësohet se gjatë marrjes në pyetje ekspertë të policisë, Mariglen Muhametaj është shprehur se shkak ka qenë një zënkë e çastit më të atin.

I ati, i ndjeri Qemal Muhametaj, i ka thënë të birit të gjejë punë dhe të mos rrijë kot.

“Gjej punë, mos rri kot. Unë nuk kam me çfarë të ushqej”, mësohet t’i ketë thënë ai, raporton abcnews.al.

Mësohet se në debat e sipër midis babait dhe djalit, Mariglen fillimisht e ka shtyrë me duar me forcë të atin, i cili ka rënë përtokë.

Gjithashtu mësohet se autori nuk është mjaftuar me kaq, por ka marrë një pllakë betoni dhe e ka goditur dy herë në kokë, duke i marrë jetën në vend.

Kujtojmë se Marigleni nuk ka shfaqur pendesë për ngjarjen e rëndë, teksa ndodhej para efektivëve të policisë./albeu.com/

The post Vrau të atin në Mallakastër, zbardhet dëshmia e djalit: Babai më tha gjej punë, unë e “hoqa qafe” appeared first on Albeu.com.

28-vjeçari Ajet Lleshi, i ka treguar gjykatës se e kishte blerë thikën në kryeqytet pasi kishte ardhur nga Klosi me qëllim për të lënduar të ëmën.

Por ajo çfarë u kuptua nga dëshmitë e lexuara para gjykatës, është se i riu prej vitesh jetonte në një ambient ku nxitej për kryerjen e krimit të rëndë, për të cilin duket se nuk është penduar.

Nëna e tij, Safije Lleshi disa vite më parë ka vrarë burrin, siç rezulton nga dëshmitë për shkak të dhunës që ai ushtronte, krim për të cilin ka vuajtur dënimin.

Motra e të riut i ka thënë hetuesve se i vëllai ka qenë gjithmonë i dhunshëm, teksa shton se pasi nëna ka dalë nga burgu, ku vuajti dënimin për vrasjen e të atit, njerëzit e këtij të fundit i kanë thënë se duhet ta vriste.

“Unë kur isha e vogël kam dëgjuar nënën time nga ana e babait dhe xhaxhain që i flisnin keq vëllait tim për mamanë dhe herë pas herë thonin se duhet ta vriste atë. Unë jam shkëputur nga vëllai dhe mamaja përpara shumë kohësh dhe nuk di çfarë është bërë”.

Vetë Safije Lleshi ka treguar për hetuesit që sapo e ka parë djalin t’i afrohet, e ka pyetur nëse i duheshin Lekë, por ai nuk i ka folur e ka goditur dhe është larguar.

The post ÇUDIA/ Plagosi nënën si hakmarrje për vrasjen e babait appeared first on Albeu.com.