Momenti i arrestimit

Nuredin Dumani u arrestuar rreth orës 22:25 në katin e katërt të një pallati në lagjen “Apollonia” në Fier. Nga pamjet e publikuara nga policia, shihet Dumani gjysmë i zhveshur, i plagosur dhe me pranga në duar, në dhomën e gjumit. Gjithashtu nga kontrolli në banesën ku fshihej Nuredin Dumani, u gjet e u sekuestruar edhe një armë zjarri kallashnikov, si dhe prova të tjera të cilat do të analizohen dhe vlerësohen nga Grupi Hetimor.

Si ra policia në gjurmët e Nuredin Dumanit dhe plagosja e tij

Mbrëmë, rreth orës 17:35, në aksin rrugor Elbasan-Cërrik, në Papër, është qëlluar me armë zjarri ndaj një automjetit tip “BMW”, në të cilin dyshohet se ishte i përfshirë dhe Nuredin Dumani. Pas marrjes dijeni për ndodhjen e kësaj ngjarjeje, policia u vu në lëvizje, dhe pas disa orësh vuri në pranga Dumanin. Në momentin e kapjes, ai është gjetur i plagosur, dhe dyshohet se ka marrë një plumb në mushkëri, por gjendja e tij sipas mjekëve është e stabilizuar  dhe pas ndihmës së parë ne qytetin e Fierit është transportuar për në spitalin e Traumës në Tiranë për ndihmë mjekësore, raporton albeu.com.

Arrestimi i tre personave të tjerë

Gjatë operacionit, bashkë me shtetasin Nuredin Dumani u bë e mundur kapja dhe arrestimi i 40-vjeçarit Henrik Hoxhaj, i cili i u kap i armatosur me një armë zjarri pistoletë në brez dhe një pistoletë në automjet. Po gjatë operacionit, u kapën edhe dy persona të tjerë për të cilët Grupi Hetimor po punon për sqarimin e pozitës së tyre, për lidhjet  me personin e shumë kërkuar Nuredin Dumani. Dyshohet se një perj të arrestuarve është vajzë.

Kush është Nuredin Dumani?

Nuredin Dumani është një nga personazhet më të rrezikshëm në Shqipëri, pasi akuzohet si vrasës serial, për implikimin në të paktën 7 vrasje.

Ndaj Dumanit më herët Prokuroria ka lëshuar dy urdhër-arreste dhe ka në duar prova të mjaftueshme për ta implikuar si ekzekutor në të paktën shtatë vrasje, raporton albeu.com.

Ai ka qenë krahu i djathtë i të shumëkërkuarit tjetër Talo Çela, i cili edhe ky është shpallur në kërkim  nga policia, pasi akuzohet për një sërë vrasjesh.

Dumani më herët ka qenë i akuzuar për prostitucion, por prej vitit 2022, ndaj tij rezultojnë edhe akuzat e vrasjes.

Akuzat

Dumani së bashku me Çelën në vitin 2020 ekzekutuan vëllezërit Besmir dhe Viktor Haxhia tek parku i tregut të makinave në Durrësit, aty ku kishin edhe një biznes të tyre.

Ishin Altin Ndoçi dhe Klevis Alla ata që dëshmuan para policisë se kush ishin autorët e vrasjes së dy vëllezërve në Durrës, duke nxjerrë zbuluar Talo Çelën dhe Nuredin Dumanin.

Në atë kohë Altin Ndoçi dhe Klevis Alla ishin caktuar të ruanin dy vëllezërit Haxhia, të cuilët më pas u ekzekutuan nga Dumani dhe Çela.

Ndërkohë që më herët Dumani dhe Çela ekzekutuan Anxhelo Avdias dhe Dorjan Shkozës, ishin tabulatet telefonike ato që zbuluan krimin.

Ndërkohë, Çela ishte shpallur në kërkim për grabitjen e 4.6 milionë eurove në Rinas, pasi akuzohej se në servisin e tij, kishte ndihmuar autorët që të modifikonin furgonin me mbishkrimin ‘Hetimi Tatimor’, në mënyrë që askush të mos dyshonte tek ata.

Modifikimi i mjeteve ishte një praktikë e njohur për Çelën. Të njëjtën gjë, i shumëkërkuari që ka kthyer pas disa herë grupet e forcave RENEA kishte praktikuar edhe në serviset e katër viktimave. Nuk dihet nëse Shkoza dhe Avdiaj kishin lidhje me grabitjen e Rinasit, por servisi i tyre ishte përdorur për ç’montim mjetesh nga Çela dhe bashkëpunëtorët e tij.

Pavarësisht shpalljes në kërkim, Talo Çela dhe Nuredin Dumani, nuk reshtën. Fshehur skutave dhe me plane shumë të mirëorganizuara, të dy nuk e ndalën aktivitetin e tyre.

Në korrik të vitit 2020-të Dumani do të përfshihej në një tjetër krim, këtë herë në rolin e shoferit.

Dumani do të ekzekutonte dhe Emiljano Ramazani, babain e 4 fëmijëve të njohur me emrin “Ili”

Bashkë me Çelën, të dy i ranë rrotull vendit të krimit katër herë, si për të provuar dhe njëherë adrenalinën përballë autoriteteve, por pavarësisht postoblloqeve të ngritura, askush s’i pikasi.

Pas krimit Kapllani ka vendosur armën në servisin që është në pronësi të Albert dhe Seit Manahasës në qytetin e Peqinit, për t’i fajësuar ata për këtë ngjarje. Të dy u vunë në pranga bashkë me katër persona të tjerë, pas gjetjes së armës. Kreshnik dhe Ymer Manahasa, Artur Tosku si dhe Bujar Dervishi u liruan pasi ndaj tyre nuk u gjetën prova. Ndërsa Albert dhe Seit Manahasa janë në burg.

Ramazani kishte njohje me Talo Çelën, por ‘era’ e parave të Rinasit, ishte futur edhe mes tyre. Dumani, i kënaqur që eliminoi dhe tjetër ‘përfitues’ u nis të fshihej bashkë me Kapllanin. Të dy bashkë, janë nga i njëjti fshat, Sinaballaj të Rrogozhinës dhe njerëzit që i njihnin i identifikonin me njëri-tjetrin. Por dhe kjo miqësi, do të thyhej, e sërish për shkaqe parash.

Por në 15 shtator të vitit 2020-të do të fillonte dhe krisja e madhe e grupit, shkak ishin paratë e vjedhura të Rinasit.

Më 15 shtator u vra dhe Klevis Kapllani, vetëm 200 metra larg banesës së tij, pak orë pasi kishte dalë të pinte disa birra me shokët. Edhe për këtë ngjarje, u akuzua dhe u shpall në kërkim Nuredin Dumani. Këtij të fundit, policia i zuri edhe pritë me shpresën se do të paraqitej në funeralin e mikut që vrau, por 37-vjeçari nga Dibra që u kishte shpëtuar kaq shumë herë duarve të bluve, nuk e hëngri këtë karrem.

Ai gjeti strehë dhe nuk doli, deri në goditjen e radhës. Dumani tashmë e kishte shtrënguar rrethin mjaftueshëm, dhe i vetmi mik që i kishte mbetur pa goditur ishte Talo Çela.

Këtë të fundit, në pamundësi për ta takuar askush, Dumani u hakmor tek i vëllai, duke vrarë Bujar Çelën në 17 shtator, teksa ky i fundit punonte si taksist në të zezë.

Në këtë vrasje Dumani nuk ishte i vetëm. Ai ishte vetë i tretë dhe rrobat që mbante veshur, e kanë nxjerrë zbuluar nga kamerat e lokalit, në verandën e të cilit, eliminoi edhe të vëllanë e bashkëpunëtorit, me të cilin kishte bërë një rrugë të gjatë krimesh.

“Killer” i Erion Alibejt

Për dy nga vrasjet e Dumanit dyshohet se ai ëhstë urdhëruar nga Erion Alibej. Jo vetëm dëshmitarët e ngjarjes së Rinasit, por Dumani me urdhërt të Alibejt, ka kryer të tjera vrasje, për shkak të hakmarrës që Alibejt kërkjonte, dhe kjo psasi më herët i kishin vrarë vëllain.

Vëllai i Alibejt i njohur ndryshe me emrin “Tarzani” u ekzekutua 3 ditë para ndërrimit të viteve në 2018-n.

Alibej, pasardhësi i të vëllait, dyshohet se ka urdhëruar vrasjen e Ilit (Emiljano Ramazani) dhe Regis Runajn. Ky i fundit, vinte nga një familje pa lidhje me botën e krimit, kjo pasi i ati ka punuar si shofer në Policinë e Elbasanit, ndërsa e motra punon në Gjykatën e Rrethit.

Vrasja e Runajt dyshohet se erdhi pas ekzekutimit të mikut të tij Ramazani, pasi Runaj mund të ketë ‘nuhatur’ gjurmët e autorëve të vërtetë.

Më 29 korrik, nëntë ditë pas ekzekutimit të Ramazanit, Xhuljano Hoxha dhe Euglen Halili, pasi konsumuan lëndë narkotike me Runajn, e vranë atë me thikë.

Halili është bërë edhe bashkëpunëtor i drejtësisë dhe ka rrëfyer të gjithë zanafillën e ngjarjes. Në pranga në lidhje me këtë ngjarje ka rënë edhe Erjon Shehu, kunat i Xhuliano Hoxhës.

Halili dhe Hoxha akuzohen gjithashtu se kanë marrë pjesë në ekzekutimin e Emiljano Ramazanit. Ata dyshohet se janë personat që kanë informuar ekzekutorët për lëvizjet e Ramazanit, në mënyrë që ‘puna’ e tyre, të bëhej më e lehtë. Përpara grupit hetimor, ata rrëfyen se urdhërin për këto dy krime, përgjimin e Ilit dhe vrasjen e Runajt, e kishin marrë nga Alibej në këmbim të parave. Vetë Alibej, nuk ka hapur gojë, për asnjë nga ngjarjet kriminale për të cilat akuzohet.

Ndërsa, vrasja e Çelës, vëllait të Talo Çelës, ishte mënyra e Erion Alibejt për të marrë hak për vrasjen e vëllait të tij, Endritit, që ia morën jetën në sy të gruas dhe fëmijëve. Erion Alibej, kishte mësuar se Talo Çela dinte gjithçka rreth ekzekutorëve të Endrit Alibejt, por nuk ia kishte treguar. Kështu, duke vrarë Bujar Çelën, mori hak./albeu.com

The post DINAMIKA/ Nga përplasja me armë në Elbasan tek arrestimi i tij i plagosur, si ra policia në gjurmët e vrasësit serial Nuredin Dumani appeared first on Albeu.com.

Në këtë klimë, astrologjia përjetoi epoka të arta, pasi shenjat e horoskopit lexoheshin edhe më shumë duke bërë gjithnjë e më shumë kërkime para ekranit të celularit tonë.

Këtë herë një studim i ri i titulluar “Horrrorscope” zbulon se cila shenjë e Horoskopit dominon në kapitullin “vrasësit serialë” . Në veçanti, duke studiuar 485 shembuj të vrasësve serial, të cilët kanë kryer gjithsej 5,125 vrasje. Studimi zbuloi një marrëdhënie të fortë midis shenjës së tyre të Horoskopit dhe veprimeve të tyre.

Rezultatet e studimit

Sipas Astrology-Zodiac-Signs.com , shenjat e Horoskopit që fituan vendin e tretë në listën e atyre me më shumë vrasës serialë janë Peshqit, Gaforrja dhe Shigjetari. Secila prej këtyre shenjave “ka dhënë” 46 vrasës serialë, pra 38% të vrasësve. Ata u pasuan nga Demi dhe Binjakët , të cilët kishin mes tyre 27 vrasës serialë, pra vetëm 11% e psikopatëve që morën pjesë në hulumtim.

Kush është në krye të listës?

Vendin e dytë e ka fituar Akrepi, me 537 kufoma në total. “Dobësitë më të mëdha të kësaj shenje përfshijnë dhunën, manipulimin dhe xhelozinë”, thuhet në studim.

Çuditërisht, e para i përket Bricjapit!

Personat e lindur mes 22 dhjetorit dhe 19 janarit janë identifikuar si përgjegjës për 813 vrasje, me një mesatare prej 19 viktimash për vrasës./albeu.com/

The post A e dini se shumica e vrasësve serialë i përkasin kësaj shenje Horoskopi? appeared first on Albeu.com.

Më parë ai konsiderohej si një lojtar shahu i bindur për talentin e tij, ndërsa sipas mjekëve, javët e fundit, ai ishte asgjë më shumë se një plak me flokë të gjata të bardha, dhe i paaftë për të “marrë një pirun” në gojën e tij.

I prekur nga Alzheimer (mungesa e kujtesës) sipas një certifikate mjekësore Fourniret ishte lexues i zellshëm i Dostojevskit. Këtë fundjavë, vrasësi ishte vendosur në koma dhe mjekët e tij e konsideruan gjendjen e tij të pakthyeshme. Prandaj vdekja e tij nuk është një befasi, por hap shumë pasiguri dhe bën pyetje në lidhje me fatin e hetimeve kriminale të tejmbushura nga hija e tij gjatë 20 viteve të fundit.

Kur arrestuan Michel Fourniret pas rrëmbimit të dështuar të një adoleshenti në qershor 2003, policia belge i dha fund një rruge të jashtëzakonshme kriminale, të shënuar nga viktimat e kryqëzuara nga vrasësi.

Ai vriste vetëm gra ose vajza të reja, të cilat i merrte me forcë, në Francë dhe Belgjikë, mes viteve 1987 dhe 2003 i përdhunonte dhe i vriste më pas.

Për këto mizori, Michel Fourniret u dënua për herë të parë me jetë në vitin 2008, i dënuar për vrasjet e shtatë grave të reja. Një gjykim i dytë u dha për të në vitin 2018 për vrasjen e Farida Hamiche.

The post Përdhunonte dhe vriste gra, vdes në burg vrasësi serial francez appeared first on Albeu.com.