Ata ishin Shpati Lena dhe Hakim Xhezo.

Sipas burimeve, gjyqtarja e Vlorës, Arbana Selmanaj urdhëroi lirimin e menjëhershëm nga qelia të Shpati Lenës 3 ditë pasi ishte arrestuar tek Uji i Ftohtë për armëmbajtje pa leje dhe moskallëzim krimi.

Arbana Selmanaj i dha masën ‘detyrim paraqitje’ Lenës, duke e bërë vendimin e gjyqtares Selmanaj tepër të dyshimtë.

Së pari, Shpati Lena ishte dënuar më parë për armëmbajtje pa leje, pra ishte një personazh me precedentë kriminal.

Së dyti, Shpati Lena, ishte i dyshuar për ngjarjen e ndodhur në 4 gusht 2019 në Plazhin e Vjetër, ku mbeti i vrarë Arben Beqiraj dhe u plagosur djali i tij dhe një i afërm i tyre.

Së treti, Shpati Lena akuzohej për armëmbajtje pa leje dhe moskallëzim krimi, dy akuza të rënda, ku vetëm për armëmbajtje pa leje si përsëritës, rrezikonte deri në 15 vite burg.

Në makinën ku ndodhej Shpati Lena janë gjetur dy armë të tipit pistoletë dhe municione. Ariel Kingji dhe Kristo Drolli kanë deklaruar se armët u përkisnin atyre, një manovër kjo për të shpëtuar Shpati Lenën, i cili ia hodhi edhe një herë drejtësisë, por jo armiqve të tij.

Kujtojmë se gjyqtarja Selmanaj e kaloi edhe Vettingun, por nga ana tjetër, vendimet e saj lënë për të dëshiruar./albeu.com/

The post Atentati në Vlorë pasojë e vendimeve të drejtësisë! Si e liroi nga burgu gjyqtarja Arbana Selmanaj Shpati Lenën, i përfshirë në vrasjen e “Benit të Çeçesë” appeared first on Albeu.com.

Sipas burimeve, ata ishin nisur drejt burgut të Lushnjes, kur iu bë atentat në dalje të Vlorës.

Gjithashtu mësohet se në mjet iu gjetën rroba dhe ushqime, ndërsa do t’ia çonin Eduard Xhezoz i dënuar me 15-vite burg për vrasjen e Arben Beqirajt.

Viktimat e atentatit në Panaja të Vlorës duket se ishin vënë në ndjekje prej agresorëve.

Momenti i goditjes është kryer pikërisht në një zonë ku nuk ka kamera sigurie të bizneseve, por dhe s’ka lëvizje të qytetarëve.

Dyshimet për ngjarjen janë për shkak të hakmarrjes, pasi Eduard Xhezo rezulton i dënuar me 15 vite burgim për akuzën e “Vrasjes me Dashje” në dëm të Arben Beqirajt ose “Beni të Çeçesë” ngjarje kjo e ndodhur në 4 gusht 2019 në plazhin e Vlorës.

Ky dënim është dhënë edhe për akuzën e “Mbajtjes pa lejë të armëve të zjarit” dhe “Plagosjes me armë zjari ndaj djalit të Arben Beqirajt, Ergest Beqiraj dhe Nesim Hodaj.

Prokuroria pretendonte dhe mbante qëndrimin për “Vrasje me paramendim kryer në bashkëpunim”, ndërsa gjykata zbuti akuzën në “Vrasje me dashje”, duke hequr totalisht dhe pjesën e bashkëpunimit.

Për këtë ngjarje u dënua me gjobë, Shpati Lena dhe kunati i Eduardit, Ariel Kingji, të cilët u akuzuar nga prokuroria për “Moskallëzim krimi”.

Me vendimin e gjykatës nuk janë pajtuar familjarët e Arben Beqirajt dhe vetë prokuroria e Apelit në Vlorë, e cila në fillim të vitit 2022 ka depozituar një rekurs në Gjykatën e Lartë, duke kërkuar një masë dënimi më të lartë për Eduard Xhezon dhe dy personat e tjerë, të dënuar me gjobë.

Lena në muajin maj 2022, u arrestua nga policia e Vlorës në zonën e “Ujit të Ftohtë”, pasi së bashku me Kristi Drollin dhe Ariel Kingjin, kunatin e Eduard Xhezos, është kapur me dy armë brenda në makinë.

Dy pistoletat i morën përsipër Kingji dhe Drolli, të cilët aktualisht janë në burg. Ndërsa për Shpati Lena, gjyqtarja e Vlorës, Arbana Selmanaj, ka vendosur masën e sigurisë “Detyrim për tu paraqitur në polici”.

Viktimat lëviznin lirshëm në qytetin e Vlorës, por dita e sotme ka rezultuar fatale për ta, duke u vrarë me mbi 60 plumba./albeu.com/

The post DETAJET/ Dy viktimat e atentatit në Vlorë po shkonin të takonin Eduard Xhezon në burgun e Lushnjës, në makinë u gjetën rroba e ushqime appeared first on Albeu.com.