Sipas BBC, pas kësaj çështjeje qëndron rrjeti famëkeq kriminal “Foxtrot”, i cili, sipas autoriteteve europiane, rekruton adoleshentë përmes rrjeteve sociale dhe aplikacioneve të enkriptuara, duke i kthyer ata në vrasës me pagesë.

Rasti është vetëm një pjesë e fenomenit që ekspertët e quajnë “Violence-as-a-Service” (VaaS), ose “Dhuna si Shërbim”. Bëhet fjalë për një mënyrë të re funksionimi të organizatave kriminale, të cilat porosisin vrasje dhe sulme duke shfrytëzuar të rinj të cenueshëm, duke i joshur me shuma të mëdha parash dhe duke i trajtuar si të zëvendësueshëm.

Sipas Europol, ky fenomen po përhapet me shpejtësi në Europën veriore dhe tashmë konsiderohet një nga sfidat më të mëdha për autoritetet e sigurisë.

Banda “Foxtrot” dhe lidhjet me Iranin

Në qendër të hetimeve ndodhet “Foxtrot Network”, një prej organizatave kriminale më të dhunshme në Suedi. Autoritetet europiane vlerësojnë se që prej vitit 2022, rrjeti është përgjegjës për rreth 35 vrasje, si dhe për dhjetëra tentativa dhe sulme të tjera, përfshirë edhe veprime kundër objektivave izraelite në Europë, me granata dhe mjete shpërthyese.

Organizata dyshohet se ka krijuar lidhje me regjimin iranian, veçanërisht pas vitit 2023, kur lideri i saj, Rawa Majid, u largua nga Suedia dhe u vendos në Teheran.

Sipas autoriteteve suedeze dhe gazetarëve investigativë, Majid dyshohet se bashkëpunon me Iranin për organizimin e sulmeve kundër kundërshtarëve të regjimit, gazetarëve dhe objektivave izraelite. Qeveria britanike vendosi sanksione ndaj tij dhe ndaj rrjetit “Foxtrot” në prill të vitit 2025.

Rawa Majid (majtas), kreu i rrjetit Foxtrot, me Ali Shehad Ahmed, i cili sipas autoriteteve konsiderohet një figurë kyçe në organizatë

Vrasjet organizohen si një lojë elektronike

Elementi më tronditës i këtij fenomeni është mënyra e rekrutimit të ekzekutorëve të rinj.

Sipas grupit operacional GRIMM të Europol, kontaktet realizohen pothuajse ekskluzivisht përmes rrjeteve sociale dhe aplikacioneve të enkriptuara si “Signal”. Urdhrat jepen hap pas hapi, në një mënyrë të ngjashme me një lojë elektronike.

Rekrutuesit përdorin pseudonime të frymëzuara nga video-lojërat e njohura, si “Agent 47”, emri i personazhit kryesor në serinë “Hitman”.

Ekzekutorëve të rinj u dërgohen harta, video, udhëzime, koordinata GPS dhe vendndodhje ku janë fshehur armë dhe para. Të rinjtë trajtohen si “lojtarë” që duhet të përfundojnë misione.

Një rast domethënës është ai i 18-vjeçarit Attila Azimov. Në shkurt të vitit 2025, ai qëlloi disa herë një student 20-vjeçar, Murad Abdelkader, jashtë Stokholmit.

I riu po kthehej nga turni i punës në një restorant “McDonald’s”, kur u qëllua me armë. Autori e goditi disa herë dhe më pas i dha edhe plumbin fatal në kokë. Por ai kishte vrarë personin e gabuar. Sot Azimov po vuan dënimin me burgim të përjetshëm.

Shumica nuk paguhen kurrë

Pavarësisht premtimeve për shpërblime prej dhjetëra mijëra eurosh, shumica e ekzekutorëve të rinj nuk marrin asnjëherë paratë e premtuara.

Organizatat kriminale e dinë se autorët arrestohen pothuajse menjëherë pas sulmeve dhe për këtë arsye shmangin pagesën.

“Nuk u intereson aspak nëse adoleshentët arrestohen. Nëse arrestohen, ata nuk mund të kërkojnë më paratë që u ishin premtuar”, shpjegon gazetari investigativ suedez Diamant Salihu.

Një rast i ngjashëm është ai i norvegjezit Johannes Natland, i cili u dënua për komplot vrasjeje në Britani. I riu ishte rritur në një familje të pasur gazetarësh, por më pas u përfshi në përdorimin e drogës dhe u përball me probleme serioze të shëndetit mendor.

Përmes internetit ai mori një mesazh ku shkruhej: “Killing in England – 270.000 korona” (rreth 21 mijë paund).

“Foxtrot” i pagoi biletën e avionit vetëm vajtje drejt Mançesterit, e udhëzoi vazhdimisht përmes “Signal” dhe i tregoi vendet ku ishin fshehur armët dhe paratë.

Ai u arrestua përpara se të mësonte se kush do të ishte objektivi i tij. Autoritetet vijojnë të hetojnë nëse bëhej fjalë për një ekzekutim kriminal apo për një sulm me prapavijë politike të lidhur me Iranin.

Hetimet kanë zbuluar se një 16-vjeçar, i njohur me pseudonimin “Generalen”, rekrutonte të mitur për vrasje në emër të rrjetit “Foxtrot”. Ai dyshohet se kishte punësuar si ekzekutorë si Azimov, ashtu edhe të rinj të tjerë që kryen vrasje në Suedi.

Veprimtaria e tij u zbulua pasi tentoi të organizonte vrasjen e djalit 14-vjeçar të një polici norvegjez. Një nga të miturit që kishte rekrutuar njoftoi autoritetet. “Generalen” u dënua në maj të vitit 2026 me 14 vite burg.

Europol kundër modelit të ri kriminal

Për të luftuar këtë fenomen është krijuar grupi operacional OTF GRIMM, ku marrin pjesë 11 vende europiane: Suedia, Norvegjia, Danimarka, Finlanda, Mbretëria e Bashkuar, Gjermania, Franca, Holanda, Belgjika, Spanja dhe Islanda.

Gjatë 15 muajve të parë të funksionimit të tij janë kryer më shumë se 280 arrestime, përfshirë edhe figura kyçe të rrjetit “Foxtrot”.

Megjithatë, lideri i organizatës vazhdon të qëndrojë në Teheran dhe konsiderohet ende aktiv në drejtimin operacional të rrjetit.

Shërbimet europiane të sigurisë paralajmërojnë se modeli “Dhuna si Shërbim” nuk kufizohet më vetëm te “Foxtrot”.

Edhe organizata të tjera kriminale, përfshirë banda rivale, kanë filluar të përdorin të njëjtën metodë për rekrutimin e të miturve përmes internetit.

Fenomeni, i cili nisi në Suedi, tashmë është përhapur në Skandinavi, Europën veriore dhe në Mbretërinë e Bashkuar.

Autoritetet europiane shprehen të shqetësuara për një gjeneratë të re të krimit të organizuar, që shfrytëzon cenueshmërinë e të rinjve dhe fuqinë e rrjeteve sociale për të krijuar një model të ri dhune të porositur.

The post Adoleshentët kthehen në ekzekutorë me pagesë, si rrjetet kriminale po i rekrutojnë përmes rrjeteve sociale për vrasje në Europë appeared first on Albeu.com.

Karamuço tregoi gjithashtu se autori i masakrës nuk do ishte arrestuar nga policia nëse nuk do kishte shkuar në dyqan në zonën e Kombinatit.

“Ka një skedë shumë të zgjeruar në sistemet tona të informacionit kriminal. E para ky person ka dy tentativa për arratisjen nga burgjet, në njërin prej tyre ka organizuar bashkë me disa të tjerë dhe nga informacionet e policisë ky është pjesëtar i një organizate kriminel që një pjesë ndodhet në burg dhe një pjesë tjetër është jashtë burgut. Tjetër, dyshohet se është vrasës me pagesë dhe është pjesë ose punon për një organizatë transnacionale në Evropë. Këto janë nga sistemet, janë të rezervuar.

Nëse ky do kishte siguruar në makinë ushqim, ujë ky nuk do ishte kapur, nuk do kishte pasur kontakt me dyqanet në Kombinat. Policia me një ore e gjysmë vonesë nga momenti i ngjarjes së dytë dhe të tretë kur ka mbledhur pamjet filmike ka kuptuar se ishte i njëjti person sepse ka parë të njëjtën makinë, sepse deri atëherë mendohej se ngjarjet ishin të ndara.

Ky person nëse nuk do kishte kontaktuar me një dyqan per te blere kroasant nuk do ishte zbuluar vendndodhja e tij, do kishte pritur të ekzekutonte edhe personin e katër, do kishte djegur makinën , do ishte larguar me automjete të transportit publik në drejtim të veriut dhe do ishte hedhur matanë në Kosovë. Ky ishte plani për tu larguar”, u shpreh Karamuco.

Një tjetër detaj që dha Karamuço është fakti që ai kishte planifikuar të vriste 8 persona nëse nuk do të ishte arrestuar.

“Ka pasur një fat të madh policia, sepse kur është arrestuar armën nuk e kishte me vetë, e kishte lënë në makinë, sepse edhe mund të reagonte.

Edhe një element që nuk e kemi thënë, nëse ky do ta planifikonte sulmin natën ku do ishte me e lehtë do kishte gjetur më shumë persona në banesë, edhe meshkuj ata që kërkonte më shumë. Rezulton se nga të gjitha planet që mund të bënte ky person mund të kishte vrarë 8 veta, është e llogaritur të vriste  8 veta dhe frika e vetme ka qenë RENEA”, tha Karamuço.

The post Karamuço bën deklaratën e fortë: Dan Hutra kishte planifikuar të vriste 8 persona, dyshohet si vrasës me pagesë appeared first on Albeu.com.

36-vjeçari në bashkëpunim me një shqiptar tjetër i cili po vuan dënimin për vrasje në qelitë greke ka vrarë në vjeshtën e 2016 bashkatdhetarin e tij 32-vjeçar.

Ai u arratis që prej 2016-ës dhe ndaj tij kishte prej 6 vitesh një urdhër arresti nga autoritetet greke, pasi akuzohet për veprën penale bashkëpunim në vrasje. 36-vjeçari u arrestua pasditen e së mërkurës, 9 nëntor, teksa po tentonte të hynte në territorin grek nëpërmjet pikës kufitare të Kakavijës, ku policia greke kuptoi se ndaj tij kishte urdhër arresti për vrasje.

Çfarë ndodhi mbrëmjen e 12 nëntorit 2016

Mbrëmjen e 12 nëntorit 2016, një 32-vjeçar shqiptar u gjet i vdekur në makinën e tij me plagë të shkaktuara nga armë zjarri. Vrasja është hetuar nga Departamenti i Vrasjeve të Sigurimit të Atikës më 23 maj 2018 dhe është konstatuar se është kryer nga dy bashkatdhetarë të viktimës. Autori kryesor është një 31-vjeçar dhe bashkëpunëtor i tij është 36-vjeçari i cili tentoi të hynte në territorin greke gjashtë vite pas vrasjes.

Dy autorët ishin takuar në zonën e Keratsinit për të kryer vrasjen e bashkatdhetarit të tyre.
Sipas policisë greke bëhet fjalë për vrasje me pagesë, të porositur nga një shqiptra që ndodhej në burg, pasi viktima e kishte zbuluar emrin e tij në polici për një grabitje.

Por mbrëmjen e 12 nëntorit në vend që në vendin e takimit të shkonte shënjestra, kishte shkuar baxhanaku i tij, pasi ai kishte pikasi dy atentatorët teksa i ruanin banesën dhe ka dalë me automjet duke i ndjekur.

Dy vrasësit teksa kanë parë viktimën që po i ndiqte, kanë menduar se ai ishte objektivi dhe kanë hapur zjarr ndaj tij./

The post Vrau bashkëatdhetarin e tij në Greqi, merr fund arratia e vrasësit shqiptar me pagesë: Arrestohet në Kakavijë pas 6 vitesh appeared first on Albeu.com.

Krahas tij është arrestuar edhe një ushtarak, i cili ndihmonte grupin në fjalë.

The post Një polic dhe një ushtarak pjesë e grupeve kriminale: Vrasës me pagesë appeared first on Albeu.com.

Automjeti ka marrë flakë nga plumbat e shumtë duke bërë që dy viktimat të digjen brenda makinës.

Disa detaje ka dhënë edhe profesori i kriminalistikës Ervin Karamuço, i ftuar në emisionin “Radari Informativ” në ABC.

Sipas ekspertit, gjurmët që lanë autorët shërbejnë edhe për të kuptuar se për cilat grupe kriminale bëhet fjalë pasi profilet policia i disponon.

Gjithashtu Karamuço ka theksuar se policia italiane ka shtuar alarmin për vrasësit me pagesë që janë nga Shqipëria.

“Marrin porosinë, kryejnë detyrën e largohen. Ky është një problem i brendshëm që po e eksportojmë. E kemi logjistikën publike që një njeri i zakonshëm të stërvitet. Ka shumë profesionistë…janë trajnuar edhe nga mafia ruse. Krimi i organizuar këtu është në gjeneratën e tretë.”

Ervin Karamuço thotë se nuk duket si tipologji profesionistësh atentati që ndodhi mesditën e djeshme pasi rrezikuan shumë që të arrestoheshin në flagrancë.

Por si ia arrijnë autorët që gjithmonë të largohen pasi kanë kryer ekzekutime të tilla?

Ekspert i Kriminialistikës thotë se policia ka investuar në 10 automjete me radarë rrugor, por sistemi nuk është vënë në punë siç duhet.

“10 makina me radarë rrugorë, por s’janë vetëm për gjoba, janë edhe për të identifikuar edhe targat e vjedhura. Nëse do të ishin ata radarë do të ishte ishin identifikuar targat. Nuk e di pse s’i kanë vënë në funksion. Për këtë sistem është investuar dhe nuk është vënë në punë. Pritej të parandalonte shumë ngjarje kriminale.”/albeu.com

The post Ekzekutimi i trefishtë në Fushë Krujë, Karamuço: Po “eksportojmë” vrasës me pagesë edhe në Itali appeared first on Albeu.com.

Sipas dëshmitarëve që kanë qenë pranë vendit të ngjarjes ja zbuluar se si pasojë e shpërthimit të fuqishëm i cili ka qenë  i telekomanduar ka lënë të lënduar edhe një grua bashkë më fëmijën e saj të mitur që ndodheshin pranë makinës së viktimës.

Dyshohet se autorët kanë qenë vrasës me pagesë dhe se vrasja është porositur, pasi Sadikaj ishte një emër i njohur për drejtësinë shqiptare pasi ishte kapur dhe dënuar për vepra të ndryshme penale.

The post Atentati ndaj Aleksandër Sadikajt, si pasojë e shpërthimit mbetën të lënduar një grua dhe një fëmijë appeared first on Albeu.com.

Aldi Mustafa, 35 vjeç, Uran Zyka, 40 vjeç si dhe Tahir Gjinika, 33 vjeç janë paraqitur sot në sallën e gjyqit për t’u njohur me masën e sigurisë.

Këta të fundit u arrestuan gjetë një operacini të policisë dy ditë më parë.  Në momentin kur janë ndaluar nga policia ata kanë qenë duke udhëtuar me një automjet tip “BMË” që drejtohej nga Mustafa. Ata kanë tentuar të largohen duke goditur makinën e policisë por janë bllokuar nga shërbimet e tjera të uniformave blu.

Në makinë u gjetën 3 pistoleta me fishekë në fole, 1 mitraloz me fishekë në fole dhe gati për qitje, municion luftarak, 2 laptopë, 9 telefona celularë dhe 1600 euro, të cilat u sekuestruan në cilësinë e provës materiale së bashku me automjetin.

The post Do kryenin vrasje me pagesë, gjykata merr vendimin për tre të arrestuarit në Durrës appeared first on Albeu.com.

Tre të dyshuarit si vrasës me pagesë që janë arrestuar në Durrës, kanë vendosur të mos flasin me emra në momentin që janë pyetur në komisarjat.

Ata kanë vendosur të mos e zxjerrin zbuluar porositësin e vrasjes.

Gjithçka është në duart e prokurorisë tani, pasi vetëm më urdhër të tyre do të hapër laptopi që iu gjet atyre, i cili mund të ketë ndonjë informacion bazik që do i çojë organet të porositësi./albeu.com

The post Vrasësit me Pagesë të Durrësit “qepin gojën”, nuk nxjerrin porositësin! Çfarë pritet të sjellë hapja e laptopit appeared first on Albeu.com.

Ata dyshohen të kenë dekonspiruar disa operacione dhe të kenë ndihmuar porositësit e dy vrasjeve të ndodhura në vitin 2020, po në këtë qark.

Mësohet se behet fjalë për ekzekutimin e Emiljano Ramazanit dhe mikut të tij Regis Runajt.

Tre ish-oficerët e policisë që gjatë vitit të kaluar kanë qenë me detyrë në Policinë e Elbasanit dyshohet të kenë përfituar një sasi lekësh nga urdhëruesit e këtyre dy ngjarjeve.

Tashmë, çështja ndaj tyre është është referuar në Prokurorinë e Elbasanit për hetime të mëtejshme.

The post Spiunonin tek vrasësit me pagesë, nis hetimi për 3 policë në Elbasan appeared first on Albeu.com.