Përmes një postimi në rrjetin social Facebook, Çuçi thekson se operacioni është një dëshmi e profesionalizmit dhe forcës goditëse pa asnjë kompromis të Policisë së Shtetit.

Por nga ana tjetër ministri Çuçi nuk reagoi për 7-vjeçaren e vrarë me gomone në Himarë, nga polici Arjan Tase.

Raportimet e mediave treguan se Arjan Tase kishte lidhje me trafikantët dhe se skafin e kishte në pronësi të tij edhe pse mjeti lundrues ishte regjistruar në një emër tjetër.

Pavarësisht ngjarjes së rëndë dhe fakteve të forta kundër Policisë së Shtetit, nuk pati asnjë reagim nga Çuçi./albeu.com/

The post “Kyçi” gojën për 7-vjeçaren e bluar me skaf nga polici, ministri Çuçi: Sot kapëm 1 ton “mall” appeared first on Albeu.com.

Ndërkohë mjetet lundruese vijojnë të mos respektojnë zonën e kufizuar.

Policia e Vlorës, ditën e djeshme ka bllokuar 3 mjete lundruese, 1 gomone dhe 2 “Jet Ski.”

Pronari i njërit prej mjeteve lundruese, i cili nuk ka respektuar zonën e kufizuar për mjetet lundruese, po në Potam të Himarës ku ndodhi tragjedia është ndëshkuar me masë administrative 100.000 lekë.

“Shërbimet e DVKM Vlorë, në bashkëpunim me shërbimet e DVP Vlorë, në vijim të kontrolleve të mjeteve lundruese, duke marrë shkas dhe nga pamjet filmike të publikuara ditën e djeshme, në rrjetet sociale, në të cilat shfaqej një mjet lundrues tip gomone, me të cilin po transportoheshin pasagjerë, në një zonë të kufizuar për mjetet lundruese, në plazhin e Potamit, Himarë, kanë bërë të mundur lokalizimin e tij. Pas lokalizimit të mjetit lundrues tip gomone, në bazë të ligjit nr.43/2020 datë 23.04.2020, neni 6, u ndëshkua me masë administrative 100.000 lekë të rinj, pronari i mjetit lundrues, shtetasi V. P., 50 vjeç dhe u bë bllokimi i këtij mjeti, në portin e Himarës”, informuan blutë e Vlorës.

Gjithashtu, në vijim të kontrollove, në Himarë, u bë bllokimi dhe i 2 mjeteve të tjera lundruese “Jet ski”, në pronësi të shtetasit F. B., me qëllim kontrollin për dokumentacion, si dhe për verifikim nga Seksioni i Trafiqeve në DVP Vlorë.

Pas ngjarjes tragjike të ndodhur më 2 gusht, policia ka filluar një aksion në gjtihë bregdetin shqiptar duke bllokuar gjithë mjetet lundruese me shkelje, pa dokumentacion por edhe ato që janë shqetësim për pushuesit.

Por edhe pse u kujtua vetëm pas tragjedisë së Himarës, me sa duket masat dhe paralajmërimet nuk kanë qenë efektive.

The post Tragjedia e Himarës nuk mjaftoi, mjetet lundruese nuk respektojnë zonën e kufizuar në Potam të Himarës appeared first on Albeu.com.

Siç duket në dokumentin e siguruar nga gazetari i ABC, Ermal Vija, sipas mjekësisë ligjore, e ndjera ka pësuar dëmtime shumë të mëdha në kokë, në trup si edhe gjymtyrët e poshtëm. Siç theksohet në raportin e prokurorisë, dëmtimet më të mëdha e mitura i ka marrë në kokë ku janë vërejtur disa prerje shumë të thella të shkaktuara ngë helikat e skafit si edhe në pjesën e gjoksit, ku thellësia e prerjeve është aq e madhe sa ka shkaktuar edhe nxjerrjen e organeve jashtë.

Në këto kushte makabriteti si edhe dëshmive të personave të pranishëm në momentin e vrasjes së 7-vjeçares, Prokuroria ka hedhur poshtë raportin e Agjencisë së Mbikëqyrjes Policore, e cila çuditërisht thotë se vrasja ka ndodhur 15 metra në thellësi të detit, ndërkohë që e kategorizoi si “vrasje nga pakujdesia”.

Në arsyetimin që bën prokuroria theksohet se ky krim nuk mund të cilësohet si vrasje pa dashje sepse:

Vepra penale e vrasjes nga pakujdesia është një vepër penale që kryhet me faj, në formën e pakujdesisë ë shfaqet në formën e vetëbesimit të tepruar ose të neglizhencës. Personi e kryen veprën penale me pakujdesi kur ai parashikon mundësinè e ardhjes së pasojave, nuk i dëshiron ato dhe me mendjelehtësi shpreson që t’i shmangë pasojat ose kur nuk i parashikon pasojat, por nisur nga rrethanat duhet dhe kishte mundèsi t’i parashikonte, Me situatën e ndodhur, vdekja e së miturës ka ndodhur në një zonë që ështeë kategorikisht e ndaluar për lejimin/ kalimin e mjeteve lundruese.

Shtetasi Arian Tase, me detyrë punonjes i policise së shtetit, që ka objekt të punës së tij zbatimin e ligjit edhe pse ditën e ngjarjes rezulton të ketë qenë me leje vjetore, ka vepruar në kundërshtim me ligjin.

Ai e ka parashikuar që lundrimi me mjet lundrues pikërisht në një zonë detare të ndaluar për të hyrë, ku qartësisht evidentohen fëmijë, të rritur dhe të moshuar që janë duke pushuar dhe argëtuar, sjell pasoja për jetën dhe shëndetin e tyre duke qenë në dijeni se në një hark kohor relativisht të shkurtër kanë ndodhur të tilla raste (tashmë të njohura edhe mediatikisht) edhe pse nuk e ka dëshiruar ardhjen e pasojës, pra vdekjen e shtetases së mitur, me veprimet e kryera, ai me vetëdije e ka lejuar ardhjen e pasojës. Dashje indirekte ose e tërthortë si një një nga format e fajësisë nënkupton që personi parashikoin që nga veprimi i tij mund të vijnë pasoja të kundërligjshme. Këto pasoja nuk dëshirohen prej tij, por me vetëdije dhe ndërgjegje lejohet ardhja e pasojave. Në këë kuptim, veprimet e të arrestuarit Arian Tase do të cilësohen sipas nenit 76 të Kodit Penal “Vrasje e kryer në formën e dashjes indirekte/ të tërthortë”.

Pavarësisht ndryshimit të cilësimit ligjor të veprës për të cilën dyshohet tashmë ky shtetas, duke qenë se plotësohen kriteret e parashikuara nga neni 251/1 dhe 252 të Kodit të Procedurës Penale në lidhje me arrestimin në flagrancë (vepra penale që parashikon një dënim jo më të ulët se pesë vjet), i kërkohet gjykatës që të vlerësojë si të ligjshëm arrestimin në flagrancë të shtetasit Arian Tase.

Kërkojmë nga gjykata që ndaj këtij shtetasi të caktohet masa e sigurisë “arrest me burg” të parashikuara nga neni 238 i Kodit të Procedurës Penale.

Nga të dhënat e deritanishme, për këtë shtetas ekziston dyshimi i arsyeshëm se ka kryer veprën penale “Vrasje te kryer në formën e dashjes indirekte”./Abcnews.al

The post Sipas AMP mund t’ja hidhte me gjobë, si e “fundosi” prokuroria-policinë në akuzën për efektivin skafist që masakroi 7-veçaren appeared first on Albeu.com.

Ka qenë kushëriri i 7-vjeçares që humbi jetën, E.Z, i cili ishte edhe dëshmitar okular, që ka thënë se ishin duke u larë në det kur skafi u afrua dhe megjithëse të gjithë po bërtisnin ndalo, drejtuesi ka vijuar të ecë.

“Ishin duke u larë në det dhe në këto momente një skaf i madh u afrua. Kur erdhi pranë skafi mori njerëz në breg dhe në ato çaste goditi fëmijën me helika. Të gjithë ne të tjerët që ishim në breg filluam t’i bërtisnim drejtuesit të skafit: ‘Ndalo se e vrave vajzën’. Drejtuesi i skafit vazhdoi të ecë pa dhënë asnjë ndihmë. Hyra në det dhe e nxora Jonadën e pajetë”, ka thënë ai.

Bazuar nga dëshmitë dhe nga pamjet e kamerave të sigurisë dhe nga veprimet e Arjan Tases, prokuroria e akuzoi për “vrasje me dashje indirekte”. Në dosje thuhet:

“Nuk ka vrasje nga pakujdesia, por vrasje me dashje pasi drejtuesi i mjetit lundrues që rezulton se kishte patentë ishte në dijeni të rrezikut që i sillte qytetarëve kur hyri në atë perimetër”, thuhet në dosje./albeu.com/

The post Ishte dëshmitar, rrëfimi i kushëririt të 7-vjeçares në Himarë: Drejtuesi i skafit vazhdoi të ecë pas vrasjes appeared first on Albeu.com.

Rreth orës 14:00 të ditës së martë skafi i drejtuar nga oficeri i policisë Arjan Tase përplasi për vdekje 7-vjeçaren Jonada Avdia, e cila ishte duke luajtur me babain e saj Bledarin.

Pas reagimeve të forta të qytetarëve shqiptarë në rrjetet sociale dhe jo vetëm, Autoriteti i Mbikëqyrjes Policore, doli ditën e mërkurë me një njoftim ku deklaronte se kishte arrestuar në flagrancë oficerin Arjan Tase.

Por ajo që bënte më shumë përshtypje në njoftimin e AMP është se e konsideronte vdekjen e 7-vjeçares Jonada Avdia si “Vrasje e kryer nga pakujdesia”.

Një tjetër element që duket më shumë si marrje në mbrojtje e oficerit të policisë që me mjetin që drejtonte i mori jetën 7-vjeçares, se sa sqarim i asaj që ndodhi realisht është edhe pjesa ku AMP thekson se: “Pasi ka zbarkuar në breg personat e tjerë në bord, shtetasi A.T. ka kryer manovrime të pakujdesshme për të kthyer mjetin lundrues sërish në det të hapur. Nga këto manovrime të pakujdesshme, 15 metra larg bregut, drejtuesi i mjetit A.T., ka goditur me pjesën e prapme të mjetit lundrues, shtetasen e mitur J.A., duke i shkaktuar plagë të rënda që kanë sjellë humbjen e menjëhershme të jetës”.

Por çdo qytetar shqiptar i cili ka pushuar të paktën një ditë të vetme në plazhin e Potamit në Himarë, e di shumë mirë se nëse shkëputesh 15 metra nga bregu i detit në drejtim të detit thellësia është shumë e madhe, aq sa do e bënte të pamundur që një fëmijë 7-vjeçar të mund të luante në këtë thellësi.

Por gjithashtu kemi dhe dy fakte të pakundërshtueshme, e para dëshmia e babait të Jonadës, Bledarit, i cili tha se në momentin që ndodhi ngjarja ai dhe vajza e tij ishin të kapur përdore dhe po luanin në breg.

Ndërkohë që edhe vetë Prokuroria ditën e sotme rrëzoi deklaratën e APM, duke e cilësuar tragjedinë e Himarës si “vrasje me dashje”, pasi oficeri i policisë në kundërshti me të gjitha rregullat dhe ligjet për lundrimin e mjeteve ujore kishte hyrë në zonën ku lejoheshin vetëm qytetarët.

Gjithashtu një tjetër fakt është edhe dëshmia e qytetarëve të cilët ishin dëshmitarë okularë të ngjarjes, të cilët theksuan se vajza ka qenë në breg dhe skafi ka bërë manovra të rrezikshme pak para ngjarjes.

Çfarë shkruante AMP një ditë më parë:

Agjencia e Mbikëqyrjes Policore (AMP) arrestoi në flagrancë punonjësin e Policisë së Shtetit, A.T., me detyrë Shef i Seksionit të Policimit në Komunitet në Komisariatin e Policisë Elbasan, për veprën penale “Vrasje e kryer nga pakujdesia” parashikuar nga neni 85 i Kodit Penal, në rrethanat e mëposhtme:

Në datën 02.08.2022, rreth orës 14:00, shtetasi A.T., i cili ishte me pushime në Himarë, ka qenë duke drejtuar një mjet lundrues me dy motorë, nga Porto Palermo drejt Potamit, ndërsa në bord kishte edhe familjarë të tij.

Në vendin e quajtur plazhi i Potamit, në kundërshtim me rregullat e qarkullimit ujor, shtetasi A.T. ka futur mjetin lundrues në hapësirën ujore të përcaktuar për pushuesit. Kjo hapësirë ujore ka qenë e rrethuar me bova plastike, sipas përcaktimeve në aktet ligjore që normojnë këtë aktivitet.

Pasi ka zbarkuar në breg personat e tjerë në bord, shtetasi A.T. ka kryer manovrime të pakujdesshme për të kthyer mjetin lundrues sërish në det të hapur. Nga këto manovrime të pakujdesshme, 15 metra larg bregut, drejtuesi i mjetit A.T., ka goditur me pjesën e prapme të mjetit lundrues, shtetasen e mitur J.A., duke i shkaktuar plagë të rënda që kanë sjellë humbjen e menjëhershme të jetës.

Pas veprimeve hetimore në vendngjarje, administrimin e provave që dokumentojnë fajësinë e shtetasit A.T. për veprën penale të “Vrasjes së kryer nga pakujdesia”, hetimet janë shtrirë edhe ndaj strukturave policore, të cilat në fushën e veprimtarisë që u ngarkon ligji, kanë përgjegjësinë për kontrollin dhe monitorimin e sigurimit të hapësirave ujore të rrethuar me bova për pushuesit. Gjithashtu grupi hetimor ka sekuestruar mjetit lundrues, i cili rezulton me dokumentacion të rregullt ligjor.

Nga veprimet proceduriale të kryera deri në këtë fazë, janë marrë në cilësinë e personave ndaj të cilëve zhvillohen hetime, drejtuesit e strukturave policore:

– Kryekomisar SH.H., me detyrë Drejtor i Drejtorisë dhe Migracionit në DVKM Vlorë;

– Komisar F.M. me detyrë Shef i Sektorit të Kufirit në DVKM Vlorë;

– Nënkomisar V.LL., me detyrë Shef i Komisarjatit të Policisë Himarë;

– Nënkomisar N.B., me detyrë Shef Stacioni i Policisë Kufitare Dhërmi;

– Nënkomisar A.D., me detyrë Shef i Seksionit të Rendit në Komisariatin e Policisë Himarë.

Materialet proceduriale i dërgohen Prokurorisë së Rrethit Gjyqësor Vlorë dhe grupi hetimor i AMP vijon hetimet për të dokumentuar me prova ligjore përgjegjësinë penale të punonjësve të Policisë, të sipërpërmendur.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90./Abcnews.al/

The post Detaji i 15 metrave, a tentoi policia të manipulonte vendin e ngjarjes? Sot prokuroria e rrëzoi appeared first on Albeu.com.

Qytetarët e shumtë fillimisht janë mbledhur para Ministrisë së Brendshme ku kanë bërë thirrje për dorëheqjen e ministrit Çuçi, madje në një moment ka pasur edhe përplasje me policinë.

Protestës iu bashkuan me vonë edhe Berisha e Meta, por që nuk u pritën mirë nga protestuesit që kërkuan që politika të përfshihej në këtë protestës.

Më pas protestuesit janë nisur drejt Kryeministrisë, ndërsa nga Ministria kanë mbetur pas vetëm disa qirinj të ndezur nga protestuesit./albeu.com

The post Polici vrau 7-vjeçaren në Himarë, protestuesit ndezin qirinj para Ministrisë appeared first on Albeu.com.

Protesta vjen 2 ditë pas tragjedisë së Himarës, ku mbeti e vrarë 7-vjeçarja Jonada Avdia, e cila u përplas në breg të detit nga skafi i drejtuar nga oficeri i policisë Arjan Tase.

Meta tha se sot ndryshe nga herët e tjera kemi një popull që ëshstë zgjuar dhe po reagon fort, të t’i rikthyer dinjitetin Shqipërisë.

“Nuk na duhen 3 dorëheqje, mjafton vetëm një. Këtu kemi të bëjmë me një bandë, kjo është e qartë. Nuk mjaftojnë të gjitha rastet, por mjafton vrasja e të riut Rasha, se si u vra një fmëijë që shkoi të blejë një paketë, se si u fabrikua nga shteti për të nxjerrë djalin si vrasës. Për ngjarjen e sotme ne akoma nuk kemi një hetim, kuptojmë që këtu nuk kemi një shtet por një bandë. Por tani kemi një popull që është rizgjuar”, tha Meta./albeu.com/

The post Tragjedia e Himarës, Meta nga protesta: Populli është rizgjuar, po reagon fort appeared first on Albeu.com.

Kumbaro u shpreh se tragjedia e djeshme ka ndodhur për shkak të marrëzisë së një njeriu që theu çdo ligj.

Përmes një postimi në Tëitter, ajo ka bërë thirrje që drejtësia të bëjë punën e saj pakompromise dhe të jetpët dënim maksimal ndaj kujtdo që shkel ligjet.

“Tejet e rëndë dhimbja për ngjarjen e kobshme në bregdetin e Himarës, ku një engjëll nuk është më mes nesh për shkak të marrëzisë së një njeriu që theu çdo ligj, çdo rregull e çdo normë me pasoja tragjikisht të pakthyeshme!

Me vetëdijen se nuk ka fjalë të shërbejë sado pak si ngushëllim për prindërit, familjen për gjëmën që pësuan, kërkesa shkon për Drejtësinë që të bëjë punën e saj, pa asnjë kompromis, me dënim maksimal ndaj kujtdo që thyen ligjet e përbashkëta dhe rregullat dhe rrezikon të shkaktojë

humbje jete, në tokë a në ujë qoftë! Kërkesa shkon edhe për Policinë e Shtetit po ashtu, për çdo punonjës të saj në territor, që të jetë në lartësinë vigjiluese dhe ndëshkuese që uniforma i imponon për kryerjen e detyrës. Jonada e vogël u prehsh ne paqe”, ka shkruar Kumbaro./albeu.com/

The post Tragjedia në Himarë, ministrja Kumbaro e kalon “topin” te autori: Marrëzi e një njeriu që theu çdo ligj! (FOTO LAJM) appeared first on Albeu.com.

Shoqëria civile ka paralajmëruar protesta ditën e enjte në orën 19:00 përballë Ministrisë së Brendshme, ku kërkon dorëheqjen e ministrit Çuçi, ministres Kumbaro dhe atë të Drejtorit të përgjithshëm të Policisë Gledis Nano.

Kujtojmë se kjo ngjarje tregoi edhe njëherë se sa e pasigurtë është jeta në Shqipëri, për më tepër kur ajo merret nga një efektiv policie, i cili paguhet nga taksat tona për të na mbrojtur, e jo për të na vrarë./albeu.com/

The post “Nuk e vrau varka, por shteti”, tragjedia me 7-vjeçaren në Himarë pritet të nxjerrë qytetarët në protestë (FOTO LAJM) appeared first on Albeu.com.

Ceremonia mortore për përcjelljen për në banesën e fundit të vogëlushes do të bëhet ditën e mërkurë në orën 15:00 në Laprakë.

Postimi i Ismet Avdisë:

Shoke dhe miq, ju njoftojme me hidherim te thellë vdekjen e mbeses tone Jonada Bledar Avdia, ne moshen 7 vjecare, nga nje aksident tragjik në plazhin e Himares.

Varrimi bahet dt. 03.08.2022, ora 15:00, ne aresen: Familja Avdia, Rruga “Stanislav Zuber”, afer Intesa San Paolo Bank Laprake./albeu.com/

The post Tragjedia me 7-vjeçaren në Himarë, familja Avdia hap dyert e mortit (FOTO LAJM) appeared first on Albeu.com.