Ngjarja ka tronditur gjithë opinionin publik në vendin fqinj dhe mediat përtej Adriatikut kanë zbardhur detaje të reja në lidhje me ngjarjen e rëndë që ndodhi në Viterbo, ku polaku Mirko Tomkoë 44-vjeç i martuar me një vajzë shqiptare u arratis nga spitali COVID, shkoi në shtëpi dhe vrau djalin e tij 10-vjeç me thikë.

Një fqinj i familjes tregoi të gjithë skenën me dëshmi rrëqethëse.

“Dëgjova fëmijën duke zbritur shkallët. Dhe babai i bërtiste “Matias, hajde këtu! Eja këtu!“. Iu afrova derës duke menduar “Nëse duhet ta lë të hyjë”. Pastaj heshtje. Matias ka qenë gjithmonë një fëmijë i bindur.

Ai do të kthehet, imagjinova. Pas pak, ishte tashmë errët jashtë, dëgjoj përsëri të bërtitura. Mendova do të jetë ai pijaneci, burri që po rreh Mariolën. Kështu që unë njoftova 112” tregoi ai.

Ende mister mbetet fakti se kush i ka hapur derën polakut. Nuk ka shenja se dera është hapur me forcë. A e hapi fëmija derën? Apo Mirko Tomkoë kishte ende një çelës me vete?

Hetimi është kompleks. Një zyrtar i policisë tregoi se e njihte gjendjen ku ndodhej familja, shqiptarja me të birin pas urdhrit të gjykatës që ndaloi polakun që t’i afrohej pas akuzave për dhunë.

“E kam takuar herën e fundit të hënën. Ajo më tha se gjithçka ishte mirë dhe burri i saj nuk u shfaq më kurrë” tha ai. Nëna e 10-vjeçarit ndodhet në spital në gjendje shoku pas humbjes së djalit, të cilin e gjeti pajetë dhe të gjakosur./albeu.com/

The post Vrau djalin e tij shqiptar me th*kë, dëshmitë e frikshme: Matias tentoi të largohej me vrap nga “kthetrat” e babait appeared first on Albeu.com.

Bëhet fjalë për 44-vjeçarin, Mirko Tonkov i cili pas arratisjes nga Spitali Covid, shkoi menjëherë në shtëpinë e ish-familjes së tij, megjithëse ishte urdhëruar të mos I afrohej atyre ambienteve.

Në momentin që mbërrin në banesë, ka qenë djali 10-vjeçar Mattias i cili ka hapur derën.

Ky ka qenë edhe momenti fatal për vogëlushin pasi babai e ka goditur me thikë në qafë duke e lënë të vdekur në vend. Më pas 44-vjeçari është arratisur. Por pas reagimit të forca të policisë dhe kontrolleve në zona të ndryshme ai ka rënë në prangat e policisë.

Ngjarja tronditëse ka ndodhur në Cura di Vetralla, në provincën e Viterbos në Itali, ndërsa mediat italiane kanë publikuar edhe foto e familjes.

Në momentin e krimit, nënë shqiptare Mariola Rapaj 32 vjeç, nuk ishte në banesë. Ajo e gjeti vogëlushin të vdekur dhe të mbuluar në gjak.

Mediat e huaja shkruajnë se Mirko Tonkov, kishte një urdhër që të mos i afrohej familjes, pas konflikteve për divorcin./albeu.com/

The post DETAJET/ Vrau djalin e tij 10-vjeçar me origjinë shqiptare, si nisi konflikti pas divorcit me nënën e tij (FOTO LAJM) appeared first on Albeu.com.